Misericórdia
A misericórdia de Deus é eterna e inesgotável. Ele se compadece dos que sofrem, perdoa os arrependidos e derrama graça sobre os que não merecem. Grande é a sua fidelidade.
A misericórdia de Deus
Quem é Deus como tu, que perdoa a iniquidade? Ele se deleita em ter misericórdia e não retém a ira para sempre.
तेरे बराबर इसा परमेसवर कित्त सै जो अधर्म नै माफ करै अर अपणे खास हिस्से के बचे होया के अपराध नै ढाँप दे? वो अपणे छो नै सदा बणाए न्ही रहन्दा, क्यूँके वो करुणा तै प्यार राक्खै सै।
पाप की माफी खात्तर प्रार्थना
हे परमेसवर, अपणी करुणा कै मुताबिक मेरे पै अनुग्रह कर;
अपणी बड़ी दया के मुताबिक मेरे अपराध्धां ताहीं मिटा दे।
मन्नै भली-भाँति धोकै मेरा अधर्म दूर कर,
अर मेरे पाप छुड़ाकै मन्नै शुद्ध कर!
हे यहोवा, अपणी दया अर करुणा के काम्मां नै याद कर;
क्यूँके वे तो सदा तै ए होन्दे आए सै।
हे यहोवा, अपणी भलाई के कारण
मेरी जवान्नी के पापां नै अर मेरी गलतियाँ नै याद ना करै;
अपणी करुणा कै मुताबिक तू मन्नै याद कर।
करुणामय परमेसवर
हे यहोवा, मन्नै मुसीबतां म्ह ढुंघी जगहां म्ह तै तेरे ताहीं पुकारया सै।
हे प्रभु, मेरी सुण!
तेरे कान मेरे गिड़गिड़ाण की ओड़ ध्यान तै लाग्गे रहवै!
हे यहोवा, तू भी अपणी बड़ी दया मेरे पै तै ना हटावै,
तेरी करुणा अर सच्चाई तै हमेशा
मेरी हिफाजत होन्दी रहवै!
पक्का भलाई अर करुणा जीवन भर मेरे
गैल-गैल बणी रहवैगी;
अर मै यहोवा के धाम म्ह सदा वास करुँगा।
जिस तरियां बाप अपणे बाळकां पै दया करै सै,
उसे तरियां यहोवा अपणे डरण आळयां पै दया करै सै।
Graça e perdão
Onde o pecado abundou, superabundou a graça. Deus convida todos ao arrependimento e promete perdão total aos que confessam.
पर आदम के अपराध अर परमेसवर के अनुग्रह के वरदान के बीच म्ह एक भोत बड़ा अन्तर सै, क्यूँके जब एक माणस आदम, कै अपराध करण के कारण, भोत-से माणसां की मौत होई, पर दुसरे माणस यीशु मसीह के जरिये, परमेसवर का अनुग्रह भोत-से माणसां पै होया सै।
पाप के दासत्व तै परमेसवर के दास
तो इसका मतलब के सै? के हम नियम-कायदे का अधीन म्ह न्ही, बल्के परमेसवर के अनुग्रह कै अधीन सां, इस करकै के हम पाप कर सका सां? न्ही! बिलकुल न्ही!
पर परमेसवर नै जो दया का धनी सै, अपणे उस घणे प्यार कै कारण जिसतै उसनै म्हारै तै प्यार करया। अपणे पुराणे जीवन म्ह पापां के कारण हम मरे होए थे तो परमेसवर नै जिस तरियां यीशु मसीह ताहीं जिन्दा करया, हमनै भी आत्मिक रूप तै जिन्दा करैगा, अर सुर्गीय जगहां म्ह मसीह कै गेल्या बिठावैगा, अर परमेसवर के अनुग्रह तै ए थारा उद्धार होया सै।
पर उसनै मेरै तै कह्या, "मेरा अनुग्रह तेरे खात्तर भोत सै, क्यूँके मेरी सामर्थ कमजोरी म्ह सिध्द होवै सै।" ज्यांतै मै घणा राज्जी होकै अपणी कमजोरी पै घमण्ड करुँगा के मसीह की सामर्थ मेरै पै छाया कर दी रहवै।
जो अपणे कसूर छिपाकै राक्खै सै, उसका काम पूरा न्ही होन्दा,
पर जो उननै मान लेवै सै, अर छोड़ भी देवै सै,
उसपै दया करी जावैगी।
दुष्ट अपणी चालचलन अर अनर्थकारी अपणे सोच विचार छोड़कै यहोवा की ए ओड़ मुड़ै, वो उसपै दया करैगा, वो म्हारे परमेसवर की ओड़ मुड़ै अर वो पूरी तरियां तै उसनै माफ करैगा।
परमेसवर का अपणे माणसां पै अनुग्रह
तोभी यहोवा इस करकै देर करै सै के थारे पै अनुग्रह करै, अर इस करकै उप्पर उठैगा के थारे पै दया करै। क्यूँके यहोवा न्यायी परमेसवर सै; कितणे धन्य सैं वे जो उसपै उम्मीद लगाऐ रहवै सैं।
Misericórdia e compaixão
Misericórdia quero e não sacrifício. Deus nos chama a ser misericordiosos como Ele é, perdoando e acolhendo o próximo.
इस करकै थम जाओ अर समझ ल्यो के पवित्र ग्रन्थ के इस वचन का मतलब के सै: ‘मै बलिदान न्ही पर दया चाहूँ सूं।’ क्यूँके जो अपणे-आपनै धर्मी कहवै मै उननै न्ही, पर जो अपणे-आपनै पापी कहवै सै उननै बुलाण आया सूं।")
माफ ना करण आळे दास का उदाहरण
जिब पतरस नै धोरै आकै उसतै कह्या, "हे प्रभु, जै मेरा भाई कसूर करदा रहवै, तो मै कितनी बार उस ताहीं माफ करुँ? के सात बार?"
यीशु नै उसतै कह्या, "मै तेरे तै यो न्ही कहन्दा के सात बार, बल्के सात बार के सत्तर गुणा तक माफ करिये।"
"इस करकै जै थम माणसां के कसूर माफ करोगे, तो थारा सुर्गीय पिता भी थमनै माफ करैगा।
फेर भी तन्नै जो घणा दयालु सै, उनका नाश न्ही कर करया अर ना उन ताहीं त्याग दिया, क्यूँके तू अनुग्रहकारी अर दयालु परमेसवर सै।"
जो माणस अनुग्रह करै अर उधार देवै सै,
अर ईमानदारी कै गैल अपणे काम करै सै, उसका भला होवै सै,
म्हारे परमेसवर यहोवा की मनोहरता म्हारे पै जाहिर हो,
तू म्हारे हाथ्थां का काम म्हारै खात्तर मजबूत कर,
म्हारे हाथ्थां के काम नै मजबूत कर।
Acessar a misericórdia
Cheguemos com confiança ao trono da graça. Ali encontramos misericórdia e graça para socorro no tempo oportuno.
इस करकै आओ, हम परमेसवर के स्याम्ही बिना डर के जावां जो करुणा तै भरा होया सै, फेर परमेसवर म्हारै पै दया करैगा, अर जिब हमनै मदद की जरूरत होगी तो वो म्हारी मदद करैगा।
परमेसवर की सेवा का जीवन
ज्यांतै हे बिश्वासी भाईयो, मै थारे तै परमेसवर की दया याद दुवाकै बिनती करुँ सूं, के अपणी जिन्दगी ताहीं जिन्दा, पवित्र अर परमेसवर ताहीं भान्दा होया बलिदान करकै चढ़ाओ। योए परमेसवर की सेवा करण का सही तरिक्कां सै।
क्यूँके परमेसवर नै दुनिया के माणसां तै इसा प्यार राख्या के उसनै अपणा इकलौता बेट्टा दे दिया, ताके जो कोए उसपै बिश्वास करै, वो नाश कोनी होवै, पर अनन्त जीवन पावै।
क्यूँके मसीह कै कारण थारे पै या अनुग्रह होया के ना केवल उसपै बिश्वास करो पर उसकै खात्तर दुख भी ठाओ,
हिजकिय्याह जरिये फसह के त्यौहार की तैयारी
फेर हिजकिय्याह नै सारे इस्राएल अर यहूदा म्ह कुह्वा भेज्जा, अर एप्रैम अर मनश्शे कै धोरै इस ऊमीद तै पत्र लिख भेज्जे, के थम यरुशलेम म्ह यहोवा के भवन म्ह इस्राएल के परमेसवर यहोवा खात्तर फसह मनाण नै आओ। राजा अर उसके हाकिमां अर यरुशलेम की मण्डळी नै सलाह करी थी के फसह नै दुसरे महिन्ने म्ह मनावै। वे उसनै उस बखत इस कारण न्ही मना सकै थे, क्यूँके थोड़े ए याजकां नै अपणे-आपनै पवित्र करया था, अर प्रजा के माणस यरुशलेम म्ह कठ्ठे न्ही होए थे। या बात राजा अर सारी मण्डळी नै आच्छी लाग्गी। फेर उननै यो ठहरा दिया, के बेर्शेबा शहर तै लेकै दान के सारे इस्राएलियाँ म्ह यो प्रचार करया जावै, के यरुशलेम म्ह इस्राएल के परमेसवर यहोवा खात्तर फसह मनाण नै चले आओ; क्यूँके उननै इतणी बड़ी संख्या म्ह उस ताहीं इस तरियां न्ही मनाया था जिसा के व्यवस्था म्ह लिख्या सै। ज्यांतै हरकारे राजा अर उसके हाकिमां तै चिट्ठियाँ लेकै, राजा के हुकम कै मुताबिक सारे इस्राएल अर यहूदा म्ह घूमे, अर यो कहन्दे गए, "हे इस्राएलियों! अब्राहम, इसहाक, अर इस्राएल के परमेसवर यहोवा की और फिरो, के वो अश्शूर के राजयां कै हाथ तै बचे होए थम माणसां की और मुड़ै। अर अपणे पुरखां अर भाईयाँ के बराबर मत बणो, जिन नै अपणे पूर्वजां के परमेसवर यहोवा तै बिश्वासघात करया था, अर उसनै उन ताहीं हैरान होण का कारण कर दिया, जिसा के थम खुद देख रहे सो। इब अपणे पुरखां की तरियां हठ ना करो, बल्के यहोवा कै अधीन होकै उसकी उस पवित्र जगहां म्ह आओ जिस ताहीं उस नै सदा खात्तर पवित्र करया सै, अर अपणे परमेसवर यहोवा की उपासना करो, के उसका भड़क्या होया गुस्सा थारे पै तै दूर हो जावै। जै थम यहोवा की और फिरोगे तो जो थारे भाईयाँ अर बाल-बच्यां नै बन्दी बणाकै लेगे सैं, वे उनपै दया करैगें, अर वे इस देश म्ह बोहड़ सकैगें क्यूँके थारा परमेसवर यहोवा अनुग्रहकारी अर दयालु सै, अर जै थम उसकी और फिरोगे तो वो अपणा मुँह थारे तै ना मोड़ैगा।"
इस तरियां हरकारे एप्रैम अर मनश्शे के देशां म्ह नगर-नगर होन्दे होए जबूलून क्षेत्र ताहीं गए; पर उननै उनका मजाक उड़ाया, अर उन ताहीं हाँस्सी म्ह उड़ाया। फेर भी आशेर, मनश्शे अर जबूलून गोत्र म्ह तै कुछ माणस दीन होकै यरुशलेम म्ह आए। यहूदा म्ह भी परमेसवर की इसी शक्ति होई, के वे एक मन होकै, जो हुकम राजा हिजकिय्याह अर हाकिमां ताहीं यहोवा के वचन कै मुताबिक दिया था, उस ताहीं मानण नै त्यार होए।
फसह का मनाया जाणा
इस तरियां घणे माणस यरुशलेम म्ह ज्यांतै कठ्ठे होए, के दुसरे महिन्ने म्ह अखमीरी रोट्टी का त्यौहार मान्नै। अर भोत बड़ी सभा कठ्ठी होगी। उननै उठकै, यरुशलेम म्ह की वेदी अर धूप जळाण की सारी जगहां ताहीं ठाकै किद्रोन नाळे म्ह फेंक दिया। फेर दुसरे महिन्ने के चौदहवें दिन म्ह उननै फसह के पशुबलि करे फेर याजक अर लेवीय लज्जित होए अर अपणे-आपनै पवित्र करकै होमबलियाँ ताहीं यहोवा के भवन म्ह ले आए। वे अपणे नियम कै मुताबिक, यानिके परमेसवर के जन मूसा के नियम-कायदे कै मुताबिक, अपणी-अपणी जगहां पै खड़े होए, अर याजकां नै बलिदान करे होए खून ताहीं लेवियाँ के हाथ तै लेकै छिड़क दिया। क्यूँके सभा म्ह घणे इस्से थे जिननै अपणे आप ताहीं पवित्र न्ही करया था; ज्यांतै सारे अशुद्ध माणसां के फसह के पशुआं ताहीं बलि करण का हक लेवियाँ ताहीं दिया गया, के उननै यहोवा कै खात्तर पवित्र करैं। घणे माणसां नै यानिके एप्रैम, मनश्शे, इस्साकार अर जबूलून म्ह तै घण्या ए नै अपणे आप ताहीं शुद्ध न्ही करया था, फेर भी वे फसह के पशु का माँस लिक्खी होई विधि कै खिलाफ खावै थे। क्यूँके हिजकिय्याह नै उनकै खात्तर यो प्रार्थना करी थी, "यहोवा जो भला सै, वो उन सारया के पाप ढक दे; जो परमेसवर की यानिके अपणे पूर्वजां के परमेसवर यहोवा की खोज म्ह मन लगाऐ होए सैं, चाए वे पवित्र जगहां की विधि कै मुताबिक शुद्ध भी ना हों।" अर यहोवा नै हिजकिय्याह की या प्रार्थना सुणकै माणसां ताहीं ठीक करया। जो इस्राएली यरुशलेम म्ह उपस्थित थे, वे सात दिन ताहीं अखमीरी रोट्टी का त्यौहार बड़े आनन्द तै मनान्दे रहे; अर रोज लेवीय अर याजक ऊँच्चे शब्द के बाज्जे यहोवा खात्तर बजाकै यहोवा की स्तुति करदे रहे। जितने लेवीय यहोवा का भजन बुद्धिमानी कै गैल करै थे, उनतै हिजकिय्याह नै शान्ति के वचन कहे। इस तरियां वे मेलबलि चढ़ाकै अर अपणे पूर्वजां के परमेसवर यहोवा कै धोरै अंगीकार करदे रहे अर उस नियत त्यौहार के सात्तु दिन ताहीं खान्दे रहे।
फसह का दुसरी बार मनाया जाणा
फेर सारी सभा नै सलाह करी के हम और सात दिन त्यौहार मनावांगे; आखर उननै और सात दिन आनन्द तै त्यौहार मनाया। क्यूँके यहूदा के राजा हिजकिय्याह नै सभा ताहीं एक हजार बाछड़े अर सात हजार भेड़-बकरी दे दी, अर हाकिमां नै सभा म्ह एक हजार बाछड़े अर दस हजार भेड़-बकरी दी, अर भोत-से याजकां नै अपणे आप ताहीं पवित्र करया। फेर याजकां अर लेवियाँ समेत यहूदा की सारी सभा, अर इस्राएल तै आए होया की सभा, अर इस्राएल के देश तै आए होए, अर यहूदा म्ह रहणआळे परदेशी, इन सारया नै आनन्द करया। इस तरियां यरुशलेम म्ह बड़ा आनन्द होया, क्यूँके दाऊद के बेट्टे इस्राएल के राजा सुलैमान के दिनां तै इसी बात यरुशलेम म्ह ना होई थी। अन्त म्ह लेवीय याजकां नै खड़े होकै प्रजा ताहीं आशीर्वाद दिया, अर उनकी सुणी गई, अर उनकी प्रार्थना उसके पवित्र धाम ताहीं यानिके सुर्ग ताहीं पोहची।
खुद का धर्म छोड़ण का फळ
"वे कहवै सैं, ‘जै कोए अपणी घरआळी नै छोड़ दे, अर वो उसकै धोरै तै जाकै दुसरे माणस की हो जावै, तो वो पैहला के उसकै धोरै फेर जावैगा?’ के वो देश घणा अशुद्ध ना हो जावैगा? यहोवा की या वाणी सै के तन्नै घणाए तै प्यार करण आळयां के गैल व्यभिचार करया सै, के तू इब मेरी ओड़ फिरैगी? मुँण्ड़े टील्यां की ओड़ आँख ठाकै देख! इसी कौण सी जगहां सै जड़ै तन्नै कुकर्म ना करया हो? राह म्ह तू इसी बैठी जिस तरियां एक अरबी जंगळ म्ह। तन्नै देश ताहीं अपणे व्यभिचार अर बुराई तै अशुद्ध कर दिया सै। इस्से कारण बारिस रोक देई गई अर पिछली बरसात न्ही होन्दी; तोभी तेरा माथा वेश्या की तरियां सै, तू शर्मिन्दा होणा ए न्ही चाहन्दी। के तू इब मेरे ताहीं पुकारकै कहवैगी, ‘हे मेरे पिता, तू ए मेरी जवान्नी का साथी सै? के वो सदा छो म्ह रहवैगा? के वो उस ताहीं सदा बणाए रहवैगा?’ तन्नै इसा कह्या तो सै, पर तन्नै बुरे काम जोर कै गैल करे सैं।"
इस्राएल अर यहूदा नै पश्चाताप करणा होगा
फेर योशिय्याह राजा कै दिनां म्ह यहोवा नै मेरे ताहीं या भी कह्या, "के तन्नै देख्या के भटकण आळी इस्राएल नै के करया सै? उसनै सारे ऊँच्चे पहाड़ां पै अर सारे हरे दरखत्तां कै तळै जा-जाकै व्यभिचार करया सै। फेर मन्नै सोच्या, जिब ये सारे काम वो कर चुके फेर मेरी ओड़ फिरैगी; पर वो ना फिरी, अर उसकी बिश्वासघाती भाण यहूदा नै या देख्या। फेर मन्नै देख्या, जिब मन्नै भटकण आळी इस्राएल ताहीं उसके व्यभिचार करण कै कारण छोड़कै उस ताहीं त्यागपत्र दे दिया; तोभी उसकी बिश्वासघाती भाण यहूदा ना डरी, बलके जाकै वो भी व्यभिचारिणी बणगी। उसके निर्लज्ज-व्यभिचारिणी होण कै कारण देश भी अशुद्ध होग्या, उसनै पत्थर अर काठ कै गैल भी व्यभिचार करया। इतणे पै भी उसकी बिश्वासघाती भाण यहूदा पूरे मन तै मेरी ओड़ न्ही फिरी, पर कपट तै, यहोवा की योए वाणी सै।"
यहोवा नै मेरे ताहीं कह्या, "भटकण आळी इस्राएल, बिश्वासघाती यहूदा तै कम दोषी लिकड़ी सै।" तू जाकै उत्तर दिशा म्ह ये बात प्रचार कर, यहोवा की या वाणी सै, हे भटकण आळी "इस्राएल बोहड़ आ, मै तेरै पै छो की नजर ना करुँगा; क्यूँके यहोवा की या वाणी सै, मै करुणामय सूं; मै सदा छो ना राक्खे रहूँगा। सिर्फ अपणा यो अधर्म मान ले के तू अपणे परमेसवर यहोवा तै फिरगी अर सारे हरे दरखत्तां कै तळै इधर-उधर दुसरयां कै धोरै गई, अर मेरी बात्तां ताहीं न्ही मान्या, यहोवा की या वाणी सै।"
"हे भटकण आळे बाळकों, बोहड़ आओ, क्यूँके मै थारा माल्लिक सूं; यहोवा की या वाणी सै। थारे हर एक नगर तै एक, अर हर एक कुल तै दो ताहीं लेकै मै सिय्योन म्ह पोंहचा देऊँगा।"
"मै थमनै अपणे मन कै जिसा पाळी देऊँगा, जो ज्ञान अर बुद्धि तै थमनै चरावैंगे। उन दिनां म्ह जिब थम इस देश म्ह बढ़ो, अर फूल्लो-फळो, तब माणस फेर इसा ना कहवैंगे, यहोवा के करार का सन्दूक; यहोवा की या भी वाणी सै। उसका विचार भी उनकै मन म्ह ना आवैगा, ना माणस उसके ना रहण तै चिन्ता करैंगे; अर ना उसकी मरम्मत होवैगी। उस बखत यरुशलेम यहोवा का सिंहासन कुह्वावैगा, अर सारी जातियाँ उसी यरुशलेम म्ह मेरे नाम कै कारण कठ्ठी होया करैंगी, अर, वे फेर अपणे बुरे मन कै हठ पै ना चाल्लैगी। उन दिनां म्ह यहूदा का घराना इस्राएल के घराने कै गैल चाल्लैगा अर वे दोन्नु मिलकै उत्तर कै देश तै इस देश म्ह आवैंगे जिस ताहीं मन्नै उनके बुजुर्गां ताहीं खास भाग करकै दिया था।"
परमेसवर के माणसां के जरिये मूर्तिपूजा
"मन्नै सोच्या था, मै किस तरियां तेरे ताहीं बाळकां म्ह गिणकै वो मन भावना देश दियुँ जो सारी जातियाँ के देशां का शिरोमणि सै। मन्नै सोच्या के तू मेरे ताहीं पिता कहवैगी, अर मेरे तै फेर ना भटकैगी। इस म्ह तो शक न्ही के जिस तरियां बिश्वासघाती जनान्नी अपणे खास तै मन फेर लेवै सै, उसे तरियां हे इस्राएल के घराने, तू मेरे तै फिर ग्या सै, यहोवा की योए वाणी सै।"
मुँण्ड़े टील्यां पै तै इस्राएलियाँ के रोण अर गिड़गिड़ाण का शब्द सुणाई दे रह्या सै, क्यूँके वे टेढ़ी चाल चाल्दे रहवै सैं अर अपणे परमेसवर यहोवा ताहीं भूल गए सैं। यहोवा कहवै सै, "हे भटकण आळे बाळकों, बोहड़ आओ, मै थारा भटकणा सुधार देऊँगा। देख, हम तेरे धोरै आए सां; क्यूँके तू ए म्हारा परमेसवर यहोवा सै। पक्का पहाड़ां अर पहाड़ियाँ पै का शोर-सराबा बेकार ए सै। इस्राएल का उद्धार पक्का म्हारे परमेसवर यहोवा ए कै जरिये सै। फेर भी म्हारी जवान्नी ए तै उस बदनाम्मी की चीज नै म्हारे बुजुर्गां की कमाई यानिके उनकी भेड़-बकरी अर गां-बळध अर उनके बेट्टे-बेटियाँ ताहीं निगळ लिया सै। हम शर्मिन्दा होकै बोहड़ जावां, अर म्हारा संकोच म्हारी ओढ़णी बण जावै; क्यूँके म्हारे बुजुर्गां अर हम भी जवानी तै लेकै आज कै दिन ताहीं अपणे परमेसवर यहोवा कै बिरुध्द पाप करदे आए सैं; अर हमनै अपणे परमेसवर यहोवा की बात ताहीं न्ही मान्या सै।"
Este artigo te tocou? Faça uma oração!
+581 estão orando agora.
Junte-se à corrente de oração.