33 Nangka ne dukǝ araaka beya ai na, "Ara macako ma okpwe" arakaname a gendare Yeso uti ne. Ka ana o eza epa e buru name, ondo o ara ore, a ondo o ara o guri. 34 Na Yeso bekaana, "Ate, kwizǝ epa e buru ana o nyana ong, o bena neta rosa na mana mi ne." Ane eke madibi ma kai a tera one nane laka mana waya jeka.

35 Aromo ne itǝ ane gonte, anda gong ane nane zeele kai, ane beya na, "Ka boza na ondo, aka boze okpwe kai ka ya kaaya ondo boza oka Ashili a zake."

36 Ana o tesa a geza a moole ne de nane zeele kai. Ane niyi kai manyi ma marara ma yana inabi, 37 ane beya kai na, "Boa baya ogomo maYahuda, boza okpwe o."

38 Aza ka okpwe kai a wele na, "KANDO KAANA KAYA OGOMO MAYAHUDA."

39 Ondo a nyimi ana o eza epa e buru me ka a gendare ne ka Yeso na wa zeele kai, a wa bekaana, "Boa baya Ondooka Ashili a zake, boza okpwe o ka ro."

40 A ondo eza epa e buru o leere me wa zurki a wai na, "O kone boome ba Ashili sang, bo ka a gendare uti ona ka kai? 41 Ro teya eesa o poba oka wa gwara ka ro, kai ka ta ka ya epa e buru ne."

42 A wa bekaana, "Yeso rintǝng a were aka ba lyǝ a nyimi togomo to."

43 Na Yeso kabare wai na, "Eyang bele o maganggang, o ngmeengme na oyo cikǝ ka mi ara a lebo ang aza shili."

51 Nyimia oyambati ka waya a akwilǝ Ashili wa daro a tera madǝkǝni ma leere, o era obora aaza a jǝpi dizi. Na adeze a zukǝru, aa acale poso. 52 A pǝǝri macao, andaaka ne gbwizǝ kaa ne ye ka boome be Ashili, ne ere ka ebeene, 53 aa komana one susi a ocao o wai. Malo o era Yeso, nane lyǝ a nyimi apeng aa sangsang, aromo acake ne laka ne.

54 Awere aka ondo gong ana otesa geza o Roma, kaa andaaka neya legwa aa enda Yeso ne laka adeze a zukǝrnu kaa pate epa eka ne laka, na pate one kone boome maleo, aa ne bekaana, "Kanna dongdong Kena ka Ashilia kai!"