Milagres de Jesus

Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.

Curas de cegos e surdos

Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.

عِسَ دْنشُي قِرِن نَيَلَنقٍ

27 عِسَ تٌ كٍلِ مّننِ، دْنشُي قِرِن نَشَ بِرَ عَ قْشْ رَ، عٍ نُ عٍ شُي عِتٍ عَ بّ، «دَوُدَ شَ دِ، كِنِكِنِ مُشُ مَ!» 28 عِسَ تٌ سٌ بَنشِ، دْنشُييٍ نَشَ عٍ مَسٌ عَ رَ. عَ نَشَ عٍ مَشْرِن، «وٌ لَشِ عَ رَ عَ ﭑ نْمَ وٌ رَيَلَندٍ؟» عٍ نَشَ عَ يَابِ، «عِيٌ، مَرِفِ.» 29 عِسَ نَشَ عَ بّلّشّيٍ سَ عٍ يَ مَ، عَ عَ قَلَ عٍ بّ، «وٌ وَشْنقٍ شَ رَبَ وٌ بّ عَلْ وٌ لَشِ عَ رَ كِ نَشّ.» 30 عٍ يَيٍ نَشَ رَبِ كٍرٍن نَ. عِسَ نَشَ عَ مَتِنتِن عٍ رَ عَ شْرْشْي رَ، «مِشِ يٌ نَشَ يِ قٍ كٌلٌن.» 31 كْنْ عٍ تٌ مِنِ، عٍ نَشَ سِفَ عِسَ شَ قٍ قَلَ رَ نَ بْشِ يِرٍ بِرِن.

Mateus 9:27-31

دْنشُي قِرِن نَيَلَنقٍ يٍرِكٌ

29 عِسَ نُن عَ قْشِرَبِرّيٍ تٌ مِنِ يٍرِكٌ، حَمَ فبٍفبٍ نَشَ بِرَ عَ قْشْ رَ. 30 دْنشُي قِرِن نُ دْشْشِ كِرَ دّ رَ. عٍ تٌ عَ مّ عَ عِسَ نَ دَنفِقٍ، عٍ نَشَ عٍ شُي رَ مِنِ، «مَرِفِ، دَوُدَ شَ دِ، كِنِكِنِ مُشُ مَ!» 31 حَمَ نَشَ وْيّن عٍ مَ، عٍ شَ عٍ سَبَرِ، كْنْ عٍ حَن نَشَ عٍ شُي عِتٍ دَنفِ عَ سِنفٍ رَ، «مَرِفِ، دَوُدَ شَ دِ، كِنِكِنِ مُشُ مَ!» 32 عِسَ نَشَ تِ، عَ عٍ شِلِ، عَ عٍ مَشْرِن، «وٌ وَ مَ ﭑ شَ مُنسٍ رَبَ وٌ بّ؟» 33 عٍ نَشَ عَ يَابِ، «مَرِفِ، مُشُ وَ مَ مُشُ يَيٍ شَ سٍ تٌ.» 34 عِسَ نَشَ كِنِكِنِ عٍ مَ، عَ عَ بّلّشّ سَ عٍ يَيٍ مَ. كٍرٍن نَ، عٍ يَيٍ نَشَ سٍ تٌ، عٍ نَشَ بِرَ عِسَ قْشْ رَ.

Mateus 20:29-34

دْنشُي رَيَلَنقٍ

22 عٍ تٌ سٌ بٍتٍسَيِدَ، مِشِيٍ نَشَ قَ دْنشُي ندٍ رَ عِسَ شْن، عٍ عَ مَيَندِ عَ شَ عَ بّلّشّ سَ عَ مَ. 23 عِسَ نَشَ دْنشُي بّلّشّ سُشُ، عَ مِنِ عَ رَ تَا قَرِ مَ. عَ نَشَ عَ دّيٍ سَ عَ يَ مَ، عَ عَ بّلّشّ سَ عَ مَ، عَ قَ عَ مَشْرِن، «عِ سٍ ندٍ تٌمَ؟» 24 دْنشُي نَشَ عَ يَ رَبِ، عَ قَ عَ قَلَ، «ﭑ بَرَ مِشِيٍ تٌ حّرّ رَ، كْنْ عٍ لُشِ عَلْ وُرِ بِلِيٍ.» 25 عِسَ مَن نَشَ عَ بّلّشّ سَ عَ يَ مَ. دْنشُي تٌ عَ يَ رَبِ سْنْن، عَ نُ بَرَ يَلَن، عَ سٍ بِرِن عِفبّمَ عَ قَنيِ رَ. 26 نَ تّمُي، عِسَ نَشَ عَ قَلَ عَ بّ، «فبِلٍن عِ شْنيِ كٍرٍن نَ، هَلِ عِ مُ سٌ تَا كُي.»

Marcos 8:22-26

عِسَ تُلِشْرِ بٌبٌشِ رَيَلَنقٍ

31 عِسَ نَشَ كٍلِ تِرٍ بْشِ، عَ دَنفِ سِدْن، عَ فبِلٍن فَلِلٍ بَا مَبِرِ، تَا قُ بْشِ مَ. 32 عٍ نَشَ قَ تُلِشْرِ ندٍ رَ عَ شْن مَ، وْيّنقٍ شْرْشْشِ نَشَن مَ، عٍ عِسَ مَيَندِ عَ شَ عَ بّلّشّ سَ عَ مَ. 33 عِسَ نَشَ تُلِشْرِ تٌنفٌ حَمَ يِرٍ، عٍ سَ تِ عٍ شَتِ مَ. عِسَ نَشَ عَ بّلّشّسٌلٍيٍ رَ سٌ تُلِشْرِ تُلِيٍ كُي، عَ عَ يّتّ كَن دّيٍ سَ عَ نّنيِ مَ. 34 عَ نَشَ عَ يَ رَتٍ كٌورٍ، عَ عَ حّنفِ رَتٍ عَ بٍلٍبٍلٍ رَ. عَ قَ عَ قَلَ تُلِشْرِ بّ، «عٍقَقَتَ!» نَ نَن قَلَشِ عٍ شَ شُي، «عِ شَ رَبِ!» 35 عَ تُلِيٍ نَشَ قٍ مّ كٍرٍن نَ، عَ نّنيِ قَن نَشَ كٍلِ، عَ نَشَ وْيّن قْلْ عَ قَنيِ رَ.

36 عِسَ نَشَ عٍ يَمَرِ، عَ عٍ نَشَ يِ قٍ قَلَ مِشِ يٌ بّ. كْنْ هَلِ عِسَ تٌ نُ تْنيِ دْشْمَ عٍ مَ كِيٌكِ، عٍ تَن نُ سِفَمَ عَ شَ شِبَارُ قَلَ رَ نَن تُي. 37 عٍ نُ بَرَ كَابَ كِ قَنيِ، عٍ نُ عَ قَلَ، «عَ قٍ قَنيِ مْولِ بِرِن نَبَمَ! عَ عَ نِيَمَ تُلِشْرِ شَ قٍ مّ، بٌبٌي قَن شَ وْيّن!»

Marcos 7:31-37

عِسَ يٍرِكٌ دْنشُي رَيَلَنقٍ

46 عٍ نَشَ سٌ يٍرِكٌ. عِسَ نُن عَ قْشِرَبِرّيٍ مَن تٌ نُ كٍلِقٍ نَا، عٍ نُن حَمَ فبٍفبٍ، تِمٍيٌ شَ دِ شّمّ بَرِتِمٍيٌ نُ دْشْشِ كِرَ دّ رَ كُلّ مَتِدٍ. دْنشُي نَن نُ عَ رَ. 47 عَ تٌ عَ مّ عَ عِسَ نَسَرّتِكَ نَن نُ دَنفِقٍ نَا، عَ نَشَ سٌ عَ شِلِقٍ عَ شُي عِتٍشِ رَ، «عِسَ، دَوُدَ شَ دِ، كِنِكِنِ ﭑ مَ.» 48 حَمَ نَشَ وْيّن دْنشُي مَ عَ عَ شَ عَ سَبَرِ، كْنْ عَ حَن نَشَ عَ شُي عِتٍ دَنفِ عَ سِنفٍ رَ، عَ نُ شِلِ تِ، «دَوُدَ شَ دِ، كِنِكِنِ ﭑ مَ.» 49 عِسَ نَشَ تِ، عَ عَ قَلَ، «وٌ عَ شِلِ.» عٍ نَشَ دْنشُي شِلِ، عٍ عَ قَلَ عَ بّ، «لِمَنِيَ! كٍلِ، عِسَ نَ عِ شِلِقٍ!» 50 دْنشُي نَشَ عَ شَ دٌنمَ بِنيٍ وْلّ كٍرٍن نَ، عَ كٍلِ، عَ تُفَن، عَ سِفَ عِسَ يِرٍ. 51 عِسَ نَشَ عَ مَشْرِن، «عِ وَ مَ ﭑ شَ مُنسٍ رَبَ عِ بّ؟» دْنشُي نَشَ عَ يَابِ، «كَرَ مْشْ، ﭑ وَ مَ نّ ﭑ يَ شَ سٍ تٌ.» 52 عِسَ نَشَ عَ مَسٍن عَ بّ، «سِفَ، عِ شَ دَنشَنِيَ بَرَ عِ رَكِسِ.» عَ يَ نَشَ سٍ تٌ كٍرٍن نَ، عَ قَ بِرَ عِسَ قْشْ رَ كِرَ شْن.

Marcos 10:46-52

عِسَ يٍرِكٌ دْنشُي رَيَلَنقٍ

35 عِسَ تٌ مَكْرّ يٍرِكٌ رَ، دْنشُي ندٍ نُ دْشْشِ كِرَ دّ رَ كُلّ مَتِدٍ. 36 عَ تٌ حَمَ شُي مّ كِرَ رَ، عَ نَشَ مَشْرِنيِ تِ، «مُنسٍ رَبَشِ؟» 37 عٍ نَشَ عَ قَلَ عَ بّ، «عِسَ نَسَرّتِكَ نَن دَنفِقٍ.» 38 نَ كُي، عَ نَشَ فبٍلٍفبٍلٍ، «عِسَ، دَوُدَ شَ دِ، كِنِكِنِ ﭑ مَ!» 39 مِشِ نَشٍيٍ نُ يَرٍ، عٍ نَشَ وْيّن عَ مَ عَ عَ شَ سَبَرِ، كْنْ عَ تَن حَن نَشَ سٌ عَ شُي عِتٍقٍ دَنفِ سِنفٍ رَ، «دَوُدَ شَ دِ، كِنِكِنِ ﭑ مَ!»

40 عِسَ نَشَ تِ، عَ عَ قَلَ مِشِيٍ بّ عٍ شَ قَ دْنشُي رَ عَ شْن. دْنشُي تٌ عَ مَسٌ عَ رَ، عِسَ نَشَ عَ مَشْرِن، 41 «عِ وَ مَ ﭑ شَ مُنسٍ رَبَ عِ بّ؟» عَ نَشَ عَ يَابِ، «مَرِفِ، ﭑ وَ مَ ﭑ يَ شَ سٍ تٌ.» 42 عِسَ نَشَ عَ مَسٍن عَ بّ، «سٍ تٌ. عِ شَ دَنشَنِيَ بَرَ عِ رَيَلَن.» 43 عَ يَ نَشَ سٍ تٌ كٍرٍن نَ، عَ قَ بِرَ عِسَ قْشْ رَ عَلَ مَتْشْ رَ. حَمَ بِرِن تٌ نَ تٌ، عٍ قَن نَشَ عَلَ مَتْشْ.

Lucas 18:35-43

عِسَ دْنشُي يَ رَبْوقٍ

1 عِسَ تٌ نُ كِرَ شْن، عَ نَشَ دْنشُي ندٍ تٌ نَشَن بَرِشِ دْنشُيَ كُي. 2 عَ قْشِرَبِرّيٍ نَشَ عَ مَشْرِن، «كَرَ مْشْ، ندٍ شَ يُنُبِ عَ نِيَشِ يِ شّمّ شَ بَرِ عَ دْنشُشِ، عَ تَن كَ عَ بَرِ مِشِيٍ؟» 3 عِسَ نَشَ عٍ يَابِ، «عَ شَ يُنُبِ مُ عَ رَ، عَ بَرِ مِشِيٍ قَن فبٍ مُ عَ رَ. عَ رَبَشِ نّ عَلَكٌ عَلَ شَ وَلِ شَ مَكّنّن عَ شَ قٍ كُي. 4 قَننِ كُيٍ عِبَشِ، قٌ وٌن شَ ﭑ شّيمَ شَ وَلِ رَبَ، بَرِ مَ كْي نَ قَقٍ. عَ نَ سٌ، مِشِ مُ نْمَ وَلِدٍ سْنْن. 5 ﭑ تٌ نَ دُنِحَ مَ يِ كِ، ﭑ تَن نَن نَ دُنِحَ نَءِيَلَنيِ رَ.»

6 عَ نَ قَلَ شَنبِ، عِسَ نَشَ دّيٍ بْشُن بْشِ، عَ بّندّ يٌفٌن عَ رَ. عَ نَشَ نَ مَسٌ دْنشُي يَ مَ، 7 عَ قَ عَ قَلَ عَ بّ، «سَ عِ يَ رَشَ سِلْمُ يٍ يِرٍ.» نَ سِلْمُ شِلِ نَن قَلَشِ عٍ شَ شُي، «شّيرَ». نَ كُي، دْنشُي نَشَ سَ عَ يَ رَشَ، عَ فبِلٍن، عَ يَ سٍ تٌمَ.

João 9:1-7

Curas de paralíticos e enfermos

Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.

2 كُنّ كَنيِ ندٍ نَشَ عَ مَسٌ عِسَ رَ، عَ سُيِدِ عَ بّ، عَ عَ قَلَ عَ بّ، «ﭑ مَرِفِ، شَ عِ تِن، عِ نْمَ ﭑ نَسّنِيّندٍ.» 3 عِسَ نَشَ عَ بّلّشّ عِتَلَ، عَ عَ سَ كُنّ كَنيِ مَ، عَ عَ قَلَ عَ بّ، «ﭑ تِنشِ. قِندِ مِشِ سّنِيّنشِ رَ.» كُنّ قُرٍ نَشَ بَ عَ مَ كٍرٍن نَ. 4 عِسَ مَن نَشَ عَ مَسٍن عَ بّ، «عِ نَشَ يِ قٍ قَلَ مِشِ يٌ بّ. سِفَ عِ سَ عِ يّتّ دّنتّفّ سّرّشّدُبّ بّ، عِ سّرّشّ بَ عَلْ عَننَبِ مُنسَ عَ يَمَرِشِ كِ نَشّ. نَ قِندِ مَ سٍيدٍحْشْيَ نَن نَ عٍ بّ.»

Mateus 8:2-4

2 مِشِ ندٍيٍ نَشَ قَ نَمَتّ ندٍ رَ عِسَ شْن مَ، عَ سَشِ دَفِ مَ. عِسَ تٌ عٍ شَ دَنشَنِيَ تٌ، عَ نَشَ عَ قَلَ نَمَتّ بّ، «ﭑ مَ دِ، لِمَنِيَ تٌنفٌ، عِ شَ يُنُبِيٍ بَرَ شَقَرِ.» 3 نَ كُي، سّرِيّ كَرَ مْشْ ندٍيٍ نَشَ عَ قَلَ عٍ بْحّ مَ، «يِ شّمّ نَ عَلَ رَ سْتْقٍ نّ يِ كِ.» 4 كْنْ عِسَ تٌ نُ عٍ شَ مَحْشُنيِ كٌلٌن، عَ نَشَ عَ مَسٍن عٍ بّ، «مُنقٍ رَ مَحْشُنيِ كٌبِيٍ نَ وٌ بْحّ مَ؟ 5 وْيّنيِ مُندُن سْونّيَ، عَ قَلَقٍ ‹عِ شَ يُنُبِيٍ بَرَ شَقَرِ،› كَ عَ قَلَقٍ ‹كٍلِ، عِ شَ عِ حّرّ›؟ 6 ﭑ شَ عَ مَسٍن وٌ بّ عَ عَدَ مَ شَ دِ نْمَ يُنُبِ شَقَرِدٍ دُنِحَ مَ.» عِسَ نَشَ عَ مَسٍن نَمَتّ بّ، «كٍلِ، عِ شَ عِ شَ دَفِ تٌنفٌ، عِ شَ سِفَ عِ شْنيِ.» 7 نَمَتّ نَشَ كٍلِ، عَ سِفَ عَ شْنيِ.

Mateus 9:2-7

10 عَ نَشَ شّمّ ندٍ لِ نَا، نَشَن بّلّشّ تُوشِ عَ مَ. عٍ نَشَ عِسَ مَشْرِن، «عَ دَشَ مِشِ شَ قُرٍ مَ رَيَلَن مَلَبُ لْشْي؟» عٍ نُ كَتَقٍ نّ عٍ شَ نْ عِسَ كَلَمُدٍ. 11 عِسَ نَشَ عٍ يَابِ، «شَ وٌ شَ يّشّي ندٍ سِن يِلِ كُي مَلَبُ لْشْي مَ، ندٍ نَ وٌ يَ مَ نَشَن تٌندِ مَ عَ رَتٍدٍ؟ 12 عَدَ مَ تِدٍ فبٌ دَنفِ يّشّي رَ ثٌن! نَ نَن عَ رَ، قٍ قَنيِ رَبَقٍ دَشَ مَلَبُ لْشْي مَ.» 13 نَ كُي، عَ نَشَ عَ قَلَ بّلّشّ تُوشِ كَنيِ بّ، «عِ بّلّشّ عِتَلَ.» عَ نَشَ عَ عِتَلَ، عَ نَشَ يَلَن عَلْ عَ بّلّشّ بٌورٍ.

Mateus 12:10-13

30 سِمْن بِتَنيِ فِنّمَ نُ سَشِ، عَ قَتٍ وٌلٍنشِ. عٍ نَشَ عَ شَ قٍ قَلَ عِسَ بّ كٍرٍن نَ. 31 عِسَ نَشَ عَ مَسٌ فِنّ رَ، عَ عَ بّلّشّ سُشُ، عَ عَ رَكٍلِ. قُرٍ نَشَ عَ بّحِن، عَ نَشَ عٍ بُن تِ قْلْ.

Marcos 1:30,31

كُنّ كَنيِ رَيَلَنقٍ

40 كُنّ كَنيِ ندٍ نَشَ قَ عِسَ يِرٍ، عَ عَ شِنبِ سِن عَ بُن مَ، عَ عَ مَيَندِ، «شَ عِ تِن، عِ نْمَ ﭑ نَسّنِيّندٍ.» 41 عِسَ نَشَ كِنِكِنِ عَ مَ. عَ نَشَ عَ بّلّشّ عِتَلَ، عَ عَ سَ كُنّ كَنيِ مَ، عَ عَ قَلَ عَ بّ، «ﭑ تِنشِ. عِ شَ سّنِيّن.» 42 كُنّ قُرٍ نَشَ بَ شّمّ مَ كٍرٍن نَ، عَ نَشَ سّنِيّن.

Marcos 1:40-42

3 مِشِ ندٍيٍ نَشَ قَ نَمَتّ رَ عِسَ شْن. شّمّ نَانِ نَن نُ عَ شَنِنقٍ. 4 كْنْ حَمَ تٌ نُ فبٌ، عٍ مُ نُ نْمَ عٍ مَكْرّدٍ عِسَ رَ. نَ كُي، عٍ نَشَ بَنشِ قَرِ يِرٍ ندٍ مَبَ عِسَ يَءِلَنيِ. عٍ نَشَ نَمَتّ رَفٌرٌ مّننِ رَ عَ شَ سَدٍ قَرِ. 5 عِسَ تٌ عٍ شَ دَنشَنِيَ تٌ، عَ نَشَ عَ قَلَ نَمَتّ بّ، «ﭑ مَ دِ، عِ شَ يُنُبِيٍ بَرَ شَقَرِ.» 6 سّرِيّ كَرَ مْشْ ندٍيٍ نُ دْشْشِ نَا، عٍ نَشَ عٍ شَشِلِ رَحّرّ، 7 «يِ وْيّنمَ يِ مْولِ رَ مُنقٍ رَ؟ عَ نَ عَلَ رَ سْتْقٍ نّ يِ كِ! ندٍ نْمَ يُنُبِيٍ شَقَرِدٍ، بَقٍ عَلَ كٍرٍن نَ؟» 8 عِسَ نَشَ عٍ شَ مَحْشُنيِ كٌلٌن عَ شَشِلِ مَ كٍرٍن نَ. عَ نَشَ عَ قَلَ عٍ بّ، «مُنقٍ رَ يِ مَحْشُنيِ مْولِ نَ وٌ بْحّ مَ؟ 9 وْيّنيِ مُندُن سْونّيَ، عَ قَلَقٍ يِ نَمَتّ بّ، ‹عِ شَ يُنُبِيٍ بَرَ شَقَرِ،› كَ عَ قَلَقٍ عَ بّ، ‹كٍلِ، عِ شَ سَدٍ تٌنفٌ، عِ حّرّ›؟ 10 ﭑ شَ عَ مَسٍن وٌ بّ عَ عَدَ مَ شَ دِ نْمَ يُنُبِ شَقَرِدٍ دُنِحَ مَ.» عِسَ نَشَ عَ مَسٍن نَمَتّ بّ، 11 «ﭑ نَشّ عِ بّ، كٍلِ، عِ عِ شَ سَدٍ تٌنفٌ، عِ سِفَ عِ شْنيِ.» 12 عَ نَشَ كٍلِ كٍرٍن نَ، عَ عَ شَ سَدٍ تٌنفٌ، عَ مِنِ بِرِن يَ شْرِ. حَمَ بِرِن دّ نَشَ عِشَرَ، عٍ نُ قَ عَلَ مَتْشْ، «هَن تٌ مُشُ سِنفٍ مُ نُ يِ حْندْن تٌ.»

Marcos 2:3-12

قٍ قَنيِ رَبَقٍ مَلَبُ لْشْي مَ

1 عِسَ مَن نَشَ سٌ سَلِدٍ كُي. عَ نَشَ شّمّ ندٍ لِ نَا، نَشَن بّلّشّ تُوشِ عَ مَ. 2 قَرِ سّنِيٍ نُ عٍ يَ تِشِ عِسَ رَ عٍ شَ عَ مَتٌ شَ عَ عَ رَيَلَنمَ مَلَبُ لْشْي مَ، عَلَكٌ عٍ شَ نْ عَ كَلَمُدٍ قٍ ندٍ مَ. 3 عِسَ نَشَ عَ قَلَ شّمّ بّ نَشَن بّلّشّ تُوشِ عَ مَ، «كٍلِ، عِ قَ تِ بٍ، حَمَ تَفِ.» 4 عَ نَشَ عٍ مَشْرِن، «عَ دَشَ قٍ قَنيِ نَن شَ رَبَ مَلَبُ لْشْي، كَ قٍ حَاشِ؟ نِي رَكِسِقٍ نَن دَشَ كَ نِي سْنتْقٍ؟» كْنْ مِشِ يٌ مُ عَ يَابِ. 5 عِسَ شْنْشِ نَشَ عٍ مَتٌ، عَ بْحّ تْورْشِ كِ قَنيِ بَرِ مَ كِنِكِنِتَرٍ نَن نُ عٍ رَ. عَ نَشَ عَ قَلَ شّمّ بّ نَشَن بّلّشّ تُوشِ عَ مَ، «عِ بّلّشّ عِتَلَ.» عَ نَشَ عَ عِتَلَ، عَ بّلّشّ نَشَ يَلَن.

Marcos 3:1-5

كُنّ كَنيِ رَيَلَنقٍ

12 عِسَ تٌ نُ نَ تَا ندٍ كُي، عَ نَشَ شّمّ ندٍ لِ نَا، كُنّ دِنشِ عَ قَتٍ بِرِن نَ. عَ تٌ عِسَ تٌ، عَ نَشَ عَ يَتَفِ رَقٍلٍن بْشِ مَ، عَ عَ مَيَندِ، «ﭑ مَرِفِ، شَ عِ تِن، عِ نْمَ ﭑ نَسّنِيّندٍ.» 13 عِسَ نَشَ عَ بّلّشّ عِتَلَ، عَ عَ سَ كُنّ كَنيِ مَ، عَ عَ قَلَ عَ بّ، «ﭑ تِنشِ. قِندِ مِشِ سّنِيّنشِ رَ.» كُنّ قُرٍ نَشَ عَ بّحِن كٍرٍن نَ.

Lucas 5:12,13

18 نَ تّمُي، مِشِ ندٍيٍ نَشَ قَ نَمَتّ ندٍ رَ، عَ سَشِ سَدٍ مَ. عٍ نُ كَتَقٍ نّ عٍ شَ قَ عَ سَ عِسَ بُن، 19 كْنْ حَمَ شَ قٍ نَشَ عَ نِيَ عٍ مُ نْ سٌدٍ عَ رَ. نَ كُي، عٍ نَشَ تٍ بَنشِ قَرِ، عٍ عَ قَرِ يِرٍ ندٍ مَبَ، عٍ قَ نَمَتّ رَفٌرٌ مّننِ رَ، عَ سَشِ عَ شَ سَدٍ قَرِ، عَ فٌرٌ حَمَ تَفِ عِسَ يَ عِ. 20 عِسَ تٌ عٍ شَ دَنشَنِيَ تٌ، عَ نَشَ عَ قَلَ نَمَتّ بّ، «ﭑ بٌورٍ، عِ شَ يُنُبِيٍ بَرَ شَقَرِ عِ بّ.» 21 قَرِ سّنِيٍ نُن سّرِيّ كَرَ مْشْيٍ نَشَ سٌ عٍ مَحْشُنقٍ، «ثٍ، ندٍ يِ رَ، عَ تٌ عَلَ رَ سْتْمَ يِ كِ؟ ندٍ نْمَ يُنُبِيٍ شَقَرِدٍ، بَقٍ عَلَ كٍرٍن نَ؟»

22 عِسَ تٌ عٍ شَ مَحْشُنيِ كٌلٌن، عَ نَشَ عٍ مَشْرِن، «مُنقٍ رَ يِ مَحْشُنيِ مْولِ نَ وٌ بْحّ مَ؟ 23 وْيّنيِ مُندُن سْونّيَ، عَ قَلَقٍ ‹عِ شَ يُنُبِيٍ بَرَ شَقَرِ،› كَ عَ قَلَقٍ ‹كٍلِ، عِ حّرّ›؟ 24 ﭑ شَ عَ مَسٍن وٌ بّ عَ عَدَ مَ شَ دِ نْمَ يُنُبِ شَقَرِدٍ دُنِحَ مَ.» عَ نَشَ قَ عَ قَلَ نَمَتّ بّ، «ﭑ نَشّ عِ بّ، كٍلِ، عِ شَ سَدٍ تٌنفٌ، عِ شَ سِفَ عِ شْنيِ.»

25 نَمَتّ نَشَ كٍلِ مِشِيٍ يَ شْرِ كٍرٍن نَ. عَ نَشَ سٍ تٌنفٌ عَ نُ سَشِ نَشَن مَ، عَ قَ سِفَ عَ شْنيِ عَلَ مَتْشْ رَ.

Lucas 5:18-25

6 مَلَبُ لْشْي فبّتّ مَ، عِسَ مَن نَشَ سٌ سَلِدٍ كُي، عَ مِشِيٍ كَوَندِ. عَ نَشَ شّمّ ندٍ لِ نَا، نَشَن يِرٍ قَن بّلّشّ تُوشِ عَ مَ. 7 قَرِ سّنِيٍ نُن سّرِيّ كَرَ مْشْيٍ نُ عٍ يَ تِشِ عِسَ رَ عٍ شَ عَ مَتٌ شَ عَ مِشِ رَيَلَنمَ مَلَبُ لْشْي مَ، عَلَكٌ عٍ شَ نْ عَ كَلَمُدٍ قٍ ندٍ مَ. 8 كْنْ عِسَ تٌ نُ عٍ شَ مَحْشُنيِ كٌلٌن، عَ نَشَ عَ قَلَ شّمّ بّ نَشَن بّلّشّ تُوشِ عَ مَ، «كٍلِ، عِ قَ تِ بٍ حَمَ تَفِ.» عَ نَشَ كٍلِ، عَ تِ.

9 عِسَ نَشَ عَ مَسٍن عٍ بّ، «ﭑ شَ وٌ مَشْرِن. عَ دَشَ قٍ قَنيِ نَن شَ رَبَ مَلَبُ لْشْي مَ، كَ قٍ حَاشِ؟ نِي رَكِسِقٍ نَن دَشَ كَ نِي سْنتْقٍ؟» 10 عَ تٌ فّ عَ يَ رَحّرّدٍ مِشِ بِرِن كَنكٍ مَ، عَ نَشَ عَ قَلَ نَ شّمّ بّ، «عِ بّلّشّ عِتَلَ.» عَ نَشَ عَ عِتَلَ، عَ بّلّشّ نَشَ يَلَن.

Lucas 6:6-10

سْورِ شُنمَتِ شَ دَنشَنِيَ

1 عِسَ تٌ فّ عَ شَ مَسٍنيِ بِرِن تِدٍ حَمَ بّ، عَ نَشَ سٌ كَثّرّنَمُ. 2 سْورِ مِشِ كّمّ شُنمَتِ ندٍ نُ نَ نَا، نَشَن مَ كٌنيِ شّمّ ندٍ نُ قُرَشِ، عَ فبٍ مُ نُ لُشِ عَ شَ قَشَ. كٌنيِ نَن نُ عَ رَ نَشَن نُ رَقَن عَ مَرِفِ مَ كِ قَنيِ. 3 سْورِ شُنمَتِ تٌ عِسَ شَ قٍ مّ، عَ نَشَ يُوِقِ كُنتِفِ ندٍيٍ شّي عِسَ شْن، عَ شَ قَ عَ شَ كٌنيِ رَيَلَن. 4 يُوِقِ كُنتِفِيٍ تٌ عِسَ يِرٍ لِ، عٍ نَشَ عَ مَيَندِ كِ قَنيِ، عٍ عَ قَلَ، «مِشِ نَ عَ رَ، عَ لَن نّ عِ شَ يِ قٍ رَبَ عَ بّ، 5 بَرِ مَ وٌن سِ رَقَن عَ مَ. عَ تَن نَن سَلِدٍ تِشِ مُشُ بّ.»

6 عِسَ نَشَ بِرَ عٍ قْشْ رَ. عَ تٌ مَكْرّ بَنشِ رَ، نَ سْورِ مِشِ كّمّ شُنمَتِ نَشَ عَ بٌورٍ ندٍيٍ شّي عٍ شَ عَ قَلَ عَ بّ، «مَرِفِ، عِ نَشَ عِ يّتّ تْورْ، بَرِ مَ نَ بِنيّ مُ نَ ﭑ يِ رَ عِ تَن شَ سٌ ﭑ مَ بَنشِ كُي. 7 نَ نَن عَ نِيَ، ﭑ حَن مُ تِن ﭑ يّتّ شَ قَ عِ شْن. عِ شَ يَامَرِ فبَنسَن نَن قِ، ﭑ مَ كٌنيِ شَ يَلَن. 8 ﭑ عَ كٌلٌن بَرِ مَ ﭑ قَن نَ مَنفّ ندٍيٍ شَ يَامَرِ بُن مَ، سْورِ ندٍيٍ مَن نَ ﭑ يِ، نَشٍيٍ نَ ﭑ قَن مَ يَامَرِ بُن مَ. ﭑ نَ عَ قَلَ سْورِ ندٍ بّ، ‹سِفَ،› عَ سِفَمَ نّ. ﭑ نَ عَ قَلَ، ‹قَ،› عَ قَمَ نّ. ﭑ نَ ﭑ مَ كٌنيِ ندٍ يَمَرِ، ‹يِ قٍ رَبَ،› عَ عَ رَبَمَ نّ.»

9 عِسَ تٌ عَ شَ وْيّنيِ مّ، عَ نَشَ كَابَ عَ شَ قٍ مَ. عَ نَشَ عَ يَ رَقِندِ حَمَ مَ نَشَن نُ بِرَشِ عَ قْشْ رَ، عَ عَ مَسٍن عٍ بّ، «ﭑ شَ عَ قَلَ وٌ بّ، ﭑ مُ يِ دَنشَنِيَ مْولِ تٌشِ هَلِ عِسِرَيِلَ بْشِ مَ.» 10 شّيرَيٍ تٌ فبِلٍن سْورِ شُنمَتِ شْنيِ، عٍ نَشَ كٌنيِ لِ، عَ يَلَنشِ.

Lucas 7:1-10

11 عَ نَشَ فِنّ ندٍ لِ نَا حِننّ نُ بَرَ نَشَن كُنتِن عَ رَ. كَبِ حّ قُ نُن سٌلٌمَسَشَن عَ مُ نُ نْمَ عَ رَكٍلِدٍ قٍوٌ! 12 عِسَ تٌ عَ تٌ، عَ نَشَ عَ شِلِ، عَ عَ قَلَ عَ بّ، «ﭑ نفَ، عِ بَرَ قُلُن يِ قُرٍ مَ تٌ.» 13 عِسَ تٌ عَ بّلّشّ سَ عَ مَ، فِنّ نَشَ عَ رَكٍلِ كٍرٍن نَ، عَ سٌ عَلَ مَتْشْقٍ.

Lucas 13:11-13

عِسَ مِشِ رَيَلَنقٍ مَلَبُ لْشْي مَ

1 مَلَبُ لْشْ ندٍ مَ، عِسَ تٌ نُ عَ دّفٍقٍ قَرِ سّنِ كُنتِفِ ندٍ شْنيِ، عٍ بِرِن نُ عِسَ رَبّنقٍ نّ. 2 شّمّ ندٍ نُ نَ نَا نَشَن قَتٍ نُ مَقُنتُشِ. 3 نَ كُي، عِسَ نَشَ قَرِ سّنِيٍ نُن سّرِيّ لْننِلَيٍ مَشْرِن، «عَ دَشَ كَ عَ مُ دَشَ قُرٍ مَ شَ رَيَلَن مَلَبُ لْشْي مَ؟» 4 كْنْ عٍ مُ سٍسٍ قَلَ. عِسَ نَشَ عَ بّلّشّ سَ قُرٍ مَ مَ، عَ عَ رَيَلَن، عَ عَ رَفبِلٍن عَ شْنيِ.

Lucas 14:1-4

عِسَ كُنّ كَنيِ قُ رَيَلَنقٍ

11 عِسَ تٌ نُ دَرِ سَلَمُ كِرَ شْن، عَ نَشَ دَنفِ سَمَرِ نُن فَلِلٍ بْشِ تَفِ. 12 عَ تٌ سٌ تَا ندٍ كُي، كُنّ كَنيِ قُ نَشَ قَ عَ شْن. عٍ نَشَ سَ تِ عٍ ندٍدِ مَكُيَشِ عَ رَ، 13 عٍ عٍ شُي عِتٍ عَ بّ، «كَرَ مْشْ عِسَ، كِنِكِنِ مُشُ مَ!» 14 عَ تٌ عٍ تٌ، عَ نَشَ عَ قَلَ عٍ بّ، «وٌ سِفَ، وٌ سَ وٌ يّتّ مَسٍن سّرّشّدُبّيٍ بّ.» نَ كُي، عٍ نُ سِفَقٍ تّمُي نَشّ، عٍ نَشَ يَلَن. 15 نَ تّمُي، مِشِ كٍرٍن عٍ يَ مَ، عَ تٌ عَ تٌ عَ يَلَنشِ، عَ نَشَ فبِلٍن عَلَ مَتْشْ رَ عَ شُي عِتٍشِ رَ. 16 عَ نَشَ سُيِدِ عِسَ بّ، عَ عَ تَنتُ. سَمَرِكَ نَن نُ عَ رَ. 17 عِسَ نَشَ عَ قَلَ عَ بّ، «مِشِ قُ شَ مُ رَيَلَن؟ نَ سٌلٌمَنَانِيٍ تَن فٌ؟ 18 مِشِ يٌ مُ فبِلٍن عَلَ تَنتُدٍ قٌ يِ سَمَرِكَ؟» 19 عِسَ نَشَ عَ قَلَ عَ بّ، «كٍلِ، عِ سِفَ. عِ شَ دَنشَنِيَ بَرَ عِ رَكِسِ.»

Lucas 17:11-19

عِسَ نَمَتّ رَيَلَنقٍ

1 نَ دَنفِ شَنبِ، يُوِقِيٍ شَ سَلِ ندٍ تٌ عَ لِ، عِسَ نَشَ تٍ دَرِ سَلَمُ. 2 يٍ يِرٍ ندٍ نُ نَ دَرِ سَلَمُ، نَشَن شِلِ بٍتٍسٍدَ عٍبُرُ شُي. عَ نُ نَ تَا نَادّ شُنفبٍ نَن قّ مَ، نَشَن شِلِ شُرُ سٍيٍ نَادّ. لٍيلٍ سُولِ نَن نُ نَ نَ يٍ يِرٍ. 3,4 قُرٍ مَ وُيَشِ نُ سَشِ نَ لٍيلٍيٍ بُن مَ، عَلْ دْنشُييٍ، نَمَتّيٍ، نُن نَشٍيٍ سَلٌنيِيٍ بِرِن تُوشِ عَ مَ. 5 شّمّ ندٍ نُ نَ نَا، نَشَن نُ نَمَتَشِ كَبِ حّ تٌنفٌ سَشَن نُن سٌلٌمَسَشَن. 6 عِسَ تٌ نُ عَ كٌلٌن عَ يِ شّمّ نُ بَرَ بُ عَ نَمَتَشِ رَ، عَ تٌ عَ سَشِ تٌ، عَ نَشَ عَ مَشْرِن، «عِ وَ مَ عَ شْن عِ شَ يَلَن؟» 7 نَمَتّ نَشَ عَ يَابِ، «مَرِفِ، يٍ نَ عِمَشَ، مِشِ يٌ مُ نَ نَشَن ﭑ نَفٌرٌ مَ عَ شْورَ. بٍينُن ﭑ تَن شَ يٍ يِرٍ لِ، مِشِ فبّتّ بَرَ فٌرٌ عَ شْورَ.» 8 عِسَ نَشَ عَ قَلَ عَ بّ، «كٍلِ، عِ عِ شَ دَفِ تٌنفٌ، عِ عِ حّرّ.» 9 عَ نَشَ يَلَن كٍرٍن نَ. عَ نَشَ عَ شَ دَفِ تٌنفٌ، عَ عَ حّرّ.

نَ لْشْي تٌ نُ قِندِشِ مَلَبُ لْشْي نَن نَ،

João 5:1-9

46 نَ كُي، عِسَ مَن نَشَ سٌ كَانَ، فَلِلٍ بْشِ مَ، عَ يٍ مَقِندِ وّنِ رَ دّننَشّ. مَنفّ شَ وَلِكّ شُنفبٍ ندٍ نُ نَ نَا، نَشَن شَ دِ نُ قُرَشِ كَثّرّنَمُ. 47 عَ تٌ عَ مّ عَ عِسَ بَرَ قَ فَلِلٍ كٍلِقٍ يُدَيَ، عَ نَشَ سِفَ عَ يِرٍ، عَ عَ مَشَندِ عَ شَ قَ عَ شَ دِ شّمّ رَيَلَن نَشَن نُ سَشِ سَيَ قُرٍ مَ. 48 عِسَ نَشَ عَ قَلَ عَ بّ، «وٌ تَن مُ دَنشَنِيَمَ قٍوٌ، قٌ وٌ تْنشُمَيٍ نُن كَابَنَكٌي تٌ!» 49 مَنفّ شَ وَلِكّ نَشَ عَ مَيَندِ، «مَرِفِ، تَلُ ﭑ شْنيِ بٍينُن ﭑ مَ دِ شَ قَشَ!» 50 عِسَ نَشَ عَ يَابِ، «سِفَ، عِ شَ دِ بَرَ كِسِ.» نَ وَلِكّ نَشَ لَ عِسَ شَ مَسٍنيِ رَ، عَ نَشَ سِفَ. 51 عَ نُ نَ فبِلٍنقٍ تّمُي نَشّ، عَ شَ كٌنيِيٍ نَشَ عَ رَلَن، عٍ عَ قَلَ عَ بّ، «عِ شَ دِ بَرَ كِسِ!» 52 عَ قَن نَشَ عٍ مَشْرِن، «عَ قِسَ مُن تّمُي؟» عٍ نَشَ عَ يَابِ، «عَ قَتٍ شِنبٍلِشِ شٌرٌ يَنيِ تَفِ حْندْن.» 53 نَ دِ بَبَ نَشَ عَ كٌلٌن عَ شَ دِ يَلَن قْلْ كَبِ عِسَ عَ قَلَ عَ بّ تّمُي نَشّ، «عِ شَ دِ بَرَ كِسِ.» نَ نَن عَ رَ، نَ شّمّ نُن عَ شَ دٍنبَيَ بِرِن نَشَ دَنشَنِيَ عِسَ مَ.

54 نَ نَشَ قِندِ عِسَ شَ تْنشُمَ مَكَابَشِ قِرِن ندٍ رَ. عَ عَ رَبَ فَلِلٍ نّ، عَ تٌ فبِلٍن كٍلِقٍ يُدَيَ.

João 4:46-54

A mulher com fluxo de sangue

Uma mulher que sofria há doze anos tocou a orla do manto de Jesus e foi curada instantaneamente pela sua fé.

20 نَ تّمُي، فِنّ ندٍ نَشَن شَ كِكٍ وَلِ مُ نُ عَ عِتِمَ حّ قُ نُن قِرِن بُن مَ، عَ نَشَ قَ عِسَ شَنبِ رَ، عَ عَ بّلّشّ دِن عَ شَ دٌنمَ سَنبُنيِ رَ، 21 بَرِ مَ عَ نُ عَ قَلَقٍ عَ يّتّ مَ، «شَ ﭑ نْ ﭑ بّلّشّ دِندٍ عِسَ شَ دٌنمَ فبَنسَن نَ، ﭑ يَلَنمَ نّ.» 22 عِسَ تٌ عَ مَقِندِ، عَ فِنّ تٌ، عَ نَشَ عَ قَلَ عَ بّ، «ﭑ مَ دِ، لِمَنِيَ، عِ شَ دَنشَنِيَ بَرَ عِ رَيَلَن.» كٍرٍن نَ، فِنّ نَشَ يَلَن.

Mateus 9:20-22

25 فِنّ ندٍ نُ نَ عٍ يَ مَ نَشَن شَ كِكٍ وَلِ مُ نُ عَ عِتِمَ حّ قُ نُن قِرِن بُن مَ. 26 عَ نُ بَرَ تْورْ سٍرِبَ وُيَشِ يِ، عَ عَ هَرِفٍ بِرِن سٌ عٍ يِ رَ، كْنْ عَ مُ قِسَ. عَ شَ قُرٍ شُن نُ مَسَمَ نَن تُي. 27 عَ تٌ نُ بَرَ عِسَ شَ قٍ مّ، عَ نَشَ سٌ حَمَ تَفِ، عَ قَ عِسَ شَنبِ رَ، عَ عَ بّلّشّ دِن عَ شَ دٌنمَ رَ. 28 بَرِ مَ عَ نُ بَرَ عَ قَلَ عَ يّتّ بّ، «شَ ﭑ نْ ﭑ بّلّشّ دِندٍ عِسَ شَ دٌنمَ رَ فبَنسَن، ﭑ يَلَنمَ نّ.» 29 عَ شَ كِكٍ وَلِ نَشَ دَن كٍرٍن نَ، عَ نَشَ عَ كٌلٌن عَ قَتٍ مَ عَ عَ بَرَ يَلَن.

Marcos 5:25-29

43 فِنّ ندٍ نُ نَ عٍ يَ مَ نَشَن شَ كِكٍ وَلِ مُ نُ عَ عِتِمَ حّ قُ نُن قِرِن بُن مَ، مِشِ يٌ مُ نْ عَ دَندَندٍ. 44 نَ فِنّ نَشَ قَ عِسَ شَنبِ رَ، عَ عَ بّلّشّ دِن عَ شَ دٌنمَ سَنبُنيِ رَ. كٍرٍن نَ، عَ شَ كِكٍ وَلِ نَشَ دَن. 45 عِسَ نَشَ مَشْرِنيِ تِ، «ندٍ دِنشِ ﭑ نَ؟» بِرِن تٌ عَ قَلَ عَ عٍ تَن مُ عَ رَ، ثِيّرِ نَشَ عَ قَلَ عِسَ بّ، «كَرَ مْشْ، حَمَ عِ رَبِلِنشِ، بِرِن نَن عِ شّتّنقٍ!» 46 كْنْ عِسَ نَشَ عَ مَسٍن، «مِشِ ندٍ بَرَ دِن ﭑ نَ، بَرِ مَ ﭑ عَ كٌلٌن سّنبّ ندٍ بَرَ مِنِ ﭑ قَتٍ.» 47 فِنّ تٌ عَ كٌلٌن عَ عَ مُ نُ نْمَ عَ نْشُندٍ، عَ نَشَ قَ عَ سّرّنمَ، عَ سُيِدِ عِسَ بّ. عَ عَ بّلّشّ دِنشِ عَ رَ قٍ نَشَن مَ، عَ مَن يَلَنشِ عَ عِكْرّشِ رَ كِ نَشّ، عَ نَشَ نَ بِرِن تَفِ رَبَ حَمَ يَ شْرِ. 48 عِسَ نَشَ عَ مَسٍن عَ بّ، «ﭑ مَ دِ فِنّ، عِ شَ دَنشَنِيَ بَرَ عِ رَيَلَن. سِفَ بْحّسَ كُي.»

Lucas 8:43-48

Ressurreições

Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.

نُن فِنّ فبّتّ رَيَلَنقٍ

18 عِسَ تٌ نُ نَ نَ قٍيٍ مَسٍنقٍ عٍ بّ، مَنفّ ندٍ نَشَ قَ، عَ سُيِدِ عِسَ بّ، عَ عَ قَلَ عَ بّ، «ﭑ مَ دِ فِنّ بَشِ قَشَدٍ يَ، كْنْ شَ عِ سِفَ، عِ نَشَ عِ بّلّشّ سَ عَ مَ، عَ مَن كٍلِمَ نّ.» 19 عِسَ نَشَ كٍلِ، عٍ نُن عَ قْشِرَبِرّيٍ نَشَ بِرَ نَ مَنفّ قْشْ رَ.

Mateus 9:18,19

23 عِسَ تٌ سٌ مَنفّ شْنيِ، عَ نَشَ حَمَ لِ نَا، عٍ سْنشْقٍ، شُلٍ قٍمَيٍ قَن بَرَ قَ حْن يِرٍ. عَ نَشَ عَ قَلَ عٍ بّ، 24 «وٌ سِفَ، بَرِ مَ يِ فِنّدِ مّدِ مُ قَشَشِ. عَ نَ شِقٍ نّ.» عٍ نَشَ يٌ عَ مَ، عٍ عَ مَيٍلٍ. 25 عَ تٌ حَمَ رَ مِنِ تَندٍ، عَ نَشَ سٌ بَنشِ كُي. عَ نَشَ فِنّدِ مّدِ بّلّشّ سُشُ، فِنّدِ مّدِ نَشَ كٍلِ.

Mateus 9:23-25

22 سَلِدٍ يَرٍرَتِ ندٍ نَشَ قَ عَ شْن نَشَن شِلِ يَيِرُ. عَ تٌ عِسَ تٌ، عَ نَشَ سُيِدِ عَ بّ. 23 عَ نَشَ عَ مَيَندِ كِ قَنيِ، «ﭑ مَ دِ فِنّ نَ عَ نِي مَفَفَقٍ! يَندِ، قَ عِ قَ عِ بّلّشّ سَ عَ مَ عَلَكٌ عَ شَ يَلَن، عَ شَ كِسِ.» 24 عِسَ نَشَ سِفَ عَ قْشْ رَ. حَمَ فبٍفبٍ قَن نَشَ بِرَ عِسَ قْشْ رَ، عٍ نُ قَ عَ شّتّن.

Marcos 5:22-24

38 عٍ تٌ سَلِدٍ يَرٍرَتِ شْنيِ لِ، عِسَ نَشَ مِشِيٍ لِ، عٍ وَقٍ، عٍ فبٍلٍفبٍلٍقٍ. 39 عَ تٌ سٌ بَنشِ كُي، عَ نَشَ عٍ مَشْرِن، «وٌ وَقٍ مُنقٍ رَ؟ وٌ فبٍلٍفبٍلٍمَ مُن مَ؟ يِ دِ مّدِ مُ قَشَشِ. عَ نَ شِقٍ نّ.» 40 كْنْ عٍ تَن نَشَ سٌ عَ مَيٍلٍقٍ.

عِسَ تٌ عٍ بِرِن نَمِنِ، عَ نَشَ سٌ دِ مّدِ سَشِ دّننَشّ، عَ تَن نُن عَ قْشِرَبِرّيٍ، عَ نُن دِ بَبَ، نُن عَ نفَ. 41 عِسَ نَشَ عَ سُشُ عَ بّلّشّ مَ، عَ عَ قَلَ عَ بّ، «تَلِتَ كُمِ». نَ نَن قَلَشِ عٍ شَ شُي، «فِنّدِ مّدِ، ﭑ نَشّ عِ بّ، كٍلِ!» 42 فِنّدِ مّدِ نَشَ كٍلِ كٍرٍن نَ، عَ عَ حّرّ. عَ حّ قُ نُن قِرِن نَن نُ عَ رَ. نَشٍيٍ نُ نَ، عٍ نَشَ كَابَ كِ قَنيِ، عٍ بِرِن دّ نَشَ عِشَرَ.

Marcos 5:38-42

31 «ﭑ نْمَ تٌ مِشِيٍ مِسَالِدٍ مُنسٍ رَ؟ عٍ مَنِيَشِ ندٍ رَ؟ 32 عٍ مَنِيَشِ دِ مّدِيٍ نَن نَ نَشٍيٍ دْشْشِ تَا كُي، عٍ نُ عَ قَلَ عٍ بٌورٍيٍ بّ،

‹مُشُ بَرَ شُلٍ قٍ وٌ بّ،

كْنْ وٌ مُ قَرٍ بٌرٌنشِ.

مُشُ بَرَ حْن بّيتِ بَ،

كْنْ وٌ مُ وَ.›»

33 «يَيَ شُنشَ تٌ بَرَ قَ، عَ مُ تَامِ دٌن، عَ مُ وّنِ مِن. وٌ بَرَ عَ قَلَ، ‹حِننّ نَ عَ قْشْ رَ.› 34 عَدَ مَ شَ دِ تٌ قَ، عَ تَن مُ تٌندِ سِفَدٍ شُلُنيِ يِرٍ. نَ كُي، وٌ بَرَ عَ قَلَ، ‹قُرِ حَاشِ سِيسِلَ مَتٌ! عٍ نُن دُوتِ مَشِلِيٍ نُن يُنُبِتْييٍ نَن عَ رَ!› 35 كْنْ شَشِلِمَيَ كٌلٌنمَ عَ كّوَلِ نَن مَ.»

فِنّ يُنُبِتْي ندٍ شَ يُنُبِيٍ شَقَرِقٍ

36 قَرِ سّنِ ندٍ نَشَ عِسَ شِلِ عٍ شَ عٍ دّفٍ عَ شْنيِ. عِسَ نَشَ سٌ نَا، عَ عَ مَفٌرٌ. 37 فِنّ يُنُبِتْي ندٍ نُ نَ تَا كُي، عَ نَشَ عَ مّ عَ عِسَ عَ دّفّقٍ نَ قَرِ سّنِ شْنيِ. نَ كُي، عَ نَشَ لَبُندّ تُرٍ سُشُ عَ يِ رَ، نَ سَشِ عَ بِتِرّ تٌقَنيِ كُي نَشَن نُ رَقَلَشِ عَلَبَتِرَ فّمّ رَ.

Lucas 7:31-37

41 سَلِدٍ يَرٍرَتِ ندٍ نَشَ قَ عَ شْن نَشَن نُ شِلِ يَيِرُ. عَ نَشَ قَ عَ سُيِدِ عِسَ بّ، عَ عَ مَيَندِ عَ شَ سِفَ عَ شْنيِ، 42 بَرِ مَ عَ شَ دِ فِنّ كٍرٍنيِ نُ قَ نَ قَشَقٍ نّ. عَ حّ كْنتِ نُ بَرَ حّ قُ نُن قِرِن حْندْن لِ.

عِسَ تٌ نُ سِفَقٍ يَيِرُ شْنيِ، حَمَ فبٍفبٍ نُ نَ عَ شّتّنقٍ.

Lucas 8:41,42

49 عِسَ تٌ نُ وْيّنقٍ، مِشِ ندٍ نَشَ قَ كٍلِقٍ سَلِدٍ يَرٍرَتِ شْنيِ، عَ عَ قَلَ عَ تَن يَيِرُ بّ، «عِ شَ دِ فِنّ بَرَ قَشَ. عِ نَشَ كَرَ مْشْ تْورْ سْنْن.» 50 عِسَ تٌ عَ مّ، عَ نَشَ عَ مَسٍن يَيِرُ بّ، «عِ نَشَ فَاشُ. عِ شَ دَنشَنِيَ تُن. عِ شَ دِ كِسِمَ نّ.»

51 عِسَ تٌ يَيِرُ شْنيِ لِ، عَ مُ تِن مِشِ يٌ شَ سٌ بَنشِ كُي قٌ ثِيّرِ، يَيَ، يَكِ، دِ فِنّ بَبَ نُن عَ نفَ. 52 عِسَ تٌ عَ تٌ بِرِن نُ وَقٍ دِ فِنّ شَ قٍ رَ سُننُنيِ كُي، عَ نَشَ عَ مَسٍن عٍ بّ، «وٌ نَشَ وَ. يِ دِ فِنّ مُ قَشَشِ شّ، عَ نَ شِقٍ نّ.» 53 حَمَ نَشَ يٌ عِسَ مَ، عٍ عَ مَيٍلٍ، بَرِ مَ عٍ نُ عَ كٌلٌن عَ تّمّدِ بَرَ قَشَ. 54 كْنْ عِسَ نَشَ تّمّدِ بّلّشّ سُشُ، عَ عَ قَلَ عَ بّ عَ شُي عِتٍشِ رَ، «ﭑ مَ دِ، كٍلِ!» 55 عَ نِي نَشَ فبِلٍن عَ عِ، عَ كٍلِ كٍرٍن نَ. عِسَ نَشَ عَ قَلَ عٍ بّ عٍ شَ دٌنسٍ قِ عَ مَ. 56 تّمّدِ بَرِ مَيٍ دّ نُ عِشَرَشِ، كْنْ عِسَ نَشَ عَ مَتِنتِن عٍ رَ قَ عَ قَلَ، عَ قٍ نَشَن نَبَشِ، عٍ نَشَ عَ قَلَ مِشِ يٌ بّ.

Lucas 8:49-56

لَسَرُ رَكٍلِقٍ قَشّ مَ

1 شّمّ ندٍ نُ قُرَشِ بٍتَنِ نَشَن شِلِ لَسَرُ. عَ مَافِنّيٍ قَن نُ سَبَتِشِ نَا، مَرِيَمَ نُن مَرَتَ. 2 مَرِيَمَ نَن لَبُندّ تُرٍ سَ مَرِفِ سَنيِيٍ مَ، عَ قَ عٍ مَقُرُكُ عَ شُنسّشّ رَ. عَ تَن نَن مَاشّمّ قِندِ لَسَرُ رَ، نَشَن نُ قُرَشِ. 3 نَ كُي، لَسَرُ مَافِنّيٍ نَشَ شّيرَ شّي عِسَ مَ، عَ شَ سَ عَ قَلَ عَ بّ، «مَرِفِ، عِ شَنُنتٍنيِ قُرَشِ.» 4 عِسَ تٌ عَ مّ، عَ نَشَ عَ مَسٍن، «يِ قُرٍ مُ سَ رَحْنمَ قَشّ شَ مَ، عَ قَمَ عَلَ شَ نْرّ نَن مَكّنّندٍ، عَلَكٌ عَلَ شَ دِ قَن شَ مَتْشْي سْتْ عَ سَابُي رَ.»

5 عِسَ نُ مَرَتَ نُن مَرِيَمَ نُن عٍ مَاشّمّ لَسَرُ شَنُشِ كِ قَنيِ. 6 عَ تٌ لَسَرُ قُرَقٍ مّ، عَ مُ سِفَ دّدّ، عَ نَشَ لُ نَا شِ قِرِن مَن. 7 نَ شَنبِ، عَ نَشَ عَ قَلَ عَ قْشِرَبِرّيٍ بّ، «وٌن شَ فبِلٍن يُدَيَ بْشِ مَ.» 8 عَ قْشِرَبِرّيٍ نَشَ عَ قَلَ، «كَرَ مْشْ، يُوِقِيٍ كَتَشِ عِ قَشَدٍ دّننَشّ يَ، عِ تَن فبِلٍنقٍ مّننِ نّ؟» 9 عِسَ نَشَ عٍ يَابِ، «وَشَتِ قُ نُن قِرِن شَ مُ نَ قّيحّن كٍرٍن كُي؟ شَ نَشَن يٌ عَ حّرّ مَ يَنيِ رَ، عَ مُ عَ سَنيِ رَدِنمَ بَرِ مَ يِ دُنِحَ نَءِيَلَنيِ يَنبَمَ عَ بّ. 10 كْنْ شَ نَشَن يٌ عَ حّرّ مَ كْي رَ، عَ عَ سَنيِ رَدِنمَ نّ، بَرِ مَ نَءِيَلَنيِ يٌ مُ عَ بّ.»

11 عَ نَ قَلَ شَنبِ، عِسَ مَن نَشَ عَ مَسٍن، «وٌن شَنُنتٍنيِ لَسَرُ بَرَ شِ، كْنْ ﭑ سِفَقٍ عَ رَشُنُدٍ.» 12 عَ قْشِرَبِرّيٍ نَشَ عَ قَلَ عَ بّ، «مَرِفِ، شَ عَ نَ شِقٍ، عَ يَلَنمَ نّ.» 13 عِسَ تٌ لَسَرُ شِقٍ قَلَ، عَ نُ عَ قَشَقٍ نَن مَ، كْنْ عَ قْشِرَبِرّيٍ تَن حْشْ عَ مَ، عَ عَ نُ مَلَبُي شِ شْلِ نَن مَ. 14 نَ كُي، عِسَ نَشَ وْيّن عٍ بّ عَ قِيشّ رَ، «لَسَرُ بَرَ لَاشِرَ

João 11:1-14

Domínio sobre a natureza

Jesus acalmou a tempestade, andou sobre as águas e multiplicou pães. A natureza obedece à voz do seu Criador.

عِسَ قٌيٍ بٍلٍبٍلٍ رَشَرَقٍ

23 عِسَ نَشَ بَكِ كُنكُي كُي، عَ قْشِرَبِرّيٍ نَشَ بِرَ عَ قْشْ رَ. 24 قٌيٍ بٍلٍبٍلٍ نَشَ كٍلِ بَا مَ، مْرْنيِ نُ قَ سَ كُنكُي كُي. كْنْ عِسَ تَن نُ نَ شِقٍ. 25 عَ قْشِرَبِرّيٍ نَشَ قَ عَ رَشُنُ، عٍ عَ قَلَ عَ بّ، «مَرِفِ، وٌن نَكِسِ، وٌن قَشَقٍ نّ يِ كِ!» 26 عَ نَشَ عٍ يَابِ، «وٌ فَاشُشِ مُنقٍ رَ؟ وٌ شَ دَنشَنِيَ شُرُن!» عَ نَشَ كٍلِ، عَ قٌيٍ نُن بَا يَمَرِ، بَا نَشَ شِنبٍلِ يٍن! 27 عَ قْشِرَبِرّيٍ نَشَ كَابَ، عٍ عٍ بٌرٍ مَشْرِن، «مِشِ مْولِ مُندُن لَنشِ يِ مَ؟ هَلِ قٌيٍ نُن بَا، عٍ عَ شُي رَبَتُمَ.»

Mateus 8:23-27

15 نُنمَرٍ تٌ سٌ قْلْ، عِسَ قْشِرَبِرّيٍ نَشَ عٍ مَسٌ عَ رَ، عٍ عَ قَلَ عَ بّ، «وٌن نَ وُلَ نّ يِ كِ، كْي قَن بَرَ سٌ. حَمَ رَيٍنسٍن عَلَكٌ عٍ شَ سِفَ دٌنسٍ سَرَ تَايٍ كُي.» 16 عِسَ نَشَ عٍ يَابِ، «هَلِ عٍ مُ سِفَ. وٌ تَن نَن شَ دٌنسٍ قِ عٍ مَ.» 17 كْنْ عٍ نَشَ عَ قَلَ عَ بّ، «تَامِ فُندِ سُولِ نُن يّشّ قِرِن فبَنسَن نَن نَ مُشُ يِ رَ.» 18 عَ نَشَ عَ قَلَ عٍ بّ، «وٌ قَ نٍيٍ رَ ﭑ شْن مَ بٍ.» 19 عِسَ نَشَ حَمَ يَمَرِ عٍ شَ عٍ مَفٌرٌ نَ حٌوفٍ شِندٍ مَ. عَ نَشَ نَ تَامِ سُولِ نُن نَ يّشّ قِرِن تٌنفٌ، عَ عَ يَ رَتٍ كٌورٍ مَ، عَ قَ عَلَ نُوَلِ سَ. عَ نَشَ تَامِيٍ عِفِرَ، عَ قَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. 20 حَمَ بِرِن نَشَ عٍ دّفٍ هَن عٍ وَ سَ. دٌنسٍ دْنشْي شُنتُنيِيٍ تٌ مَتٌنفٌ، دٍبٍ قُ نُن قِرِن نَن نَقٍ. 21 مِشِ نَشٍيٍ عٍ دّفٍ، شّمّ وُلُ سُولِ حْندْن نَن نُ عٍ رَ، بَقٍ فِنّيٍ نُن دِ مّيٍ رَ.

Mateus 14:15-21

25 سُبَشّ مَ، عِسَ حّرّقٍ بَا قَرِ.

Mateus 14:25

32 عِسَ نَشَ عَ قْشِرَبِرّيٍ شِلِ، عَ عَ مَسٍن عٍ بّ، «ﭑ بَرَ كِنِكِنِ يِ حَمَ مَ، بَرِ مَ شِ سَشَن نَن يِ كِ، عٍ نَ ﭑ يِرٍ بٍ، كْنْ دٌنسٍ مُ نَ عٍ نَشَن دٌنمَ. ﭑ مُ وَ مَ عٍ شَ فبِلٍن عٍ شْنيِ كَامّ رَ عٍ مَ، شَ نَ مُ عَ رَ عٍ تْورْ مَ نّ كِرَ شْن مَ.» 33 عَ قْشِرَبِرّيٍ نَشَ عَ مَشْرِن، «وٌن دٌنسٍ سْتْمَ يِ حَمَ فبٍفبٍ بّ مِندٍن؟ وٌن نَ وُلَ نّ يِ كِ.» 34 عِسَ نَشَ عٍ يَابِ، «تَامِ فُندِ يٍرِ نَ وٌ يِ؟» عٍ نَشَ عَ قَلَ، «سٌلٌقٍرٍ، عَ نُن يّشّ شُنشُرِ ندٍيٍ.»

35 عِسَ نَشَ عَ قَلَ حَمَ بّ عٍ شَ دْشْ بْشِ. 36 عَ نَشَ نَ تَامِ فُندِ سٌلٌقٍرٍ نُن نَ يّشّيٍ تٌنفٌ، عَ عَلَ نُوَلِ سَ. عَ تٌ عٍ عِفِرَ، عَ نَشَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. 37 حَمَ بِرِن نَشَ عٍ دّفٍ هَن عٍ وَ سَ. دٌنسٍ دْنشْي قَن نَشَ مَتٌنفٌ هَن دٍبٍ سٌلٌقٍرٍ نَشَ رَقٍ. 38 شّمّ مِشِ وُلُ نَانِ نَن عٍ دّفٍ، بَقٍ فِنّيٍ نُن دِ مّيٍ رَ.

Mateus 15:32-38

عِسَ نُن ثِيّرِ هْرْ مْبَنشِ دُوتِ قِقٍ

24 عِسَ نُن عَ قْشِرَبِرّيٍ تٌ سٌ كَثّرّنَمُ، هْرْ مْبَنشِ دُوتِ مَشِلِيٍ نَشَ ثِيّرِ مَشْرِن، «ثٍ، عِ كَرَ مْشْ مُ هْرْ مْبَنشِ دُوتِ قِمَ؟» 25 ثِيّرِ نَشَ عٍ يَابِ، «عِيٌ، عَ عَ قِمَ.» ثِيّرِ تٌ سٌ بَنشِ، عِسَ نَن سِنفٍ وْيّن عَ بّ، «ثِيّرِ، عِ عَ تٌشِ دِ؟ دُنِحَ مَنفّيٍ دُوتِ مَشِلِمَ ندٍ مَ، عٍ شَ دِيٍ كَ مِشِ فبّتّيٍ؟» 26 ثِيّرِ نَشَ عَ يَابِ، «مِشِ فبّتّيٍ.» عِسَ قَن نَشَ عَ مَسٍن، «نَ كُي، مَنفّ شَ دِيٍ تَن مُ دُوتِ قِمَ. 27 كْنْ عَلَكٌ وٌن نَشَ يِ مِشِيٍ رَشْنْ، عِ شَ سِفَ بَا دّ رَ، عِ كْنيِ وٌلِ. عِ نَ يّشّ نَشَن سِنفٍ سُشُ، عَ رَتٍ، عِ عَ دّ رَبِ. عِ كْبِرِ كٌلٍ تٌمَ نّ عَ دّ كُي. عِ شَ نَ سٌ دُوتِ مَشِلِيٍ يِ رَ، عَ شَ قِندِ وٌن قِرِن مَ دُوتِ رَ.»

Mateus 17:24-27

عِسَ شْرّ بِلِ دَنكَقٍ

18 نَ كُيٍ عِبَ، عِسَ تٌ نُ فبِلٍنقٍ تَا كُي، كَامّ نَشَ عَ سُشُ. 19 عَ تٌ شْرّ بِلِ ندٍ تٌ كِرَ رَ، عَ نَشَ عَ مَسٌ عَ رَ كْنْ عَ مُ بٌفِ يٌ تٌ عَ كْن نَ، قٌ عَ بُرّشّيٍ. عِسَ نَشَ عَ قَلَ شْرّ بِلِ بّ، «عِ تَن مُ بٌفِمَ سْنْن!» شْرّ بِلِ نَشَ شَرَ كٍرٍن نَ. 20 عِسَ قْشِرَبِرّيٍ تٌ نَ تٌ، عٍ نَشَ كَابَ، عٍ عَ مَشْرِن، «يِ شْرّ بِلِ شَرَشِ عَ عِكْرّشِ رَ دِ؟» 21 عِسَ نَشَ عٍ يَابِ، «ﭑ شَ نْندِ قَلَ وٌ بّ، شَ دَنشَنِيَ نَ وٌ بّ، وٌ مُ سِيكّ، وٌ نْمَ نّ يِ قٍ مْولِ نَبَدٍ ﭑ نَشَن نَبَشِ شْرّ بِلِ رَ. كْنْ دَنفِ نَ رَ، شَ وٌ عَ قَلَ يِ فٍيَ بّ، ‹كٍلِ بٍ، عِ سَ سِن بَا مَ،› عَ رَبَمَ نّ. 22 نَ نَن عَ رَ، شَ دَنشَنِيَ نَ وٌ بّ، وٌ قٍقٍ مَشَندِ عَلَ مَ، وٌ عَ سْتْمَ نّ.»

Mateus 21:18-22

37 قٌيٍ بٍلٍبٍلٍ نَشَ كٍلِ بَا مَ، مْرْنيِ نُ قَ سَ كُنكُي كُي. 38 كْنْ عِسَ تَن نُ نَ شِقٍ كُنكُي شْرّ رَ، عَ شُنيِ سَشِ شُنسَسٍ مَ. عَ قْشِرَبِرّيٍ نَشَ قَ عَ رَشُنُ، عٍ عَ قَلَ عَ بّ، «كَرَ مْشْ، عِ مُ كْنتْقِلِشِ وٌن قَشَقٍ رَ؟» 39 عِسَ تٌ شُنُ، عَ نَشَ شَاحّ قٌيٍ مَ، عَ قَ بَا يَمَرِ، «دُندُ! عِ رَشَرَ!» قٌيٍ نَشَ عِتِ، بَا نَشَ رَشَرَ يٍن! 40 عِسَ قَ عٍ مَشْرِن، «وٌ فَاشُشِ مُنقٍ رَ؟ هَن يَ دَنشَنِيَ مُ نَ وٌ بّ؟» 41 عٍ قَن نَشَ فَاشُ كِ قَنيِ، عٍ نُ عَ قَلَ عٍ بٌرٍ بّ، «ندٍ لَنشِ يِ مَ؟ هَلِ قٌيٍ نُن بَا، عٍ عَ شُي رَبَتُمَ.»

Marcos 4:37-41

35 نُنمَرٍ تٌ سٌ قْلْ، عِسَ قْشِرَبِرّيٍ نَشَ عٍ مَسٌ عِسَ رَ، عٍ عَ قَلَ عَ بّ، «وٌن نَ وُلَ نّ يِ كِ، كْي قَن بَرَ سٌ. 36 حَمَ رَيٍنسٍن عَلَكٌ عٍ شَ سِفَ تَايٍ نُن دَاشَيٍ نَشٍيٍ نَ بٍ رَبِلِنيِ، عٍ شَ سَ دٌنسٍيٍ سَرَ.» 37 كْنْ عِسَ نَشَ عٍ يَابِ، «وٌ تَن شَ دٌنسٍ سٌ عٍ يِ.» عٍ تَن نَشَ عَ قَلَ عَ بّ، «شَ مُشُ سَ تَامِ سَرَ يِ حَمَ بِرِن بّ، نَ كْبِرِ سِفَمَ هَن وَلِكّ شَ كِكٍ سٌلٌمَسَشَن سَرٍ!» 38 عَ نَشَ عٍ مَشْرِن، «تَامِ يٍرِ نَ وٌ يِ رَ؟ وٌ سَ نَ مَتٌ.» عٍ تٌ عَ مَتٌ، عٍ نَشَ عَ يَابِ، «تَامِ سُولِ، عَ نُن يّشّ قِرِن.»

39 عَ نَشَ يَامَرِ قِ مِشِ بِرِن مَ، عٍ شَ عٍ مَفٌرٌ عٍ شُندّ شُندّ مَ حٌوفٍ شِندٍ قَرِ. 40 نَ كُي، مِشِيٍ نَشَ سِفَ دْشْ رَ عٍ كّمّ كّمّ نُن عٍ تٌنفٌ سُولِ سُولِ مَ. 41 عِسَ نَشَ نَ تَامِ سُولِ نُن نَ يّشّ قِرِن تٌنفٌ، عَ عَ يَ رَتٍ كٌورٍ مَ، عَ قَ عَلَ نُوَلِ سَ. عَ نَشَ تَامِيٍ عِفِرَ، عَ قَ عَ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. عَ نَشَ نَ يّشّ قِرِنيِيٍ قَن عِتَشُن بِرِن مَ. 42 حَمَ بِرِن نَشَ عٍ دّفٍ هَن عٍ وَ سَ. 43 تَامِ نُن يّشّ دْنشْي تٌ مَتٌنفٌ، دٍبٍ قُ نُن قِرِن نَن نَقٍ. 44 مِشِ نَشٍيٍ تَامِ دٌن، شّمّ وُلُ سُولِ نَن نُ عٍ رَ.

Marcos 6:35-44

48 عَ نَشَ عَ قْشِرَبِرّيٍ تٌ عٍ نَ تْورْقٍ عَ حَاشِ رَ لَالَ بَدٍ، بَرِ مَ قٌيٍ يَ نُ رَقِندِشِ عٍ مَ. سُبَشّ، عِسَ نَشَ قَ عَ قْشِرَبِرّيٍ مَ، عَ حّرّقٍ بَا قَرِ. عَ فبٍ مُ نُ لُشِ عَ شَ دَنفِ عٍ رَ، 49 عٍ قَ عَ تٌ حّرّ رَ يٍ قَرِ. عٍ نَشَ عَ مَحْشُن تُبَرِ رَ، عٍ سْنشْي رَتٍ، 50 بَرِ مَ عٍ بِرِن نُ عِسَ تٌشِ، عٍ بِرِن فَاشُشِ. كْنْ عِسَ نَشَ عَ مَسٍن عٍ بّ كٍرٍن نَ، «وٌ نَشَ كْنتْقِلِ، ﭑ تَن نَن عَ رَ. وٌ نَشَ فَاشُ.» 51 عِسَ نَشَ تٍ عٍ شَ كُنكُي كُي، قٌيٍ قَن نَشَ عَ رَشَرَ. عٍ بِرِن نَشَ كَابَ، عٍ دّ عِشَرَ.

Marcos 6:48-51

عِسَ دٌنسٍ قِقٍ شّمّ مِشِ وُلُ نَانِ مَ

1 نَ سَشَنيِ، حَمَ فبٍفبٍ مَن نُ بَرَ عٍ مَلَن. دٌنسٍ تٌ مُ نُ عٍ يِ رَ، عِسَ نَشَ عَ قْشِرَبِرّيٍ شِلِ، عَ عَ مَسٍن عٍ بّ، 2 «ﭑ بَرَ كِنِكِنِ يِ حَمَ مَ، بَرِ مَ عَ شِ سَشَن نَن يِ كِ، عٍ نَ ﭑ يِرٍ. دٌنسٍ يٌ مُ عٍ بّ يِ كِ. 3 ﭑ نَ عَ قَلَ يَ، عٍ شَ سِفَ عٍ شْنيِ كَامّ رَ عٍ مَ، عٍ تْورْ مَ نّ كِرَ شْن كِ قَنيِ. ندٍيٍ نَ عٍ يَ مَ، عٍ كٍلِدٍ مَكُيَ.» 4 عِسَ قْشِرَبِرّيٍ نَشَ عَ يَابِ، «تَامِ سْتْمَ دِ يِ وُلَ كُي نَشَن يِ حَمَ وَ سَمَ؟» 5 عِسَ نَشَ عٍ مَشْرِن، «تَامِ فُندِ يٍرِ نَ وٌ يِ؟» عٍ نَشَ عَ يَابِ، «سٌلٌقٍرٍ.»

6 عِسَ نَشَ عَ قَلَ حَمَ بّ عٍ شَ دْشْ بْشِ. عَ نَشَ نَ تَامِ فُندِ سٌلٌقٍرٍ تٌنفٌ، عَ عَلَ نُوَلِ سَ. عَ تٌ عٍ عِفِرَ، عَ نَشَ عٍ سٌ عَ قْشِرَبِرّيٍ يِ رَ، عٍ شَ عٍ عِتَشُن حَمَ مَ. عٍ قَن نَشَ عَ رَبَ نَ كِ. 7 يّشّ لَنمَ ندٍيٍ قَن نُ نَ عٍ يِ رَ. عِسَ تٌ عَلَ نُوَلِ سَ عٍ شَ قٍ رَ، عَ نَشَ عَ قَلَ، عَ عٍ قَن شَ عِتَشُن. 8 حَمَ نَشَ عَ دّفٍ هَن عٍ وَ سَ. دٌنسٍ دْنشْي قَن نَشَ مَتٌنفٌ هَن دٍبٍ سٌلٌقٍرٍ نَشَ رَقٍ. 9 مِشِ وُلُ نَانِ حْندْن نَن نُ نَ نَا. عِسَ تٌ عٍ رَفبِلٍن،

Marcos 8:1-9

عِسَ شْرّ بِلِ دَنكَقٍ

12 نَ كُيٍ عِبَ، عٍ تٌ نُ كٍلِقٍ بٍتَنِ، كَامّ نَشَ عِسَ سُشُ. 13 عَ تٌ شْرّ بِلِ ندٍ تٌ، عَ ندٍدِ مَكُيَشِ عٍ رَ، عَ بُرّشّ نَ عَ كْن نَ، عَ نَشَ سَ نَ مَتٌ، شَ عَ نْمَ عَ بٌفِ ندٍ مَسْتْدٍ. كْنْ عَ تٌ مَكْرّ شْرّ بِلِ رَ، عَ مُ سٍسٍ لِ عَ كْن نَ قٌ عَ بُرّشّ، بَرِ مَ شْرّ بٌفِ تّمُي مُ نُ عَ لِشِ. 14 عِسَ نَشَ عَ قَلَ شْرّ بِلِ بّ، «مِشِ يٌ نَشَ عِ تَن بٌفِ دٌن سْنْن!» عَ قْشِرَبِرّيٍ قَن نَشَ عَ شُي مّ.

Marcos 11:12-14

شْرّ بِلِ شَرٍ نُن عَلَ مَشَندِقٍ

20 نَ كُيٍ عِبَ، عٍ تٌ نُ دَنفِقٍ، عَ قْشِرَبِرّيٍ نَشَ شْرّ بِلِ تٌ عَ بَرَ شَرَ هَن عَ سَنكٍ. 21 ثِيّرِ تٌ رَتُ، عَ نَشَ عَ قَلَ عِسَ بّ، «كَرَ مْشْ، عَ مَتٌ، عِ شْرّ بِلِ نَشَن دَنكَ، عَ بَرَ شَرَ فبٍن.»

22 عِسَ نَشَ عَ مَسٍن عٍ بّ، «وٌ شَ دَنشَنِيَ عَلَ مَ. 23 ﭑ شَ نْندِ قَلَ وٌ بّ، شَ وٌ عَ قَلَ يِ فٍيَ بّ، ‹كٍلِ بٍ، عِ سَ سِن بَا مَ،› شَ نَ كَنيِ مُ سِيكّ عَ بْحّ مَ، عَ لَ عَ رَ، عَ نَشَن قَلَشِ عَ رَبَمَ نّ، نَ قٍ رَبَمَ نّ نَ كَنيِ بّ. 24 نَ نَن عَ رَ، ﭑ شَ عَ قَلَ وٌ بّ، وٌ نَ عَلَ مَشَندِ قٍقٍ رَ، شَ وٌ لَ عَ رَ عَ وٌ بَرَ عَ سْتْ، وٌ عَ سْتْمَ نّ. 25,26 وٌ نَ تِ عَلَ مَشَندِدٍ تّمُي نَشّ، شَ قٍ ندٍ نَ وٌ نُن مِشِ ندٍ تَفِ، وٌ شَ دِحّ عَ مَ، عَلَكٌ وٌ بَبَ نَشَن نَ عَرِيَننَ، عَ قَن شَ دِحّ وٌ شَ يُنُبِيٍ مَ.»

Marcos 11:20-25

عِسَ قْشِرَبِرّ سِنفٍيٍ

1 عِسَ نُ نَ فٍنٍسَرٍتِ بَا دّ رَ. حَمَ قَن نُ عٍ بٌرٍ شّتّنمَ عَلَكٌ عٍ شَ عَ شُي مّ عَلَ شَ مَسٍنيِ كَوَندِدٍ. 2 عِسَ نَشَ كُنكُي قِرِن تٌ بَا دّ رَ. يّشّسُشُييٍ نُ بَرَ فٌرٌ عٍ كُي، عٍ نُ عٍ شَ يّلّيٍ رَشَقٍ. 3 عِسَ نَشَ بَكِ سِمْن شَ كُنكُي كُي، عَ عَ مَشْرِن عَ شَ كُنكُي ندٍدِ مَمِنِ شَرٍ دّ رَ. نَ شَنبِ، عِسَ نَشَ دْشْ كُنكُي كُي، عَ سٌ حَمَ كَوَندِقٍ.

4 عِسَ تٌ فّ مَسٍنيِ تِدٍ، عَ نَشَ عَ قَلَ سِمْن بّ، «وٌن شّي دُلَ مَ. وٌ يّلّ سَ نَا، وٌ شَ سَ يّشّ سُشُ.» 5 سِمْن نَشَ عَ يَابِ، «كَرَ مْشْ، مُشُ كْي بِرِن نَن نَدَنفِشِ يَكٌتٌمْي نَن نَ، مُشُ مُ سٍسٍ سُشُ. كْنْ عِ تَن نَن تٌ عَ قَلَشِ، ﭑ مَن سَ يّلّ سَمَ.»

6 عٍ تٌ نَ رَبَ، عٍ نَشَ يّشّ فبٍفبٍ سُشُ يّلّ كُي، يّلّ نَشَ بْو قْلْ. 7 عٍ نَشَ عٍ بّلّشّ مَفِرَ بٌورٍيٍ بّ نَشٍيٍ نُ نَ كُنكُي بٌورٍ كُي، عٍ شَ قَ عٍ مَلِ. عٍ تٌ قَ، عٍ نَشَ نَ كُنكُي قِرِنيِيٍ رَقٍ يّشّ رَ هَن عٍ قِرِن بِرِن نَشَ وَ دُلَقٍ.

8 سِمْن ثِيّرِ تٌ نَ قٍ تٌ، عَ نَشَ بِرَ عِسَ بُن مَ، عَ عَ قَلَ، «مَرِفِ، عِ شَ عِ مَكُيَ ﭑ نَ، بَرِ مَ يُنُبِتْي نَن ﭑ نَ!» 9 عَ نَ قَلَ نّ بَرِ مَ عَ تَن نُن عَ بٌورٍ بِرِن نُ بَرَ فّ كَابَدٍ نَ يّشّ سُشُقٍ رَ، 10 سِمْن وَلِبٌورٍيٍ، سٍبٍدٍ شَ دِ قِرِنيِيٍ يَكِ نُن يَيَ، عٍ قَن نُ بَرَ كَابَ. نَ كُي، عِسَ نَشَ عَ قَلَ سِمْن بّ، «عِ نَشَ فَاشُ. عِ دَرِشِ يّشّ نَن سُشُ رَ، كْنْ كٍلِ يِ وَشَتِ مَ، عِ قَمَ مِشِيٍ نَن سْتْدٍ ﭑ بّ.» 11 عٍ تٌ كُنكُي رَتٍ شَرٍ مَ، عٍ نَشَ سٍ بِرِن لُ نَا، عٍ بِرَ عِسَ قْشْ رَ.

Lucas 5:1-11

عِسَ قٌيٍ رَشَرَقٍ

22 لْشْ ندٍ، عِسَ نَشَ عَ قَلَ عَ قْشِرَبِرّيٍ بّ، «وٌن شّي بَا نَاكِرِ مَ.» عٍ بِرِن نَشَ بَكِ كُنكُي كُي، عٍ سِفَ. 23 نَ حّرّ كُي، عِسَ نَشَ شِ. قٌيٍ بٍلٍبٍلٍ نَشَ كٍلِ بَا مَ، كُنكُي نَشَ رَقٍ قْلْ يٍ رَ. فبَلٌي نُ بَرَ مَكْرّ عٍ رَ. 24 نَ كُي، عَ قْشِرَبِرّيٍ نَشَ قَ عِسَ رَشُنُ عٍ عَ قَلَ عَ بّ، «كَرَ مْشْ، كَرَ مْشْ، وٌن قَشَقٍ نّ يِ كِ!» عِسَ تٌ شُنُ، عَ نَشَ وْيّن قٌيٍ نُن مْرْنيِيٍ مَ، عَ عٍ يَامَرِ. قٌيٍ نُن مْرْنيِيٍ نَشَ عَ عِتِ، بَا نَشَ رَشَرَ. 25 عِسَ نَشَ قَ عَ قْشِرَبِرّيٍ مَشْرِن، «وٌ شَ دَنشَنِيَ نَ مِندٍن؟» عٍ قَن نَشَ فَاشُ، عٍ كَابَ، عٍ نُ عَ قَلَ عٍ بٌرٍ بّ، «ندٍ لَنشِ يِ مَ؟ هَلِ قٌيٍ نُن بَا، عَ عٍ يَمَرِ مَ، عٍ عَ شُي رَبَتُ.»

Lucas 8:22-25

عِسَ قٌيٍ رَشَرَقٍ

عِسَ حِننّيٍ كٍرِقٍ فَدَرَ شّمّ ندٍ قْشْ رَ

26 عِسَ نُن عَ قْشِرَبِرّيٍ تٌ سٌ فَدَرَ بْشِ مَ، دّننَشّ نَ فَلِلٍ نَاكِرِ مَ،

Lucas 8:22-26

12 نُنمَرٍ تٌ سٌ قْلْ، عِسَ قْشِرَبِرّ قُ نُن قِرِنيِيٍ نَشَ عٍ مَسٌ عَ رَ، عٍ عَ قَلَ عَ بّ، «حَمَ رَيٍنسٍن عَلَكٌ عٍ شَ سَ سٌ تَايٍ نُن دَاشَيٍ نَشٍيٍ نَ بٍ رَبِلِنيِ، عٍ شَ سَ يِفِيَدٍيٍ نُن دٌنسٍيٍ قٍن، بَرِ مَ وٌن نَ وُلَ نّ يِ كِ.» 13 عِسَ نَشَ عَ قَلَ عٍ بّ، «وٌ تَن نَن شَ دٌنسٍ قِ عٍ مَ.» عَ قْشِرَبِرّيٍ نَشَ عَ يَابِ، «سٍسٍ مُ نَ مُشُ يِ بَقٍ تَامِ سُولِ نُن يّشّ قِرِن نَ. كَ مُشُ تَن نَن شَ سِفَ دٌنسٍ سَرَدٍ يِ حَمَ بِرِن بّ؟» 14 مِشِيٍ نَشٍيٍ نُ نَ نَا، شّمّيٍ كْنتِ نَشَ سِفَ هَن وُلُ سُولِ حْندْن.

عِسَ نَشَ عَ قَلَ عَ قْشِرَبِرّيٍ بّ، «وٌ عَ قَلَ مِشِيٍ بّ عٍ شَ دْشْ عٍ تٌنفٌ سُولِ سُولِ مَ.» 15 عٍ قَن نَشَ عَ رَبَ نَ كِ، عٍ مِشِ بِرِن نَدْشْ. 16 عِسَ نَشَ نَ تَامِ سُولِ نُن نَ يّشّ قِرِن تٌنفٌ، عَ عَ يَ رَتٍ كٌورٍ مَ، عَ قَ عَلَ نُوَلِ سَ. عَ نَشَ تَامِيٍ عِفِرَ، عَ قَ عٍ سٌ عَ قْشِرَبِرّيٍ يِ رَ، عَلَكٌ عٍ شَ عٍ عِتَشُن حَمَ مَ. 17 حَمَ بِرِن نَشَ عٍ دّفٍ هَن عٍ وَ سَ. دٌنسٍ دْنشْي شُنتُنيِيٍ تٌ مَتٌنفٌ، دٍبٍ قُ نُن قِرِن نَن نَقٍ.

Lucas 9:12-17

قُتِشِرِ شُلُنيِ

1 نَ شِ سَشَن ندٍ مَ، قُتِشِرِ شُلُنيِ ندٍ نَشَ رَبَ كَانَ، نَشَن نَ فَلِلٍ بْشِ مَ. عِسَ نفَ نُ نَ نَ شُلُن مِشِيٍ يَ مَ. 2 عِسَ قَن نُ شِلِشِ نَا، عَ نُن عَ قْشِرَبِرّيٍ. 3 وّنِ تٌ حْن، عِسَ نفَ نَشَ عَ قَلَ عَ بّ، «وّنِ بَرَ حْن يِ مِشِيٍ يِ رَ.» 4 عِسَ نَشَ عَ مَشْرِن، «ﭑ نفَ، عِ وَ مَ مُنسٍ شْن مَ ﭑ نَ؟ ﭑ مَ وَشَتِ مُ نُ عَ لِ سِندٍن.» 5 عَ نفَ نَشَ عَ قَلَ بَنشِ كٌنيِيٍ بّ، «عَ نَ نَشَن يٌ قَلَ وٌ بّ، وٌ عَ رَبَ.»

6 قّحّ سٍننِ فّمّ دَاشِ نُ نَ مّننِ، نَشٍيٍ رَقٍمَ يٍ رَ يُوِقِيٍ عٍ يّتّ رَ سّنِيّنمَ نَشَن نَ. لِتِرِ تٌنفٌ سٌلٌمَسَشَن هَن لِتِرِ كّمّ مْشْحّن نُ نْمَ سَدٍ قّحّ كٍرٍن كُي. 7 عِسَ نَشَ عَ قَلَ كٌنيِيٍ بّ، «وٌ يِ قّحّيٍ رَقٍ يٍ رَ.» عٍ نَشَ عٍ بِرِن نَقٍ تَثُ. 8 عَ مَن نَشَ عَ قَلَ عٍ بّ، «يَكْسِ، وٌ عَ ندٍ بَ، وٌ عَ شَنِن شُلُن شُنيِ شْن مَ.» عٍ نَشَ نَ قَن نَبَ. 9 شُلُن شُنيِ تٌ نَ يٍ مِن عِسَ نُ بَرَ نَشَن مَقِندِ وّنِ رَ، عَ مُ نُ عَ كٍلِدٍ كٌلٌن، كْنْ كٌنيِ نَشٍيٍ يٍ بَشِ، نٍيٍ تَن عَ كٌلٌن. عَ تٌ عَ مِن، عَ نَشَ فِنّقٍنيِ شِلِ، 10 عَ عَ قَلَ عَ بّ، «شُلُن كَنيِ بِرِن وّنِ قَنيِ نَن سِنفٍ رَ مِنِمَ، مِشِيٍ نَ سِيسِ، عٍ قَ وّنِ فبّتّ رَ مِنِ. كْنْ عِ تَن بَرَ وّنِ قَنيِ رَفَتَ هَن يِ تّمُي!»

11 نَ نَشَ قِندِ عِسَ شَ تْنشُمَ سِنفٍ رَ. عَ عَ رَبَ كَانَ نّ، فَلِلٍ بْشِ مَ. نَ قٍ كُي، عَ عَ شَ نْرّ نَن مَكّنّن، عَ قْشِرَبِرّيٍ نَشَ لَ عَ رَ.

João 2:1-11

6 عَ نَ قَلَ نّ عَلَكٌ عَ شَ قِلِثُ مَتٌ، بَرِ مَ عِسَ حَن نُ عَ كٌلٌن عَ قَقٍ نَشَن نَبَدٍ. 7 قِلِثُ نَشَ عَ يَابِ، «هَلِ وٌن تَامِ سَرَ شِ كّمّ قِرِن وَلِ سَرٍ نَن نَ، نَ مُ عَ نِيَمَ يِ حَمَ مِشِ بِرِن شَ نْ تَامِ شُنتُندِ سْتْدٍ.» 8 عِسَ قْشِرَبِرّ عَندِرٍ، سِمْن ثِيّرِ شُنيَ، عَ نَشَ عَ قَلَ، 9 «مّنفِ تَامِ سُولِ نَ يِ شّمّ دِ مّدِ يِ رَ، عَ نُن يّشّ قِرِن، كْنْ نَ قِندِشِ مُنسٍ رَ يِ حَمَ بّ؟» 10 عِسَ نَشَ عَ مَسٍن، «وٌ عَ قَلَ حَمَ بّ عٍ شَ عٍ مَفٌرٌ.» حٌوفٍ شِندٍ فبٍفبٍ تٌ نُ نَ نَا، مِشِيٍ نَشَ دْشْ بْشِ، عٍ شّمّ مِشِ وُلُ سُولِ حْندْن. 11 نَ تّمُي، عِسَ نَشَ نَ تَامِ سُولِ تٌنفٌ، عَ عَلَ تَنتُ، عَ عٍ عِتَشُن حَمَ مَفٌرٌشِ مَ، عَ عَ رَبَ نَ كِ نّ يّشّ قَن نَ. بِرِن نَشَ عَ سْتْ، هَن عٍ بِرِن نَشَ وَ سَ. 12 حَمَ تٌ لُفَ، عِسَ نَشَ عَ قَلَ عَ قْشِرَبِرّيٍ بّ، «وٌ دٌنسٍ دْنشْي شُنتُنيِيٍ مَلَن، عَلَكٌ سٍسٍ نَشَ مَكَنَ.» 13 نَ كُي، عٍ نَشَ مِشِيٍ شَ دٌنسٍ دْنشْي شُنتُنيِيٍ مَلَن هَن دٍبٍ قُ نُن قِرِن نَشَ رَقٍ. نَ بِرِن قَتَن مّنفِ تَامِ فُندِ سُولِ نَن نَ.

João 6:6-13

19 عٍ تٌ لَالَ بَ كِلٌ سُولِ شَ نَ مُ سٍننِ حْندْن، عٍ نَشَ عِسَ تٌ حّرّ رَ يٍ قَرِ، عَ قَقٍ عٍ مَبِرِ كُنكُي يِرٍ. عٍ نَشَ فَاشُ. 20 كْنْ عِسَ نَشَ عَ قَلَ عٍ بّ، «ﭑ تَن نَن عَ رَ. وٌ نَشَ فَاشُ.» 21 عٍ تٌ نُ وَ مَ عَ شَ تٍ كُنكُي كُي، كُنكُي نَشَ عٍ سِفَدٍ لِ كٍرٍن نَ.

João 6:19-21

عِسَ مِنِقٍ عَ قْشِرَبِرّ ندٍيٍ مَ

1 نَ قٍيٍ دَنفِ شَنبِ، عِسَ مَن نَشَ مِنِ عَ قْشِرَبِرّيٍ مَ تِبٍرِيَسِ بَا دّ رَ. عَ عَ يّتّ مَكّنّن عٍ بّ يِ كِ نّ. 2 سِمْن ثِيّرِ، تٌمَسِ عٍ نَشَن شِلِمَ «فُلِ،» نَتَنَيّلِ نَشَن كٍلِ كَانَ تَا فَلِلٍ بْشِ مَ، سٍبٍدٍ شَ دِيٍ، نُن عِسَ قْشِرَبِرّ قِرِن فبّتّيٍ، نٍيٍ بِرِن نُ نَ يِرٍ كٍرٍن. 3 سِمْن ثِيّرِ نَشَ عَ قَلَ عٍ بّ، «ﭑ تَن سِفَقٍ يّشّ سُشُدٍ.» عٍ نَشَ عَ قَلَ عَ بّ، «وٌن بِرِن نَ عَ رَ.» نَ كُي، عٍ نَشَ مِنِ، عٍ بَكِ كُنكُي كُي، كْنْ نَ كْي بِرِن نَ، عٍ مُ سٍسٍ سُشُ.

4 كُيٍ تٌ نُ عِبَقٍ، عِسَ نُ تِشِ بَا دّ رَ، كْنْ عَ قْشِرَبِرّيٍ مُ نُ عَ كٌلٌن عَ عَ تَن نَن عَ رَ. 5 عِسَ نَشَ عٍ مَشْرِن، «ﭑ مَ دِيٍ، وٌ بَرَ يّشّ ندٍ سْتْ؟» عٍ نَشَ عَ يَابِ، «عَدٍ، مُشُ مُ سٍسٍ سُشُشِ.» 6 عَ نَشَ عَ قَلَ عٍ بّ، «وٌ يّلّ وٌلِ كُنكُي يِرٍقَنيِ مَ، وٌ عَ ندٍ سْتْمَ نّ.» عٍ تٌ عَ وٌلِ، عٍ مُ نُ نْمَ يّلّ رَتٍدٍ، بَرِ مَ يّشّ فبٌ عَ كُي. 7 نَ كُي، عِسَ قْشِرَبِرّ، عَ نَشَن شَنُشِ، عَ نَشَ عَ قَلَ ثِيّرِ بّ، «وٌن مَرِفِ نَ عَ رَ.» سِمْن ثِيّرِ تٌ نَ مّ، عَ نَشَ دٌنمَ رَفٌرٌ عَ مَ، عَ بَفَن يٍ مَ سِفَقٍ رَ عِسَ يِرٍ. 8 بٌورٍيٍ قَن نَشَ عَ لِ كُنكُي كُي، يّلّ نَشَن نَقٍشِ يّشّيٍ رَ، عَ شِرِشِ كُنكُي رَ. عٍ مُ نُ مَكُيَ شَرٍ دّ رَ، قٌ نْنفْن كّمّ قِرِن حْندْن.

9 عٍ تٌ تٍ شَرٍ دّ رَ، عٍ نَشَ تّ شُرُشِ تٌ، يّشّ سَشِ عَ تّ وٌلٍ رَ، تَامِ قَن نَ نَ. 10 عِسَ نَشَ عَ قَلَ عٍ بّ، «وٌ قَ يّشّ ندٍ رَ وٌ بَشِ نَشَن سُشُدٍ.» 11 نَ كُي سِمْن ثِيّرِ نَشَ تٍ كُنكُي كُي، عَ يّلّ بّندُن شَرٍ مَ. عَ نُ رَقٍشِ يّشّ شُنفبٍيٍ نَن نَ، عَ فُندِ كّمّ تٌنفٌ سُولِ نُن سَشَن. كْنْ هَلِ يّشّ تٌ نُ فبٌشِ يّلّ كُي نَ كِ، يّلّ مُ عِبْو.

João 21:1-11

Libertações

Jesus expulsou demônios com autoridade. Os espíritos impuros não resistiam à sua palavra e saíam imediatamente.

سْورِ شُنمَتِ شَ دَنشَنِيَ

5 عِسَ تٌ سٌ كَثّرّنَمُ، سْورِ مِشِ كّمّ شُنمَتِ نَشَ قَ عَ يِرٍ، عَ عَ مَشَندِ، 6 «مَرِفِ، ﭑ مَ وَلِكّ سَشِ بَنشِ، عَ بَرَ نَمَتَ، عَ حَشَنكَتَشِ كِ قَنيِ رَ.» 7 عِسَ نَشَ عَ قَلَ عَ بّ، «ﭑ شَ سِفَ، ﭑ شَ سَ عَ رَيَلَن.» 8 سْورِ مِشِ كّمّ شُنمَتِ نَشَ عَ يَابِ، «مَرِفِ، نَ بِنيّ مُ نَ ﭑ يِ رَ عِ تَن شَ سٌ ﭑ مَ بَنشِ كُي. عِ شَ يَامَرِ فبَنسَن نَن قِ، ﭑ مَ كٌنيِ يَلَنمَ نّ. 9 ﭑ عَ كٌلٌن بَرِ مَ ﭑ قَن نَ مَنفّ ندٍيٍ نَن شَ يَامَرِ بُن مَ، سْورِ ندٍيٍ مَن نَ ﭑ قَن يِ، نَشٍيٍ نَ ﭑ مَ يَامَرِ بُن مَ. ﭑ نَ عَ قَلَ سْورِ ندٍ بّ، ‹سِفَ،› عَ سِفَمَ نّ. ﭑ نَ عَ قَلَ، ‹قَ،› عَ قَمَ نّ. ﭑ نَ ﭑ مَ كٌنيِ ندٍ يَمَرِ، ‹يِ قٍ رَبَ،› عَ عَ رَبَمَ نّ.»

10 عِسَ تٌ نَ سْورِ شَ مَسٍنيِ مّ، عَ نَشَ كَابَ، عَ قَ عَ قَلَ عَ قْشِرَبِرّيٍ بّ، «ﭑ شَ نْندِ قَلَ وٌ بّ، ﭑ مُ يِ دَنشَنِيَ مْولِ تٌشِ عِسِرَيِلَ بْشِ دّدّ. 11 ﭑ شَ عَ قَلَ وٌ بّ، مِشِ فبٍفبٍ قَمَ نّ كٍلِ سٌفٍتٍدٍ نُن سٌفٍفٌرٌدٍ بِرِ، عٍ عٍ دّفٍ عٍ نُن عِبُرَهِمَ، عِسِيَفَ، نُن يَشُبَ عَلَ شَ مَنفّيَ نِينِ بُن مَ. 12 كْنْ مَنفّ شَ دِيٍ تَن وٌلِمَ نّ تَندٍ دِ مِ كُي، وَ نُن حِنيِ رَشِنيِ نَ دّننَشّ.» 13 نَ تّمُي عِسَ نَشَ عَ قَلَ سْورِ مِشِ كّمّ شُنمَتِ بّ، «سِفَ، عَ شَ رَبَ عِ بّ عَلْ عِ لَشِ عَ رَ كِ نَشّ.» نَ وَشَتِ كٍرٍنيِ يَتِ، سْورِ شَ كٌنيِ نَشَ يَلَن.

Mateus 8:5-13

حِننّ كَنيِ رَيَلَنقٍ

28 عٍ تٌ نَاكِرِ لِ فَدَرَ بْشِ مَ، مِشِ قِرِن نَشَ مِنِ فَبُرِ لٌنفٌرِ رَ حِننّيٍ نُ نَشٍيٍ قْشْ رَ، عٍ سَ عِسَ رَلَن. عٍ نُ مَفَاشُ كِ قَنيِ، مِشِ يٌ حَن مُ نُ نْمَ دَنفِدٍ نَ بِرِ. 29 عٍ نَشَ سْنشْ، «عَلَ شَ دِ، عِ وَشِ مُنسٍ شْن مَ مُشُ بّ؟ عِ قَشِ بٍ مُشُ حَشَنكَتَدٍ نّ بٍينُن عَ لْشْي شَ عَ لِ؟» 30 شْسّ فَلِ نُ نَ عٍ دّ مَدٌنقٍ نَ لٌنفٌرِ. 31 حِننّيٍ نَشَ عِسَ مَيَندِ، «شَ عِ سَ مُشُ كٍرِ، مُشُ رَ سٌ يِ شْسّ فَلِ.» 32 عِسَ نَشَ عَ قَلَ عٍ بّ، «وٌ سِفَ.» عٍ نَشَ مِنِ نَ شّمّ قِرِنيِيٍ، عٍ سٌ نَ شْسّيٍ عِ. شْسّ فَلِ بِرِن نَشَ فٌرٌ عٍ فِ رَ تٍنتٍنيِ رَ، عٍ سَ سِن بَا مَ، عٍ مَدُلَ. 33 نَشٍيٍ نُ نَ شْسّيٍ دّ مَدٌنقٍ، عٍ نَشَ عٍ فِ. عٍ تٌ سٌ تَا كُي، عٍ نَشَ دّنتّفّ سَ قٍ مَ نَشَن دَنفِشِ، عٍ عَ قَلَ تَاكَيٍ بّ حِننّيٍ فبِلٍنشِ نَ شّمّ قِرِن قْشْ رَ كِ نَشّ. 34 نَ تّمُي تَا بِرِن نَشَ مِنِ عِسَ رَلَندٍ. عٍ تٌ عَ تٌ، عٍ نَشَ عَ مَيَندِ عَ شَ كٍلِ عٍ شَ بْشِ مَ.

Mateus 8:28-34

بٌبٌي رَيَلَنقٍ

32 عِسَ نُن عَ قْشِرَبِرّيٍ تٌ نُ كٍلِقٍ نَا، مِشِ ندٍ نَشَ قَ شّمّ ندٍ رَ عَ شْن مَ حِننّ نُ بَرَ نَشَن قِندِ بٌبٌي رَ. 33 عِسَ تٌ نَ حِننّ كٍرِ، بٌبٌي نَشَ وْيّن. حَمَ نَشَ كَابَ، عٍ عَ قَلَ، «يِ قٍ مْولِ سِنفٍ مُ نُ تٌ عِسِرَيِلَ بْشِ مَ.»

Mateus 9:32,33

شَشِلِ سّنِيّنشِ مَتَندِقٍ

22 مِشِ ندٍ نَشَ قَ شّمّ ندٍ رَ عِسَ شْن حِننّ نُ بَرَ نَشَن قِندِ دْنشُي نُن بٌبٌي رَ. عِسَ نَشَ عَ رَيَلَن، عَ يَ نَشَ سٍ تٌ، عَ تُلِ نَشَ قٍ مّ.

Mateus 12:22

كَنَان فِنّ شَ دَنشَنِيَ

21 عِسَ نَشَ كٍلِ مّننِ، عَ سِفَ تِرٍ نُن سِدْن بْشِ مَ. 22 كَنَان فِنّ ندٍ نَشَن كٍلِشِ نَ لٌنفٌرِ، عَ نَشَ قَ عِسَ يِرٍ عَ عَ شُي عِتٍ، «مَرِفِ، دَوُدَ شَ دِ، كِنِكِنِ ﭑ مَ. حِننّ بَرَ ﭑ مَ دِ فِنّ حَشَنكَتَ قٍوٌ!» 23 كْنْ عِسَ مُ سٍسٍ قَلَ عَ بّ. عَ قْشِرَبِرّيٍ نَشَ عٍ مَسٌ عِسَ رَ، عٍ عَ قَلَ عَ بّ، «يِ فِنّ كٍرِ، عَ نَ فبٍلٍفبٍلٍقٍ وٌن قْشْ رَ.» 24 عِسَ نَشَ عَ مَسٍن، «ﭑ شّيشِ عِسِرَيِلَ بْنسْي فبَنسَن نَن مَ، نَشٍيٍ لُشِ عَلْ يّشّي لْيشِيٍ.» 25 كْنْ فِنّ نَشَ قَ عَ سُيِدِ عَ بّ، عَ عَ قَلَ، «مَرِفِ، عِ شَ ﭑ مَلِ!» 26 عِسَ نَشَ عَ يَابِ، «عَ مُ لَن تَامِ شَ بَ دِ مّدِيٍ يِ رَ، عَ سَ بَرٍيٍ بُن مَ.» 27 فِنّ نَشَ عَ قَلَ، «مَرِفِ، عِ نْندِ، كْنْ هَلِ بَرٍيٍ، عٍ دٌنسٍ شُنتُنيِ ندٍ سْتْمَ نَشَن بِرَ مَ عٍ كَنيِ شَ تٍيبِلِ رَ.» 28 نَ كُي، عِسَ نَشَ عَ مَسٍن عَ بّ، «فِنّ، عِ شَ دَنشَنِيَ فبٌ! عِ وَشْنقٍ بَرَ رَبَ عِ بّ.» عَ شَ دِ فِنّ نَشَ يَلَن كٍرٍن نَ.

Mateus 15:21-28

حِننّ كٍرِقٍ نَشَن نُ دِ مّدِ قْشْ رَ

14 عٍ تٌ حَمَ يِرٍ لِ، شّمّ ندٍ نَشَ قَ عِسَ شْن، عَ عَ شِنبِ سِن عَ بُن مَ، 15 عَ عَ قَلَ، «مَرِفِ، كِنِكِنِ ﭑ مَ دِ مَ، شَشِلِ قُرٍ عَ حَشَنكَتَشِ كِ قَنيِ. عَ لُمَ بِرَ رَ تّ شْورَ، عَ نُن يٍ شْورَ. عَ نَ رَبَمَ هَن. 16 ﭑ بَرَ قَ عَ رَ عِ قْشِرَبِرّيٍ شْن، كْنْ عٍ مُ نْشِ عَ رَيَلَندٍ.» 17 عِسَ نَشَ عٍ يَابِ، «وٌ تَن بْنسْي دَنشَنِيَتَرٍ، وٌ كٌبِ! ﭑ شَ لُ وٌ سّيتِ مَ هَن مُن تّمُي؟ ﭑ شَ تِ وٌ بُن مَ هَن مُن لْشْي؟ وٌ قَ نَ دِ رَ ﭑ شْن.» 18 عِسَ نَشَ حِننّ يَمَرِ، حِننّ نَشَ فبِلٍن دِ مّدِ قْشْ رَ، دِ مّدِ نَشَ يَلَن كٍرٍن نَ.

Mateus 17:14-18

23 نَ وَشَتِ يَتِ، شّمّ ندٍ حِننّ نُ نَشَن قْشْ رَ، عَ نَشَ سْنشْي رَتٍ قْلْ عٍ شَ سَلِدٍ بَنشِ كُي، 24 «عِسَ نَسَرّتِكَ، عِ وَشِ مُنسٍ شْن مَ مُشُ بّ؟ عِ قَشِ مُشُ سْنتْدٍ نّ؟ ﭑ عَ كٌلٌن مِشِ نَشَن لَنشِ عِ مَ. عَلَ شَ سّنِيّنتْي نَن نَ عِ رَ.» 25 عِسَ نَشَ وْيّن عَ مَ عَ شْرْشْي رَ، «عِ سَبَرِ. فبِلٍن يِ شّمّ قْشْ رَ.» 26 حِننّ نَشَ شّمّ رَكٍتُن عَ رَ، عَ سْنشْ، عَ قَ فبِلٍن عَ قْشْ رَ.

Marcos 1:23-26

عِسَ حِننّيٍ كٍرِقٍ فَدَرَكَ قْشْ رَ

1 عِسَ نُن عَ قْشِرَبِرّيٍ نَشَ قَ نَاكِرِ مَ، فَدَرَ بْشِ مَ. 2 عِسَ تٌ فٌرٌ كُنكُي كُي، شّمّ ندٍ نَشَ قَ عَ رَلَندٍ، حِننّ نُ نَشَن قْشْ رَ. عَ نُ كٍلِشِ فَبُرِيٍ يِرٍ، 3 بَرِ مَ عَ نُ سَبَتِشِ مّننِ نّ. مِشِ يٌ مُ نُ نْمَ عَ شِرِدٍ سْنْن، هَلِ يْلْنشْنيِ رَ. 4 سَنيَ وُيَشِ، عٍ نُ بَرَ وُرٍ بَلَن عَ سَنيِيٍ مَ، عٍ يْلْنشْنيِ بَلَن عَ بّلّشّيٍ قَن مَ. كْنْ عَ نُ يْلْنشْنيِيٍ بٌلٌنمَ نّ، عَ وُرٍيٍ قَن بِرِن عِفِرَ. مِشِ يٌ مُ نُ نَ نَا نَشَن نْمَ عَ رَ. 5 كْي نُن يَنيِ عَ نُ نَ فَبُرِيٍ يِرٍ نّ، عَ نُن فٍيَيٍ قَرِ. عَ نُ فبٍلٍفبٍلٍمَ، عَ نُ عَ يّتّ مَشْنْ فّمّ رَ.

6 عَ تٌ عِسَ تٌ كٍلِ يِرٍ مَكُيٍ، عَ نَشَ عَ فِ، عَ سَ سُيِدِ عَ بّ. 7 عَ نَشَ فبٍلٍفبٍلٍ، «عِسَ، عِ تَن عَلَ شِلِ شُنفبٍ كَنيِ شَ دِ، عِ وَ مَ مُنسٍ شْن مَ ﭑ بّ؟ ﭑ بَرَ عِ مَيَندِ عَلَ شَ قٍ رَ، عِ نَشَ ﭑ حَشَنكَتَ.» 8 عِسَ نُ بَرَ عَ يَمَرِ، «عِ تَن حِننّ، فبِلٍن يِ شّمّ قْشْ رَ.» 9 عِسَ مَن نَشَ عَ مَشْرِن، «عِ شِلِ دِ؟» عَ نَشَ عَ يَابِ، «ﭑ شِلِ نّ فَلِ، بَرِ مَ مُشُ فَلِ نَن عَ رَ.» 10 عَ نَشَ عِسَ مَيَندِ كِ قَنيِ، عَ عَ نَشَ عٍ كٍرِ نَ بْشِ مَ.

11 شْسّ فَلِ نُ نَ عٍ دّ مَدٌنقٍ فٍيَ ندٍ مَ. 12 حِننّيٍ نَشَ عِسَ مَيَندِ، «مُشُ رَ سٌ يِ شْسّيٍ عَلَكٌ مُشُ شَ لُ عٍ قَتٍ.» 13 عِسَ نَشَ تِن. حِننّيٍ نَشَ فبِلٍن نَ شّمّ قْشْ رَ، عٍ سٌ شْسّيٍ. شْسّيٍ نَشَ فٌرٌ عٍ فِ رَ تٍنتٍنيِ رَ، عٍ سِن بَا مَ. عٍ وُلُ قِرِن نَن نُ عَ رَ. عٍ بِرِن نَشَ مَدُلَ، عٍ قَشَ.

14 نَشٍيٍ نُ نَ شْسّيٍ دّ مَدٌنقٍ، عٍ نَشَ عٍ فِ. عٍ نَشَ سَ نَ قٍ قَلَ تَاكَيٍ نُن دَاشَكَيٍ بّ، مِشِيٍ قَن نَشَ سِفَ نَ قٍ مَتٌدٍ.

Marcos 5:1-14

11 كْنْ وٌ تَن نَشّ، شَ مِشِ ندٍ عَ قَلَ عَ بَبَ شَ نَ مُ عَ نفَ بّ، ‹عِ نُ لَنمَ عِ شَ نَشَن سْتْ ﭑ نَ عِ مَلِسٍ رَ، ﭑ بَرَ عَ قِ عَلَ مَ،› 12 هَلِ نَ كَنيِ مُ قٍقٍ رَبَ عَ بَبَ نُن عَ نفَ بّ. 13 نَ كُي، وٌ عَلَ شَ سّرِيّ مَتَندِ مَ وٌ شَ نَامُنيِيٍ سَابُي رَ، وٌ مَن قَ نٍيٍ نَن مَسٍنمَ وٌ شَ دِيٍ بّ. وٌ نَ قٍ مْولِ فبٍفبٍ نَن نَبَمَ، بَقٍ يِ رَ.»

14 عِسَ مَن نَشَ حَمَ شِلِ، عَ عَ مَسٍن عٍ بّ، «وٌ بِرِن شَ وٌ تُلِ مَتِ ﭑ نَ، وٌ شَ قَهَامُي سْتْ. 15,16 دٌنسٍ نَشَن كٍلِ عَ قَرِ مَ، عَ سٌ مِشِ قَتٍ عِ، عَ سٍسٍ مُ نَ نَشَن نْمَ عَ كَنيِ قِندِدٍ مِشِ سّنِيّنتَرٍ رَ. قٍ كٌبِ نَشٍيٍ كٍلِمَ مِشِ بْحّ مَ، نٍيٍ نَن عَ كَنيِ قِندِ مَ مِشِ سّنِيّنتَرٍ رَ.»

Marcos 7:11-15

سِرِيَ قٍنِسِيَ فِنّ شَ دَنشَنِيَ

24 عِسَ نَشَ كٍلِ مّننِ، عَ سِفَ تِرٍ بْشِ مَ. عَ نَشَ سٌ عَ يِفِيَدٍ. عَ مُ نُ وَ مَ مِشِ يٌ شَ عَ يِرٍ كٌلٌن، كْنْ عَ مُ نْ عَ نْشُندٍ. 25 فِنّ ندٍ نُ نَ، حِننّ نُ نَشَن شَ دِ فِنّ قْشْ رَ. عَ تٌ عِسَ شَ قٍ مّ، عَ نَشَ قَ عَ يِرٍ، عَ سُيِدِ عَ بّ. 26 يُوِقِ شَ مُ نُ يِ فِنّ رَ، عَ نُ بَرِشِ سِرِيَ قٍنِسِيَ نّ. عَ نَشَ عِسَ مَيَندِ، عَ شَ حِننّ كٍرِ عَ شَ دِ فِنّ قْشْ رَ. 27 عِسَ نَشَ عَ يَابِ، «عَ لُ دِ مّيٍ نَن سِنفٍ شَ عٍ دّفٍ، بَرِ مَ عَ مُ لَن تَامِ شَ بَ دِ مّدِيٍ يِ رَ، عَ سَ بَرٍيٍ بُن.» 28 فِنّ قَن نَشَ عَ يَابِ، «مَرِفِ، عِ نْندِ، كْنْ بَرٍدِ نَشٍيٍ نَ تٍيبِلِ بُن مَ، عٍ قَن دِ مّيٍ شَ دٌنسٍ دٌنمَ نَشَن بِرَ مَ بْشِ.» 29 عِسَ نَشَ عَ قَلَ عَ بّ، «عِ شَ يَابِ شَ قٍ رَ، سِفَ، حِننّ بَرَ فبِلٍن عِ شَ دِ فِنّ قْشْ رَ.» 30 فِنّ تٌ فبِلٍن عَ شْنيِ، عَ نَشَ عَ شَ دِ لِ عَ سَشِ سَدٍ مَ، حِننّ بَرَ فبِلٍن عَ قْشْ رَ.

Marcos 7:24-30

17 شّمّ ندٍ نَشَ عَ يَابِ حَمَ تَفِ، «كَرَ مْشْ، ﭑ قَشِ ﭑ مَ دِ شّمّ نَن نَ عِ شْن، بَرِ مَ حِننّ نَ عَ قْشْ رَ نَشَن بَرَ عَ دّ بٌبٌ. 18 عَ نَ كٍلِ عَ رَ دّدّ، عَ عَ رَبِرَ مَ نّ بْشِ، عَ دّ شُنقّ نُ قَ مِنِ، عَ نُ عَ حِنيِ رَشِن، عَ قَتٍ بِرِن شْرْشْ عَ رَ. ﭑ بَرَ عِ قْشِرَبِرّيٍ مَيَندِ عٍ شَ يِ حِننّ كٍرِ عَ قْشْ رَ، كْنْ عٍ مُ نْ.»

19 عِسَ نَشَ عٍ يَابِ، «وٌ تَن دَنشَنِيَتَرٍ بْنسْي، ﭑ شَ لُ وٌ سّيتِ مَ هَن مُن تّمُي؟ ﭑ شَ تِ وٌ بُن مَ هَن مُن لْشْي؟ وٌ قَ نَ دِ رَ ﭑ شْن.» 20 عٍ نَشَ قَ عَ رَ عَ شْن. حِننّ تٌ عِسَ تٌ، عَ نَشَ دِ رَبِرَ كٍرٍن نَ، عَ نُ قَ عَ مَحِندِفِلِن بْشِ، عَ دّ شُنقّ نُ مِنِ. 21 عِسَ نَشَ عَ بَبَ مَشْرِن، «يِ رَبَمَ عَ رَ كَبِ مُن تّمُي؟» عَ نَشَ عَ يَابِ، «كَبِ عَ دِ مّدِ تّمُي. 22 سَنمَيَ وُيَشِ يِ حِننّ عَ رَبِرَ مَ تّ شْورَ، شَ نَ مُ يٍ، عَلَكٌ عَ شَ عَ قَشَ. كْنْ شَ عِ نْمَ قٍ ندٍ رَ، مُشُ مَلِ. كِنِكِنِ مُشُ مَ!» 23 عِسَ نَشَ عَ مَسٍن عَ بّ، «عِ نَشّ، شَ ﭑ نْمَ. قٍقٍ مُ نَ نَشَن مُ نْمَ رَبَدٍ مِشِ بّ شَ دَنشَنِيَ نَ عَ بّ.» 24 دِ بَبَ قَن نَشَ عَ شُي عِتٍ كٍرٍن نَ عِسَ مَيَندِقٍ رَ، «دَنشَنِيَ نَ ﭑ بّ، كْنْ ﭑ مَلِ ﭑ مَ دَنشَنِيَتَرٍحَ شَ قٍ رَ!»

25 عِسَ تٌ حَمَ تٌ، عٍ قَقٍ عٍ فِ رَ، عَ نَشَ وْيّن حِننّ رَ، «عِ تَن حِننّ نَشَن بَرَ يِ دِ دّ بٌبٌ، عِ عَ تُلِ شْرِ، ﭑ بَرَ عِ يَامَرِ، فبِلٍن عَ قْشْ رَ، عِ مَن نَشَ عَ تْورْ سْنْن!» 26 حِننّ نَشَ سْنشْ، عَ دِ رَكٍتُن عَ رَ عَ حَاشِ رَ، عَ قَ فبِلٍن عَ قْشْ رَ. دِ نَشَ لُ عَلْ عَ قَشَشِ نّ. مِشِ فبٍفبٍ نَشَ عَ قَلَ، «عَ بَرَ قَشَ.» 27 كْنْ عِسَ نَشَ عَ سُشُ عَ بّلّشّ مَ، عَ عَ رَكٍلِ، دِ قَن نَشَ تِ.

Marcos 9:17-27

38 عِسَ تٌ مِنِ سَلِدٍ كُي، عَ نَشَ سِفَ سِمْن شْنيِ. سِمْن بِتَنيِ مُ نُ يَلَنشِ. عَ قَتٍ نُ فَنشِ عَ مَ. عٍ نَشَ عِسَ مَشَندِ عَ شَ عَ مَلِ. 39 عِسَ تٌ تِ عَ شُن مَ، عَ نَشَ وْيّن نَ قُرٍ مَ، قُرٍ نَشَ عَ بّحِن. عَ نَشَ كٍلِ كٍرٍن نَ، عَ كُرِ سٌ عٍ بّ.

Lucas 4:38,39

27 عِسَ تٌ فٌرٌ شَرٍ مَ، عَ نَشَ حِننّيٍ كَنيِ لِ نَا. سِنفٍ عَ نُ سَبَتِشِ تَا كُي، كْنْ كَبِ تّمُي شْنكُيٍ عَ سَبَتِشِ فَبُرِ يِرٍ عَ مَفٍلِ رَ. 28 عَ تٌ عِسَ تٌ، عَ نَشَ فبٍلٍفبٍلٍ، عَ سَ بِرَ عَ بُن مَ، عَ عَ قَلَ عَ شُي عِتٍشِ رَ، «عِسَ، عِ تَن عَلَ شِلِ شُنفبٍ كَنيِ شَ دِ، عِ وَ مَ مُنسٍ شْن مَ ﭑ بّ؟ ﭑ بَرَ عِ مَيَندِ، عِ نَشَ ﭑ حَشَنكَتَ.» 29 عَ نَ قَلَ نّ، بَرِ مَ عِسَ نُ بَرَ حِننّ يَمَرِ عَ شَ فبِلٍن نَ شّمّ قْشْ رَ. سَنمَيَ وُيَشِ، مِشِيٍ نُ بَرَ يْلْنشْنيِ سَ عَ سَنيِيٍ نُن عَ بّلّشّيٍ مَ، عَلَكٌ عَ نَشَ عَ مَشْنْ، كْنْ حِننّ نُ لُمَ يْلْنشْنيِيٍ بٌلٌن نَ، عَ قَ عَ رَكٌنكٌن وُلَ رَ.

30 عِسَ نَشَ عَ مَشْرِن، «عِ شِلِ دِ؟» عَ نَشَ عَ يَابِ، «ﭑ شِلِ نّ فَلِ.» عَ نَ قَلَ نّ بَرِ مَ حِننّ فبٍفبٍ نَن نُ عَ قْشْ رَ. 31 حِننّيٍ نَشَ عِسَ مَيَندِ عَلَكٌ عَ نَشَ عٍ رَ سَنبَ يَهَننَمَ.

32 شْسّ فَلِ نُ نَ عٍ دّ مَدٌنقٍ فٍيَ ندٍ مَ. حِننّيٍ نَشَ عِسَ مَيَندِ عَ شَ تِن عٍ شَ سَ سٌ نَ شْسّيٍ. عِسَ تٌ تِن، 33 حِننّيٍ نَشَ فبِلٍن نَ شّمّ قْشْ رَ، عٍ سَ سٌ شْسّيٍ. شْسّيٍ نَشَ فٌرٌ عٍ فِ رَ تٍنتٍنيِ رَ، عٍ سِن بَا مَ. عٍ بِرِن نَشَ مَدُلَ، عٍ قَشَ.

34 شْسّ دّ مَدٌنيِيٍ تٌ نَ قٍ تٌ، عٍ نَشَ سِفَ عٍ فِ رَ، عٍ سَ عَ قَلَ تَاكَيٍ نُن دَاشَكَيٍ بّ، 35 مِشِيٍ قَن نَشَ سِفَ عٍ شَ سَ عَ مَتٌ نَشَن نَبَشِ. عٍ تٌ عِسَ يِرٍ لِ، عٍ نَشَ شّمّ قَن لِ نَا، حِننّيٍ نُ بَرَ كٍرِ نَشَن قْشْ رَ، عَ دْشْشِ عِسَ بُن مَ، سٌسٍ رَفٌرٌشِ عَ مَ، عَ بَرَ يَلَن. نَ نَشَ عٍ رَفَاشُ.

Lucas 8:27-35

27 ﭑ شَ نْندِ قَلَ وٌ بّ، مِشِ ندٍيٍ تِشِ وٌ يَ مَ بٍ، نَشٍيٍ مُ قَشَمَ قٌ عٍ عَلَ شَ مَنفّيَ نِينِ تٌ.»

عِسَ نْرْقٍ

28 يِ مَسٍنيِ دَنفِ شَنبِ شِ سٌلٌمَسَشَن حْندْن، عِسَ نَشَ ثِيّرِ، يَيَ، نُن يَكِ شَنِن فٍيَ قَرِ عَلَ مَشَندِدٍ. 29 عِسَ تٌ نُ عَلَ مَشَندِقٍ، عَ يَتَفِ نَشَ مَسَرَ. عَ شَ دُفِيٍ قَن نَشَ قِيشّ عَلْ نَءِيَلَنيِ. 30 نَ تّمُي، عَننَبِ مُنسَ نُن عَننَبِ عٍلِيَ نَشَ مِنِ عٍ مَ، عٍ نُن عِسَ نَشَ وْيّن. 31 عٍ مِنِ نْرّ شُنفبٍ نَن كُي، عٍ نُ وْيّنقٍ عِسَ بّ عَ شَ قَشّ شَ قٍ مَ، نَشَن نُ قَقٍ كَمَلِدٍ دَرِ سَلَمُ.

Lucas 9:27-31

32 شِ شْلِ نُ بَرَ نْ ثِيّرِ نُن عَ بٌورٍيٍ رَ، كْنْ عٍ تٌ شُنُ، عٍ نَشَ عِسَ شَ نْرّ تٌ، عَ نُن نَ شّمّ قِرِن نَشٍيٍ نُ نَ عَ قّ مَ. 33 نَ شّمّ قِرِنيِيٍ تٌ نُ كٍلِقٍ عِسَ شُن، ثِيّرِ نَشَ عَ قَلَ عَ بّ، «مَرِفِ، قٍ قَنيِ نَ عَ رَ مُشُ تٌ نَ بٍ يِ كِ. مُشُ شَ لِنفِرَ سَشَن يَءِلَن، كٍرٍن عِ فبٍ، كٍرٍن عَننَبِ مُنسَ فبٍ، كٍرٍن عَننَبِ عٍلِيَ فبٍ.» ثِيّرِ مُ نُ عَ كٌلٌنشِ عَ نُ سٍسٍ نَشَن قَلَقٍ.

Lucas 9:32,33

38 نَ تّمُي، شّمّ ندٍ نَشَ عَ شُي عِتٍ حَمَ تَفِ عِسَ مَيَندِقٍ رَ، «كَرَ مْشْ، يَندِ، قَ ﭑ مَ دِ شّمّ مَتٌ، بَرِ مَ يِ دِ كٍرٍنيِ نَن نَ ﭑ بّ! 39 عَ مَتٌ، حِننّ نَن نَ عَ قْشْ رَ. عَ نَ كٍلِ عَ رَ، عَ سْنشْمَ نّ، عَ عَ رَكٍتُن عَ رَ، ﭑ مَ دِ دّشُنقّ نُ قَ مِنِ. عَ مُ عَ بّحِنمَ مَقُرٍن، قٌ عَ فّ عَ رَهَلَكِدٍ. 40 ﭑ بَرَ عِ قْشِرَبِرّيٍ مَيَندِ عٍ شَ يِ حِننّ كٍرِ عَ قْشْ رَ، كْنْ عٍ مُ نْشِ.»

41 عِسَ نَشَ عٍ يَابِ، «وٌ تَن بْنسْي دَنشَنِيَتَرٍ، وٌ كٌبِ. ﭑ شَ لُ وٌ سّيتِ مَ هَن مُن تّمُي؟ ﭑ شَ تِ وٌ بُن مَ هَن مُن لْشْي؟ وٌ قَ نَ دِ رَ ﭑ شْن.»

42 عَ حَن مُ نُ عِسَ يِرٍ لِ سِندٍن، حِننّ نَشَ دِ رَبِرَ بْشِ مَ، عَ عَ رَكٍتُن عَ رَ. كْنْ عِسَ تٌ حِننّ يَمَرِ، دِ نَشَ يَلَن، عِسَ قَ عَ رَفبِلٍن عَ بَبَ مَ. 43 حَمَ بِرِن نَشَ كَابَ عَلَ شَ سّنبّ مَ.

عِسَ عَ شَ قَشّ شَ قٍ مَسٍنقٍ عَ سَنمَيَ قِرِن ندٍ

بِرِن تٌ نُ كَابَشِ عِسَ وَلِ قْشِ بِرِن مَ، عَ نَشَ عَ قَلَ عَ قْشِرَبِرّيٍ بّ،

Lucas 9:38-43

عَلَ شَشِلِ سّنِيّنشِ مَتَندِقٍ

14 عِسَ نَشَ حِننّ ندٍ كٍرِ شّمّ قْشْ رَ نَشَن نُ بَرَ عَ كَنيِ قِندِ بٌبٌي رَ. عِسَ تٌ نَ حِننّ كٍرِ، بٌبٌي نَشَ وْيّن، حَمَ نَشَ كَابَ.

Lucas 11:14

50 عَ قْشِرَبِرّ ندٍ نَشَ سّرّشّدُبّ كُنتِفِ شَ كٌنيِ يِرٍقَنيِ تُلِ بٌلٌن. 51 كْنْ عِسَ نَشَ عَ قَلَ، «وٌ عَ لُ!» عَ نَشَ قَ عَ بّلّشّ سَ نَ شّمّ تُلِ مَ، عَ عَ رَيَلَن.

Lucas 22:50,51

24 يَيَ شَ شّيرَيٍ تٌ سِفَ، عِسَ نَشَ حَمَ مَشْرِن يَيَ شَ قٍ مَ، «وٌ سِفَ مُنسٍ مَتٌدٍ وُلَ عِ؟ قٌيٍ كَلٍ نَشَن نَمَشَمَ؟ 25 شَ نَ مُ عَ رَ، وٌ سِفَ مُنسٍ مَتٌدٍ؟ دُفِ تٌقَنيِ كَنيِ؟ نَشٍيٍ مَشِرِشِ عَ قَنيِ رَ، عٍ شَ دُنِحّ عِفِرِ بَننَيَ كُي، نٍيٍ تٌمَ مَنفّ بَنشِيٍ نَن كُي. 26 وٌ قَ سِفَ مُنسٍ مَتٌدٍ؟ نَمِحْنمّ؟ عِيٌ، ﭑ شَ عَ قَلَ وٌ بّ، عَ حَن دَنفِ نَمِحْنمّ رَ. 27 عَ تَن نَن شَ قٍ سّبّشِ كِتَابُي كُي، ‹ﭑ قَمَ ﭑ مَ شّيرَ رَ سَنبَدٍ عِ يَ رَ عَلَكٌ عَ شَ كِرَ يَءِلَن عِ بّ.› 28 ﭑ شَ عَ قَلَ وٌ بّ، فِنّ يٌ مُ دِ بَرِ نَشَن دَنفِ يَيَ رَ. كْنْ ﭑ مَن شَ عَ قَلَ وٌ بّ، مِشِ نَشَن نَ عَلَ شَ مَنفّيَ نِينِ بُن مَ، عَ شُرُن كِيٌكِ، عَ قَن دَنفِ يَيَ رَ.»

29 «حَمَ نُن دُوتِ مَشِلِيٍ تٌ عَ شُي مّ، عٍ لَ نّ عَلَ رَ، عٍ قَ لُ يَيَ شَ عٍ شُنشَ يٍ شْورَ. 30 كْنْ قَرِ سّنِيٍ نُن سّرِيّ كَرَ مْشْيٍ تَن تٌندِ نّ عَلَ وَشْنقٍ رَ عٍ بّ بَرِ مَ عٍ تٌندِ نّ يَيَ شَ عٍ شُنشَ يٍ شْورَ.»

Lucas 7:24-30