Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Kukongela hadya, Yesu nakamanya kugamba kila kint’hu nechajika, naho vileke kila Mawandiko Akukile ukint’he, niyo agamba, "Naona nk’hilu."
Nahanda na kiyamp’ha kimemile siki, niyo watufika ditambala idyo mwe kiyamp’ha kine siki, niyo wadi zinganiza mwa kaziti katali, niyo wamwink’hiliza mwo mnomo. Yesu eze ajink’he kuinywa idya siki niyo afunamiza mtwi hasi akagamba, "Isila."
Wank’hondo weze wajike kumuwamba Yesu, niyo waguha isuke yakwe nakuipanga mafungu mane, kila yumwenga na fungu dyakwe. Naho niyo waguha nk’hazu yakwe naho nk’hanzu idya ne inda haisumigwe mna ita kufumigwa kukongela kulanga. Wadya wank’hondo niyo wagambana, "Kisekuitatula mna kitowe kula kikaule ni ani akuunga aink’higwe." Uleke ukelavilize Mawandiko Akukile udya Mawandiko Akukilegwe,
"Naawakepangila zisuke zangu,
no kuitoela kula nk’hanzu yangu."
Iivi nivo wadamanye wadya wank’hondo.
Wandaga hagihi no msalaba hadya awambilwe Yesu wandaga, ni nine dya Yesu, lumbudye dya nine dya Yesu, Maliamu mkaziwe dya Kiliopa, hamwenga na Malia Magedalena. Yesu niyo amuwona nine hamwenga na yudya mwanamp’hina amuungisaga wakimala, niyo amgamba nine, "Uyo nuyo umwanao."
Naho niyo amgamba yudya mwanamp’hina ywakwe, "Uyo nuyo nyokwe." Kukongela aho yudya mwanamp’hina niyo amgumha yudya nine no kugenda kwikala nae kwe nyumba yakwe.
Weze wabule hant’hu hakwitangwa kibela cho mtwi, niyo wamuwamba Yesu hamwenga na wadya wabanangi waidi, yumwenga kulume kwakwe na mtuhu kumoso. Yesu niyo agamba, "Tate uwausile wavu wawe, kwaviya hawamanyize idyo wakudamanya,"
Niyo wapangilana izisuke zakwe kwa kutoa kula. Want’hu nawakimala hadya wakakaula, vilongozi nawakambela, wakagamba, "Kayokola watuhu haluse naakeyokole mwenye, uneva yehe nuyo Kilisito asagulwe ni Mnungu!"
Wank’hondo nawo niyo wambela, nawambasa Yesu hagihi niyo wamwink’ha siki. Wamgamba, "Uneva kindedi weye u Zumbe ywa wayahudi, keyokole weye mwenye!"
Halanga ho msalaba wakwe na hawandika, "Uyu niye Seuta ywa Wayahudi."
Yumwenga mwe wadya wadamanye wiihi wawambigwe mwe viwambilo, niyo amhomola Yesu akamgamba, "Weye hikugamba niwe Kilisito? Hake keyokole wemwenye hamwenga na suwe."
Mna yudya mtuhu niyo amtivila miyawe akamgamba, "Weye hukumogoha Mnungu! Mna umwe usengelo enga iyo? Weye na miye kiwagilwa kwink’higwa usengelo enga ino, mwe yadya kidamanye mna uyu hadamanye mbuli yoyose iihile!" Eze abinde ukulonga niyo agamba Yesu, "We Yesu unikumbukile Umwo ukeza mo Useuta wako." Yesu niyo amhitula amgamba, "Nakugambila, dyelo ino nekindanye kwa Useuta wa Mnungu."
Ize ibuze saa mtandatu nomsi, niyo handa na lwiza mwe isi yose, naho mpaka saa kanda nomsi. Saa kanda nomsi, Yesu niyo alonga kwa izwi kulu kugamba, "Eloi, Eloi, lama sabakitani?" Nuko kugamba, "Mnungu wangu, Mnungu wangu, nii kunasa?"
Niyo dipazia dyandile mwe Nyumba ya Mnungu dyatatuka hagati, kulawa kulanga mpaka hasi. Isi niyo yasingisika nyuwe niyo zatulika. Vikuta vagubukaga, want’hu wafaga, wasuntilwa wa Mnungu niyo wafosa mwe vikuta. Weze wafose mwe vikuta, naho Yesu eze ande kauyuka, waitaga kwo mzi Akukile Yelusalemu, uko waonagwa, ni want’hu wengi.
Yudya mkulu wa wank’hondo, hamwenga na wank’hondo wadya wandanye wakamwamila Yesu weze waone idisingisa hamwenga ne zimbuli zilaile hadya, wogohesaga, niyo wagamba, "Ikindedi uyu andaga Mwana ywa Mnungu."
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Lukunde lutendese mnt’hu ananawo ni udya ukulava ugima wakwe kwa wambuya zakwe.
Kwaviya Mnungu nakawaungisa want’hu wa mwe isi niyo amwigala Mwanawe heena miyawe vileke kila yumwenga akumhuwila asekwaga mna ande no ugima wa ulo na ulo.
Ikanda hadya chandile wank’hondo wa Mnungu, Mnungu kakilunganya kwa sila ya file ya mwanawe. Haluse vitendesa kikanda kilunganywa naye naakiyokole kwa ugima wa Kilisito!
Kwaivo chalumanya lukunde ivo lwili kwaviya Kilisito nakaulava ugima wakwe kwajili yetu kukikombola suwe, suwe naswe kikelave kwa kuwambiza wandugu zetu.
Kilisito niye nt’hambiko yo kuusila wavu wetu, naho hiyo uwavu wetu du, mna iviyaiviya uwavu wa want’hu wose wa mwe isi.
Naho eze aoneke ana mwili enga mnt’hu akeselezaga niyo anda mt’hu ywa kwiva, ukubanika
ifile yakwe mwo msalaba.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Kwaviya kimanya kugamba Kilisito kauyulwa kale, naho haabanike kaidi. File heimdahe naho. Kubanika kwakwe kwajili ya wavu kabanika kamwenga du, mna ugima wakwe wekala kwa kumwelela Mnungu.
Hegu hammanyize suwe chose kibatizwe mwa Kilisito Yesu, nekibatizwa mwe file yakwe? Kize kibatizwe nekimoswamsanga hamwenga naye mwe file yakwe, vileke, enga viya Kilisito auyulwe kwa ukulu wa Tate, suwe naswe kidahe kwikala mwo ugima mhya.
Naho want’hu waikilwa kubanika lumwenga, kikutimila aho ni usengelo. Saviya ivo Kilisito naye nakalavigwa nt’hambiko lumwenga du kuusa wavu wa wengi, neeze kaidi kuwayokola wadya wakumgoja.
"Tegelezeni zimbuli izi nyuwe wambuya zangu we Kiizilaeli! Yesu wa Nazaleti andaga mnt’hu mta udahi ulawile kwa Mnungu ulavilizwe kwenyu kwa vihungi no kweheela kudamanywe ni Mnungu kombokela kwakwe. Nyuwe wenye ni waona wa aya, kwaviya yalailaga mwenyu. Kwaviya aungile mwenye Mnungu, Yesu nakaungwa kugeligwa mwe mikono yenyu, naho mwamkomaga kwa kuwalekela want’hu wata wavu wamkome kwa kumuwamba mo msalaba. Mna Mnungu amuuyulaga no kumtenda kunda mlekelwa mo usungu we file, kwaviya havadahike file imtozeleze.
"Miye nie mdimi wedi, mdimi ywedi adaha kulava ugima wakwe kwajili yamagoto yakwe.
Nuko kugamba kila mkadya mkate uno no kunywa mwe kikombe iki, mwa bwelekeza ifile ya Zumbe mpaka aho akeza kwiza.