28 Yesu kavimanya kuwa sambi yose yamala kutimia. Muladi Maandiko Yelile yatimie, kalonga, "Nowona ng’hilu."

29 Hanhu haja hakala na nyhupa ikalile na siki. Ivo wavabika dodoki muna isiki, wadika muna ulumango lwa mbiki wa hisopo, maabaho wadika muumulomo wa Yesu. 30 Yesu viyafonzile isiki, kalonga, "Chila chinhu chitimiya."

Maabaho kaidulika iditwi, kadanganika.

23 Wakalizi viwamuwambile Yesu, wasola viwalo vake, wavigola vilundi vine, chila mkalizi lundi jake. Iviya wasola ng’hanzu yake, ng’hanzu iyo ikala ilukigwe kwa chihande chimwe cha walo muhala chilibule muluko. 24 Wailongela, "Sekechididege, leka chitowe mhiya chilole yelihi yondayadipate." Ilawilila vino muladi Maandiko Yelile yatimile yoyolonga,

"Waigolela viwalo vake,

na ng’hanzu yake waitowela mhiya."

Vino ivo viwatendile wakalizi wawo.

25 Mami yake Yesu na mami yake mkulu hamwe na Maliya, muke wa Chiliyopa, na Maliya Magidalena wakala wemile habehi na msalaba wa Yesu. 26 Yesu viyamuwonile mami yake, na habehi yake kema ija mwanahina iyamulondile, kamulongela mami yake, "Mama, lola, iyo niiyo mwanago."

27 Maabaho Yesu kamulongela ija imwanahina, "Lola, iyo niiyo mami yako." Kusongela lusita ulo mwanahina ija kamsola Maliya, kakala nayo ukaye yake.

33 Viwafikile hanhu hotangigwa, "Bombwe da Ditwi," baho wamuwamba Yesu mumsalaba hamwe na waja wabananzi, imwe ubanzi wake wa kulume na imwenga ubanzi wake wa kumoso. 34 Yesu kalonga, "Tata, uwawonele ubazi kwaviya hawavimanyile bule chiwotenda."

Wagola viwalo vake kwa kutowa mhiya. 35 Wanhu wemile haja wolola. Wakulu wa Chiyahudi nawo wakala wonzeha, walonga, "Kawakombola wanhu wamwenga, leka yaikombole mwenyewo fana yeye Chilisito, Mulopozi yoyasaguligwe na Mulungu!"

36 Wakalizi iviya wanzeha. Wamuhitila na kumwing’ha siki, 37 walonga, "Ikombole mwenyewo fana weye Mfalume wa Wayahudi."

38 Mchanyha yake wandika vino, "Ino iyo Mfalume wa Wayahudi."

39 Imwe wa waja wabananzi wakalile wawambigwa hamwe na Yesu kamuliga Yesu, kalonga, "Vino weye siyo Chilisito bule? Ikombole mwenyewo na cheye."

40 Mbali ija mbananzi imwenga kambwakila miyage, kalonga, "Weye humdumba hata Mulungu bule? Weye nawe kwa muna inhaguso iyo iyo. 41 Cheye chotagusigwa vilondeka, ivo chohokela maliho yochilondeka kwa ubananzi wetu. Mbali munhu ino hatendile bule chochose chihile." 42 Maabaho kamulongela Yesu, "Yesu, nikumbuke viwonda wize na Ufalume wako!"

43 Yesu kamulongela, "Ukweli nokulongela, diyelo kwizakuwa na niye Paladiso."

33 Viikalile zuwa da sita imisi, isi yose ikala igubikigwe na ziza mbaka viifikile zuwa da kenda imisi. 34 Na mudizuwa da kenda imisi, Yesu kalila kwa dizi kulu, "Eloi, Eloi, lama sabakitani?" Fambulo jake ni, "Mulungu wangu, Mulungu wangu, mbona kundeka?"

51 Bahobaho panziya da Kaye ya Mulungu ditulika vihande vidi kulawa uchanyha mbaka hasi, isi igudemeka na miluwe itulika. 52 Maleme yagubuka na ng’huli za wanhu welile wowagonile zizilibuka. 53 Wasegela muna yamaleme, na hamwande Yesu viyazilibuke, wengila kuna dibululu jelile, uko wanhu wengi wawawona.

54 Mkulu wa wakalizi na waja wakalile hamwe nayo womkaliza Yesu, viwadiwone gudemeko da isi na mbuli zozitendeke, wadumba ng’hani, walonga, "Kweli ino kakala Mwana wa Mulungu!"

13 Habule ulondo mkulu kufosa ulondo wa munhu kulava ugima wake kwa ichimu cha mbwiya zake.

16 Kwaviya Mulungu kawalonda wanhu wa isi yose mbaka kamulava Mwanage nyachende, muladi chila munhu yoyomtogola sekeyadanganike, mbali yawe na ugima wa siku zose.

10 Chikala wehi wa Mulungu, mbali Mulungu kachitenda wambwiya zake kaidi kufosela ifa ya Mwanage. Kwaviya sambi cha mambwiya wa Mulungu, ivo chikomboligwa kufosela ugima wa Chilisito.

16 Cheye chiumanya ulondo kwa nzila ino, Yesu Chilisito kalava ugima wake kwa ichimu chetu. Na cheye iviya cholondeka kulava ugima wetu kwa ichimu cha wahuwila wayetu.

2 Nayo iyo nhosa ilavigwe kwa ichimu cha kusegeza uhasanyi wetu, siyo kwa uhasanyi wetu muhala, mbali iviya uhasanyi wa wanhu wose.

8 Kainyendanyenda na kutegeleza mbaka kudanganika mbaka kadanganika mumsalaba.

9 Kwaviya chovimanya Chilisito kazilibuka kamala, nayo hezadanganika kaidi bule na ifa haizamtawala bule. 10 Ivo kwaviya kadanganika mwanza umwe muhala, uhasanyi wabule ludabwa kaidi kumwake, na ugima uyokala sambi, kokala hamwe na Mulungu

3 Vino hamuvimanyile kuwa vichibatizigwe chiilumba na Yesu Chilisito? Cheye chiilumba muna ifa yake kwa kubatizigwa. 4 Maabaho ubatizo wetu ni fana chiwandigwa hamwe chilisito na chiilumba muna ifa yake, muladi fana viya Chilisito viyazilibuligwe kwa ludabwa lwa utunhizo wa Tata, iviya na cheye chidahe kukala muna ugima wa sambi.

27 Chila munhu kolondeka yadanganike teng’hu, na maabaho yatagusigwe na Mulungu. 28 Ivo ivo Chilisito nayo kailava nhosa mwanza umwe muhala kwa ichimu cha kusegeza uhasanyi wa wanhu wengi. Kezalawilila mwanza wekaidi, siyo kwa ichimu cha uhasanyi, mbali kwa ichimu cha kuwalopola waja womgozela kwa kulonda ng’hani.

22 "Tegelezeni wanhu wa Isilaeli! Yesu wa Nazaleti kakala munhu yeli na udaho, yoyalagusigwe na Mulungu kumwenu kwa nzila ya mawewedeka na vilaguso na mauzauza yoyatendile Mulungu mgati mmwenu kufosela yeye, fana mweye wenyewo vimmanyile. 23 Kulawa mwanduso, Mulungu mwenyewo kwa lungilo jake kalamula kuwa Yesu kezakwikigwa muna yamakono yenu, mwizamkoma kwa kuwaleka wanhu weli na uhasanyi wamuwambe mumsalaba. 24 Mbali Mulungu kamtenda Yesu yazilibuke kulawa kwa wanhu wadanganike, kamkombola kulawa muna usungu wa ifa kwaviya haidahike bule ifa kumfunga.

11 "Niye ni ndimi ninogile. Ndimi yanogile kolava ugima wake kwa ng’hondolo wake.

26 Kwaviya chila vimuja gate dino na kuing’wila nhungo ino, moigong’onda ifa ya Mndewa mbaka vondayeze kaidi.