5 Ama ɗa u ciya̱i usovi adama a kawuya ka tsu,

u ciya̱i ufori adama a̱ unushi u tsu.

Atakaci a na a̱ tuka̱i tsu m ma̱ta̱na̱ ta a̱ uta̱i wa̱ ni,

n adama a̱ usa̱n u ni u ɗaɗa tsu potsoi.

6 Ra̱ka̱ vu tsu ci ta̱ tsu nkyon n na n tambalukpai,

ɗa yaba dem u ka̱na̱i uye u ni,

ɗa Vuzavaguɗu u nekei ni

a̱miki a̱ unushi u tsu dem.

7 E nekei ni a takacikai, ɗa a gbarai ni,

ama n nannai dem u ɓa̱yuwa̱ una̱ u ni ba,

a lazai n a̱yi tsu ma̱giri ma na i a kubanka a̱ ubuta̱ u kukiɗa,

n tsu malala ma na o poloi bini a̱ ubuta̱ wa apuwanci,

u ɓa̱yuwa̱ una̱ u ni ba.

16 Ka̱tsura̱ ki irala i va̱ ka̱ ka̱ra̱Ꞌi mu,

tsu koɓolo ke nsheꞋe,

ɗa e wejelei ekiye a̱ va̱ n ene a̱ va̱.

17 Ali etele dem okpoi e keteshe.

Irala i va̱ i goyo mu ta̱, ɗa a zuwakai mu a̱shi.

18 Ɗa a yaꞋin kazagba n akashi a̱ va̱,

ɗa e pecekei ka̱ci ke le akashi a̱ va̱.

7 Vuza na baci wu enei mu dem,

ka̱ta̱ u bonoko mu ili yi izoshi.

o tsu goyo mu ta̱ n a̱ gba̱ɗa̱i aci e le,

8 a dana,<<Vu zuwa ta̱ ka̱ɗu ka̱ nu u Vuzavaguɗu ba̱ya̱?

YaꞋan wi isa wu,

yaꞋan Vuzavaguɗu u wawa wu,

wi baci a kupana uyoꞋo u nu.>>