Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Hessafe guye, Yesuusi ubbay ha77i poletidaysa eridi, Geeshsha Maxaafan xaafetidaysi poletana mela "Tana saamees" yaagis.
He bessan issi xugga kumetha caala woyney de7ees. Enti isponje he woyniyan yeggidi, hisoophe mitha xeeran wothidi, Yesuusa doonako shiishidosona. Yesuusi woyniya ganxi be7idi, "Poletis" yaagis.
Hessafe guye, ba huuphiya ziqi oothidi ba shempuwa immis.
Wotaaddareti masqaliya bolla iya kaqidaape guye, iya ma7uwa ekidi, oyddu bessan shaakidi, isso isso ekidosona. Yeda ma7etiya iya adussa ma7uwa ekidosona. Wotaaddareti, "Oona gakaneeko, saama yegganaape attishin, ma7uwa peedhoko" yaagidosona. Hessi haniday Geeshsha Maxaafan,
"Ta ma7uwa shaaki ekidosona;
ta adussa ma7uwa bollaka saama yeggidosona"
geetetidaysi poletana melasa. Hessa gisho, wotaadareti hessa oothidosona.
Shin Yesuusa masqaliya matan iya aayiya, iya aaye michiya, Qeliyoophe machiya Mayraamanne Magdela Mayraama eqidosona. Yesuusi ba aayiwunne I dosiya tamaarey yan eqidaysata be7idi, ba aayeko, "Ta aaye, ne na7aa haysa be7a" yaagis.
Hessafe guye, he tamaariyako, "Ne aayiw hanno be7a" yaagis. He tamaarey iyo he wodepe doomidi baara daana mela soo efis.
Qeraaniyo geetetiya bessaa gathidi kaqidosona. Worandzotape issuwa ushacha baggara hankuwa haddirsa baggara kaqidosona. Yesuusi, "Ta aawaw, enti ay oothiyako eronna gisho, neeni entaw atto yaaga" yaagis.
Enti iya afilaa bolla saama yeggidi shaaketidi ekidosona.
Asay eqidi xeelloosona, shin deriya haareysati, "Harata ashshis; Xoossay doorida Kiristoosi iya gidiko ane bana asho" yaagidi leqsidosona. Wotaaddareti iyako shiiqidi, caala woyne ushsha immidosona. Yaatidi, "Neeni Ayhudeta kawo gidiko ne huuphiya ashsha" yaagidi leqsidosona.
Iyaw huuphe baggara, "Haysi Ayhudeta kawo" giya xuufey de7ees. Kaqetida worandzotape issoy cashshe sa7ara goochishe, "Ane neeni Kiristoosa gidiko, nenaka nunaka ashsha" yaagis.
Shin hanko worandzoy, "Neeni haysa mela pirdan de7ashe hari attoshin, Xoossas yayyikii? Nuuni nu oothida nagaraa gisho bessiya pirda ekoos, shin ha uray issi iitabaa oothibeenna" yaagidi hanqetis.
Qassika, "Yesuusa, ne ne kawotethaara yaa wode tana qopa" yaagis.
Yesuusi, "Ta new tuma odayis; hachi neeni taara gannaten gidana" yaagis.
Usupun saatepe doomidi, uddufun saate gakanaw biitta ubbay dhumis. Uddufun saaten Yesuusi, "Elohe, Elohe, lama sabaqtanii?" yaagidi waassis. Hessa guussay, "Ta Xoossaw, ta Xoossaw, tana ayis aggadii?" guussu.
He saaten xoossa keethan kaqetida magaraajoy qommofe duge gakanaw nam7u keyidi, peedheti wodhis. Biittay qaaxis, zaallayka phalqetis. Duufoti dooyetin Xoossaa asatape daroti hayqope dendidosona. Enti duufope keyidi, Yesuusi hayqope dendidaape guye, geeshsha katamaa bidosona; yan enti daro asaas bentidosona.
Mato halaqaynne iyara Yesuusa naagiya wotaadareti biittay qaaxidaysanne hessan hanidaba be7ida wode daro yayyidi "Tuma haysi Xoossaa Na7aa" yaagidosona.
Shin I nu nagaraa gisho,
cadetidi madunxis;
nu qohuwa gisho shocetidi liiqis.
Iya seeran nuuni saro demmida;
iya madunthan nuuni paxida.
Nuuni ubbay oge balida dorsada wora bida;
nu ubbay nu ogiya ogiya bida.
Shin Goday nu ubbaa naaquwa
iya bolla wothis.
I un7etis; qohetis;
shin ba doona dooybeenna.
Shukanaw efiya urge dorsada laagetis;
ba ikisiya meediya uraa sinthan
si77i giya dorsa mela aykoka pogibeenna.
Kanati tana teqidosona;
iita asati ta yuushuwa oykidosona;
ta kushetanne ta tohota caddoosona.
Ta meqethati taybetoosona;
ta morketi tana dereeqosona.
Ta ma7uwa shaakidi ekoosona;
ta adussa ma7uwa bolla saama yeggoosona.
Tana be7iya ubbay qelqisoosona;
banta huuphiya qaathishe dereeqosona.
"I Godan ammanetis; ane iya asho;
Goday iya dosiko, ane iya asho" yaagosona.
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Ba shempuwa ba laggiyas aathidi immeysafe aadhiya gita siiqoy baawa.
Xoossaa Na7aa ammaniya ubbay merinaa de7uwa laattanaape attishin, dhayonna mela Xoossay ha alamiya daro dosida gisho ba issi Na7aa immis.
Nuuni Xoossara kase morke, shin iya Na7aa hayquwan iyara sigetida. Hessafe aathidi, ha77i nuuni Xoossara sigetidaape guye, iya na7aa de7uwa gaason nuuni attana.
Kiristoosi ba shempuwa nu gisho aathidi immidaysan siiqoy aybeko nuuni erida. Nuka nu ishata gisho nu shempuwa aathidi immanaw bessees.
Nu nagaray Kiristoosa baggara atto geetetees. I nu nagaraa xalaalas gidonashin, asa ubbaa nagaraas yashetis.
I bana kawushis;
hayqana gakanaw,
hari attoshin masqaliya bolla
hayqanaw kiitetis.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Kiristoosi hayqope dendida gisho, zaari I hayqonaysanne hayqoy sinthafe iya haaronnaysa nu eroos. I hayqida wode nagaras issitoho wursethi gakanaw hayqis, shin ha77i de7on Xoossaas de7ees.
Nu ubbay Kiristoos Yesuusara issifanaw xammaqetida wode iya hayquwan iyara issifanaw xammaqetidaysa ereketiyee? Nu xammaqetida wode Kiristoosara hayqidanne moogetida. Kiristoosi Xoossaa Aawa boncho wolqan hayqope dendidaysa mela nuka ooratha de7on daana.
Asi ubbay issi toho hayqanaw hessafe guye pirdetanaw bessees. Hessadaka, Kiristoosi daro asaa nagara digganaw issi toho yarshetis. Shin I nagara tookanaw gidonashin, bana naageysata ashshanaw nam7antho qoncana.
"Isra7eele asato, ha qaala si7ite. Naazirete Yesuusa oonatethay, Xoossay hinte giddon oothida wolqaama oosuwaninne malaatatan hintew qoncoysa hinte, hinte huuphen ereeta. Xoossa kase eraninne iya shenen, Yesuusi hintew aadhidi imetis. Hinte, nagaranchoti iya masqale bolla kaqidi wodhana mela aathidi immideta. Shin Xoossay hayqo wolqa diggidi iya denthis. Hessa gisho, hayqoy iya oykanaw danda7ibeenna.
"Taani lo77o henthancho; lo77o henthanchoy ba dorsata gisho ba shempuwa aathidi immees.
Hinte ha uytha miya wodenne ha xuu7a uyaa wode ubban Goday yaana gakanaw iya hayquwa odeeta.