Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Hiwa thengnga Jisu’n chuon rakip hekjei ti ijetle inruoiya, Pathian chong huui tungnasik "Kei katuiraal" aleiti. Minpkla 69:21; 22:15
Theibomju kathur kasipchei kheeng inkhat khawa khan aleiom; halli inmani’n kathur theibomju kha tuipompuon khan innoomma khuoichu ramol morra inkathilla ama murra inhongsoon. Jisu’n akathur theibomju kha insuoli "Ahekjei!" aleiti.
Khawa suoli Jisu’n ariing thep-ah athijei.
Raalmi ngai’n Jisu kha cross-ah inthatsuo phakhan inmani’n Jisu puondiar kha raalmi ngai’n inchang thanasik lekmili inleiminsuok, halli asongkool kha-um inleilei. Takkha asongkool kha kathuilam omleiya inkhoong alei-eii.
Khawa jarra inmani’n inkhatli khatdiang inlei inti, "Eini’n kathermui, takkha tu changsikme tikha eini’n rawaan enrui." Hiwahi Pathian chong huui tungnasik kha eii.
"Kei puondiar kha inmani’n in-insem
halli kei kasongkool sik-ah inmani’n rawaan in-en."
Hiwahi raalmi ngai’n inleitho. Minpkla 22:18
Jisu cross koolla, anu, anu nainu, Clopas numei Mary, halli Mary Magdalene ngai’n inngirra inleiom. Jisu’n anu khat-um iminriang asiamruoi khan akoolla inngirra inom amupha khan, Jisu’n anudiang aleiti, "Numeisa, ama hi nasapa eii."
Halli asiamruoi padiang aleiti, "Ama hi nanu eii." Khawapha makheiya numeisanu kha siamruoi khan aruoiya inntiang sipuijei.
Inmani’n "Lukiar" tia inkoinamun inleitung phakhan, khawakhan Jisu kha inmani’n cross ah makaina inleinei, halli kathamak katho inni kha-um khat-in changtiang khat-in weitiang cross ah inleimakai. Jisu’n ati, "Kapa, inmani kha ngaidampiro! ajarchu inmani’n angme inthohi jetmu."
Inmani’n rasi in-enna ama puondier inlei insem. Minpkla 22:18
Mipui’n inngirra inlei enpha khan, waikaroon ngai’n amadiang inleiril seya inti, "Mi ngai khachu nasan, Pathian inakadang Christa kha na e-inchu natheinuo ah insanro."Minpkla 22:7
Raalmi ngai innum, ama koolla inhongnga ju kathur kha inleipeya inlei innuipui, halli "Nang in Jihudi ngai Reng na e-inchu natheinuo ah insanro!"
Ama luchungnga hiwa chong hi inleimajia. "Amahi Jihudi ngai rengpa eii."
Inmakaiya kaom kathamak katho miringkhat innum arilthaiya aleiti, "Nang Christa emak cheyabe? Napumtak insanro halli keini um nasanro!"
Takkha minring khatpa in aheiranna ati, "Nang Pathian chimak chebe? Nang um ama le in-angrip ah poongna nimu ejei. Eini chu eini nithoman nimu kha eii, takkha ama chu iteii imasial ommak." Halli ama’n Jisu diang ati, " Pumi nang na Rengram naluut phakhan keihi najuo ngaidonro!"
Jisu’n ama diang aheiti, " Kei’n inthiangnga kanati, awini nanghi keile inruoiya Paradise ah nihong-om suomsik eii."
Suunchim hong-epha makheiya phadan inthum katung ram rakipkha aleiziing.
Phadan inthum juochul phakhan Jisu’n "Eloi, Eloi, lema sabachthani?" tia inringnga akheek-ah aleiti, khachu "Kapathian, Kapathian, angjarra nangin keidiangnga inphut khattiang nina-inletdelme?" tina eii. Minpkla 22:1
Enru, Biak-inn suungnga induong puonkha achung makheiya anuoi katung lekniya intherjei, nuoipil um innikjei, lungpui um akoijei, Suok 26:31-33
Thaan ngai um alei-inlongjei, halli Pathian kangamna katamtak aleikathi mi ngai um inhongringjei. Halli Jisu’n ahongringsuo nuk thaanna inphut inmani’n inhongsuokli Inthiang Khuopui tiang inluut ah mipui katamtak ngaidiang inlei-inlar.
Raalmi rajakhat lamkakeipa le inruoiya, Jisu kangaak ngai’n rinook khat-um kasuok ngaikha inmu ah, inchitheiya inheiti, "Inthiangnga amahi Pathian Sapa kha eii!"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Miring inkhat in asappui ngaisik aringkhuo ipeii itihi khawa chungtiang akalok minriang kha ommakjei. Jn 13:34; 15:17; Jn 3:23; 2 Jn 5
Ajarchu Pathian in manmasituol kha hituk aminriang khachu Asapa inkhatbit kha ama’n anapeii, amadiang kangamnatak miring khan thina mununi takkha kumsoot ringna kha amusik eii.
Halli eini ngai rakip Pathian inhalpui mi nilei eii, takkha Pathian Sapa’n nathipi jarra eini rakip Pathian le inngeina nineinook jei, halli i-naminngei dungjuiya Christa ringkhuo ah eini ngaihi angtuk inkheella ringna naminmu sikme!
Hin thoa angme minriang itithi eini’n nijet: Christa’n eini sik-ah aringkhuo anapepi. Eini um ni-u ninai ngaisik-ah niringkhuo nipesik suok.
Christa hi eii eini manu ngaidamna sik-ah nanphalpi kha, eini sikbit emak takkha manmasituol pumpui manu sik ah eii.
Ama’n nunchan lei-inniam halli chongkajui inkhat eya thinasik katung aleisi,
halli ama’n cross ah athi.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Khawajarra eini’n nijet Christa kha kathi makheiya hongringnookjei, halli woikhat-um thikhai nunijei, halli kathi in ama takchungnga wai roonnunijei. Ama’n athi jarra manu khan ama chungnga wai roonmakjei, halli ama’n atuunna iring ringkhuo hichu Pathian diangnga iring ejei.
Emakli, Christa Jisu diang Baptized kathojei eini rakip-in ama thina khanum Baptized nitho ejei tihi nangni’n jetmakchube? Eini rakip Baptism nitho khan amale naphuum suom tina ejei, halli ama kathi kha-um nichansuo ejei, khawajarra apa lurlianna ranak in Christa kha kathi makheiya ihong ringnook angnga eini rakip-um akathar ringkho-ah niring matornooksik eii.
Mirakip woikhat nilathisik eii, khawa suoli Pathian in chong tansik eii.
Khawale in-ang rip-ah, Christa kha-um mi katamtak manu ngai kakhai sik-ah woikhat bit-ah na-inphalpi ejei. ama woini huuina alajuo inlarsik eii, khachu Manu chungnga chuonkathosik emakjei, takkha ama kangaakchak ah kaom ngai kasanring sik-ah ejei. Isa 53:12
"E Israel mi ngai, hiwa chong ngaihi rangairu!" Pathian in Nazareth Jisu diang chuon-inlak khat-um ngaksik kaom ngaikha nangni karra imintho khan amahi Pathian izoot mi eii ti nangni ningpumtak innum ningjetjei. Jisu kha Pathian malungnga ingaidon khat-um matiangnga ijet dungjuiya anapeli khan, nangni’n manukaroon mi ngai kut chungnga ama kha cross ah ningmakhaiya ningthatjei.
Takkha Pathian in amakha kathiya inphut aminringjei, thina poongraalna ah inphut amasuojei; ajarchu ama thina khan akhum matorsik emak. Matt 28:5,6; Luk 24:5
"Kei akatha keelngam kakhaalpa kha ka eii. Akatha keelngam kakhaal pa’n keelngam ngaisik bit-ah aringkhuo apeii.
Nangni’n hiwa waipool ningbak khat-um rabinghi ning-in rachamma, ama juomak laiseng nangni’n Pumi ithikha ningrilmalar kha eii,