Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
तहि च्येलाता येशुयि ताम पोरो सिन्सोङ नाइरे हा:कोरे पवित्रशास्त्रा पुरा होङ नाइरे नाइसोङ, "ङा खा कोम्सोङ।" खाडे खुवायि खाँखाँबि सअबुझि धुलो। खुवायि खाखा बे कपास होसपयि ढालाला पोरते हति ख्युइ खाला क्यालसोङ। तेहि येशुयि खाडे खुवातेबा तुँसोङ, तेहि ख्युइ नाइसोङ, "ता सिन्सोङ,"तेहि ख्युइ घोबो थुल्ला क्याइरे रेँ उ च्येसोङ।
जब सिपाहियि येशुला क्रुसला तारेलो, हतितुइना ख्युइ कोहिला खेरते ओरला च्यिच्यि थोपयापयि हिसाबला भाग च्हि सोइसोङ। ख्युइ फि कोहिला याङ खेरसोङ, हति कोहिला ते चेचेमा माना तोएने राङ म्हे थु लालाइबा किरबो हिना। हतिचाला हतिबे ख्होरे नाङला नारे क्याइसोङ, "धि मारोल हिन्नाङ धि सुइ होङयाप हिना नाइरे क्यान स्यिङ क्याका।" पवित्रशास्त्रा पुरा होङ नाइरे राङ धि च्युङ शास्त्रा "हतिबे ङाहि कोहिला राराला साला कोइसोङ, फि कोहिलाते क्यानसिङ क्यापसोङ।"
हति चाला सिपाहितेबे धि लाइ क्याइरे लो। तेहि येशुयि क्रुसयि धुनला ख्युइ आमा, ख्युइ आमायि भैनि, क्लोपासयि भैनि मरियम राङ मरियम मग्दलिनि लाँरे तेतु। जब येशुयि खुरि आमा राङ ख्युइ करि किङान लोब्टु टुला लालाबा थोङसोङ, हतितुइना ख्युइ खुरि आमाला नाइसोङ, "पोमु तेहि, ख्युइ पिजा!" तेहि हति लोब्टुतेलाङ नाइसोङ, "तेहि ख्युइ आमा!" हति भेला ने हति लोब्टुति मोला खुरि खिमला खेरसोङ।
च्युनङि बजेने तिन बजे थु देश पोरोला मुन्ना च्युङसोङ। तिन बजे जोमला येशुयि क्ये छेया क्याइरे क्ये तोनसोङ, "इलोइ, लामा सबखथनि?" काङति खुँ ना, "हे ङाहि कजसुबा, हे ङाहि कजसुबा, ख्युइ ङाला च्हिला ताङदे?"
हति भेलाला राङ मोनलाम क्यासि खिमयि तन्ना टुपुने स्याम थु भाग ङि च्युङदे रालसोङ, राङ सा धाराला छेलसोङ राङ टातेबा छ्यासोङ। तुरसातेबा लाँरे लेप्सोङ, राङ ङ्याङ्यालि लेइराङ कजसुबायि पवित्र मि स्यिस्यियायि स्हु सोम्बो च्युङदे लाँसोङ, राङ हतिबा तुरसाने थोन्देलो राङ स्यिस्यियाने येशु सोम्बो ला छारते च्येला हतिबे पवित्र भजारला स्युरेलो राङ लेइराङयि तेहा थोङदे। जब घोबा राङ खो ङ्याबो येशुला ताङान सिपाहितेबे साघुल राङ हतिया च्युच्युङि घटना थोङदे, तेहि लेइराङ झिटा च्युङदे हतिबे जु नाइसोङ, "तेम्बारे, धि कजसुबायि पिजा हिना।"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
रेँ रुवायि चाला रेँ उ तेरच्याइले छेया करि स्यान सुवाङ मिहा।
"चिचालानाना कजसुबे संसारला धि च्वरा करि क्याइसोङ, कि खोला रेँ पिजा चिक्पा तेहाङ पिन्देलो, हति क्याइरे सुइ याङ खोला हिछे किङान सुवाङ मासि मायोङ नाइरे, हिन्नाङ नामयाङ मिसिनयाप मिजे खु।
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
"इस्राएलि मितेबा, धि तामतेबा ङ्योन, नासरतयि येशु धि च्वरा मिना, काङला कजसुबायि शक्तिशालि लाइतेबा, हा:लाइयापयि लाइतेबा राङ हा:लाइयापयि लाइतेबाने खि धुनला साछि पिपिना होतो। ख्योए छ्या होतो माने कि कजसुबायि खि उइला धि लाइतेबा ख्युइ लाम्ला क्याक्याइबा ना। कजसुबायि थाकच्योए क्याक्याइबि थारका योजाना राङ ताङमे छोइ च्वरा थेथेबा धि येशुला राङ तिक्पा किङानयि मितेबे लाकि लाम्ला खि क्रुसला तारे स्येसोङ। खोला कजसुबायि स्यियापयि तुकाने थारथोनदु च्युक्ते सोम्बो सोइसोङ। चिचालानाना कालयि हअला खो होङयाप असम्भव ना।
ङा ल रच्चिया ना। ल रच्चियायि रेँ लुयि चाला उ तेरिन।