Misericórdia

18 ዋቅን አከኬቲ ከን ጩቡ ነማ ብረ ደርቤ

በሌሳ ሀምባ ዻለሳ ዺሱፍ ኤኙ?

አት አራረ ጎቹት ገመደ መሌ

በረ በራን ህንዼከምቱ።

1 ያ ዋቀዮ፣ አኩመ ጃለለኬ

ከን ህንጌደረምኔ ሰናት ነ ማር፤

አኩመ ባይእነ አራረኬቲት፣

የከኮ ነራ ሀቅ።

2 የከኮ ሁንዱማ ነራ ዽቅ፤

ጩቡ ኮራስ ነ ቁልቁሌስ።

6 ያ ዋቀዮ፣ አራረኬቲፊ ጃለለኬ ያደዹ፤

እሳን ዱሩማ ጀልቀበኒ ጅሩቲ።

7 ጩቡ አፋንኮቲ

ዮካን ዶጎጎረኮ ህንያደትን፤

ያ ዋቀዮ፣ ጋሩማኬቲፍ ጄዺቲ

አኩመ አራረኬቲት ነ ያደዹ።

1 ያ ዋቀዮ፣ አን ቦለ ገድ ፈጎ ኬሳ ስት ነንእየዸ፤

2 ያ ጎፍታ፣ ሰገሌኮ ዸገእ።

ጉርኬስ ሰገሌ ዋመተኮ

ጥዬፈቴ ሃዸገኡ።

11 ያ ዋቀዮ አራረኬ ነ ህንዾወትን፤

ጃለልኬቲፊ ዹጋንኬ ዬሮ ሁንደ አነ ሃኤገን።

6 ዹጉማን ጋሩማንኬቲፊ አራርኬ፣

በረ ጅሬኘኮቲ ሁንደ ነ ዱካ ቡኡ፤

አንስ በረ በራን፣ መነ ዋቀዮ ኬሰ ነንጅራዸ።

13 አኩመ አባን እጆሌሳቲፍ ገራ ላፉ፣

ዋቀዮ ወረ እሰ ሶዳተኒፍ ገራ ንላፈ፤

15 ኬናን ቶላ ሱን ገሩ አከ በሌሳ ሰና ምት። ኤርገ ሰበቢ በሌሳ ነመ ቶኮቲን ነሞትን ባይኤን ዱአኒ፣ አያን ዋቃቲፊ ኬናን ከራ አያነ ነመ ቶኮቲን ጄቹንስ ኬናን ከራ ዬሱስ ክርስቶሲቲን ዹፌ ሱንሞ ሀመም ጫላ ነሞታፍ ሃባይአቱሬ!

ገርቦተ ቀጄሉማ ተኡ

15 ኤጋ ማል ሃተኡሬ? ኑ ሰበቢ አያነ ጀለ መሌ ሴረ ጀለ ህንጅሬፍ ጩቡ ሃሆጄትኑ? ጎንኩማ ህንተኡ!

4 ገሩ ዋቅን አራራን ጉተሜ ሱን ሰበቢ ጃለለ ጉዳ ኑ ቀቡፍ፣ 5 ዬሮ ኑ እረ ደደርባኬኛን ዱኔ ቱሬትሌ ክርስቶስ ወጅን ጅራቶተ ኑ ታስሴ፤ እስንስ አያናን ፈይነ አርገተን።

9 እን ገሩ፣ "አያንኮ ስገአ፤ ሁምንኮ ደዸቢ ኬሰት ጉቱ ተኣቲ" ናን ጄዼ። ከናፉ ሁምን ክርስቶስ አከ ነረ ቦቆቱፍ ዋኤ ደዸቢኮቲ ጫልችሴ ገመዱዻን አከ መሌ ነንቦነ።

13 ነምን ጩቡ ኦፊ ዾክፈቱ ህንምልካኡ፤

ከን ጩቡሳ ህመቴራ ዴብኡ ገሩ አራረ አርገተ።

7 ነምን ሀማን ከራሳ፣

ነምን ጀልኣንሞ ያደሳ ሃዺሱ።

እን ገረ ዋቀዮት ሃዴብኡ፤ እንስ ንአራረማፍ፤

ገረ ዋቀኬኛት ሃዴብኡ፤ ዺፈምንሳ ባይኤዻቲ።

18 ተኡስ ዋቀዮ እስኒፍ አርጆሙ በርባደ፤

እስኒፍ ነኡፍስ ንከአ፦

ዋቀዮ ዋቀ ሙርቲ ቀጄላት።

ወር እሰ ኤገተን ሁንድ ኤብፈሞዸ።

13 ገሩ ዸቃቲ ዱቢን፣ ‘አን አራረን ፌዸ መሌ ኣርሳ ህንፌዹ’* ጄዹ ሱን ማል ጄቹ አከ ተኤ ሁበዻ። አን ጩበሞተ ዋሙፍን ዹፌ መሌ ቀጄልቶተ ዋሙፍ ህንዹፍኔቲ።"

ተጃጅላ ዺፈመ ህንጎኔ ቶኮ

21 ኤርገሲ ጴጥሮስ ገረ ዬሱስ ዹፌ፣ "ያ ጎፍታ፣ ዮ ኦቦሌስኮ ጩቡ ነት ሆጄቴ አን ዬሮ ሀመም ዺሳፍ? ሀመ ዬሮ ቶርባቲ?" ጄዼ ጋፈቴ።

22 ዬሱስስ አከነ ጄዼ ዴብሴፍ፤ "አን ስት ነንህመ፤ ዬሮ ቶርባተሚ ቶርበ መሌ ዬሮ ቶርበ ምት።

14 ዮ እስን ነሞታፍ ጩቡሳኒ ዺፍተን፣ አባንኬሰን እን ሰሚራስ አከሱመ እስኒ ዺሳቲ።

31 አት ገሩ ሰበቢ ዋቀ አርጃፊ አራረ ቀቤሰ ታቴፍ፣ አራረኬ ጉድቸ ሰናፍ ጄቴ እሳን ህንበሌስኔ ዮካን እሳን ህንገትኔ።

5 ነመ አርጃፊ ነመ ዋ ነማ ልቄሱፍ፣

ነመ ሆጂሳ ቀጄሉማዻን አዴምስፈቱፍ ዋን ጋሪቱ ተአ።

17 ኤብ ዋቀኬኘ ጎፍትቻ ኑረ ሃቡኡ፤

ሆጂ ሀርከኬኛስ ጀቤሲ ኑ ዻብ፤

ኤዬ፣ ሆጂ ሀርከኬኛ ጀቤሲ ኑ ዻብ።

16 ከናፉ አከ አራረ አርገትኑፊ አከ አያነ ዬሮ ኑ በርባችሱት ኑ ገርጋሩ አርገትኑፍ ኮታ ገረ ቴሶ አያናት ሶዳ መሌ ዽኣትና።

ኣርሳ ጅራታ

1 ከናፉ ያ ኦቦሎተ፣ አከ እስን ዸግነኬሰን ኣርሳ ጅራታ፣ ቁልቁላኣፊ ከን ዋቀ ገመቺሱ ጎተኒ ዽኤስተኒፍ አን ገረ ላፍነ ዋቃቲን እስን ከዸዸ፤ ኩንስ ዋቄፈትናኬሰን ከን ሀፉራት።

16 ከን እሰት አመኑ ሁንድ ጅሬኘ በረ በራ አከ ቀባቱፍ መሌ አከ ህንበድኔፍ፣ ዋቅን ሀመ እልመሳ ቶክቸ ኬኑት አዱኛ ጃለቴራቲ።

29 እስን አከ ክርስቶስት አመንተን ቆፈ ኡቱ ህንተእን አከ እሳፍ ጄተኒ ዽጰተኒፍስ ኩን እሳፍ ጄቻ እስኒ ኬነሜራቲ፤

ህስቅያስ ፋሲካ አያኔፈቴ

1 ህስቅያስ አከ እሳን ዋቀዮ ዋቀ እስራኤሊፍ ፋሲካ አያኔፈቹፍ ጄዸኒ ገረ ዬሩሳሌም፣ ገረ መነ ቁልቁሉማ ዋቀዮ ዹፈኒፍ እስራኤሊፊ ይሁዳ ሁንደት ኤርጋ ኤርጌ፤ ኤፍሬሚፊ ምናሴትሞ ጠለያ በሬሴ። 2 ሞትቺፊ ቆንዳልቶትንሳ አከሱመስ ወልዳን ዬሩሳሌም ኬሰ ጅሩ ሁንድ ጅአ ለመፋት ፋሲካ አያኔፈቹፍ ሙርቴሰን። 3 እሳን ሰበቢ ሉቦትን ኦፍ ቁልቁሌሰን ለኮብሳን ገኦ ህንተእኒፊ ሰበቢ ነሞትን ዬሩሳሌምት ወልት ህንቀበምኒፍ ዬሮ በርባችሳ ተኤት ፋሲካ አያኔፈቹ ህንደንዴኜ። 4 ከሮር ሱንስ ሞትቻፊ ወልዳ ሰነ ጉቱ ንገመቺሴ። 5 እሳንስ አከ ነሞትን ዋቀዮ ዋቀ እስራኤሊፍ ፋሲካ አያኔፈቹፍ ጄዸኒ ገረ ዬሩሳሌም ዹፈኒፍ ቤርሼባ ሀመ ዳንት እስራኤል ሁንደ ኬሰ ለብሲ ለብሱፍ ሙርቴሰን። አያን ፋሲካ አከ በሬፈሜት እዶ ነሞትን ሄዱን ጅረንት አያኔፈሜ ህንቤኩቲ።

6 ኤርገሞትንስ አጀጀ ሞትቻቲን ጠለያ ሞትቻፊ ቆንዳልቶተሳ ብራ ኤርገሜ ፉዸኒ ጉቱማ እስራኤሊፊ ይሁዳ ኬሰ ቀጄለን፤ ጠለያን ሱንስ አከነ ጄዸ፦

"ያ ሰበ እስራኤል፣ አከ እን ገረኬሰን ገረ ወረ ሀፍተኒ ሀርከ ሞቶተ አሶር ጀላ ባተን ሰናት ዴብኡፍ ገረ ዋቀዮ ዋቀ አብረሃም፣ ዋቀ ይስሃቂፊ ዋቀ እስራኤልት ዴብኣ። 7 አከ አቦቲኬሰኒፊ አከ ኦቦሎተኬሰን ከኔን እን ሰበቢ እሳን ዋቀዮ ዋቀ አቦቲሳኒፍ አመነሙ ድደኒፍ አኩመ እስን አርግተን ከነ ዋን ፈፋ እሳን ጎዼ ሰና ህንተእና። 8 እስን አከ አቦቲኬሰኒ መተ ጀቤዪ ህንተእና፤ ዋቀዮት ሀርከ ኬነዻ። ገረ እዶ ቁልቁሉማሳ ከን እን በረ በራን ቁልቁሌሴ ሰና ኮታ። አከ ዼከምስሳ ሶዳችሳን ሱን እስንራ ዴብኡፍ ዋቀዮ ዋቀኬሰን ተጃጅላ። 9 ሰበቢ ዋቀዮ ዋቅንኬሰን አርጃፊ ገረ ላፌሰ ተኤፍ እስን ዮ ገረ ዋቀዮት ዴብተን ኦቦሎትንኬሰኒፊ እጆሌንኬሰን ወረ እሳን ቦጅአን ብረት ገረ ላፍነ ንአርገቱ፤ ብየ ከነትስ ንዴብኡ። እስን ዮ ገረሳት ዴብተን እን ፉለሳ እስንራ ህንገረገልፈቱ።"

10 ኤርገሞትንስ ኤፍሬሚፊ ምናሴ ኬሰ መጋላ ቶኮ ገረ መጋላ ካኒት ናነኣ ሀመ ዜቡሎንት ዴመን፤ ነሞትን ገሩ እሳን ቱፈተን፤ እት ቆሰንስ። 11 ነሞትን ኣሼር፣ ከን ምናሴፊ ከን ዜቡሎን ቶኮ ቶኮ ገሩ ገድ ኦፍ ቀበኒ ዬሩሳሌም ዸቀን። 12 አከ እሳን ዋን ሞትቺፊ ቆንዳልቶትንሳ አኩመ ዱቢ ዋቀዮት አጀጀኒ ቱረን ሰነ ሆጄተኒፍ ሀርክ ዋቃ ያደ ቶኮሳኒ ኬኑፍ አከሱመ ይሁዳረ ቱሬ።

13 ቱትን አከ መሌ ጉዳን ቶኮ ጅአ ለመፋት አያነ መጥኖ አያኔሱፍ ዬሩሳሌም ኬሰት ወልት ቀበሜ። 14 እሳንስ እዶወን ኣርሳ ከኔን ዬሩሳሌም ኬሰ ቱረን ቡቡቅሰኒ፣ እዶወን ኣርሳ እጣናስ ዲገኒ ጌሰኒ ሱሉለ ቄድሮንት ንገተን።

15 ጉያ ኩዸ አፉረፋ ጅአ ለመፋትስ ሆላ ፋሲካ ቀለን። ሉቦትኒፊ ሌዎትንስ ቃነአኒ ኦፍ ቁልቁሌሱዻን ኣርሳ ጉበሙ ገረ መነ ቁልቁሉማ ዋቀዮ ፍደን። 16 ኤርገሲስ አኩመ ሴረ ሙሴ ነመ ዋቃ ሰና ኬሰት አጀጀሜት እዶ እሳኒፍ ረመደሜ ንቀበተን። ሉቦትንስ ዺገ ሌዎትን እሳንት ኬነን ሰነ ንፈፈጫሰን። 17 ሰበቢ ወልዳ ሰነ ኬሳ ነሞትን ሄዱን ኦፍ ህንቁልቁሌስኒፍ ሌዎትን ነሞተ አከ ሴራት ህንቁልቁላእኒፊ ነሞተ ሆሎተሳኒ ዋቀዮፍ ቁልቁሌሱ ህንደንደእን ሁንዳፍ ጄዸኒ ሆሎተ ፋሲካ ንቀሉ ቱረን። 18 ነሞተ ብየ ኤፍሬም፣ ምናሴ፣ ይሳኮሪፊ ዜቡሎኒ ዹፈን ሄዱ ኬሳ ገር ጫሉ ኦፍ ቁልቁሌሱ ባተንዩ እሳን ዋን በሬፈሜን አለት ፋሲካ ኛተን፤ ህስቅያስ ገሩ አከነ ጄዼ ዋቀ ከዸቴፍ፤ "ያ ዋቀዮ ቶላ፣ 19 ነመ ገራሳቲን ስእ ዋቀዮ ዋቀ አቦቲሳ በርባዱፍ ኩተቴ ሁንደ ዮ እን አከ ሴረ እዶ ቁልቁሉት ቁልቁላኣ ተኡ ባቴሌ አት አራረሚፍ።" 20 ዋቀዮስ ከዸትና ህስቅያስ ዸገኤ ሰበ ሰነ ንፈይሴ።

21 እስራኤሎን ዬሩሳሌም ኬሰት አርገመኒ ቱረን ገመቹ ጉዳዻን ቡልቲ ቶርበ አያነ መጥኖ አያኔፈተን፤ ሌዎትኒፊ ሉቦትንሞ ሜሻሌ ፋርፈትና ዋቀዮቲን ጉያ ጉያዻን ዋቀዮን ገለቴፈቻ ቱረን።

22 ህስቅያስስ ሌዎተ ዋኤ ተጃጅለ ዋቀዮረት ሁበትና ጋሪ ቀበን ጀጀቤሱዻን እት ዱበቴ። እሳንስ ቡልቲ ቶርበኑ ዋን እሳኒፍ ቆደሜ ኛቻ፣ ኣርሳ ነጋስ ዽኤሳ ዋቀዮ ዋቀ አቦቲሳኒቲፍ ገለተ ገልቸን።

23 ወልዳን ሱን ጉቱን ቡልቲ ቶርበ እት ደበሌ አያነ ሰነ አያኔፈቹፍ ወሊ ገሌ፤ ከናፉ እሳን ቡልቲ ቶርበ እት ደበለኒ ገመቹዻን አያኔፈተን። 24 ህስቅያስ ሞትች ይሁዳስ ኮሮሚ ሎኒ ኩመ ቶኮ፣ ሆሎታፊ ሬኦተ ኩመ ቶርበ ወልዳ ሰናፍ ንኬኔ፤ ቆንዳልቶትንሳሞ ኮሮሚ ሎኒ ኩመ ቶኮ፣ ሆሎታፊ ሬኦተ ኩመ ኩዸን ንኬነን። ሉቦትን አከ መሌ ባይኤንስ ኦፍ ቁልቁሌሰን። 25 ወልዳን ይሁዳ ሁንድ፣ ሉቦተ፣ ሌዎታፊ ነሞተ እስራኤል ኬሳ ወልት ቀበመን ሁንደ፣ አከሱመስ አለጎተ እስራኤል ኬሳ ዹፈኒፊ ከኔን ይሁዳ ኬሰ ጅራተን ሁንደ ወጅን ንገመደን። 26 በረ ሶሎሞን እልመ ዳዊት ሞትቸ እስራኤል ጀልቀቤ ዋን ወን አከሲ ዬሩሳሌም ኬሰት ተኩማ ህንተእኒፍ ዬሩሳሌም ኬሰት ገመቹ ጉዳቱ ተኤ። 27 ኤርገሲስ ሉቦትኒፊ ሌዎትን ከአኒ ሰበ ኤብሰን፤ ዋቅንስ እሳን ዸገኤ፤ ከዸናንሳኒ ገረ ሰሚ፣ እዶ እን ጅራቱ ቁልቁሉ ሰነ ገኤራቲ።

1 "ነምን ቶኮ ዮ ኒቲሳ ሂኬ

እሼንስ እሰ ዺፍቴ ነመ ብራት ሄሩምቴ፣

እን ለመተ እሼት ዴብኣ?

ብየቲንስ ጉቱማን ጉቱት ህንጡሮፍቱ?

አት ገሩ አከ ሰጋገልቱት ሰኞወን ሄዱ ወጅን ጅራቴርተ፤

ተኡስ አመ ገረኮት ዴብእ?"

ጄዸ ዋቀዮ።

2 "ሜ ኦል ምልአዹቲ ጋረ ዱዋ እላል።

እዶን አት እት ህንሰጋገልን ቶኮዩ ጅራ?

አት አኩመ ጎዳንቱ ገሞጂ ኬሳ ቶኮት

ወረ ስ ጃለተን ኤገቹፍ ቀርቀረ ከራ ቴሴ፤

ሰጋገልቱማፊ ሀምነኬቲን

ብየቲ ጡሬስቴርተ።

3 ከናፉ ቲፉን ንእትፈሜ፤

ብራ ኬሰሌ ቦካን ህንሮብኔ።

አት ገሩ ኛረ ሰጋገልቱ ቀብደ፤

ቃነኡስ ንድዴ።

4 አት አመዩ አከነ ጄቴ ነ ህንዋምኔ?

‘አባኮ፣ እጆሉማኮቲ ጀልቀብዴ ምቹኮ፣

5 አት ዬሮ ሁንደ ንኣርታ?

ዼከምስኬ በሩመ በራን እት ፉፋ?’

አት አከስት ዱበተ፤

ገሩ ዋን ሀማ ደንዴሱ ሁንደ ንሆጄተ።"

እስራኤል አመነሙማ ዸብዴ

6 ዋቀዮ በረ ዮስያስ ሞትቻ ኬሰ አከነ ናን ጄዼ፤ "አት ዋን እስራኤል እሼን አመነሙማ ህንቀብኔ ሱን ሆጄቴ አርግቴ? እሼን ዸቅጤ ቱሉ ኦል ዼራ ሁንደረቲፊ ሙከ ለልሳ ሁንደ ጀለት ሰጋገልቴ። 7 አን ዋን እሼን ኤርገ ወንቶተ ከኔን ሁንደ ሆጄቴ ቦዴ ገረኮት ዴብቱ ሴኤን ቱሬ፤ እሼን ገሩ ህንዴብኔ። ኦቦሌቲንሼ ይሁዳን ህንአመነምኔ ሱንስ ዋን ከነ አርግቴ። 8 አን ሰበቢ ኤጁማሼ ሁንዳቲፍ ወረቃ ረጋ ሂካ ኬኔፊን እስራኤል አመነሙማ ህንቀብኔ ሰነ ኦፍራ አርኤ፤ ተኡሌ አን አከ ኦቦሌቲንሼ ይሁዳን አመነሙማ ህንቀብኔ ሱን ህንሶዳትኔ ነንአርጌ፤ እሼንስ ዸቅጤ ኤጅቴ። 9 እስራኤል ሰበቢ ሰጋገሉማ ኦፊ አከ ዋን ሰልጳ ቶኮት እላልቴፍ ዸጋፊ ሙከ ወጅን ኤጁዻን ብየ ጡሬስቴ። 10 እሼን ዋን ከነ ሁንደ ሆጄቱዩ ኦቦሌቲንሼ ይሁዳን ህንአመነምኔ ሱን ፈኬሱፍ መሌ ገራ ጉቱዻን ገረኮት ህንዴብኔ" ጄዸ ዋቀዮ።

11 ዋቀዮ አከነ ናን ጄዼ፤ "ይሁዳ ህንአመነምኔረ እስራኤል አመንቲ ህንቀብኔቱ ቀጄልቱዸ። 12 ዸቂቲ ኤርጋ ከነ ካበት ለብስ፦

" ‘ያ እስራኤል አመንቲ ዸቤቲ፣ ዴብእ’ ጄዸ ዋቀዮ፤

‘አን ስአች እጀ ኣሪቲን ስ ህንእላሉ፤

አን አራረ ቀቤሳቲ’ ጄዸ ዋቀዮ።

‘አን በረ በራን ህንዼከሙ።

13 አት አከ ዋቀዮ ዋቀኬት ፍንጭልቴ፣

አከ ሙኬን ለልሶ ሁንደ ጀለት

ጃለለኬ ዋቆተ ኦርማቲፍ ኬንቴ ና አጀጀሙ ድዴ፣

በሌሳኬ ሰነ ቆፈ ህመዹ’ "

ጄዸ ዋቀዮ።

14 "ያ ሰበ አመንቲ ህንቀብኔ፣ ዴብኣ" ጄዸ ዋቀዮ፤ "አን ዽርሰኬሰኒቲ። አን መጋላ ቶኮራ ነመ ቶኮ፣ በልበለ ቶኮራ ነመ ለመ ፍለዼ ጥዮንት እስን ነንፍደ። 15 ኤርገሲ አን ትክሶተ አከ ገራኮቲ ተአን፣ ከኔን ቤኩምሳፊ ሁበትናዻን እስን ቀጄልቸን እስኒ ነንኬነ። 16 በረ ሰነ ኬሰ፣ ዬሮ ባይእንኬሰን ብየቲ ኬሰት አከ መሌ ጉደቱት፣" ጄዸ ዋቀዮ፣ "ነሞትን ስአች፣ ‘ታቦተ ከኩ ዋቀዮ’ ህንጄዸን።" ወን ኩን ጎንኩማ ሰሙሳኒ ኬሰ ህንሴኑ፣ ዮካን ህንያደተሙ፤ ከን እሰ በርባዱ ህንጅሩ፣ ዮካን ከን ብራ ህንቶልፈሙ። 17 እሳን ዬሮ ሰነት ዬሩሳሌሚን ቴሶ ዋቀዮ ጄዸኒ ዋሙ፤ ሰቦትን ሁንድኑስ መቃ ዋቀዮ ኡልፌሱፍ ዬሩሳሌምት ወልት ንቀበሙ። እሳን ስአች መተ ጀብነ ሀምነ ገራሳኒ ዱካ ህንቡአን። 18 በረ ሰነ ኬሰ መን ይሁዳ መነ እስራኤልት ንመከመ፤ እሳንስ ቶኩማዻን ብየ ካባቲ ገረ ብየ አን አከ ዻላት አቦቲኬሰኒፍ ኬኔ ሰና ንዹፉ።

19 "አን መታንኮ አከነ ነንጄዼ፤

" ‘አን ስላ ሀመን አኩመ እልማንኮት

ስ ፉዸዼ ብየ ነመት ቶልቱ፣

ዻለ አከ መሌ ሚዸጉ ከን ሰበ ከሚዩ ሲፍ ነንኬነ ቱሬ።’

አን ዋን አት፣ ‘አባኮ’ ጄቴ ነ ዋምቱፍ፣

ዋን አት ነ ዱካ ቡኡ ህንዺፍኔ ሴኤ ቱሬ።

20 ያ መነ እስራኤል፣

አት ገሩ አኩመ ኒቲ ዽርሰሼቲፍ ህንአመነምኔ ቶኮ፣

አናፍ ህንአመነምኔ ቱርቴ"

ጄዸ ዋቀዮ።

21 እሳን ከራሳኒ ጀልእሰኒ

ዋቀዮ ዋቀሳኒ ዋን እራንፈተኒፍ

ጋረ ዱዋረት እይ፣

ቦእቺፊ ዋመናን ሰበ እስራኤል ንዸገአመ።

22 "ያ ሰበ አመንቲ ህንቀብኔ ዴብኣ፤

አን ዱበት ዴብኡኬሰን ነንፈይሳቲ።"

"ኩኖ፣ ኑ ገረኬ ንዹፍነ፤

አት ዋቀዮ ዋቀኬኛቲ።

23 ዹጉማን ወጭን ጋረኒፊ

ቱሉወንራ ጎዎምሳዸ፤

ዹጉማን ፈይን እስራኤል

ሀርከ ዋቀዮ ዋቀኬኛ ጅረ።

24 እጆሉማኬኛ ጀልቀብኔ ዋቆትን ነመ ቃኔሰን፣

ቡኣ ደዸቢ አቦቲኬኛ

ጄቹንስ ቡሻዬፊ ሎንሳኒ፣

እልማንሳኒቲፊ እንተለንሳኒ ፍጠኒሩ።

25 ኑ ቃኒኬኛን ሃጪፍኑ፤

ሰልጵንኬኘስ ኑ ሃሀጉጉ።

ኑስ አቦቲንኬኘስ ዋቀዮ ዋቀኬኘት

ጩቡ ሆጄትኔረ፤

ኑ እጆሉማኬኛ ጀልቀብኔ ሀመ አማት

ዋቀዮ ዋቀኬኛፍ ህንአጀጀምኔ።"