Misericórdia
A misericórdia de Deus é eterna e inesgotável. Ele se compadece dos que sofrem, perdoa os arrependidos e derrama graça sobre os que não merecem. Grande é a sua fidelidade.
A misericórdia de Deus
Quem é Deus como tu, que perdoa a iniquidade? Ele se deleita em ter misericórdia e não retém a ira para sempre.
तुम्ही जे अन्यायाची क्षमा करतात,
आपल्या वतनातील उरलेल्यांची पापे मागे टाकतात
त्या तुमच्यासारखा कोण परमेश्वर आहे?
तुम्ही सर्वकाळ क्रोध धरीत नाहीत,
परंतु दया दाखविण्यात आनंद मानता.
परमेश्वरा, तुमच्या
प्रेमदयेमुळे माझ्यावर दया करा,
तुमच्या महान करुणेनुसार
माझे अपराध पुसून टाका.
मला धुऊन माझे अपराध काढून टाका
आणि माझ्या पापदोषापासून मला शुद्ध करा.
याहवेह, तुम्ही आपली महान कृपा व प्रीती स्मरण करा,
ती सनातन काळापासून आहेत.
माझी तारुण्यातील पातके
आणि बंडखोर वृत्ती आठवू नका;
तुमच्या प्रीतीनुसार माझे स्मरण करा,
कारण याहवेह, तुम्ही चांगले आहात.
याहवेह, खोल ठिकाणातून मी तुमचा धावा करीत आहे;
माझा धावा ऐका;
प्रभू, माझ्या कृपेच्या विनंतीकडे
तुमचे कान लागोत.
याहवेह, तुमची कृपा माझ्यापासून राखून धरू नका;
तुमची प्रीती आणि विश्वासूपणा मला नेहमी सुरक्षित ठेवील.
खरोखर चांगुलपणा व करुणामयप्रीती
मजबरोबर आयुष्यभर असतील,
आणि मी याहवेहच्या,
घरात सदासर्वदा राहीन.
जशी पित्याची करुणा त्याच्या लेकरांवर असते,
तसे त्यांचे भय बाळगणार्यांसाठी याहवेह कोमलहृदयी व सहानुभूतीने भरलेले आहेत.
Graça e perdão
Onde o pecado abundou, superabundou a graça. Deus convida todos ao arrependimento e promete perdão total aos que confessam.
तरी देणगी ही आज्ञाभंगासारखी नाही. कारण या एका मनुष्याने, म्हणजे आदामाने, आपल्या पापांमुळे अनेक मानवांवर मृत्यू आणला. परंतु परमेश्वराची कृपा व देणगी एका मनुष्याद्वारे म्हणजे येशू ख्रिस्ताच्या कृपेद्वारे अनेकांना प्राप्त झाली.
तर मग काय? आपण नियमशास्त्राच्या अधीन नसून कृपेच्या अधीन आहोत, म्हणून आपण पाप करावे काय? नक्कीच नाही!
परंतु परमेश्वर हे दयेचे सागर आहेत व आपल्यावरील त्यांच्या अपरंपार प्रीतीमुळे, आपण आपल्या अपराधांमध्ये मृत झालो असताना त्यांनी ख्रिस्तामध्ये आपणास जिवंत केले व कृपेनेच तुमचे तारण झाले आहे.
त्यांनी म्हटले, "माझी कृपा तुला पूर्ण आहे. कारण माझे सामर्थ्य अशक्तपणात पूर्णत्वास येते." कारण माझ्या अशक्तपणाबद्दल मी प्रौढी मिरवीन, म्हणजे ख्रिस्ताचे सामर्थ्य माझ्यावर राहील.
जो कोणी त्याचे पाप झाकून ठेवतो, तो समृद्ध होत नाही,
परंतु जो अपराध कबूल करून ते करण्याचे सोडून देतो त्याला कृपा प्राप्त होते.
दुष्टांनी आपले दुष्टमार्ग सोडून द्यावे
अनीतिमानांनी त्यांचे विचार मनातून काढावे.
त्यांनी याहवेहकडे वळावे, म्हणजे ते त्यांच्यावर दया करतील,
आपल्या परमेश्वराकडे धाव घ्यावी, म्हणजे ते त्यांना मुक्तपणे क्षमा करतील.
तरीसुद्धा याहवेह तुमच्यावर कृपा करण्यास आतुरलेले असतात;
त्यामुळे तुमच्यावर दया दाखविण्यास ते उभारतील.
कारण याहवेह हे न्यायी परमेश्वर आहेत.
धन्य आहेत ते सर्व जे त्यांची वाट पाहतात!
Misericórdia e compaixão
Misericórdia quero e não sacrifício. Deus nos chama a ser misericordiosos como Ele é, perdoando e acolhendo o próximo.
ते पुढे म्हणाले जा आणि याचा अर्थ काय आहे शिकून घ्या: ‘मला तुमची अर्पणे नकोत.’ पण दया हवी आहे. मी नीतिमानांस नव्हे, तर पापी जनांस बोलविण्यास आलो आहे."
मग पेत्र येशूंकडे आला आणि त्याने त्यांना विचारले, "प्रभूजी, माझ्या भावाने अथवा बहिणीने माझ्याविरुद्ध पाप केले, तर मी त्यांना किती वेळा क्षमा करावी? सात वेळेस का?"
येशूंनी उत्तर दिले, "सात नाही तर साताच्या सत्तर वेळा!
ज्यांनी तुमच्याविरुद्ध पाप केले, त्यांना तुम्ही क्षमा केली, तर तुमचा स्वर्गीय पिता तुमच्याही पातकांची क्षमा करतील.
पण तुमच्या महान दयेमुळे तुम्ही त्यांचा सर्वनाश केला नाही व त्यांचा त्याग केला नाही, कारण तुम्ही कृपाळू व दयाळू परमेश्वर आहात.
ज्यांचे अंतःकरण उदार असून ते मुक्तपणे उसने देतात त्यांचे भले होते,
जे आपला व्यवहार न्यायाने करतात.
आमच्या प्रभू परमेश्वराची कृपा आम्हावर होवो;
आणि आमची सर्व कार्ये सुस्थिर होवोत—
होय, आमच्या हाताच्या कार्यास सुस्थिरता येवो.
Acessar a misericórdia
Cheguemos com confiança ao trono da graça. Ali encontramos misericórdia e graça para socorro no tempo oportuno.
तेव्हा आपल्यावर दया व्हावी आणि गरजेच्यावेळी साहाय्य मिळण्यासाठी आपल्याला कृपा प्राप्त व्हावी, म्हणून आपण धैर्याने प्रत्यक्ष परमेश्वराच्या कृपेच्या सिंहासनाजवळ जाऊ या.
यास्तव, बंधू आणि भगिनींनो, मी परमेश्वराच्या दयेमुळे तुम्हाला विनवितो की तुम्ही आपल्या शरीरांचा जिवंत, पवित्र व परमेश्वराला संतोष होईल असा यज्ञ करावा; हीच तुमची खरी आणि योग्य उपासना ठरेल.
कारण परमेश्वराने जगावर एवढी प्रीती केली की त्यांनी आपला एकुलता एक पुत्र दिला, यासाठी की, जो कोणी त्यांच्यावर विश्वास ठेवतो, त्याचा नाश होऊ नये तर त्याला सार्वकालिक जीवन प्राप्त व्हावे.
केवळ ख्रिस्तावर विश्वास ठेवावा, एवढेच नव्हे, तर त्यांच्यासाठी दुःखही सहन करावे हे दान तुम्हाला देण्यात आले आहे.
हिज्कीयाहने सर्व इस्राएल आणि यहूदीया या ठिकाणी संदेश पाठविला आणि एफ्राईम व मनश्शेह यांनाही पत्र लिहून आमंत्रण दिले की, त्यांनी यरुशलेममधील याहवेहच्या मंदिरात यावे आणि इस्राएलचे परमेश्वर याहवेहसाठी वल्हांडण सण साजरा करावा. राजा आणि त्याचे अधिकारी आणि यरुशलेममधील सर्व मंडळी यांनी असे ठरविले की, दुसऱ्या महिन्यात वल्हांडण सण साजरा करावा. नेहमीच्या वेळेप्रमाणे त्यांना तो सण साजरा करता आला नव्हता, कारण स्वतःचे शुद्धीकरण केलेले असे पुरेसे याजक तिथे नव्हते आणि लोक यरुशलेममध्ये एकत्र जमले नव्हते. ही योजना योग्य आहे असे राजाला आणि संपूर्ण मंडळीला वाटले. त्यांनी ठरविले की, बेअर-शेबापासून दानपर्यंत संपूर्ण इस्राएलमध्ये एक घोषणापत्र पाठवावे आणि इस्राएलचे परमेश्वर याहवेह यांचा वल्हांडण सण साजरा करण्यासाठी लोकांना यरुशलेमकडे बोलावून घ्यावे. जसे लिहिले गेले होते त्याप्रमाणे तो मोठ्या प्रमाणात साजरा करण्यात आलेला नव्हता.
राजाज्ञेनुसार, राजा आणि त्याच्या अधिकार्यांकडून पत्रे घेऊन संदेशवाहक संपूर्ण इस्राएल आणि यहूदीयामध्ये गेले, ज्यात लिहिले होते:
"अहो, इस्राएलचे लोकहो, अब्राहाम, इसहाक आणि इस्राएलचे परमेश्वर याहवेहकडे परत या, म्हणजे, अश्शूरी राजांच्या हातातून जे निसटले आहेत त्यांच्याकडे ते परत येतील. तुमच्या पालकांसारखे होऊ नका आणि तुमच्याबरोबर असलेल्या इस्राएली लोकांसारखे होऊ नका, जे त्यांच्या पूर्वजांचे परमेश्वर याहवेहबरोबर अविश्वासू राहिले, त्यामुळे त्यांनी त्यांना उपहासाचे पात्र केले, जसे ते तुम्हाला दिसतात. तुम्ही तुमच्या पूर्वजांसारखे ताठ मानेचे होऊ नका. याहवेहना शरण जा. त्यांनी सनातनकाळासाठी पवित्र केलेल्या त्यांच्या पवित्रस्थानात या. तुमचे परमेश्वर याहवेहची सेवा करा, म्हणजे त्यांचा भयंकर क्रोध तुमच्यापासून दूर होईल. जर तुम्ही याहवेहकडे परत याल, तर तुमच्याबरोबर असणारे इस्राएली लोक आणि तुमच्या मुलाबाळांवर त्यांना कैद करणाऱ्यांकडून दया करण्यात येईल आणि ते या देशात परत येतील, कारण तुमचे परमेश्वर याहवेह हे कृपाळू आणि दयाळू आहेत. जर तुम्ही त्यांच्याकडे परत आलात तर ते तुमच्यापासून मुख फिरविणार नाहीत."
संदेशवाहक एफ्राईम आणि मनश्शेह येथील गावोगाव तसेच जबुलूनपर्यंत गेले, परंतु लोकांनी त्यांचा तिरस्कार केला आणि त्यांची थट्टा केली. तरीसुद्धा आशेर, मनश्शेह आणि जबुलून येथील काही लोकांनी स्वतःला नम्र केले आणि ते यरुशलेमला गेले. याहवेहच्या वचनास अनुसरून राजा आणि त्याच्या अधिकाऱ्यांनी जे आदेश दिले होते, ते एकमताने पूर्ण करण्यासाठी यहूदीयामध्येही परमेश्वराचा हात लोकांवर होता.
दुसऱ्या महिन्यामध्ये बेखमीर भाकरीचा सण साजरा करण्यासाठी यरुशलेममध्ये बरेच लोक एकत्र आले. त्यांनी यरुशलेममधील वेद्या काढून टाकल्या आणि धूपाच्या वेद्यांची जागा मोकळी केली आणि त्या किद्रोन खोऱ्यात फेकून दिल्या.
वल्हांडणाचा कोकरा त्यांनी दुसऱ्या महिन्याच्या चौदाव्या दिवशी कापला. याजकांना आणि लेवीय लोकांना स्वतःची लाज वाटली आणि त्यांनी स्वतःला पवित्र केले आणि याहवेहच्या मंदिरात होमार्पणे आणली. नंतर त्यांनी परमेश्वराचा मनुष्य मोशेच्या नियमशास्त्रात सांगितल्याप्रमाणे त्यांची नियमित पदे स्वीकारली. लेव्यांनी त्यांच्या हाती दिलेले रक्त याजकांनी वेदीवर शिंपडले. जमलेल्या समुदायामधील पुष्कळ लोकांनी स्वतःला पवित्र केलेले नसल्यामुळे जे विधिपूर्वक शुद्ध झालेले नव्हते आणि त्यांना व त्यांच्या कोकऱ्यांना याहवेहसमक्ष पवित्र करू शकले नव्हते, त्यामुळे लेवीय लोकांनी त्या सर्वांकरिता वल्हांडणाच्या कोकरांचा वध केला. एफ्राईम, मनश्शेह, इस्साखार आणि जबुलून येथून आलेल्या पुष्कळ लोकांपैकी बहुतेक लोकांनी स्वतःला शुद्ध केलेले नव्हते, तरीही जे लिहिलेले होते त्याविरुद्ध जाऊन त्यांनी वल्हांडण सणाचे अन्न खाल्ले. परंतु हिज्कीयाहने त्यांच्यासाठी प्रार्थना केली आणि म्हणाला, "याहवेह, जे चांगले आहेत, त्यांनी प्रत्येकांना क्षमा करावी. जरी ते पवित्रस्थानाच्या नियमानुसार शुद्ध नसले तरीसुद्धा, ते त्यांचे अंतःकरण त्यांच्या पूर्वजांचे परमेश्वर याहवेह यांच्याकडे लावतात." आणि याहवेहनी हिज्कीयाहचे ऐकले आणि लोकांना बरे केले.
यरुशलेममध्ये जे इस्राएली लोक उपस्थित होते, त्यांनी बेखमीर भाकरीचा सण सात दिवस मोठ्या आनंदात साजरा केला, तर लेवीय लोकांनी आणि याजकांनी याहवेहना समर्पित केलेल्या प्रतिध्वनीच्या वाद्यांसहित दररोज याहवेहची स्तुती केली.
ज्यांनी याहवेहच्या सेवेसाठी योग्य समज दाखविला, त्या सर्व लेवीय लोकांना हिज्कीयाहने प्रोत्साहित केले. सात दिवस त्यांना नेमून दिलेला त्यांचा भाग त्यांनी खाल्ला आणि शांत्यर्पणाचे अर्पण केले आणि त्यांच्या पूर्वजांच्या परमेश्वराची स्तुती केली.
तेव्हा संपूर्ण सभेने पुढे अधिक सात दिवस हा सण साजरा करण्याचे मान्य केले; त्यामुळे आणखी सात दिवस त्यांनी हा उत्सव आनंदाने साजरा केला. यहूदीयाचा राजा हिज्कीयाहने या सभेसाठी एक हजार बैल आणि सात हजार मेंढ्या आणि शेळ्या दिल्या आणि अधिकाऱ्यांनी त्यांना एक हजार बैल आणि दहा हजार मेंढ्या व शेळ्या दिल्या. तेव्हा मोठ्या संख्येने याजकांनी स्वतःला पवित्र केले. यहूदीयाच्या संपूर्ण सभेने याजक आणि लेवीय आणि इस्राएलमधून जमलेले सर्व लोक, इस्राएलमधून आलेले परदेशी आणि यहूदीयामधील रहिवाशांनी आनंद साजरा केला. त्यावेळेस तिथे यरुशलेममध्ये मोठा आनंद झाला होता, कारण इस्राएलचा राजा दावीदाचा पुत्र शलोमोनच्या दिवसांपासून यरुशलेममध्ये यासारखे काहीही घडले नव्हते. याजक आणि लेवीय हे लोकांना आशीर्वाद देण्यासाठी उभे राहिले आणि परमेश्वराने त्यांचे ऐकले, कारण त्यांची प्रार्थना स्वर्गात, परमेश्वराच्या पवित्र निवासस्थानापर्यंत पोहोचली.
"जर एखाद्या पुरुषाने आपल्या स्त्रीला घटस्फोट दिला
आणि त्या स्त्रीने दुसऱ्या पुरुषाशी लग्न केले,
तर तिच्या पहिल्या पतीकडे तिच्याकडे परत जावे काय?
असे करण्याने ही भूमी पूर्णपणे भ्रष्ट होणार नाही काय?
परंतु तू एका वेश्येप्रमाणे अनेक प्रियकरांसह राहिलीस—
तू माझ्याकडे आता परत येणार का?"
असे याहवेह म्हणतात.
"उजाड टेकडीकडे आपली दृष्टी कर व पाहा.
असे कोणते स्थान आहे जिथे तुझ्यासह कुकर्म केले गेले नाही?
रस्त्याच्या कडेला तू आपल्या प्रियकरांची वाट बघतेस,
एखाद्या अरबीचे जीवन जगणाऱ्या व्यक्तीसारखी बसून राहतेस.
आपल्या कुकर्माने व जारकर्माने
तू सर्व भूमी दूषित केली आहेस.
यास्तव वृष्टी होण्याची थांबली आहे.
वसंतॠतूतील पाऊस देखील पडला नाही,
तू एका लज्जाहीन वेश्येसारखी दिसतेस,
पण तू शरमिंदी होण्यास नकार देते.
तू मला आताच म्हणालीस ना,
‘माझ्या पित्या, माझ्या तारुण्यातील मित्रा,
तू नेहमीसाठी रागावला आहेस का?
हा क्रोध नेहमीसाठी राहील काय?’
याप्रकारे तू बोलतेस,
परंतु तू करता येईल ते सर्वप्रकारचे कुकर्म करतेस."
योशीयाह राजाच्या शासनकाळात, याहवेहने मला म्हटले, "तुम्ही पहिले का अविश्वासू इस्राएलने काय केले आहे? एखाद्या दुराचारी स्त्रीप्रमाणे प्रत्येक उंच डोंगरावर व प्रत्येक विस्तृत वृक्षाखाली व्यभिचार करते. मला वाटले हे सर्वकाही झाल्यानंतर ती माझ्याकडे परत येईल, परंतु ती माझ्याकडे परत आलीच नाही आणि हा बंडखोरपणा तिच्या विश्वासघातकी बहिणीने, यहूदीया हिने पाहिला. मी अविश्वासू इस्राएलला तिच्या घटस्फोटाचे प्रमाणपत्र दिले आणि तिच्या सर्व व्यभिचारामुळे तिला पाठवले. तरीही मी पाहिले की तिची अविश्वासू बहीण यहूदाहला मुळीच भय वाटले नाही. तीही बाहेर गेली व तिने व्यभिचार केला. कारण इस्राएलच्या दृष्टीत हा व्यभिचार अल्पमात्र होता, तिने सर्व भूमीला भ्रष्ट केले आहे आणि लाकडांच्या व दगडांच्या मूर्तींशी व्यभिचार केला आहे. हे सगळे घडून सुद्धा तिची अविश्वासू बहीण, यहूदीया, तिच्या संपूर्ण हृदयाने माझ्याकडे परतली नाही, परंतु तिच्यात खोटेपणाच दिसला," असे याहवेह म्हणतात.
याहवेहने मला म्हटले, "विश्वासघातकी यहूदीयापेक्षा विश्वासहीन इस्राएल अधिक नीतिमान आहे. उत्तर दिशाकडे जाऊन, संदेशाची घोषणा करा:
" ‘हे अविश्वासू इस्राएल परत ये,
मी तुझ्यावर कायमचाच राग धरणार नाही,
कारण मी विश्वासू आहे,’ याहवेह म्हणतात
‘मी नेहमीच क्रोध करणार नाही,
केवळ तुम्ही आपली पापे स्वीकार करा—
तुमचे याहवेह परमेश्वर यांच्याविरुद्ध तुम्ही बंड केले आहे,
इतर परकीय दैवतांची तुम्ही उपासना केली
प्रत्येक विस्तृत वृक्षाखाली,
माझे आज्ञापालन केले नाही,’ "
असे याहवेह म्हणतात.
"विश्वासहीन लोकांनो, परत या," याहवेह म्हणतात, "कारण मी तुमचा धनी आहे. मी तुमची निवड करेन—एका नगरातून एक आणि एका कुळातून दोन—आणि तुला सीयोनास आणेन. नंतर मी तुम्हाला माझ्या मनासारखा असा मेंढपाळ देईन, तो शहाणपणाने आणि समजूतदारपणाने तुम्हाला मार्गदर्शन करेल. हे त्या दिवसामध्ये होईल, जेव्हा तुम्ही देशात बहुगुणित व्हाल," याहवेह अशी घोषणा करतात, "तेव्हा लोक असे म्हणणार नाहीत, ‘याहवेहच्या कराराचा कोश त्यांच्या मनात येणार नाही.’ ते कधीही त्यांच्या लक्षात येणार नाही, त्यांना आठवणसुद्धा राहणार नाही; ते त्याच्याविषयी पुन्हा विचार करणार नाहीत, दुसरा कोश पुन्हा निर्माण होणार नाही. त्यावेळी ते यरुशलेमला याहवेहचे सिंहासन असे म्हणतील, आणि याहवेहच्या नावाला आदर देण्यासाठी सर्व राष्ट्रे तिथे तिच्याकडे येतील. ते त्यांच्या हृदयाच्या हट्टीपणाने चालणार नाहीत. त्या दिवसामध्ये यहूदीयाचे लोक इस्राएलच्या लोकांसोबत येतील, आणि ते लोक उत्तरेकडून एकत्र येईल. त्यांच्या पूर्वजांना मी कायमचे वतन म्हणून दिलेल्या देशात ते परत येतील.
"मी स्वतःला म्हटले,
" ‘तुम्हाला माझ्या मुलाबाळांप्रमाणे वागवितांना मला किती आनंद होईल
आणि मी तुम्हाला सुखद भूमी देईन,
कोणत्याही देशापेक्षा अधिक सुंदर वतन.’
मला वाटले तू मला ‘पिता’ म्हणून हाक मारशील
आणि माझे अनुसरण करण्यापासून मागे फिरणार नाही.
परंतु आपल्या पतीला सोडून जाणार्या विश्वासघातकी स्त्रीसारखे
तू इस्राएलाच्या घराण्या माझा विश्वासघात केला,"
असे याहवेह म्हणतात.
उजाड पर्वतांवरून रडण्याचा आवाज ऐकू येत आहे,
तो इस्राएलाच्या लोकांच्या विलाप करण्याचा व धावा करण्याचा आवाज,
कारण ते मार्गभ्रष्ट झाले आहेत
आणि त्यांच्या याहवेह परमेश्वराला विसरले आहेत.
"विश्वासहीन लोकांनो परत या;
मी तुमच्यामागे घसरणीस बरे करेन."
"होय, आम्ही तुमच्याकडे येऊ,
कारण तुम्हीच आमचे परमेश्वर याहवेह आहात.
निश्चितच डोंगरावरील गोंधळ
व पर्वतावरील फसवणूक;
निश्चितच आमचे परमेश्वर याहवेह
हेच इस्राएलचे तारण आहेत.
आमच्या तारुण्यापासून लाजिरवाण्या दैवतांनी
आमच्या पूर्वजांच्या कष्टाची फळे—
त्यांच्या जनावरांचे थवे व कळप,
त्यांचे पुत्र आणि कन्या गिळंकृत केले आहेत.
आम्ही लज्जास्पद अवस्थेत लोळू
आमची विटंबना आम्हाला झाकून टाको.
आम्ही आमच्या याहवेह परमेश्वराविरुद्ध पाप केले आहे,
आम्ही आणि आमच्या पूर्वजांनी;
तारुण्यापासून आजपर्यंत
आमच्या याहवेह परमेश्वराची आज्ञा आम्ही पाळली नाही."