Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Ke pacl se inge Jesus el etu lah ma nukewa aksafleyukla tari. In akpwayeye Ma Simusla el fahk, "Nga malu."
Ahlu se oan we, sessesla ke wain vinegar, ouinge twenyuki insroal se ke wain uh, na itukyang nu ke sak hyssop soko ac kokoyang nu ke oalul. Jesus el nimya wain sac ac fahk, "Safla tari!"
Na kipatu kwawal ac el fuhleak ngunal.
Tukun mwet mweun elos srupsrulak Jesus tari fin sakseng, elos eis nuknuk lal ac kitalik nu ke ip akosr, kais sie ip nu sin kais sie selos. Elos eis pac nuknuk loeloes lal ma tollac ke ip sefanna, wangin kwatuta kac. Mwet mweun elos fahk nu sin sie sin sie, "Wona kut in tia seseya, a kut susfa kac in konauk lah su ac la uh." Ma inge sikyak in akpwayei Ma Simusla su fahk:
"Elos kitalik nuknuk luk inmasrlolos
Ac susfa ke nuknuk loeloes luk."
Na pa inge ma mwet mweun elos oru.
Mwet su tu apkuran nu ke sakseng soko ah pa nina kial Jesus, tamtael lun nina kial, Mary mutan kial Clopas, ac Mary Magdalene. Jesus el liye nina kial ac mwet lutlut se su el lungse ke eltal tukeni tu insac; na el fahk nu sin nina kial, "El inge el wen nutum."
Na el fahk nu sin mwet lutlut sac, "El inge el nina kiom." Tukun pacl sac mwet lutlut sac eisal nina sac nu in lohm sel sifacna in muta yorol.
Ke elos tuku nu ke acn se pangpang "Sri in Ahlunsuf" elos patkilya Jesus nu fin sakseng soko, oayapa mwet koluk luo ah, sie layen layot ac sie layen lasa sel. Jesus el fahk, "Papa, nunak munas nu selos, tuh elos tia etu ma elos oru uh."
Elos kitalik nuknuk lal inmasrlolos ke susfa. Mwet uh tu na liye ma uh ke mwet kol lun mwet Jew elos aksruksrukel ac fahk: "El molela mwet saya uh — lela elan sifacna molella, fin pwaye el pa Christ se ma God El sulela uh!"
Mwet mweun uh oayapa aksruksrukel. Elos tuku nu yorol ac sang wain vinegar nu sel, ac fahk, "Sifacna molikomla, fin pwaye kom tokosra lun mwet Jew."
Kas inge simla oan lucng liki sifal, "El inge Tokosra lun mwet Jew."
Sie sin mwet koluk ma wi sripsripyak uh fahk kas in angonkas nu sin Jesus: "Mea, tia kom pa Christ? Molikomla sifacna, ac kital uh!"
A mwet se ngia kael ac fahk, "Ku kom tia sangeng sin God? Kom welul eis kain kaiyuk sefanna. Fal ma orek nu sik kom uh, mweyen kut eis lacnen orekma koluk lasr. A el, wangin kutena ma koluk el oru." Na el fahk nu sin Jesus, "Jesus, esamyu ke kom tuku ke ku lun Tokosra!"
Jesus el fahk nu sel, "Pwayena nga fahk nu sum, misenge na kom ac wiyu in Paradise."
Ke infulwen len, in polo acn sac nufon lohsrla ke lusen ao tolu. Ac ke ao se aktolu, Jesus el wowoyak ke pusra lulap ac fahk, "Eloi, Eloi, lema sabachthani?" su kalmac pa, "God luk, God luk, efu kom ku fahsr likiyu?"
Na in pacl sacna, lisrlisr se lisringyen Acn Mutal Na Mutal in Tempul ah mihsalik ip luo lac lucngi nwe ten. Faclu kusrusryak, eot lulap uh fokelik, inkulyuk uh ikakla, ac mwet puspis sin mwet lun God su misa meet elos sifilpa akmoulyeyukyak ac illa liki kulyuk lalos. Ac tukun Jesus el moulyak liki misa, elos som nu in Siti Mutal, yen mwet puspis liyalos we.
Ke mwet kol se lun un mwet mweun, ac mwet lal su taran Jesus, elos pula kusrusr lun faclu, ac liye ma nukewa ma sikyak inge, elos tuninfongla ac fahk, "Pwayena lah el inge Wen nutin God!"
A kanteyuki el ke sripen ma koluk lasr,
Sringsring el ke ma koluk kut orala.
Kut kwela ke sripen kalya ma el keok kac,
Akwoyeyukla kut ke sringsring ma el eis.
Kut nukewa oana sheep tuhlac,
Kais sie sesr fahsr ke inkanek lal sifacna.
A LEUM GOD El filiya facl
Kaiyuk su fal in ma nu sesr nukewa.
"Orek El arulana koluk, a el pusisel in mutangla;
El tiana fahkla sie kas.
Oana soko sheep fusr ma akola in anwuki,
Oana soko sheep ma kokola in kalkulla,
El tiana fahkla sie kas.
Sie un mwet koluk rauniyula,
Oana sie un kosro ngalngul su kuhlusyuwi
Ac ngalis pouk ac niuk.
Sri keik nukewa pisryak — ku in liyeyuk.
Mwet lokoalok luk elos ngetma ac suiyuwi.
Elos susfa ke nuknuk luk
Ac kitalik inmasrlolos.
Elos nukewa su liyeyu elos aksruksrukyeyu;
Elos yayaiyu ac isrunyu.
Elos fahk nu sik, "Kom lungsena lulalfongi LEUM GOD,
Efu El ku tia molikomla?
Fin pwaye LEUM GOD El lungse kom,
Efu ku El tia kasrekom?"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Wangin lungse yurin mwet yohk liki lungse se inge: tuh sie mwet fah filiya moul lal ke mwet kawuk lal.
Tuh God El lungse faclu ouinge: El ase Wen sefanna natul, tuh elos nukewa su lulalfongi in el fah tia misa, a elos fah eis moul ma pahtpat.
Tuh meet kut mwet lokoalok lun God, tusruktu El orala kut in mwet kawuk lal ke misa lun Wen natul. Inge ke kut mwet kawuk lun God uh, arulana kalem lah kut ac fah moliyukla ke sripen moul lun Christ!
Ma se oru kut in etu lah mea se lungse uh pa inge: Christ el sifacna asang moul lal kacsr, ke ma inge fal kut in asang pac moul lasr ke mwet wiasr uh!
Ac Christ sifacna pa ku in iwala ma koluk lasr, ac tia ma koluk lasr mukena, a ma koluk pac lun mwet nukewa.
El pusisel, ac fahsr inkanek lun akosten nwe ke el sun misa —
Aok, misa lal fin sakseng.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Tuh kut etu tuh Christ el akmoulyeyukyak liki misa, ac el ac fah tia sifil misa, mweyen el tia sifil muta ye ku lun misa. Ouinge, ke el misa el kunausla ku lun ma koluk ke pacl sefanna, su ma na nwe tok. Ac moul su el moul kac inge, el moul in sie sin sie yurin God.
Tuh kowos tia etu lah ke kut baptaisla in ma sefannala yurin Christ Jesus, kut oayapa baptaisla in ma sefannala yorol ke misa lal. Ke kut baptaisla, kut welul pukpuki ac welul misa, tuh in oana ke akmoulyeyukyak el liki misa ke ku wolana lun Papa, kut fah oayapa ku in moulkin sie moul sasu.
Oakiyuki tuh kais sie mwet in misa pacl se, na toko elos fah nununkeyuk sin God. In ouiya se na inge, Christ el oayapa sifacna kisakunul pacl se, in eela ma koluk lun mwet puspis. El ac fah sifil sikyak pacl se akluo, tia tuh elan sifil orekma ke ma koluk, a in tuh molelosla su soanel.
"Kowos mwet Israel, porongo kas luk! Jesus lun Nazareth el sie mwet, su ku lulap lal akpwayeiyuk tari ye motowos nukewa ke mwenmen ac orekma usrnguk su God El sang ku nu sel in oru. Kowos sifacna etu ma inge, mweyen orek inmasrlowos. God El sifacna oakiya meet lah El ac eisalot Jesus nu inpouwos, ac kowos sang tuh mwet koluk in unilya fin sakseng soko. Tusruk God El akmoulyalak liki misa, ac aksukosokyal liki ku lun misa, mweyen misa tia ku in sruokilya oana sie mwet kapir.
"Nga mwet shepherd wo, su akola in misa ke sheep uh.
Tuh pacl e nukewa kowos mongo bread inge ac nim ke cup se inge, kowos fahkak misa lun Leum nwe ke pacl se el sifil tuku.