Misericórdia
A misericórdia de Deus é eterna e inesgotável. Ele se compadece dos que sofrem, perdoa os arrependidos e derrama graça sobre os que não merecem. Grande é a sua fidelidade.
A misericórdia de Deus
Quem é Deus como tu, que perdoa a iniquidade? Ele se deleita em ter misericórdia e não retém a ira para sempre.
ናቁዋ አቶ ያግያዌ፥ ባረ አሳ አቴዳዋንቱ ማካላ ፓይደናዌ ነ ማላ ጾሳይ ኦኔ? ኔን ሀንቁ ሀንቆሽን፥ መናዉ ደአ አጋካ፤ አያዉ ጎፐ፥ ኔን ነ አሳዉ ነ አገና ሲቁዋ በስያዋን ናሸታሳ።
ማሮተ ደማናዉ ሺቄዳ ዎሳ
አቤት ጾሳዉ፥ አገና ነ ሲቁዋዳን ታና ማራ፤
ነ ቃረታ ዳሩዋዳን ታ ባይዙዋ ቁጫ።
ታ ኢታተፐ ታና ሙለ ሜጫ፤
ታ ናጋራፐ ታና ጌሻ።
አቤት መና ጎዳዉ፥ በኒደፐ ደእያ ነ ቃረታነ
ነ ኬካተ ሀሳያ።
ታ ያላጋተ ናጋራነ ባይዙዋ ሀሳዮፓ።
አቤት መና ጎዳዉ፥
ነ ኬካተነ ሎኦተ ሀሳያ።
ማዱዋ ደማናዉ ሺቄዳ ዎሳ
አቤት መና ጎዳዉ፥ ታን መቱዋ ጪማን ደኣደ፥
ኔኮ ዋሳይ።
አቤት ጎዳዉ፥ ታ ኮሻ ስሳ፤
ታን ዋትዋትያ ዋትዋቱዋ ነ ሀይይ ሀይዞ።
አቤት መና ጎዳዉ፥ ነ ማሮተ ታፐ ሃሶፓ።
አገና ነ ሲቁነ ነ ቱማተይ
ታና ኡባ ዎደ ናጎ።
ነ ኬካተይነ ማሮተይ
ታ ደኡዋ ላይ ኡባን ቱሙዋፐ ታና ካላና።
ታን መና ጎዳ ጎልያን መናዉ ደአና።
አዉ ባረ ናናቶ ቃረትያዋዳን፥
መና ጎዳይ ባረዉ ያይያዋንቶ ቃረቴ።
Graça e perdão
Onde o pecado abundou, superabundou a graça. Deus convida todos ao arrependimento e promete perdão total aos que confessam.
ሽን ጾሳ እሞታይ አዳማ ናጋራ ኬና ግደና ድራዉ፥ ኡንቱንቱ እት ማላ ግድክኖ፤ እት ብታንያ ናጋራ ድራዉ፥ ጮራ አሳይ ሀይቄዳዌ ቱማ፤ ሽን ጾሳ አ ኬካተይነ አ እሞታይ እት አሳ አ ኬካተ ባጋና፥ የሱስ ክርስቶሳ አ ኬካተ ባጋና ጮራ አሳዉ ዳሬዳ።
ጽሎተዉ አይለ ግድያዋ
ያትና፥ ዋናኔ? ጾሳ አ ኬካተ ጋርሳና ደኢኖፐ አትን፥ ህግያፐ ጋርሳና ደኤና ድራዉ፥ ናጋራ ኦኔ? ግደና፤
ሽን ጾሳ ማሮተይ ዳራ ግድያ ድራዉ፥ ባረ ሲቁዋ ዳሩዋዳን፥ ኑን አዉ አዛዘተናን እጺደ፥ ሀራይ አቶ አያናን ሀይቄዳዋንታ ግድናካ፥ እ ክርስቶሳና ኑዉ ደኡዋ እሜዳ። ጾሳ አ ኬካተን ህንተ አቴድታ።
ጎዳይ ታና፥ "ታ አ ኬካተይ ነዉ ግዳናዋ፤ አያዉ ጎፐ፥ ታ ዎልቃይ ነ ዳቡራን ፖለቴ" ያጌዳ፤ ሄዋ ድራዉ፥ ክርስቶሳ ዎልቃይ ታናን ደአና ማላ፥ ታ ዳቡራን ጬቀታናዉ ታን ዳሮ ናሸታይ።
ባረ ናጋራ ገንያ ኡራይ አጨና፤ ሽን ፓጽያዌነ ናጋራ አግያዌ ማረታናዋ።
ኢታይ ባረ ኦሱዋ፥ ናጋራንቻይካ ባረ ቆፋ አጎ፤ ጾሳኮ እ ስሞ። እ አ ማራና። እ ኑ መና ጎዳኮ ስሞ። እ አዉ ጮ አቶ ጋና።
ሽን መና ጎዳይ ህንተንቶ ኬካናዉ ናጌ፤ እ ህንተንቶ ቃረትያዋ በሳናዉ ደንዴ። አያዉ ጎፐ፥ መና ጎዳይ ጽሎ ፕርድያ ጾሳ፤ አ ናግያዋንቱ ኡባቱ አንጀቴዳዋንታ።
Misericórdia e compaixão
Misericórdia quero e não sacrifício. Deus nos chama a ser misericordiosos como Ele é, perdoando e acolhendo o próximo.
ሽን ህንተንቱ ቢደ፥ ጾሳ ማጻፋይ፥ ‘ታን ማሮተ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ኤርተ፤ አያዉ ጎፐ፥ ታን ናጋራንቻቱዋ ጼሳናዉ ዬዳዋፐ አትን፥ ጽላቱዋ ጼሳናዉ ያበይከ" ያጌዳ።
አቶ ግያዋ
ጰጽሮስ፤ ሄ ዎደ የሱሳኮ ዪደ፥ "ጎዳዉ፥ ታ እሻይ ታና አፑ ካላ ናቆፐ ታን አዉ አቶ ጋናዉ በሲ? ላፑኑዋ ጋካናዉ ናቂኔዬ?" ያጊደ አ ኦቼዳ።
የሱስ ዛሪደ አ፥ "ግደና፥ ታን ኔና ላፑን ታሙ ካላ ላፑኑዋ ጋይፐ አትን፥ ላፑኑዋ ጻላላ ጊከ።
"ህንተንቱ ህንተና ናቄዳ ሀራ አሳ ናቁዋ አቶ ጎፐ፥ ሳሉዋን ደእያ ህንተንቱ አዉካ ህንተዉ አቶ ጋና።
ሽን ኔን ኬካነ ማርያ ጾሳ ግድያ ድራዉ፥ ነ ዎልቃማ ማሮተን ኡንቱንታ ኡባና አጋበይካነ ይሳባካ።
ኬካተን ጮ ታልእያ ኡራዉ፥
ባረ ኦሱዋ ሱረተን ኦያ ኡራዉ፥
ኬካባይ ያና።
ጎዳ ኑ ጾሳ ኬካተይ ኑ ቦላን ግዶ፤
ኑ ኩሽያ ኦሱዋ ኑዉ ሱርሳ።
ኤ፥ ኑ ኩሽያ ኦሱዋ ሱርሳ።
Acessar a misericórdia
Cheguemos com confiança ao trono da graça. Ali encontramos misericórdia e graça para socorro no tempo oportuno.
ስም ኑና ኮሽያ ዎደ ማድያ ማሮተ አካናዉነ አ ኬካተ ደማናዉ፥ አ ኬካተይ ደእያ ሳኣ ጾሳ አራታኮ፥ ያየናን ሺቆይተ።
ጾሳዉ ኦናዳን ኑን ዋኒደ ደአናዉ በሲ?
ስም ታናዳን አማንያዋንቶ፥ ህንተ ህንተ ኦናተ ጾሳ ናሸችያ ደኦነ ጌሻ ያርሹዋ ኦደ፥ ጾሳዉ ሺሻናዳን፥ ታን ህንተንታ ጾሳ ማሮተን ዎሳይ፤ ጾሳዉ ህንተ ጎይናናዉ በስያ ቱሙ ኦጊ ሄዋ።
"ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።
አያዉ ጎፐ፥ ክርስቶሳዉ ኦያ ካጫይ ህንተና ጋኬዳዌ ህንተንቱ አን አማናና ጻላላሳ ግደናን አ ድራዉ ዋይያካ አካናሳ።
ፓስጋ ባላ ቦንቻናዉ ጊጉዋ
መና ጎዳ እስራኤልያ ጾሳ ፓስጋ ባላ ቦንቻናዉ፥ የሩሳላመን ደእያ መና ጎዳ ጌሻ ጎልያ እስራኤልያ አሳይ ኡባይነ ይሁዳ አሳይ ኡባይ ያናዳን ህዝቂያሰ ኪቴዳ፤ ቃይ ኤፍሬማ አሳዉነ ምናሰ አሳዉ ዳብዳቢያ ጻፌዳ። ካቲ፥ ካፓቱነ፥ የሩሳላመን ሺቄዳ አሳይ ኡባይ ፓስጋ ባላ ላኤን አግናን ቦንቻናዉ ቆፋ ቃቼድኖ። ፓይድና ግድያ ቄሳቱ ባረንቱ ሁጲያዉ ጌይቤና ድራዉነ ዳሮ አሳይካ የሩሳላመን ሺቅቤና ድራዉ፥ አሳይ ፓስጋ አ ዎድያን፥ ኮይሮ አግናን ቦንቻናዉ ዳንዳይቤና። ሄ ቆፋይ ካትያነ ሺቄዳ አሳዉ ሎኦ ቆፋ ግዴዳ። ሄዋ ድራዉ፥ መና ጎዳ እስራኤልያ ጾሳ ፓስጋ የሩሳላመን ቦንቻናዉ በርሳበሄፐ ዶሚደ ዳና ጋካናዉ ደእያ እስራኤልያ አሳይ ኡባይ ያናዳን አዋያናዉ ቆፋ ቃቼድኖ። አያዉ ጎፐ፥ ሀ ፓስጋ ባላባይ ካሰ ህግያን ጻፈቴዳዋዳን ዳሮ አሳይ ቦንችቤና።
ካቲነ ካትያ ካፓቱ አዛዝና፥ ኪተቴዳዋንቱ እስራኤልያ ቢታ ኡባነ ይሁዳ ጋድያ ኡባ ሀዋዳን ያግያ ዳብዳቢያ አኪደ አፌድኖ፤ "እስራኤልያ አሳዉ፥ አሶረ ጋድያ ካተቱዋ ኩሽያፐ ከስ አኪደ፥ ህንተንቱ ቢታን አቴዳ ህንተንቱኮ እ ስማናዳን፥ ህንተንቱካ መና ጎዳኮ፥ አብራሃማ፥ ይሳቃነ እስራኤልያ ጾሳኮ ስምተ! ባረንቱ መና ጎዳዉ፥ ባረንቱ አዎቱዋ ጾሳዉ አማነትቤና ህንተንቱ አዎቱዋዳንነ ህንተንቱ እሻቱዋዳን ሀኖፕተ። ህንተንቱ ኤርያዋዳን ጾሳይ ኡንቱንቱ ዎልቃማ ሙሩዋ ሙሬዳ። ህንተንቱ መና ጎዳዉ አዛዘትተፐ አትና፥ ካሰ ህንተንቱ አዎቱዋዳን ህንተንቱ ሞርግያ ጋፍሶፕተ! ጾሳይ መናዉ ጌሼዳ ጌሻ ጎልያ ሃ ዪተ። ጾሳ ሀንቁ ኤጽያዌ ህንተንቱ ቦላፐ ክቻናዳን፥ መና ጎዳዉ፥ ህንተንቱ ጾሳዉ፥ ጎይንተ። ህንተንቱ መና ጎዳኮ ስሞፐ፥ ህንተንቱ እሻቱዋነ ህንተንቱ ናናይ ባረንታ ኦሞዴዳዋንቱ ስንን ማሮታ ደሚደ፥ ሀ ጋድያ ስማና። አያዉ ጎፐ፥ መና ጎዳይ ህንተንቱ ጾሳይ ቃረትያዋነ ማርያዋ። ህንተንቱ አኮ ስሞፐ፥ ባረ ስን ህንተፐ ዎራ ዛረና" ያግያዋ።
ኪተቴዳዋንቱ ኤፍሬማ ጋድያነ ምናሰ ቢታ አደ፥ ዛብሎና ቢታ ጋካናዉ ካታማፐ ካታማ ቤድኖ። ሽን ሄ ካታማቱዋን ደእያ አሳቱ ኡንቱንቱ ካደ፥ ኡንቱንቱ ቦላ ሚጬድኖነ ቅሊጬድኖ። ግዶፐነ፥ አሴራ አሳቱዋፐ፥ ምናሰ አሳቱዋፐነ ዛብሎና አሳቱዋፐ አማሬዳ አሳቱ ባረንታ ካዉሺደ፥ የሩሳላመ ዬድኖ። ካቲነ ካትያ ኦሳንቻቱ መና ጎዳ ቃላ ማራን አዛዜዳዋ፥ ይሁዳ አሳይ እት ዎዛናን አዛዘታናዳን፥ ጾሳ ኩሺ ይሁዳ አሳ ቦላ ደኤዳ።
ፓስጋ ባላይ ቦንቼቴዳ
ላኤን አግናን እርሹ ገልቤና ኡክ ባላ ቦንቻናዉ ሎይ ዳሮ አሳይ የሩሳላመን ሺቄዳ። ኡንቱንቱ ደንዲደ፥ የሩሳላመን ደእያ ያርሽያ ሳኣ ቆሊደ፥ እጻና ጩዋይያ ሚሻ ኡባ ድጊደ፥ ቀድሮና ዛንጋራን ኦሌድኖ። ሄዋፐ ጉይያን፥ ላኤን አግናን፥ ታማነ ኦይደን ጋላስ ፓስጋ ዶርሳ ሹኬድኖ። ባረንቱ ሁጲያዉ ጌይቤና ቄሳቱ ነ ሌዋቱ ዬላቲደ፥ ባረንቱ ሁጲያዉ ጌዬድኖ፤ ያቲደ ጹግያ ያርሹዋ መና ጎዳ ጌሻ ጎልያ አሄድኖ። ጾሳ አሳ ግድያ ሙሴ ህግያዳን፥ ጌሻ ጎልያ ግዱዋን ባረንቱ ሳኣን ሳኣን ኤቄድኖ፤ ቄሳቱ ሌዋቱ ኩሽያፐ አኬዳ ሱ ጫጫፌድኖ።
ሄ ሽቁዋ ግዶን ጌይቤና ዳሮ አሳቱ ደኢኖ። ሄዋ ድራዉ፥ ፓስጋ ዶርሳቱዋ መና ጎዳዉ ሹካናዉ ዳንዳይክኖ፤ ሌዋቱ ኡንቱንቱ ኮታን ፓስጋ ዶርሳ ሹኪደ መና ጎዳዉ ሺሼድኖ። ኤፍሬማ ዛርያፐ፥ ምናሰ ዛርያፐ፥ ይሳኮራ ዛርያፐነ ዛብሎና ዛርያፐ ዳሮ አሳቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ፓስጋ ባላ ሜድኖ። ሄዋ ድራዉ፥ ካቲ ህዝቂያሰ ኡንቱንቶ ዎሲደ፥ "አቤት፥ አሳ ኡባዉ ሎኦ መና ጎዳዉ፥ ሀዋንቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ኡንቱንቱ ነዉ፥ መና ጎዳዉ፥ ባረንቱ አዎቱዋ ጾሳዉ ጎይኒኖ። ሄዋ ድራዉ፥ ኔን ኡንቱንቶ አቶ ያጋ" ያጊደ ዎሴዳ። መና ጎዳይ ህዝቂያሳ ዎሳ ስሲደ፥ ኡንቱንታ ፓዳ።
የሩሳላመን ሺቄዳ እስራኤልያ አሳይ እርሹ ገልቤና ኡክ ባላ ዎልቃማ ናሸቻን ላፑን ጋላስ ቦንቼዳ። ሌዋቱነ ቄሳቱ የ ሚሻን የጺደ፥ ጋላስ ጋላስ መና ጎዳ ጋላቲኖ። ሄዋፐ ጉይያን፥ ህዝቂያሰ መና ጎዳ ኪታን አኬካንቻ ግድያ ሌዋቶ ሃሳዪደ፥ ኡንቱንቱ ምንዳ።
አሳይ ኡባይ እትፐተ ያርሹዋ ያርሺደ፥ መና ጎዳ ባረንቱ አዎቱዋ ጾሳ ጋላቲደ፥ ሚድነ ኡሺደ፥ ባላ ላፑን ጋላስ ቦንቼድኖ። ኩመን ያአይ ባላ ሀራ ላፑን ጋላሳ ጉጂደ ቦንቻናዉ ማዬዳ፤ አሳይ ላፑን ጋላስ ባላ ናሸትደ ቦንቼዳ። አያዉ ጎፐ፥ ይሁዳ ካቲ ህዝቂያሰ ያርሹዋ ያርሻናዉ፥ ሻአ ኮሩማቱዋ፥ ላፑን ሻአ ዶርሳቱዋነ ዴሻቱዋ ያአዉ እሜዳ፤ ቃይ ካፓቱ ሻአ ኮሩማቱዋነ ታሙ ሻአ ዶርሳቱዋ ያአዉ እሜድኖ። ሎይ ዳሮ ቄሳቱ ካ ባረንቱ ሁጲያዉ ጌዬድኖ። ኩመን ይሁዳ ያአይ፥ ቄሳቱ፥ ሌዋቱ፥ እስራኤልያፐ ዬዳ አሳይ ኡባይነ ካሰ እስራኤልያ ጋድያፐ ዪደ፥ ይሁዳ ቢታን ደኤዳ አሳይ ኡባይ ናሸቴዳ። ዳዊታ ናኣ፥ እስራኤልያ ካትያ ሶሎሞነ ዎድያፐ ዶምና፥ ሀቼ ጋካናዉ፥ የሩሳላመን ሀዋ ማላትያ ባል ቦንቼት ኤረና ድራዉ፥ የሩሳላመን አሳይ ሎይ ናሸቴዳ። ሄዋፐ ጉይያን፥ ቄሳቱ ነ ሌዋቱ ደንዲደ፥ ጾሳይ አሳ አንጃና ማላ ዎሴድኖ፤ ጾሳይ ሳሉዋን፥ ባረ ደእያ ጌሻ ሳኣን ኡንቱንቱ ዎሳ ስሴዳ።
አማነተና እስራኤላቶ
መና ጎዳይ ሀዋዳን ያጌ፤ "እት አሳይ ባረ ማቻቶ የድና፥ እዛ ባደ ሀራ አስና ገሎፐ፥ ሄ ብታኒ ላኤን እዞ ዛሪ? ዛሮፐ ሄ ቢታይ አዳ ቱና ቱኔ! ሽን ኔን ሻርሙጻዳን፥ ጮራ ላገቱዋና ደኣዳ፤ ያናደካ ሀእ ኔን ታኮ ስማኒ! አነ ቁ ጋደ፥ አያይነ ባይና ደረቱዋ ጼላ። ኔን ሻርሙጻዳን ግሳቤናሳይ ሄዋን ደኢ? አራብያ አሳይ ባዙዋን ኡቲደ ናግያዋዳን፥ ኔን ላገቱዋ ናጋደ ኦግያ ጋጻን ኡታዳ። ያታደ ነ ሻርሙጻንነ ነ ኢታተን ቢታ ቱንሳዳ። ሄዋ ድራዉ፥ ባሳይ ተኤቴዳ፤ ባልጉዋ እራይካ ቡከናን አጌዳ። ሄዋ ሀኖፐካ፥ ነዉ ሻርሙጽያ ማላይ ደኤ፤ ኔን ዬላተናን እጻዳ።
"ሀእ ኔን ታና፥ ‘ታ አዎ፥ ታ ናአተደፐ ዶምና፥ ኔን ታና ሲቃሳ። ኔን ኡባ ገደ ታ ቦላ ይሎታይ? ነ ሀንቁ መናዉካ አገኔ?’ ያጋሳ። ኤ፥ ኔን ሀዋ ያጋሳ፤ ሽን ኔን ኦናዉ ዳንዳይያ ኢታ ኡባ ኦሳ" ያጌ።
ካቲ እዮስያስ ካተቴዳ ላይ፥ መና ጎዳይ ታና ሀዋዳን ያጌዳ፤ "ሀና አማኑ ባይና እስራኤላታ ኦዳዋ ኔን በኣድ? አ ደርያ ኡባ ቦላነ ዳሻ ምቱ ኡባ ጋርሳ ባደ፥ ያን ሻርሙጻዱ። እዛ ሀዋ ኡባ ኦደካ፥ ታኮ ስማናኑ ጋደ ቆፓድ፥ ሽን ስማበይኩ። ቃይ እ ምቻታ፥ አማነተና ይሁዳካ ሄዋ በኣዱ። አማኑ ባይና እስራኤሊ ዳሮ ገደ ሻርሙጼዳ ድራዉ፥ ፓራማ እማደ እዞ የዳድ። ሄዋ ግድናካ እስራኤሊ ምቻታ፥ አማነተና ይሁዳ ያየናዋ ታን በኣድ፤ አካ ከሳደ ሻርሙጻዱ። ሻርሙጽያዌ እዉ ጺ ላፋባ ግድያ ድራዉ፥ ምናነ ሹቻና ሻርሙጻደ ቢታ ቱንሳዱ። ሄዋን ኡባንካ እ ምቻታ፥ አማነተና ይሁዳ፥ ጮ ስሜዳዋ ማላታዉፐ አትና፥ ኩመን ዎዛናፐ ታኮ ስማበይኩ። ታን መና ጎዳይ ሀዋ ኦዳድ" ያጌዳ።
መና ጎዳይ ታዉ ሀዋዳን ያጌዳ፤ "አማነተና ይሁዳትፐ አማኑ ባይና እስራኤላታ ጽላ። ባ፤ ሁጲሳ ባጋዉ ሀዋዳን ያጋደ አዋያ፤ መና ጎዳይ ሀዋዳን ያጌ፤ ‘ሀነ፥ አማኑ ባይና እስራኤላቴ፥ ስማ! ታን ማሮታይ ኩሜዳዋ ግድያ ድራዉ፥ ታን ኔና ኢታ አይፍያን ጼልከ። መናዉ ሀንቀትከ። ግዶፐነ፥ ኔን፥ ታን መና ጎዳ ታ ጾሳ ቦላ ማካላድ። አላጋ ጾሳቱዋና ዳሻ ም ኡባ ጋርሳን ሻርሙጻድ። ነ ቃላዉ አዛዘታበይከ’ ጋደ ነ ባይዙዋ አማናናዉ ኮሼ። ታን መና ጎዳይ ሀዋ ኦዳድ" ያጌ ያጋ ያጌዳ።
"ቃይካ መና ጎዳይ ሀዋዳን ያጌ፤ ‘ህንተኖ፥ አማነተና አሳቶ፥ ስምተ፤ አያዉ ጎፐ፥ ታን ህንተ አስና። ህንተና እቱዋ እት ካታማፐ፥ ላኡዋ እት ያራፐ ዶራደ አካና፤ ህንተና ጽዮነ አሀና። ሄዋፐ ጉይያን፥ ታን ታ ዎዛናዳን፥ ህንተና ሄምያ ሄንንቻቱዋ ህንተዉ እማና። ኡንቱንቱ ህንተና ኤራተንነ አኬካን ሄማና’ " ያጌ።
ቃይካ መና ጎዳይ፥ "ሄ ጋላሳቱዋን ህንተ ሄ ቢታን ጮራትያ ዎደ፥ አሳቱ፥ ‘መና ጎዳ ጫቁዋ ታቦታ’ ጊደ ሃሳይክኖ። እ ኡንቱንቶ ካርህነ ጌና፥ ዎይ ሀሳየተና፥ ዎይ ባይናዌካ ኡንቱንቶ ቆፈተና፤ ቃይ ሀራይ ኦሰተና። ሄ ዎድያን ኡንቱንቱ የሩሳላመ መና ጎዳ ካተቱዋ አራታ ጊደ ጼሳና። ካዉተ ኡባፐ አሳይ መና ጎዳ ሱን ቦንቻናዉ የሩሳላመ ሺቃና። ሄዋፐ ስንን ኡንቱንቱ እጼዳ ጊደ፥ ባረንቱ ኢታ ቆፋ ካልክኖ። ሄ ጋላሳቱዋን ይሁዳ አሳቱ እስራኤልያ አሳቱዋና እትፐ ጋከቲደ፥ ሁጲሳ ባጋ ቢታፐ ታን ካሰ ህንተ አዎቱዋ ላትሴዳ ቢታ እትፐ ያና" ያጌ።
ጾሳ አሳይ ኤቃ ምስለቶ ጎይኔዳ
መና ጎዳይ፤ "ታን ህንተና አቱማ ናናቱዋዳን ዎታ ዎነንቶነ፥ ፓጻ ቢታ፥ ካዉተ ኡባፐ አደ፥ ሎእያ ቢታ ዎታ ላትሳነንቶነ ቆፓድ። ቃይ ታና፥ ‘ታ አቦ’ ጊደ ጼሳናነ ታና ካልያሳፐ ጉየ ስምክኖ ጋደ ቆፓድ። ሽን እስራኤልያ አሳቶ፥ ህንተ ባረ አስናዉ አማነተና ማቻቲዳን ታዉ አማነትበይክታ" ያጌ።
አየንቶ ባይና ቃ ደረቱዋ ቦላን ኮሻይ ስሰቴ፤ ሄዌነ፥ እስራኤልያ አሳ ዬኩዋነ ዋትዋቱዋ። አያዉ ጎፐ፥ ኡንቱንቱ ባረንቱ ኦግያ ጌላዬድኖነ መና ጎዳ ባረንቱ ጾሳ ዶጌድኖ። ጾሳይ ኡንቱንታ፥ "ህንተኖ፥ አማኑ ባይና አሳቶ፥ ታኮ ስምተ። ህንተ አማነታና ማላ፥ ታን ህንተና ፓና" ያጌዳ።
ኡንቱንቱ፥ "ኤኖ፥ ኑን ኔኮ ስማና። አያዉ ጎፐ፥ ኔን መና ጎዳ ኑ ጾሳ። ኑን ዞዘቱዋ ሁጲያንነ ደረቱዋ ሁጲያን ኤቃዉ ጎይንያዌ ቱሙዋፐ ጭሙዋ። ቱሙፐ ኑዉ፥ እስራኤላቶ አቶተይ መና ጎዳና፥ ኑ ጾሳና። ኑ ያላጋተደፐ ዶምና፥ ኑ አዎቱ ዳቡሪደ ደሜዳዋ፥ ኡንቱንቱ ዶርሳነ ሚዛ፥ ኡንቱንቱ ማጫነ አቱማ ናናቱዋ፥ ዬላይያ ኤቃቱ ም ይሴድኖ። ኑ ያላጋተደፐ ዶሚደ፥ ሀች ጋካናዉ፥ ኑንካ ኑ አዎቱካ መና ጎዳ ኑ ጾሳ ቦላ ናጋራ ኦዶ። መና ጎዳ ኑ ጾሳ ቃላዉ አዛዘትበይኮ። ሄዋ ድራዉ፥ አነ ኑን ዬላዉ ዱገ ጉፋኔቶ፤ ቃይ ካዉሻይ ኑና አፍላዳን ካሞ" ያጊኖ።
Este artigo te tocou? Faça uma oração!
+581 estão orando agora.
Junte-se à corrente de oração.