O que são milagres e qual o seu propósito na Bíblia?

37 Kwavija kuduhu kinhu kimulemela Mulungu."(Luka 1:37)

26 Yesu kawalola bunhuu kawalongela, "Kwa munhu havidahika, lakini kwa Mulungu gose godahika."(Matayo 19:26)

20 Yesu kawedika, "Kwavija mutamanila kidogo. Nowalongeleni ukweli, mwahawa na kutamanila kidogo kamba mbeyu ndodo ya haladali, modaha kukilongela kigongo kino, ‘Segela hano uchole haja!’ nacho chochola. Mwahatendile kila kinhu!"(Matayo 17:20)

23 Yesu kamulongela, "Kolonga, kamba wahadaha! Kila kinhu chodahika kwa munhu yotamanila."(Maluko 9:23)

50 Lakini Yesu viyahulike avo, kamulongela Yailo, "Sekeudumbe, gweye togola tu, mndele wako kohona."(Luka 8:50)

21 Yesu kawedika, "Nowalongeleni ukweli kamba mwahatogola na kuleka kunyawanyawa, modaha kutenda kamba kija kinitendile kwa mbiki uno wa mtini. Siyo kino kiiyeka, lakini modaha kukilongela kigongo kino, ‘Ng’oka ukayase mbahali,’ na yokuwa vivo.(Matayo 21:21)

58 Kwavija wanhu wakala waduhu kutamanila, Yesu hatendile unzonza ng’hani hanhu aho.(Matayo 13:58)

27 Yesu kawalola bunhuu, kawalongela, "Kwa munhu haidahika lakini kwa Mulungu haili vivo, gose godahika kwa Mulungu."(Maluko 10:27)

27 Yesu kawedika, "Vinhu havidahika kwa wanhu, kwa Mulungu vodahika."(Luka 18:27)

11 Yesu kasang’hana unzonza uno wa ichanduso ako Kana mwiisi ya Galilaya. Kuko kalagusa ukulu wake, na wanahina zake wamtogola.(Yohana 2:11)

16 Abaho Yesu kagasola magate matano na somba wabili, kalola uchanha kuulanga, kamgwaa nhogolwa Mulungu, kagabanzula gamagate na iwasomba, kawagwaa wanahina zake wawagwelele wanhu. 17 Wanhu wose waja na kwiguta. Wanahina zake wasola vigelo longo na vibili vimemile vinhu visigale.(Luka 9:16,17)

10 Siku dimoja da Kubwihila, Yesu kakala yofundiza mng’anda ya kumpula Mulungu. 11 Baho kukala na mtwanzi imoja. Mtwanzi ayo kakala na kinyamkela yamtendile yalumwe miyaka longo na nane. Kakala yaveduke mgongo na hadahile kuigolosa bule. 12 Yesu viyamone, kamkema, kamulongela, "Mama, kuhonyigwa utamu wako!" 13 Yesu kamwikila makono, bahaja lukuli lwake lugoloka, nayo kamgwaa nhogolwa Mulungu.

14 Lakini mkulu wa ng’anda ya kumpula Mulungu kagevuzika kwavija Yesu kamuhonya munhu mwiisiku ya Kubwihila. Avo kawalongela wanhu, "Mnazo siku sita za kusang’hana. Mzisiku azo, mwize muhonyigwe, lakini sekemwize kudisiku da Kubwihila!"

15 Mndewa kamwidika, "Mweye mwa wanafiki! Vino, nani kumwenu yoleka kumfungula ng’ombe wake hebu mhunda wake kulawa mdizizi na kumulongoza yachole kung’wa mazi mwiisiku ya Kubwihila? 16 Mtwanzi ino kolawa mulukolo lwa Abulahamu. Nayo kakala yagogigwe na Mwenembago kwa miyaka longo na nane. Vino halondeke kulekesigwa mwiisiku ya Kubwihila?" 17 Mbuli azo ziyalongile Yesu ziwatenda waja wamwihile wagwe kinyala, lakini wanhu wayagwe wakala wodeng’helela kwa mbuli zose za unzonza ziyasang’hane Yesu.(Luka 13:10-17)

49 lakini viwamone kotembela uchanha mgamazi, wagizaga mzimu. Wakemelela kwa bwembwe. 50 Wose viwamone wadumba ng’hani.

Bahaja Yesu kawalongela, "Gangamaleni! Iyo nene! Sekemudumbe!"(Maluko 6:49,50)

14 Viwauwonile unzonza uno yautendile Yesu, wanhu walonga, "Kweli ino ayo mtula ndagu wa Mulungu yalondeke kwiza mwiisi!"(Yohana 6:14)

15 Avo wahapula kwa kutamanila mtamu ayo kohonyigwa, na Mndewa komtenda yakone goya, na kamba katenda nzambi, zogeligwa kumgongo. 16 Avo kila munhu yamulongele miyage nzambi zake, muipulile muladi muhonyigwe. Kupula kwa munhu yanogile mgameso ga Mulungu kuna nguvu ng’hani ya kutenda mengi.(Yakobo 5:15,16)

17 Eliya kakala munhu kamba tweye. Kawamba kumpula Mulungu mvula sekeitowe, mvula nayo haitowile mwiisi kwa miyaka midatu na miezi sita. 18 Abaho kampula kabili, na mvula itowa na vihandigwe mwiisi vilela.(Yakobo 5:17,18)

22 "Wanhu wa Izilaeli! Tegelezeni mbuli zino, Yesu wa Nazaleti kakala munhu wa udahi na kalagusigwa kumwenu kwa unzonza na vilaguso viyatendile Mulungu kubitila kumwake. Mweye wenyego muijuwa mbuli ino kwavija ilawilila bahano hamwenu.(Sang'hano 2:22)

31 Viwamambukize kumpula Mulungu, aho hawakalile waiting’hane hatigisika. Wose wamemezigwa Loho Yang’alile na wagendelela kuwapetela wanhu usenga wa Mulungu bila kudumba.(Sang'hano 4:31)

11 Mulungu katenda mbuli za unzonza ng’hulu kubitila Paulo. 12 Wanhu wakala wosola vikumbi na viwalo viyagwe viyasang’hanile Paulo, wavigala kwa watamu, nao wahonyigwa na waja wakalile na vinyamkela walavigwa.(Sang'hano 19:11,12)

12 Unzonza na vifukuzi vitendeke kumwenu kwa kufunga umoyo vilagusa goya kuwa niye na mtumigwa.(2 Wakolinto 12:12)

8 Loho komgwaa munhu usenga uli na nzewele, na kwa munhu iyagwe Loho iija komgwaa udahi wa kujuwa mbuli. 9 Loho iija komgwaa munhu imoja tamanilo, na komgwaa iyagwe udahi wa kuhonya wanhu. 10 Loho Yang’alile komgwaa munhu udahi wa kutenda unzonza, iyagwe komgwaa nhunza ya kulonga usenga wa Mulungu, na iyagwe komgwaa nhunza ya kujuwa nhunza zilawa kwa Loho hebu hazilawa kwa Loho. Vivija Loho komgwaa munhu nhunza ya kulonga ulonzi wa sambi, na iyagwe nhunza ya kuzifambula.(1 Wakolinto 12:8-10)

28 Mvibumbila va wanhu wamtogole Yesu Mulungu kaweka, mosi watumigwa, pili watula ndagu na kadatu wafundiza, abaho kaweka waja weli na nhunza ya kutenda unzonza, abaho waja weli na nhunza ya kuhonya hebu kuwataza wayagwe hebu udahi wa kuwalongoza wanhu hebu kulonga ulonzi wa sambi.(1 Wakolinto 12:28)

39 Yesu kawalongela, "Sekemumgomese, kwavija kuduhu munhu yotenda unzonza kwa twaga jangu na kuno kononga vihile. 40 Kwavija munhu yoyose hatulema kaubanzi wetu.(Maluko 9:39,40)

22 Gano gose gatendeka kutenda galongigwe na Mndewa kubitila mtula ndagu wake galawilile, 23 "Mhambe kogoga inda, na kolela mwana wa kimbigalo, nao womkema Imanueli," fambulo jake, "Mulungu kahamoja na tweye."(Matayo 1:22,23)

9 Viyamambukize kulonga vivo, kagaligwa uchanha kuulanga kuno womulola. Abaho ulanga umfisa, hawamone kabili.(Sang'hano 1:9)

7 Nigwa hasi mhulika sauti yonongela, ‘Sauli, Sauli! Habali kondununza?’(Sang'hano 22:7)

8 Abaho ija mwanahina iyagwe yasongile kuvika kudipanga kengila mgati, vivija kayona na katogola. 9 Wakala wang’hali hawajuwile Maandiko Gang’alile vigalongile kamba kolondeka yazilibuke kulawa kwa wafile.(Yohana 20:8,9)

29 Yesu kamulongela, "Vino gweye kotogola kwavija kunyona? Wamweda waja wose wotogola bila kunyona!"

30 Yesu viyakalile na wanahina zake katenda mbuli ziyagwe nyingi za unzonza lakini hazandikigwe bule mna ikitabu kino. 31 Lakini zino zandikigwa ili mweye mudahe kutogola kamba Yesu ayo Kilisito Mkombola, Mwana wa Mulungu, na kwa kumtogola muwe na ugima.(Yohana 20:29-31)

38 Abaho wafundiza Malagizo ga Musa wayagwe na Mafalisayo wayagwe wamulongela, "Mfundiza, tolonda utende kilaguso."

39 Yesu kawedika, "Mweye wanhu wa lukolo lwa sambi, mwihile na hamumjuwile Mulungu molonda kilaguso? Bule! Kuduhu kilaguso chonda mugweleligwe, ila kilaguso cha mtula ndagu wa Mulungu Yona. 40 Kamba vija Yona viyakalile siku ndatu imisi na ikilo mna iinda ya somba mkulu, vivo ili kwa Mwana wa Munhu kokala siku ndatu imisi na ikilo hasi ya isi.(Matayo 12:38-40)

20 Yesu kasonga kuwakomhokela wanhu wa mabuga gayatendile unzonza mwingi, kwavija wanhu awo hawazilekile bule nzambi zao. 21 "Kogaya, gweye buga da Kolazini! Kogaya gweye buga da Betisaida! Maza unzonza utendigwe kumwenu mweye, wahatendigwe mna gamabuga ga Tilo na Sidoni, wanhu zake wahalekile mwaka nzambi zao na kuvala magunia na kuibakaza mitozi, kulagusa kamba waleka nzambi zao! 22 Nowalongeleni ukweli, siku ya nhaguso Mulungu kowonela bazi wanhu wa isi za Tilo na Sidoni kubanza mweye! 23 Vivija na gweye Kapelinaumu! Vino kolonda kuinula mwenyego mbaka kuulanga? Kohumulusigwa mbaka kowochola wanhu wafile! Maza unzonza utendigwe kumwako gweye wahatendigwe Sodoma, isi ayo yahasigale mbaka lelo! 24 Nowalongeleni, mna isiku ya nhaguso Mulungu kowonela bazi wanhu wa isi ya Sodoma kubanza mweye!"(Matayo 11:20-24)

13 Abaho niwona vinyamkela wadatu waigalile na mibulwa, imoja kalawa mudilomo wa dija dizoka na iyagwe mudilomo wa dija ding’onyo na iyagwe mumulomo wa ija imtula ndagu wa uvizi. 14 Zino azo loho ndatu za vinyamkela wotenda unzonza. Loho azo ndatu zochola kwa wandewa wose wa mwiisi, kuweka hamoja kwa ng’hondo mna isiku ng’hulu ya Mulungu yeli na Udahi wose.(Ugubulo 16:13,14)

37 Viyakalile behi na kuvika Yelusalemu, hanhu hali na mtelemuko wa Lugongo lwa Mizeituni, lunhu mkulu lwa wanahina zake lusonga kudeng’helela na kumgwaa nhogolwa Mulungu kwa sauti ng’hulu mbuli ya unzonza wauwonile. 38 Walonga, "Mulungu yamtambikile Mndewa yokwiza kwa twaga da Mulungu, tindiwalo kuulanga na ukulu kwa Mulungu!"(Luka 19:37,38)