Milagres

26 Aba laríaguniña Hesusu, aba lariñagun houn:

—Siñati hasalbaragun gürigia houngua; anhein Bungiu, gayara lumuti sun katei adüga.

26 Aba laríaguniña Hesusu, aba lariñagun houn:

—Siñati hasalbaragun gürigia houngua; anhein Bungiu, gayara lumuti sun katei adüga.

37 Ladüga úati ni kata lásiñarun Bungiu.

27 —Au Aburemeibei, Habungiute sun gürigia. Úati ni kata násiñarun.

21 Aba liñuruni Moisesi lúhabu luagun barana, aba lóunahan Bungiu aban garabali héreti luéigiñe oubaü le ñéingiñe lubéi laboucha weyu, aba láfurun sun áriebu, aba lafanreinraguni barana lidan biama. Ítara liña ladügüni Bungiu barana múame mábeiti; 22 ani luéigiñe múa mábeiti hánhiñuraguei Ísüraelina, labadinaguagiñe bián baríeiru lauti duna, aban luéigiñe hóunwenren aban luéigiñe habaünan.

11 Naritagubei burí katei buiti

le meha ladügübei Nabureme lidan dan lügüra,

12 nasaminaruba luagu sun le ladügübei.

14 Buguya Búngiubei le adügübei katei wéinamuti!

Arufuda bumuti bubafu houn néchanigu!

20 Aba lariñagun Hesusu houn:

—Ladüga lilouguan hafiñen. Ninarün hau luagu anhein lan ibiha hubéi afiñeni íbini ñǘraüraü lan kei aban tagu mosutása, hariñaguba lun wübü le: "Gidaba yáagiñe, beiba lidoun amu fulasu", ábame lagidarun wübü ligía. Úabei ni kata hásiñarun anhein ibiha hubéi afiñeni le tímatimaati.

21 Aba lariñagun Hesusu houn:

—Ninarün hau, anhaün afiñe le gumuti, mámarügübei katei libe le nadügübei tun tídibu igu to gayara humá adüga, gayaraabei hariñagun lun wübü le: "Gidaba yáagiñe, dabuba baranahoun", ábame lasuseredun.

23 Aba lariñagun Hesusu lun:

—Ka uagu bariñaga "anhein gayara lubéi"? Sun katei gayaraati lun le afiñebei.

27 Ábati laríaguniña Hesusu, lariñaga houn:

—Siñati hasalbaragun gürigia houngua; anhein Bungiu, gayaraati lasalbaruniña ladüga úati ni kata lásiñarun Bungiu.

27 Lariñaga Hesusu houn:

—Le hásiñarubei gürigia adüga, gayara lumuti Bungiu.

58 Madügüntiti saragu milaguru ñein ladüga mafiñen hamá luagu.

22 «Aganba huméi lubeiti le lunbei nariñaguni, huguya wügüriña Ísüraelina: Kei le hisubudin, Hesusu le Nasarétüna, aban meha wügüri le anuadirúati ani arufuda lumuti Bungiu luagu gabafu lan lau milaguru luma burí seini le ladügübei haganagua lídangiñe.

31 Dan le lásurun hafurieidun, aba lánhingichun fulasu le ñein lubéi hóundaragua; aba habuinchun sun hagía lau lubafu Sífiri Sandu, aba hapurichihani lererun Bungiu manufudeuga.

11 Adügati buriti Bungiu óunwenbu burí milaguru lídangiñe Pábulu, 12 darí lun tanügǘniwa burí musue o daüguaü to dagaaru luagu lura houn sánditiña, ábaha hareidagun, furí hagíaha sífirigu wuribatiña hádangiñe.

12 Lidan wadagimanu le nadügübei lau saragu gurasu haganagua, arufudúati lau seini luma milaguru wéiriti le nadügübei luagu aban lan apostolu tímatimaati au.

28 Rúhali Bungiu nadagimeintiña tidan liligilisin: Furumiñetiña, apostolugu; habiaman, profetagu; háürüwan, arufudahatiña luagu katei luáguti Bungiu; lárigiñe, ha adaagubaña milaguru; lárigiñe, ha areidaguagüdübaña sánditiña, ha ídehabaña, ha adundehabaña, hama ha ibihubaña ubafu lun hadimurehan dimurei burí le terencha.

8 Añahein híbiri, ruti Sífiri Sandu ubafu houn lun gayara lan hadimurehan lau lichú au; añahein úntiña líchiga ubafu lun hadimurehan lau lilulin subudi. 9 Híbiri resibitiña aban afiñeni lúmagiñememe Sífiri Sandu ligia; híbiri resibitiña ubafu lun hareidaguagüdün sánditiña. 10 Añahein resibitiña ubafu lun hadügün milaguru; híbiri lun ladimurehan Bungiu hayumulugugiñe. Houn híbiri, ruti ubafu lun hasubudiruni anhein lúmagiñe lubéi Sífiri Sandu o lúmagiñe lan amu sífiri ladimureha aban gürigia; híbiri ibihatiña ubafu lun hadimurehan dimurei burí terencha. Añahein ibihatiña ubafu lúmagiñe Sífiri Sandu lun hafuranguagüdüni le ariñawagúbei lidan burí dimurei terencha ligía.

39 Aba lariñagun Hesusu:

—Meweridira huméi, ladüga úati ni aban le adügüti milaguru lidan niri lun ladimurehan wuriba nuagu. 40 Le mámabei wágani, wámagiñeñein.

15 Dánmeti le hafurieidun lau afiñeni, ábame lareidaguagüdüni Bungiu sánditi iñuragualeime; ani anhein giñe afigouhaali lubéi, ferudunawabei lifigoun. 16 Ligía, gúfese huméi lubéi hifigoun húniwagua, ani afurieida huguyame huougua lun hareidagun. Wéiriti lubafu afurieidúni le ladügübei gürigia le richaguabei tau sun lanigi.

17 Aban meha wügüri profeta Elíasi kei wagía; dan le lamuriahanbei lidan lafurieidún lun máhuyun lan huya, rédeiti huya máhuyunga ǘrüwa-irumu-dimí. 18 Lárigiñe, danya le lafurieidún, ábaya láhuyun huya, ábaya táhüchün sun nadü ubouagu.

16 Ábati lanügünu Hesusu seingü fein tuguya lúhaburugu hama bián úduraü, aba larihin sielun, aba leteingiruni Bungiu. Lárigiñe lagubachagunu fein luma úi, aba líchuguni houn lani disipulugu lun hafanreinhani hadan gürigia. 17 Hóutiña súngubei kimule; dan le habudahanbarun ígiragutu, buíngüdatiña duusu faniñe tau.

Lareidaguágüdünu Hesusu aban würi

10 Luagu aban weyu le emeraaguagülei, ñeinñein Hesusu arufudaha tidan haligilisin huríu; 11 ñeinñounti aban würi, disiwídü irumu tau lau aban sífiri wuribati tuagu; lemuharu ladüga sífiri ligía, siñá tásuurun ni murusun. 12 Dan le larihinbarun Hesusu, aba lagúarun tun, lariñaga tun:

—Würi, areidaguaadibu.

13 Ábati líchuguni lúhabu tuagu; lidan oura ligía aba tásuurun, aba tagumeserun adimureha buidu luagu Bungiu. 14 Ábati lagañidun tábuti ténpulu ladüga lareidaguágüdünu Hesusu lidan luéyuri emeraaguni; aba lariñagun houn gürigia ha ñéinbaña:

—Anihein sisi weyu lidan dimaasu lun gayara lan luadigimaríniwa; ñübuin humá lidan sisi weyu ligía lun lagaranihóun hun, mama lidan luéyuri emeraaguni.

15 Aba lariñagun Wabureme Hesusu lun:

—Biangua tigibu huguya le! Ma farara humuti hilügün bágasu o hilügün lan burigü lun hanügüni ata duna lidan luéyuri emeraaguni? 16 Würi to, ladügawagun Abüraámü; ragǘ laaru Mafia lau sandi, disiwídü irumu tau lau, moun lumuti funagia yebe lun tareidawaguagüdün lidan luéyuri emeraaguni?

17 Dan le lariñagunbalin Hesusu katei le, aba nibusigarigua hamá sun láganiñu; ánhaña sun híbiri gürigia, gúndaatiña lau katei wéiriguti le ladügübei Hesusu.

11 Katei le, le ladügübei Hesusu lidan fulasu le gíribei Kaná le lídanbei Galiléa lasusereda, ligía furumiñetibei milaguru le aubei larufudei luéirigun, aba hafiñerun lani disipulugu luagu.

14 Danti le harihinbalin gürigia milaguru le ladügübei Hesusu, aba hariñagun:

—Inarüni luagu anihán lan profeta le meha lunbei liabin ubouagun.

29 Lariñaga Hesusu lun:

—Tomasi, afiñeedibu guentó, ladüga ariha báadina lan; fuleseiwatiña ha afiñerubaña, marihinga hagía.

Ka lan lébubei tabürühóun líburu to

30 Adügayati Hesusu amu saragu milaguru hagibugiñe lani disipulugu, le úabei bürüñu tidan líburu to. 31 Labürüdǘnbei burí le, lun hafiñerun luagu Hesusu lan Krístubei, le Liráü Bungiu, lun giñe gabagari humá keisi lánigu lau hafiñerun.

8 Aba giñeti nebelurun, aba narihini le asuseredubei, aba nafiñerun luagu saraali lan Hesusu lídangiñe óunweni. 9 Ligíaaliti gunfuranda nani le tariñagubei Lererun Bungiu luagu lásaaruba lan Hesusu lídangiñe óunweni.

1 —Ánheindügü hamuga asaliragua aban profeta haganagua o aban lan le ariñaguti lila uénedü, ladimureha hamuga luagu lasusereduba lan aban milaguru o aban lan katei hanufunati, 2 ánheindügü hamuga agunfulira le lariñagubei, ani lariñagame hun: "Falá wamá amu búngiugu ha ibidiñetiña hun; keimoun wáhuduragua houn!" 3 Madüga humatia gasu lau lugundun busenti Wabureme le Hubungiute lóuchagunün lun larihin anhein hínsiñe lubéi hun tau sun hanigi, luma tau sun huani. 4 Falá huméi Bungiu le Hubungiute, lúnrügüla híchiga inebesei, aganba huméi lilurudun, hudugua humá lun, badüleñu huma luagu.

13 Ábati narihin háfuridun ǘrüwa sífirigu wuribatiña liyumulugugiñe düragón, liyumulugugiñe mónsturu, luma liyumulugugiñe profeta le yeebei; ítara haña sífirigu wuribatiña hagía kei húa. 14 Sífirigu hagía máfianu ha adaagubaña milaguru, aba burí háfuridun óundaraguaña sun urúeigu ha ubouagubaña lubá wuribu le lánina óunwenbu luéyuri Bungiu le Suntigabafu.

Hamuriahan gürigia wuribatiña seini

38 Aba hariñagun hádangiñe fariséugu hama arufudahatiña lilurudun Moisesi lun Hesusu:

—Máisturu, busentiwa warihin badügün aban seini arufudei luagu lúmagiñe lan Bungiu biabin.

39 Aba lariñagun Hesusu houn:

—Gürigia wuribatiña ani magunfuliruntiña amuriahatiña seini; gama lumoun michugúnbei amu seini houn luéi le asuseredubei lun profeta Honasi. 40 Ladüga kei lerederun Honasi ǘrüwa weyu ǘrüwa áriebu lurageirugu udu, ítara luba giñe nerederun, au le Wügüri Garaüwarügüti, lidan numuaha ǘrüwa weyu, ǘrüwa áriebu.

Lílana burí fulasu ha maganbadibaña

20 Ábati lagumeserun Hesusu adeinha houn gürigia lidan fulasu burí le ñein lubéi meha ladügei liibe-agei lani milaguru, ladüga masansirun hamagili lan hóuserun. Aba lariñagun:

21 «Fugiabu huguya Korasínna! Fugiabu huguya Betüsáidana! Lun hamuga lidan lan uburugu le gíribei Tiru luma Sidón ladügǘwa milaguru burí le adügǘbei haganagua, binarü hamuga lasansiragua hagaburi lílana, aba hamuga harufuduni lau hadaüragun daüguaü súsutu luma híchaagun baligi hábulugu. 22 Nariñahare hun luagu danme lan lachülürün luéyuri aguseruni, wéiritimabei habeichún sügǘ hau ha Tíruna hama ha Sidonna. 23 Buguyati uburugu le Kafarünaumu, haritaguatibu luagu wéirigubadibu lan keisi sielu? Maweirigúnbadibu ítara kei maweirigun lan máfiougati. Ladüga lun hamuga lidan lan uburugu Sodoma ladügǘwa milaguru le adügǘbei bidan, aniheingua hamuga fulasu ligía lumoun dan le. 24 Nariñahare hun luagu lidan lanme luéyuri aguseruni, wéiritimabei habeichún sügǘ hau Sodomana».

13 Buguya adügübalin sun núgubu;

buguya adügübalina turageirugu núguchu.

14 Alawaha numutibu, ladüga wéiritu nanigi,

ladüga wéiriguti katei le badügübei.

Chouru numuti lira!

Lalawahóuniwa lúaragun Bungiu

1 Nabureme,

busentina nalawahanibu tau sun nanigi,

abahüdagua aume luagu burí ubuiduni le badügübei.

14 Líchugubati Wabureme guánarügü aban seini hun:

Tadageinaduba aban würi nibureingiru,*

ábame tagaraüdün aban wügüri irahü,

ábame tíchugun Emanuéli luagu.

22 Lasuseredunbei sun katei le lun lagunfulirun dimurei le lariñagubei Wabureme Bungiu liyumulugugiñe profeta:

23 «Tadageinaduba aban nibureintu to gañüngiru, ábame tagaraüdün aban irahü; Emanuéli, ligíaba liri».

(Mini lan iri ligía, «Bungiu wama»).

49 Dan le harihinbalin éibuga ligibuagu duna, aba haritagun luagu ufiaü lan; aba hagúaragun, 50 ladüga sun hagía ariha hamuti, aba hanufudedagun. Aba ladimurehan houn, aba lariñagun:

—Ganigi humá! Manufudeda humá, au le!

50 Dan le laganbunbalin Hesusu le, aba lariñagun lun:

—Manufudedabá, afiñerügübá, ábame tareidagun biráü.

37 Dan le yarafaaña lun lararirún wübü le Oliwu, aba hagumeserun sun ha afalarubalin agúaraha lau ugundani luma adimureha luagu luéirigun Bungiu, luagu burí milaguru le harihibei. 38 Hariñaga:

—Biniwati urúei le ñǘbuinbei lidan liri Wabureme! Ñein lan darangilaü sielu luma uéiriguni lidan liñun-agei!

9 Lárigiñe lariñaguni Hesusu katei le, sun añaha lan aríaguei, aba liñurúniwa; aba liabin aban dúeri, aba ladouragun lau, aba marihin hamaali lan.

7 aba néiguadun. Aba naganbun lariñagun aban umalali nun: "Saulu, Saulu, ka san uagu béibaahana?"

Habuinchun chagagaru Ehiptu

1 Lariñaga Bungiu lun Moisesi:

—Beiba arihei urúei, adügaadina lun tedererun lanigi, ligía hau sun lánigu, lun narufuduni óunwenbu burí katei le niyaraabei adüga, 2 lun babahüdaguni houn birahüñü luma houn bibañan, ida liña lan nadügün bula hau Ehiptuna, luma óunwenbu burí katei le nadügübei hadan. Ítara luba hasubudiruni luagu au lan Aburemeibei.