Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
यीशु आंदुर दी नोळकु अंदुन, "मंळसागोळ से रा ईद आगसकाल, लेकीन परमेश्वर से सब कुछ आग सकतद."
यीशु आंदुर दी नोळकु अंदुन, "मंळसागोळ से रा ईद आगसकाल, लेकीन परमेश्वर से सब कुछ आग सकतद."
यतिकी परमेश्वर उन साटी येनु असम्भव हैलेच."
आग मूसा तान कय समुद्र अन म्याकुच वाळुसदुन; अदिक यहोवा ईळ्लक तीम प्रचड पूरवी हवा नळ्सदुन, अदिक समुद्र अक येढ्ढ भाग माळकु नीर हिंग हटुस बुट्टुन, यदुर देल अदुर न्याड्या समुद्र अन्द नीर येढ्ढ भाग आगेत अदिक वळ्गींद जागा आगेत. आग इस्त्राएली लॉकुर समुद्र अन न्याड्या वळ्गींद जागा मा टु आगतेला नळदुर, अदिक नीर आंदुर्द डाक्या अदिक ऊजवा कय दी दीवार इन क्याल्सा माळतोगोद.
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
यीशु आंदुर से अंदुन, "तान विश्वास इन कमी इन कारण, यतिकी ना नीम से खरा अनतीन, अगर नीम्द विश्वास राई इन दाना अन बराबर भी आद, रा ईद पहाळी से अन सक्कीर, ‘ईल टु सरकुसकु अल होटोग,’ रा अद होटोदीत; अदिक यातोदु मात नीम साटी असंभव ईरतीदील.
यीशु आंदरी उत्तर कोट्टुन, "ना नीम से खरा अंतीन, अगर नीव विश्वास ईटी अदिक संदेह माळबाळी, रा न सिर्फ ईद माळेतीर जो ईद पहाळी इक भी अंदीर, ‘कित्तेग, अदिक समुद्र दा होगकु बिळ,’ रा ईद आगेदीत.
यीशु आऊन से अंदुन, "अगर नी माळ सकत्या? रा विश्वास माळ. यतिकी विश्वास माळावाळेर साटी सब येनारा आग सकतद."
यीशु आंदुर दी नोळकु अंदुन, "ईद मंळसागोळ साटी असंभव आद, लेकीन परमेश्वर उन साटी सब येनारा सम्भव आद; यतिकी परमेश्वर से सब येनारा आग सकतद."
यीशु अंदुन, "जो मंळसा अन्द साटी असंभव आद, अद परमेश्वर उन साटी संभव आद."
अदिक आव अल आंदुर्द अविश्वास इन कारण हापाळ सा सामर्थ्य इन क्याल्सा माळीदील.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
हे इस्त्राएलगोळा, ई मातगोळी केळी: यीशु नासरी ऊंद मंळसा ईरोन यार्द परमेश्वर उन दी टु आगोद प्रमाण आ सामर्थ्य अन्द क्याल्सागोळ अदिक आश्चर्य अन्द क्याल्सागोळ अदिक चमत्कारगोळ देल प्रगट आद, जो परमेश्वर नीम न्याड्या आऊन द्वारा माळकु तोरस्यान यदरी नीव खुद अच अरूतीर.
याग आंदुर प्रार्थना माळ कोंडुर, रा अद जागा यल आंदुर जमा ईरोर हालुसेत, अदिक आंदुर सप्पा मुंदुर पवित्र आत्मा देल परिपुर्ण आगेदुर, अदिक परमेश्वर उन वचन हिम्मत देल केळ्सतेला ईत्तुर.
स्केवा अन पार
परमेश्वर पौलुस उन कयगोळ देल सामर्थ्य अन्द अनोखा क्याल्सा तोर्सतोगोन. ईल ताका कि रूमाल अदिक गमछा आऊन मय देल स्पर्श माळसुसकु बिमारगोळ मा हाकतोगोर, अदिक आंदुर बिमारीगोळ होग्त ईरतोगोव; अदिक दुष्टआत्मागोळ आंदुर दा टु होट बुळतोगव.
सही प्रेरितगोळ्द लक्षण भी नीम न्याड्या सप्पा प्रकार इन धीरज सांगुळ चमत्कारगोळ, अदिक अदभुत क्याल्सागोळ, अदिक सामर्थ्य अन्द क्याल्सागोळ देल तोर्सकु आदव.
अदिक परमेश्वर मंडली दा अलग अलग मंळसागोळ्द निवळ माळदुन: पयला प्रेरित, दुसरा भविष्यवक्ता, तिसरा गुरु, बाक सामर्थ्य इन क्याल्सा माळावाळेर, बाक चंगा माळावाळेर, अदिक उपकार माळावाळेर, अदिक व्यवस्था अन वरदान माळावाळेर, अदिक अग्यात प्रकार इन भाषा माताळावाळेर.
यतिकी ऊंद अक आत्मा अन्द द्वारा बुद्धी इन मातगोळ कोटकु आगतव, अदिक दुसरा अक अदा आत्मा अन्द अनुसार ग्यान इन मातगोळ. यावारा अक अदा आत्मा देल विश्वास, अदिक यावारा अक अदा ऊंद आत्मा देल चंगा माळोद वरदान कोटकु आगतद. बाक यावारा अक सामर्थ्य अन्द क्याल्सा माळोद शक्ति, अदिक यावारा अक परमेश्वर उन वचन कोळोद दान कोट्टुन, अदिक यावारा अक परमेश्वर उन आत्मा अन्द दान इक परखुशोर साटी, अदिक यावारा अक अनेक प्रकार इन भाषा माताळोर साटी, अदिक यारीकारा अग्यात भाषागोळ्द अर्थ हेळोर साटी.
यीशु अंदुन, "आऊक मना माळबाळी; यतिकी हिंग यारू हैलेच जो नान हेसुर देल सामर्थ्य इन क्याल्सा माळुल, अदिक राटनेरी नानी बुरा अन सकुल, यतिकी आव नाम्द विरोध दा हैलेच, आव नाम्द सांगुळ आन.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
अदिक विश्वास इन प्रार्थना अन्द द्वारा रोगी ऊळस्यान अदिक प्रभु आऊक मात्त स्वस्थ मय प्रदान माळ्यान; अदिक अगर आव पाप भी माळीदान, रा अव भी माफ आगेदव. इदुरसाटी नीव आपस दा आबुर दाबुर मुंद तान-तान पापगोळी मान्स कोमी, अदिक आबुर दाबुर साटी प्रार्थना माळी, यदुर देल चंगा आगेगी: न्यायी जन इन प्रार्थना प्रभावशाली अदिक परिणाम कारक आगतद.
एलिय्याह भी रा नाम घाई दुख-सुख भोगसावाळा मंळसा ईरोन; अदिक आव गिळगिळास्कु प्रार्थना माळदुन कि माळ बरबाळुल; अदिक साढ़े मुर वर्ष ताका पृथ्वी मा माळ बंदिदील. बाक आव प्रार्थना माळदुन, रा आकाश टु माळ बत्त, अदिक पृथ्वी फलवन्त आत्त.
आग आव अव अईद रोट्टीगोळी अदिक येढ्ढ मेनगोळी हुळदुन, अदिक स्वर्ग दी नोळकु परमेश्वर उक धन्यवाद माळदुन, अदिक रोट्टी मुरू-मुरूकु चेलागोळी कोळ्त होदुन कि लॉकुरी वाळसुल. आग सप्पा लॉकुर तिनकु संतुष्ट आदुर, अदिक चेलागोळ ऊळ्द टुकळागोळ दा टु हन्नेळ फुट्टी तुमकु नेगदुर.
आराम इन दिन कुबळी आर्त इक चंगा माळोद
विश्राम इन दिन यीशु ऊंद यहूदी लॉकुर्द सभागृह दा उपदेश माळोन. अल ऊंद आर्त ईरोर यारी अठरा वर्ष टु ऊंद कमजोर माळावाळा दुष्टआत्मा हतकु ईरोद, अदिक आक कुबळा आगेगीदुर अदिक यातोदु रीति देल सीधा ईला आग सकोर. यीशु आक इक नोळकु कारदुन अदिक अंदुन, "हे आर्त, नी तान कमजोरी देल वळ्लेर आगेद." आग आव आकिन मा कय ईटदुन, अदिक आक तुरन्त सरका आगेदुर अदिक परमेश्वर उन महिमा माळली हतदुर.
इदुरसाटी कि यीशु विश्राम इन दिन आकी वळ्लीसा माळीदुन, यहूदी इन यहूदी लॉकुर्द सभागृह अन्द सरदार सिट्ट दा बंदकु लॉकुर से अनली कुरतुन, "आर: दिन आव यदुर्दा क्याल्सा माळ पायजे अत: आ अच दिनगोळ दा बंदकु चंगा आगुल, लेकीन विश्राम इन दिन दा ईला."
ईद केळकु प्रभु उत्तर कोट्टुन, "हे कपटीगोळा, येन विश्राम इन दिन नीम दा टु हर ऊंद मंळसा तान वस्ता या गधा अक क्वाटक्या दा टु खोल्सकु नीर कुळस्ली वयालीर? रा येन उचित ईला ईरोद कि ई आर्त जो अब्राहम इन औलाद उर यारी शैतान अठरा वर्ष टु कटकु ईटीदुन, आराम इन दिन ईद बंधन देल बिळ्सकु आगायदुर?" याग आव ई मातगोळी अंदुन, रा आऊन सप्पा विरोधी सर्मुसेदुर, अदिक सप्पा भीळ अव महिमा अन्द क्याल्सागोळ से जो आव माळतोगोन, खुश आदुर.
यीशु गलील इन काना नगर दा तान ईद पयला चमत्कार तोर्सकु तान महिमा प्रगट माळदुन अदिक आऊन चेलागोळ आऊन मा विश्वास माळदुर.
आग जो आश्चर्यकर्म आव माळकु तोर्सदुन अदरी आ लॉकुर नोळकु अनली कुरतुर, "आव भविष्यवक्ता जो दुनिया दा बरावाळा ईरोन निश्चय ईवा हुन."
यीशु आऊन से अंदुन, "नी नानी नोळ्या, येन इदुरसाटी विश्वास माळ्द? धन्य आंदुर आर यार बिना नोळ्द विश्वास माळदुर."
ई किताब इन उद्देश
यीशु अदिक भी हापाळ सा चमत्कार चेलागोळ मुंद तोर्सदुन, जो ई किताब दा लिख्सकु आगीदील; लेकीन ईव इदुरसाटी लिख्सकु आदव कि नीव विश्वास माळी कि यीशु अच परमेश्वर उन पार मसीह हुन, अदिक विश्वास माळी कि आऊन हेसुर देल जीवन सिक्कुल.
आग दुसरा चेला भी जो कब्र मा पयले पोहचुसीदुन, बुळ्क होदुन अदिक नोळकु विश्वास माळदुन. आंदुर रा ईगासताका पवित्रशास्त्र अन अद मात ईला समसीदुर कि आऊक सोत्तुर दा टु जित्ता आगोद बिद्दीत.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
बाक ना आ अजगर इन बाय देल, अदिक आ पशु उन बाय देल अदिक आ ख्वाटा भविष्यवक्ता अन्द बाय देल मुर अशुध्द आत्मागोळ इक भ्याबकागोळ्द रूप दा होळतेला नोळदिन. ईव चिन्ह तोर्सावाळेर दुष्टआत्मागोळ हुव, जो पुरा दुनिया अन राजागोळ्द हात्ती होटकु इदुरसाटी होगताव कि आंदरी सर्वशक्तिमान परमेश्वर उन आ धोळ दिन इन लळाई इन साटी जमा माळुल.
स्वर्गीय चिन्ह अन्द मांग
ईदुर मा थ्वाळासा शास्त्रीगोळ अदिक फरीसीगोळ यीशु से अंदुर, "हे गुरु, नाव नीन कय देल ऊंद चमत्कार नोळोद चाहासतेव."
आव आंदरी उत्तर कोट्टुन, "ई दुनिया अन्द बेकार अदिक व्यभिचारी लॉकुर योना अन्द चमत्कार ढुंढ्सतार, लेकीन योना भविष्यवक्ता अन्द चमत्कार इक बिटकु यातोदु दुसरा चमत्कार आंदरी कोटकु आगतीदील. योना मुर दिन अदिक मुर ईळ्लक आ समुद्र अन धोळ मेन इन व्हाट्या ईत्तुन, हांग अच मंळसा अन्द पार मुर दिन अदिक मुर ईळ्लक धरती इन बुळ्क ईत्तान.
अविश्वासी नगरगोळ
आग यीशु आ नगरगोळी धिक्कार्सली कुरतुन, यऊर्दा यीशु हापाळ सा सामर्थ्य ईनव क्याल्सा माळीदुन, यतिकी आंदुर तान मन ईला तिर्गुसीदुर. "हे खुराजीन! नीन मा हाय! हे बैतसैदा! नीन मा हाय! यतिकी जो सामर्थ्य ईनव क्याल्सा नीम दा माळकु आदव, अगर अव सूर अदिक सैदा दा माळकु आगायदव रा अव हापाळ पयले बॉरा होदुकु अदिक राख मा कुर्तकु तान पापगोळ देल तिर्गेगायदव. लेकीन ना नीम से अनतीन कि न्याय इन दिशी नीम दशा से सूर अदिक सैदा अन्द दशा यक्कुल सहन माळा लायक ईत्तीत. अदिक हे कफरनहूम, येन नी स्वर्ग ताका म्याकुच नेगुकु आद्या? नी पाताल लोक ताका ल्यालमा होद्या! यतिकी जो सामर्थ्य ईनव क्याल्सा नीन दा माळकु आदव, अगर अव सदोम दा माळकु आगायदव, रा अद नगर ईगासताका बनस्कु ईराईत. लेकीन ना नीम से अनतीन कि न्याय इन दिशी नीम द्याश से सूर अदिक सैदा अन्द दशा यक्कुल सहन माळा लायक ईत्तीत."
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
ईद सब इदुरसाटी आत कि जो वचन प्रभु भविष्यवक्ता अन्द द्वारा अंदिदुन, अद पुरा आगुल: "ऊंद कुवारा पोर व्हाट्या दी ईत्तार अदिक ऊंद पार उक हाळदार, अदिक आऊन हेसुर इम्मानुएल ईटकु आदीत," यदुर्द मतलब आद, "परमेश्वर नाम सांगुळ."
लेकीन आंदुर आऊक झील मा नळुतेला नोळकु रा सम्सदुर कि ईद ऊंद भूत हुन, अदिक चिल्ळास कुरतुर;
यतिकी सप्पा मुंदुर आऊक नोळकु अंजेगीदुर. लेकीन यीशु तुरन्त आंदुर से मात हेळदुन अदिक अंदुन, "हिम्मत ईटी: ना हुईन; अंजबाळी!"
यीशु ईद मात केळकु याईर उक उत्तर कोट्टुन, "अंजबाळ; सिर्फ विश्वास ईट, रा आक ऊळदोदार."
हात्ती बरतेला याग आव जैतून पहाळ इन ढलान मा पोहचुसदुन, रा चेलागोळ्द सप्पा मंडली आ सप्पा सामर्थ्य अन्द क्याल्सागोळ्द कारण जो आंदुर नोळीदुर, खुश आगकु धोळ्द आवाज देल परमेश्वर उन स्तुति माळली हतदुर: "परमेश्वर आ राजा अक आशीष कोळुल, जो प्रभु अन हेसुर देल बरतान! स्वर्ग दा शांती अदिक आकाश मंडल दा महिमा आगुल!"
ईद अनकु आव आंदुर नोळ्त-नोळ्त अच म्याकुच नेगुकु आदुन, अदिक आकाश इन ढग आऊक आंदुर कण्णगोळ देल होच बुळ्त.
अदिक ना जागा मा बिदोदीन अदिक ईद आवाज केळदीन, ‘हे शाऊल, हे शाऊल, नी नानी येती सतुसत्या?’
आठवा विपत्ती-फाफागोळ्द आक्रमण
बाक यहोवा मूसा से अंदुन, "फिरौन उन हात्ती होग; यतिकी ना अच आऊन अदिक आऊन कर्मचारीगोळ्द मन इक इदुरसाटी कठोर माळ बुटीन कि तान चिन्ह चमत्कार आंदुर बीच दा तोरसाईन; अदिक नीव लॉकुर तान पारगोळ अदिक नातुगोळ से इदुर्द वर्णन माळी कि यहोवा मिस्त्रीगोळ्द ह्यांग मज्याक दा हार्सदीन अदिक आंदुर न्याड्या दा यास चमत्कार चिन्ह आंदुर बीच दा प्रगट माळदीन; यदुर देल नीव ईद जान्स कोंडीर कि ना अच यहोवा हुईन."