1 Ao Wurubuarɛ, wii me waraŋase,

lee n kegyae keŋ taŋ ɔto ya nɛ dɔɔ,

lee n waraŋase kewii beiŋ dɔɔ,

gberaa me dukum leki.

2 Faafo ma ayimɛɛ pou leki,

na n ka feefo me dukum kamasɛ lee ma wose man.

6 Degbeŋgyoo, tɔɔse n waraŋase kewii na n kegyae keŋ taŋ ɔto ya nɛ,

nawolo nyi ŋe wulaa kyaa leenaŋ gyaŋgba gyaŋgba keŋ.

7 Naa tɔɔse me biatɛɛ nombiakumɛɛ,

na ma deŋeledoŋ keŋ mɔɔ yɛɛ nɛ ya.

Tɔɔse maŋ lee n kegyae keŋ taŋ ɔto ya nɛ dɔɔ,

nawolo nyi nyaŋ Degbeŋgyoo, n dei.

1 Degbeŋgyoo, me doo kayeyɛɛ dinaa man mee wii baake neŋ,

2 Degbeŋgyoo, nyii ma woya.

See deŋele n ke tei,

me kewii baake.

11 Degbeŋgyoo, naa lese n waraŋase kewii lee me dɔɔ ya,

yela n kegyae na nya anokoare kedi ke gyee maŋ debaŋ kamasɛ.

6 Ampaŋ deeli na kegyae gyae ke sila maŋ,

ma kekyaa man pou,

te maa kyaa Degbeŋgyoo dɛɛ

kekpaakekpaa.

13 Mena keŋ kya ne wii ɔ bia waraŋase nɛ,

mena te Degbeŋgyoo ne wii baŋ bee yee e nɛ waraŋase.

13 Ɔkamasɛ ŋon ɔ ne wuu ɔ dukum dɔɔ bee nyiŋ ɔ wose ya,

mɔna ŋon ɔ yako ɔ dukum te ɔ tina ka keyɛɛ yela na baa wii ɔ waraŋase.

7 Akpanyanyaŋtena baa yela be gbɛɛneŋ,

na baŋ bɔɔ tenɛɛ ya nɛ ke kyɛɛkee ba nyeempɔ.

Baa bese kɔŋ Degbeŋgyoo gyaŋ na waa wii be waraŋase,

na de Wurubuarɛ gyaŋ, nawolo nyi waa mo kyɛɛ wɔ faa.

18 Mɔna Degbeŋgyoo ne gyae nyi waa boele ŋon,

mena dɔɔ waa koro nyi waa wii ɛ waraŋase.

Nawolo nyi Degbeŋgyoo yɛɛ nombia kedi ke gbɛɛ dɔɔ Wurubuarɛ e.

Baŋ pou bɛɛ kɛɛ ɔ gbɛɛ nɛ, baŋna nyeebam.

5 Ne dee fa baŋ be dana wɔe te bɛɛ paa balaŋ abɔɔ lee be konɔɔse man,

na baŋ bɛɛ yɛɛ ba abɔɔ kegbɛɛ dɔɔ nɛ.

17 Degbeŋgyoo de Wurubuarɛ waa mo ɔ bɛrɛɛ boele daa,

yela de nyiŋmaa man tom ke de fa daa,

ayi, yela de nyiŋmaa man tom ke de fa daa.