Mudança

8 Yesuusi Kiristtoosi zinokka hachchekka med’inawukka laamettenna.

Asiraataa Imotaa

6 K’aykka Ubbaappe Wolk’k’aama Med’ina Goday, «Taani Med’ina Goday laamettikke; hewaa diraw, hinttenoo Yaak’ooba zaretoo, hintte d’aykkita.

17 Lo"o imuwaa ubbaynne kumentsaa woytaa ubbay saluwaappe yee. Saluwaa poo’uwaa med’d’eedda Aawuwaappe yee; S’oossay bare huup’ew dummatennanne woy bare kuwaa laammenna.

31 Saluunne sa’ay aad’d’ana; shin ta k’aalay ubbakka aad’d’enna.

17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda.

18 Nuuni ubbaykka nas’alaan kamettibeenna som"iyaan Godaa bonchchuwaa be’ana* k’ay Geeshsha Ayaana gidiyaa Godaappe yiyaa he bonchchuu nuuna barena malatissiide, bonchchuwaappe bonchchoo laammana.

2 S’oossay hintte k’ofaa ubbaanna dummayiide, hinttentta laammooppe attin, ha alamiyaa asaa malatoppite. He wode hintte, S’oossaa shenii, lo"obay, Aa nashechchiyaabaynne k’ay polo gideeddabay ayentto eranita.

2 Ta siik’atoo, ha"i nuuni S’oossaa naanatuwaa; nuuni ayaa hananentto biro erettibeenna; shin Kiristtoosi k’onc’c’iyaa wode, nuuni Aa malatanawaa ereetto. Ayaw gooppe, I tumu Aa gidiyaawaa nuuni kumentsan be’ana.

21 Kiristtoosi ubbabaa bareppe garssan wotsanaw danddayiyaa bare wolk’k’an, nu daaburanchcha asatetsaa laammiide, bare bonchcho asatetsaa malatissiide ootsana.

51,52 Sisite! Taani hinttenttoo ittibaa s’uuray. Nuuni ubbay hayk’k’okko. Shin wurssetsaa s’urumbbay punettiyaa wode, lip’eedda ayfii s’eellanaw wozanaa aatsenan laamettana. Ayaw gooppe, s’urumbbay punettiyaa wode, hayk’k’eedda Asay wook’k’enna asaa gidiide denddana; nuunikka laamettana.✝

8 Simmi hintte, hinttenttu nagaraappe simmeeddawaa erissiyaa oosuwaa, ootsite.

3 Taani yaagay, hawaadan gidenna; yewuwaan k’ay hintte nagaraa paas’iide nagaraappe simmennaan is’s’ooppe, hinttenttu ubbatuukka hewaadan hayk’k’iita.

19,20 Simmi S’oossay hinttenttu nagaraa maaranaadan, Godaa matappe ayaanaa minotetsaa wodii hinttenttoo yaanaadaaninne S’oossay Yesuusi Kiristtoosa kase hinttenttoo odettowaadan yeddanaadan, hinttenttu nagaraa paas’iide S’oossaakko simmite.

Ubbabawukka Wodii De’ee

1 Ubbabaw wodii de’ee;

saluwaappe garssa baggana oosettiyaabaw ubbaw,

Aa laytsay laytsay de’ee.

4 Itti yeletay aad’d’iyaa wode, hara yeletay sa’aa oyk’k’ee. Shin ha biittay med’inawukka laamettennan de’ee. 5 Away doleenne wullee; k’ay laa"entsuwaakka dolanaw yaa doliyaa sa’aakko elleellee. 6 C’arkkuu itti gede gedissa itti gede huup’issa c’arkkee; k’ay yuuyyi yuuyyi aad’d’iide, simerettiide yee. 7 Goggiyaa haatsay ubbay abban gelee; shin abbay kumi erenna. He haatsay k’aykka simmiide gogganaw, guyye bare pulttiyaa sa’aa bee.

9 Kase haneeddawe sintsanawukka simmiide I hanana; k’ay ha"i haniidde de’iyaabaykka kase haneeddawaa. Hewaa diraw, saluwaa gufantsan ooratsabaa giyaawe ayaynne baawa. 10 Ooninne, «Be’ite! Hawe ooratsabaa» gooppe, hewe ooratsa gidenna; hewe nuuni yelettanaappe kase baggan haneeddawaa.

19 Be’ite, ha"i taani ooratsabaa ootsay; ikka ha"i mokkee. Hintte hewaa erikkiteeyye? Taani bazzuwaan ogiyaa, mela biittankka shaafatuwaa kessana.

3 Wodiyaa wurssetsaan, asaa toochchiyaa barenttu amuwaadan de’iyaawanttu asaa toochchiidde denddanawaa ubbaappe kasetiide erite. 4 Unttunttu, «I ‹Yaana› yaageedda. Gibeennee? Yaatina hak’an de’ii? Ayaw gooppe, nu aawotuu hayk’k’i diggeeddino; shin ubbabaykka sa’ay med’ettoodeppe doommiide de’iyaawaadankka de’ee» yaagana. 5 Daro wodiyaappe kase S’oossay haasayina, saluunne sa’ay med’etteeddawaa eriide, unttunttu akeekenaan is’s’eeddino. Sa’ay haatsaappenne haatsaan med’etteedda.✝ 6 K’ay hewaa gaasuwaan, he wode de’iyaa sa’ay he haatsaan mitetti d’ayeedda.✝ 7 Shin ha"i de’iyaa saluunne sa’ay, S’oossaw goyinnenna asatuu pirddettiyaa gallassaynne d’ayiyaa gallassay gakkanaw takkiide, he k’aalaan tamaa naagiino.