Milagres

Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.

O Deus dos milagres

Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.

26 Yɛsu laa kaler nde, waa kàtɛn a ba naa: « Ya ikwe anki akà baar, wɛɛ akà Nzam yanswà ikyer afàkwo. »

Mateus 19:26

26 Yɛsu laa kaler nde, waa kàtɛn a ba naa: « Ya ikwe anki akà baar, wɛɛ akà Nzam yanswà ikyer afàkwo. »

Mateus 19:26

37 Ntɔn undiir kan’kwo mukɔ̈ɔ̈n Nzam watɛy. »

Lucas 1:37

Milagres pela fé

Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.

20 Nde kàtɛn a ba naa: « Ntɔn làkwikilà abɛ là ikikye. Kyakin mɛ, mɛ alàkyään ndandaa: isàkal naa bɛ làbye anà làkwikilà asànaa imbɛŋ a ndɔŋ, bɛ lan’kwo làtɛn a mɔŋ wà naa: "Lwomà pà, kyen kàbü kunà", wa sye akyer akyà. Akà undiir mwɛy watɛy asàkal mpay akà bɛ.

Mateus 17:20

21 Yɛsu kafuur naa: « Mɛ, mɛ ndandaa alàkyään: isàkal naa bɛ làbye anà làkwikilà, ukɔɔn nkyɛɛr, bɛ lan’kwo mukyer kànà ndaa an’kyer mɛ yi akà un’te wà anki, wɛ bɛ lan’kwo mutɛn itàkal a mɔŋ wà naa: "Lwomà pà, kyen kabü u ngyäl", ya sye ikal abun.

Mateus 21:21

23 Yɛsu waa kàtɛn a nde naa: « Isàkal naa ngye an’kwo! ... Indiir byanswà byàŋàkwo akà mbuur awe anà làkwikilà. »

Marcos 9:23

27 Yɛsu kaler, waa kàtɛn naa: « Ya ikwe anki akà baar, wɛɛ akà Nzam yanswà ikyer afàkwo. »

Marcos 10:27

27 Yɛsu kafuur naa: « Indiir mpa bàfàkwo baar, akà Nzam bya mpay byatɛy. »

Lucas 18:27

58 Apan, Yɛsu kàsàkyer anki impà mbɔɔn u bul alan, ntɔn nkɔ̈ɔ̈n a làkwikilà aba.

Mateus 13:58

Sinais e prodígios

Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.

22 Baar a Isàlɛl, làwem ndaa yi: Yɛsu un’nsi Nasàlɛr wà mbuur kàtöm Nzam ntɔn bɛ. Nde kàkyer isal a ngwal, indiir a ubem anà idiim uboo a bɛ asànaa làyöb bɛ ŋakwo,

Atos 2:22

31 Umpal bàmay ba muyamà, ikal bàkäl ba muköŋ kyàkyer atɛɛr, ba banswà bàyöl a Dweelà In’kyɛɛl, waa bàkyään ndaa a Nzam anà uyɔl.

Atos 4:31

Baan a Tsɛva babaal

11 Nzam kàkyerà impà a ifà asin u mbwo a an’kɔɔ a Pɔl. 12 Undiir awun, bàsyee ba ipfey itàkal itɛɛnà a ipfɛy byàböölà ndür ande udu a abɛy: an’kyal aba waa màwüü, an’dweelà an’be waa màtoo.

Atos 19:11,12

12 Idiim abyà ifàswaŋ naa mbuur wà ntööm byàmɛnà uboo abɛ: nkääŋ a mpem unsà ndɛb yanswà, idiim, impà anà isal a ngwal.

2 Coríntios 12:12

28 Kyakin, uboo a Ikööŋ, Nzam kàsi bàtàtwɛb antööm, bàyweel aŋangɔɔm, bàtär alɔɔŋ, ungö apan, kab a impà, kab a nkɔɔr, là mbaay, là ntwasà, anà kab mutɛn ndaa a ifà ifà.

1 Coríntios 12:28

8 Dweelà afàpà akà mbuur umwɛy ndaa a an’yeerà, akà wumwɛy, Dweelà nsil awà afàpà ndaa a ngyööb, 9 Dweelà mwɛy nsil awà afàpà akà umwɛy làkwikilà, akà wumwɛy ikɔ̈b mukɔɔr aŋukyal. 10 Dweelà afàpà ngwal akà umwɛy mukyer impà, akà wumwɛy kab mutà ngɔɔm, akà wumwɛy musà nsɔ̈ɔ̈l unsà an’dweelà, akà wumwɛy mutɛn ndaa a ifà ifà, akà wumwɛy ntɔn mubaal ndaa ya.

1 Coríntios 12:8-10

39 Wɛɛ Yɛsu kàtɛn naa: « Twon làmutsuŋ, ntɔn kà we anà mbuur anki kan’kwo mukyer impà kà ikɔb amɛ, waa ungö apan nde ufàtɛn ube ntɔn mɛ. 40 Abun, mbuur mpa afàtɔn bi wà anà bi.

Marcos 9:39,40

Milagres de cura e provisão

A oração da fé salvará o enfermo. Deus provê, cura e intervém quando clamamos a Ele com fé genuína.

15 Ngyamàkà a làkwikilà isàkɔɔr un’bɛy, Mwol akyer asumbaar. Isàkal naa nde we anà man’be, bàkyerà asun’dwääl ma. 16 Làkyey man’be abɛ bɛ a bɛ anà làyamà bɛ a bɛ, ntɔn bɛ làkɔɔrà. Ngyamàkà a mbuur a balàbal ifàsal ngwal mbɔɔn.

Tiago 5:15,16

17 Ɛli kàkäl mbuur asànaa bi, nde kàyamà unsà muküünà naa mbul ukɔ̈ɔ̈n anɔ, wa sye kànɔ̈ anki u mɛɛn isii a mbul tär a ngɔn syaam. 18 Ungö, kàfàyamà nde, mbul kàkyer anɔ, mɛɛn màtwey imbɛŋ ama.

Tiago 5:17,18

16 Yɛsu kàwɛl mampà mà an’tyeen anà nsö yàyweel, waa kàler u du, kàfuur an’tɔɔn akà Nzam. Ungö apan waa kàtsül mampà anà nsö, waa kàpɛ alɔŋki ande ntɔn mupà akà baar banswà. 17 Baar banswà waa bàdi, bàyüür. Itiir a mampà byàsäl mbɔↄn, bya byàyööl in’lwaŋ kwem aŋiyweel.

Lucas 9:16,17

Yɛsu kan’kɔɔr un’kaar aŋatoo ilä a saba

10 Yàmenà naa ilä a saba mwɛy Yɛsu kàkäl mulɔŋ u ndwà a nköŋ a Ayudà. 11 Wɛɛ le, uboo kwo kàkäl anà un’kaar mwɛy dweelà a làbe lun’buulà aŋàkwɛkà abà mbul kwem aŋinaan: nde kàkäl aŋàtöör, kàkwee anki mumbar aŋàsubà alää. 12 Mpal kun’mɛn Yɛsu, nde waa kun’bel, kàtɛn a nde naa: « Un’kaar, ngye an’kɔɔrà unsà nkwɛkà angye! » 13 Nde kàsi an’kɔɔ ande udu a un’kaar awà, taaŋ nsil alan un’kaar waa kàsubà, laa kàsɛmà nde musyäŋà Nzam. 14 Wɛɛ mfum a ndwà a nköŋ a Ayudà kàwem nkyɛl ntɔn Yɛsu kàkɔɔr nde mbuur ilä a saba. Apan nde kàtɛn a baar banswà naa: « Ilä mukyer isal byà isyaam, làyi kà ilä abin ntɔn bàlakɔɔr, wɛɛ kà ilä a saba anki! » 15 Mwol waa kun’fuur naa: « Bɛ làbà baar a loor! Mbuur wanswà uboo abɛ afàbäm ngɔɔmà ande itàkal ntab ande kà ikal ufàdyà wa anà mukun’nüü ilä a saba. Kabwɛy anki? 16 Wɛɛ un’kaar wà, mwan a Abàlam kàkör Satanà wà mbul kwem aŋinaan, bàlun’kɔɔr anki in’siŋ ande ntɔn ŋàbà ilä a saba? » 17 Mfuur a Yɛsu ayi yàpɛ nswɛn akà ayiiŋ ande, wɛɛ baar banswà bàmɛn un’sak ntɔn ndaa aŋàbwaŋ kàkyerà nde.

Lucas 13:10-17

11 Ayi nsɛmà a idiim a Yɛsu yàlyaaŋ u Kana a Ngalilɛ. Nde kàmɛɛy làkoo ande, alɔŋki ande waa bun’si làkwikilà.

João 2:11

14 Mpal bàmɛn baar impà kàkyer nde, ba bàtɛn naa: « Ndandaa mbuur awà, wà Ŋangɔɔm awayà u mɛɛn! »

João 6:14

29 Yɛsu kàtɛn a nde naa: « Nkye ntɔn aman’man ngye, waa ngye an’sà làkwikilà? Un’sak mbɔɔn akà baar mpa bàmɛn, waa bàsi làkwikilà! »

Isin a un’kaan awà

30 Yɛsu kàkyer idiim asin mbɔɔn u mii a alɔŋki ande abyà mpa bàsön uboo a un’kaan awà. 31 Indiir abi bàsön ntɔn bɛ làsi làkwikilà naa Yɛsu wà Klistɔ, Mwan a Nzam, naa sye u mbwo a làkwikilà alà, bɛ làkäl anà mɔ̈ɔ̈ kikɔb ande.

João 20:29-31

8 Apan, un’lɔŋki akwà kàkàkɔlà kusà kan’dii waa kabilà sye. Nde waa kàmɛn, waa kàsi làkwikilà. 9 Ntɔn ba bàkäl aŋàtàyöb anki Ndaa Aŋàsɔn ayà itɛɛnà naa Yɛsu kàkyer alàwiyà uboo a akü.

João 20:8,9

Discernimento nos sinais

A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.

13 Apan, mɛ kàmɛn an’dweelà an’tär màŋingyäy, màŋàfyän an’kwar un’swaŋ, màyatoo u mun a dalàgɔ, u mun a ntsür anà u mun a ŋangɔɔm a loor. 14 Ma mà an’dweelà a insɔŋà amyà ifàkyer idiim a ubem. Mya myàfàkyà akà amfum a mɛɛn manswà ntɔn mukaköŋà ntɔn ità a ilä a kölàköl kyà Nzam awà Nkum a indiir byanswà.

Apocalipse 16:13,14

Ndɔ̈ɔ̈m a impà mwɛy

38 Apan alɔɔŋ a in’kɔɔn amwɛy anà Amfarisi amwɛy bàtɛn a Yɛsu naa: « Un’lɔɔŋ, bi ikwen naa ngye iswɛŋ impà mwɛy. » 39 Nde kafuur naa: « Nkööl a baar abe anà yà inswem yàmulɔm impà, wɛɛ ba impà asin bàman anki, impà nsil kyà ŋangɔɔm Yɔnas. 40 Undiir awun, asànaa Yɔnas kàkyer nde myäänà in’tär anà mpib tär uboo a dum a nsö a kölàköl, abun sye Mwan a mbuur asàkyer myäänà in’tär anà mpib tär ungyɛl a mɛɛn.

Mateus 12:38-40

An’bul man’tɔn musà làkwikilà

20 Mpalàbà Yɛsu kàsɛmà muŋän an’bul akwà amàkàkyer nde impà mbɔɔn, ntɔn an’bul amà màbuul anki mpem aba. Nde kàtɛn naa: 21 « Ngyɛb akà ngye Kɔrazin! Ngyɛb akà ngye Bɛtesayidà! Ntɔn, ilàkal naa impà bàkyer akà bɛ bàkyer u Tir anà u Sidɔn, abà itaan baar aba bàkyàbuul mpem, bàkyàbwaar ngɔɔr anà bàkyàkübà un’twà. 22 Undiir awun, waa mɛ in’tɛn a bɛ naa: ilä a nsaŋ, Tir anà Sidɔn mpay a mbɔɔn bàsamɛɛy anki asànaa bàsàmɛɛy ba bɛ. 23 Anà ngye Kapɛrnawum, nkye ngye asàlar tii u du? Ngye asàtyà an’lɔŋ! Ntɔn, yàlàkal naa impà bàkyer akà ngye bàkyer u Sɔdɔm, bul alà làlàkal tii ŋàbawà. 24 Undiir awun, waa mɛ in’tɛn a bɛ naa ilä a nsaŋ, Sɔdɔm bàsun’weel ngyɛb akwànaa ngye. »

Mateus 11:20-24

A criação como milagre

O próprio corpo humano é milagre de Deus. Toda a criação testifica do poder e da sabedoria do Criador.

22 Ndaa ayi yanswà yà ntɔn undiir kàtɛn Mwol u mun a ŋangɔɔm ande ukwe:

23 « Le, mwan un’kaar unkɔr asàkal yöm, nde asàbɔr mwan baal,

bàsun’beelà Mànwel »,

iswaŋà naa « Nzam wà uboo a bi ».

Mateus 1:22,23

49 Mpal bun’mɛn ba wàmuyikyà udu a ɛwà, ba bàsi naa bwo kàkäl, waa bàsi in’kwɛŋ. 50 Ntɔn ba banswà bàkyer un’man, lingyoomà waa lawɛl. Wɛɛ apan, nde kàyäm anà ba, waa kàtɛn a ba naa: « Làwɛl ibaal! Wà mɛ, twon lan’man bɔɔmà! »

Marcos 6:49,50

50 Mpal kàwem Yɛsu abwɛy, nde kàtɛn a Zayirɔs naa: « Twon an’man bɔɔmà, sà làkwikilà mpɛl, mwan angye akyer akɔɔrà. »

Lucas 8:50

37 Utaaŋ kàkäl nde tsütsü a Yɛlusàlɛm, u mbumà a mɔŋ a in’te a ɔlive, un’kàbɔ a alɔŋki wanswà kàkäl mukömà Nzam unsà un’sak, u ndaa a ngwal, ntɔn impà byanswà bàmɛnà ba. 38 Ba bàtɛɛnà naa: « Wɛy Nzam usaak mfum kan’yà kà ikɔb a Mwol! Duu u dudu anà làkoo akà Nzam. »