Motivação
Motivação verdadeira vem de Deus. A Bíblia nos inspira a correr a carreira da fé com perseverança, sabendo que o Senhor fortalece, guia e recompensa os fiéis.
Força do alto
Tudo posso naquele que me fortalece. Deus dá poder aos fracos e renova a força dos cansados — Ele é a fonte de toda motivação.
Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.
Ma pi’ gelngin e pi’in ndakuriy gelngirad ma ka ra magaergad.
Mus ngak e pi’in ni bfel’ yangarrad ni yad ma me’waer i yan;
pi’in ku yad pagel e rayag ni ngar awgad nga but’ ko magaer.
Machane pi’in yad be toer ngak SOMOL ni nge ayuwegrad
e bay ra pir’eged nike yib gelngirad bayay.
Bay ra changeggad ngalang ni bod e arche’ ni eagle;
yad ra mil, ma dab ra magaergad;
ma yad ra yan, ma dabi m’ay gelngirad.
Jerusalem e be felfelan’ ni bochan e n’en ke rin SOMOL.
Ir e bod be’ ni bpin nike chuw nga madan e m’agpa’.
Rogon nike yib Got i ayuweg ke mat’awnag ngak e bod ba mad nike
yin’ Got nga daken e re pin nem!
ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.
Correr para o alvo
Prossigo para o alvo, para o prêmio da soberana vocação de Deus em Cristo Jesus. A corrida da fé exige disciplina e foco.
Pi walageg, ri dagur finey ni kug taw ngay; machane ren’en ni kug rin’ e kug pag talin e n’en ni bay nga keru’ug, ma gu be athamgil ni nggu taw ko n’en ni ir e bay ngam’on rog. Ere gu be mil nib k’iy kanawo’eg i yan ko n’en ni gu be nameg ni bochan e nge yag puluwon ngog, ni aram e pong nike tay Got ngodad u daken Kristus Jesus ni ngdarod ko yafos ni bay u tharmiy.
Ri gimed manang ni yira tay reb e sagreng ko mil ma urngin fapi girdi’ nra milgad e ri ta’ab bagayad e rayag puluwon ngak. Ere mmilgad ni aram rogon nge yag puluwon ngomed. Ra be’ ni be fol gosgos ma be fol ko motochiyel ko fare gosgos ni be rin’; ni be rin’ ni aram rogon ni fan e nge yag nte’eliyawnag nga ba te’eliyaw ni gathi bayi par ni dabi kireb; machane gadad e gadad be rin’ ni fan nga reb e te’eliyaw nra par ni dariy n’umngin nap’an. Aram fan ni gu be mil i yan nib k’iy kanawo’eg ko gin ngan mus riy; aram fan ni gu bod be’ ni girdi’en e tug nder adbey e tug rok. Kug gelnag dowag ko tug ni be aw ngay ke yan i par ni be fol rog, ni fan e nge dab nn’igeg u tomuren ni kug pining boch e girdi’ ni ngar uned ko re gosgos nem.
Got ni Chitamangidad
Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg. Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.
Mu tafinay niged gelngin e gafgow ni tay, nge rogon ni k’adan’, nge gelngin e fanenikan ni tay e pi’in ntadenen ngak! Ere dabi mulan’med ngam paged gimed.
Demturug e n’en ni gimed ra ngongliy ma ngam tiyan’med ngay, ni gowa gimed be maruwel rok Somol, ma gathi rok e girdi’.
Propósito e missão
Deus tem planos de esperança para nós. Cada dia é oportunidade de fazer a sua vontade e avançar com confiança na missão.
Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.
Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak. Fa’an gimed ra ning ban’en ngog u fithingag ma ri gu ra rin’.
Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup, mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng."
Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed."
Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.
Rayag ni nge aw bbiyu’ e girdi’ u to’obem nga but’ ni karm’ad,
fa ragag biyu’ u gubin yang u to’obem,
machane gur e dabi buch ban’en rom.
"Ere dabi magafan’med ngam pired ni gubin ngiyal’ ma n’en ni ngam ked nge n’en ni ngam garbodgad ngay e ir e gimed be gayiy. (Ya girdi’ nu roy u fayleng ni pi’in yugu boch e kan e yad be meybil ngorad e gubin ngiyal’ ni yad be gayiy urngin e pin’ey.) Ya Chitamangimed e manang ndabisiy ni nge yag e pin’ey ngomed.
Nap’an ni ug moyed romed ma gogned ngomed ni lungumad: "Cha’ ndabun ni nge maruwel e dabi abich."
Ku gogned e re bugithin ney ya kug rung’aged ni bay boch e girdi’ u fithik’med ni yad be par ni yad bmalmal ndarir uned nga reb e maruwel, ni pi’in ndariy ban’en ni yad be rin’, ma kemus ni yad be magawon ko maruwel rok boch e girdi’. Gamad be non ngak e pi girdi’ ney ma gamad be ning chiylen ngorad u fithingan Somol ni Jesus Kristus: nthingar ra maruwelgad ma dab ku ur magawon niged e girdi’, nge yag e salpiy ngorad ni fan ko par rorad.
Machane gimed pi walagmad ni girdi’en Kristus, e dab mmagaergad i rin’ e tin ni bfel’.