Milagres

26 Iyesus bo maants s’iilt, «Keew han ashosh faletkaliyee, Ik’oshomó jamo faletwe» bí et.

26 Iyesus bo maants s’iilt, «Keew han ashosh faletkaliyee, Ik’oshomó jamo faletwe» bí et.

37 ✝Ik’osh maawet keewo aaliye.»

20 ✝Iyesuswere boosh hank’o bíet, «It amano it k’aztsoshe, arikon itsh keewirwe, senafic' aawi kayuk’o bodts imnetiyu detsfetee wotink’eree gurhansh ‹Hanoke tuur ok amee!› it etal ametuwe, itsh maawetwo eegor aaliye.

21 ✝Iyesuswere hank’o ett boosh bíaaniy, «Arikone itsh tkeewiri, imnetiyo deshr t’arat’aro itk’azink’ere belesi mitu atsats k’aletsok’o k’almec’ro b́woterawon dab gurhansh ‹Hanoke tuur aats k’arots shap’ewe!› it etal itsh s’eenetwe.

23 Iyesuswere, «N faliyala etfi? Amanit ashosh jam keewo faletwe!» bí bí eti.

27 Iyesus bomaand s’iilt, «Arikon keewan ashuwotssh faleratse, Ik’oshmó faletwe, Ik’oshe jám keew falefe» bí et.

27 Iyesusmó, «Ashoke maawets keewo Ik’oke faleke» bí et.

58 Aman bok’aztsatse tuutson Iyesus manoke ay adits keewo fineratse b́tesh.

22 «Israe’el ashuwotso! aap’an k’ewude’ere, It it tookon it dantsok’on Nazrettso Iyesus koni b́wottsok’o Ik’o it dagotse b́weeron b́ k’alts een een finwotsi, aditsuwotsnat milikituwots arikon daneewtsernee.

31 Ik' k’ono bo ishiyakon ko’edek’t bo beyiruwok man shek’e b́wutsi, jamwotswere shayiri S’ayinon s’een bowutsi, Ik’i aap’onwre ááwu shuk’on keewo dek’t botuwi.

Ik’o P’awlos kishon b́fiinst adits keewo

11 Ik’o ayidek’t adits keewu wotts milikituwotsi P’awlos kishon b́finefoni. 12 Manatse tuutson P’awlos atsats bodts tahonat marabon dek’amt shodetsuwotsats bobetsor boshodotse bokashefoni, kim shayirwotswere boyitse bokeshfoni.

12 Ari wosheetso twoto kitsiru keewwots itnton tbewor k’amoon t k’alts fiinwotsiye, milikitanotsnat adits keewanotswere adiknee.

28 ✝Mansh Ik’o ik ik asho Ik' mootse k’osh k’osh fino bodetsetuwok’o woshre, hank’on shino woshetswotsi, gitlo nebiyatiyotsi, kezlon danirwotsi naashire. Dabtnuwere adits finituwotsi, dabt shodtso kashiyo boosh imetswotsi, ashuwotsi t’ep’o boosh imetswotsi, jiishiruwotsnat k’osh k’osh noonon keewiru ashuwotsi woshre.

8 S’ayin shayiro ik ashosh dani teleefi aap’o imetuwe, k’osh ashoshowere shayirman dani aap’o bí imeti, 9 Ik shayirman ikosh imnetiyo bí imeti, k’oshoshmó shodets kashiyit imo bí imeti, 10 Ikosho Ik’oke bek’on keewo, ikoshowere Shayirwotsi galde dano, ikosho k’osh naari noon keewo, k’oshoshowere imets k’osh noonon keewtso bits falo bí imeti,

39 Mannowere Iyesus hank’o bí et, «T shúútson adits keewo finefetsr manóór ti atsats gondo keewitwo bí altsotse k’ayk’rore, bazi k’ayere, 40 ✝Noon k’eferaw jamó nontoniye,

15 Hank’o imnetiyats need’ts Ik' k’ono shodts man kashituwe, Doonzonu b́ shodotse bín kashituwe, b́ fints morro b́ beyalo bísh orowa etetuwe. 16 Mansh it kashituwok’o it morro it ats atsewosh kewewore, iko k’oshosh Ik’o k’onuwe, kááw ash Ik' k’ono ay k’awuntso daatsit ango detsfe,

17 ✝Eliyas nonk’o ashe b́ teshi, wotowa bako awusho b́ búyawok’o kúp’shdek’t b́ k’oni keez natonat worwoti badosh datsats eegoru awusho búyatse.

18 ✝Aaninwere Ik’o b́ k’onre daro awusho b́ imi, datsunuwere aani shúwo b imi.

16 Maniyere il Iyesus úts mishwotsnat mus' gitwotsn k’a’udek’t daromaants kááwdek’t s’iilt Ik’o b́údi, tishde’er ash ashosh bokayitwok’o b́ danifwotssh b́ ími. 17 Jametswots maat bowori, b́ danifwots ash mááre oorts mishi fed’o tatse git ooshi s’eeno bo k’a’úwi.

Iyesus Ik’i aawon jik' k’uur wotts máátsu b́ kashitsok’o

10 Iyesus Ik’i aawots ayhudiwots Ik' k’oni maa ikotse b́daniyfera b́tesh, 11 Manoknowere tatse shmt naton tuwat kim shayro b jiik’o b́k’urits mááts iku fa’a btesh, jik' k’uur b́wottsotse b́ jamon kááwu dek’ofalratsa. 12 Iyesus bin b́ bek’tsok’on s’eegdek’t, «Nee máátsane n shodotse kasherne!» bíet. 13 B́ kishonowere biats b́gedi, manoor kawudek’at ned’bgutsi, Ik’onowere b údi.

14 ✝Iyesus saambati aawon b́ kashitsotse Ik' k’oni maa naasho fayat ash ashosh, «Ik gawuyotse fin finet shrt aawwots fa’ane, aawanotsn waar kashowere, saambati aawonomó kasho woteratse» ett b́ keewi.

15 Doonzo Iyesuswere hank’o ett bísh bíaaniy, «It tooko dambaan detsirwotso, ititse ik iko Ik’i aawon b́ minzi beero k’as’tse kishde’er, wee b́daazo tipotse bishde’er aats b́ úshetuwok damalkeya? 16 Eshe, Abraham naar wotts máátsan tatse shmt nat s’eeno shed’anon tipeyat b kic’efere teshrane, bi bere, tipeyat bkic’iru shodanitse Ik’i aawon bítse biisho bish geyiratsa?» 17 B́ keewts keewannó Iyesus bín k’efiruwotsi jitsi b́k’r, ash ashonmó Iyesus b́ fints adits keewu jamon bo geneúwi.

11 Iyesus adits jam keewwotsitsi shints wotts han Gelil dats kitu K’anitse b́ fini, eshe mank’oon b́mango b kitsi, b́ danifwotswere bín boamani.

14 Ashuwots Iyesus b́ fints aditsman bo bek’tsok’on, «Datsats weetwo nebiyiyo ariko haniye!» bo eti.

29 Iyesuswere Tomassh, «Neyere taan nbek’tsosha taan niamaniye, taan bo be aawon taan amanituwots údeknee» bíet.

Mas’aafan eegosh b́guut’etsok’o

30 Iyesus mas’afanitse guut’t gederawo k’osh ay aditso b́ danifúwots shinatse finere, 31 Ernmó Iyesus Krstos Ik’o naayi b́wottsok’owo it amanituwok’o, amanar b́shutson dúre dúri kasho it datsitwok’owa han b́ guut’iyi.

8 Maniyere il, shin shino waabodts b́ danifman doowi gitsots kindt bek’t bíamani. 9 «K’irtswotsitse tuwo geyife bísha» etts aap’o S’ayin mas’afotstso t’iwintsde’afa’no botesh.

13 Daruwonat s’ootson nonotse, kotets nebíyo noonotsnowere gool arts keez kim shayirwots bokeshferfe t bek’i. 14 Bowere adits keewo finitu Fo’eraw shayirwotsiye, shayiranotswere jam falts Izar Izewer eeno aawotssh wotit kes’osh ashuwotsi ikok ko’iyosh datsatsi nugus jamwotsok ametúne.

Adits keewo bek’osh aatetsok’owo

38 ✝Manoor nem danif ik ikwotsnat ferisawino etefwotsn Iyesussh, «Danifono! adits milikito n finere bek’osh geefone!» bo et. 39 ✝Wotowa bako hank’o ettni boosh bíaaniy «Gondonat amaneraw s’oot’o adits milikito bek’o geefe, wotowa eree nebiyiwo Yonas dúri adits milikitoniyere okoon k’osho adits milikito imeratse. 40 Yonas mus’i eeno maac’otse keez aawonat keez t’úwon b́ beshiyitsok’o, mank’o ash na’o dowootse keez aawonat keez t’úwon beshiyitwe.

Aman bok’aztsatse tuutson aatsniyets kitwotsi

20 Manats dabt Iyesus k’osh kitwotsiyere bogo ay adits keewwotsi b́ fints kitwots, naandrone boerawotse hank’o ett wok’aso dek’t b́tuwi, 21 ✝«Indowe neesha Korazine! Indowe neesha Betesayide! ititse k’aleets aditswots, T’irositsnat Sidon kitwotsitse k’alere wotink’ere manoke beyat teshts ashuwots shiyani taho tahde’er tulo boats buh de’er yoots naandrone etank’ne b́teshi! 22 Mansh eshe angshi aawots, itiyere T’irosnat Sidonitse teshtswotsko fayo ketitwe etirwe. 23 ✝Neewere K’frnahome!, darots n borfetso dambaan tuwo geefiya? Si’olits oot’etune! n gitsotse k’aleets aditsanotsi, Sidonitse k’alere wotink’ere kitman b t’afrawon hambetsish beyank’aniye bteshi! 24 ✝Ari keewhanatse tuutsone neesh tkeewiri, angshi aawots Sedomi fayet fayo neen fayetwoniyere ketefee!»

22 Jaman b́wottsonwere doonzo nebiyiyo weeron b́keewtso b́s’eenetwok’owe, 23 ✝«Hambe, baar na’a s’eenu mac’itwanee, nungush na’onowere shuwitwane, b́ shútsonwere ‹Amanu’eli› err s’eegetwe.» Amanu’eli etonwere «Ik’o nontoniye» etee.

49 Ernmó bí aats k’ari abaatse shaawefere bí’amfere meyo boosh bíartsosh bo kuhi. 50 Jamwots bín bo bek’tsok’on tekbowtsi.

Bímó manoor, «Kup’ore shenúwotso! taane! shatk’ayere!» bíet,

50 Iyesusmó han shisht Iya’irossh, «Shenono shatk’aye, amanowe bako, n na’ú kashitwaniye,» bíet.

37 Iyesus Iyerusalem kitots bodosh b́t’infere Debrezeyit guratse dashan oot’oke b́befere, manoor b́ shutsats sha’iru ashjametswots bo bek’ts adits keewwotsatse tuwtson bogeneútsosh bo k’aro eensh dekt Ik’o udo dek’t botwi. 38 ✝Hank’owa bo etiri boteshi, «Doonzo shútson weetu naasho deereke! jeeno darotse, mango Ik’osh daaratse wotowa!»

9 ✝Hank’owere bí etiyakon bo bek’fere daro maantsan k’az b́ tuwi, dawunonuwere bín dek’t bo awatsere ááts b́k’ri.

7 Manoor dattsats dihi twutsi, ‹Sawulo! Sawulo! eegishe taan ngishiri?› etiru k’aaro tshshi.