Mudança
A mudança é constante na vida, mas Deus é imutável. A Bíblia nos ensina a abraçar a transformação espiritual enquanto confiamos no Deus que é o mesmo ontem, hoje e sempre.
Deus é imutável
Jesus Cristo é o mesmo ontem, hoje e para sempre. Deus não muda — Ele é a rocha firme em meio às mudanças constantes da vida.
ଜିସୁ କ୍ରିସ୍ଟନ୍ ରୁବନ୍, ଲଙେ ଆରି ପୁର୍ବାଃତେ ନିୟ୍ ଆଏଡ଼ର୍ ଆବସରିନ୍ ଡକୋତନ୍ ।
ଅଡ଼୍କୋ ମନଙ୍ ତନିୟ୍ତିୟନ୍ ଡ ଅଡ଼୍କୋନ୍ ସିଲଡ୍ ମନଙ୍ ତନିୟ୍ତିୟନ୍ ରୁଆଙ୍ଲୋଙନ୍ ଆଡ୍ରକୋତନ୍ ଆପେୟ୍ଲେନ୍ ଆମଙ୍ ସିଲଡ୍ ଅଡ଼ୋତାୟ୍, ଆନିନ୍ ଅଡ଼୍କୋ ସନାଆରଞ୍ଜି ଆ ଗନବ୍ଡେଲ୍ମର୍, ଆନିନ୍ ଆଙ୍ଗିୟ୍ ଅଃବ୍ବାର୍ନେ କି ଆଙ୍ଗିୟ୍ ଉମ୍ମୁଲନ୍ ଅନ୍ତମ୍ ଅଃଡ୍ଡେଏ ।
ରୁଆଙନ୍ ଡ ପୁର୍ତିନ୍ ଆଡ଼ତେ ବନ୍ଡ ବର୍ନେଞେନ୍ ଆଙ୍ଗିୟ୍ ଅଃନ୍ନାଡ଼ଏ ।"
Transformação em Cristo
Se alguém está em Cristo, é nova criação. Somos transformados de glória em glória à imagem do Senhor pelo poder do Espírito.
ତିଆସନ୍ ଆନ୍ନିଙ୍ କ୍ରିସ୍ଟନ୍ ଆମଙ୍ ଡକୋଲନ୍ ଡେନ୍, ଆନିନ୍ ରଙ୍ ଗଡେଲେନ୍, ପାପୁରନ୍ଆତେଜି ଅଡ଼୍କୋନ୍ ସଲନେ, ଗିୟ୍ବା, ରଙ୍ଆତେ ଅଡ଼ୋଲାୟ୍ ।
ଇନ୍ଲେଞ୍ଜି ଅଡ଼୍କୋନ୍ଲେନ୍ ଆୟୁମ୍ୟୁମ୍ତଡନ୍ ଆ ଡନପଡ଼ାଲୋଙ୍ ଆଗ୍ରିୟ୍ତବନ୍ ଅନ୍ତମ୍ ପ୍ରବୁନ୍ ଆ ମୁକ୍କା ଗିୟ୍ଲେ ଗିୟ୍ଲେ ଗନୁଗୁ ପନେମେଙନ୍ ଆରି ଗୋଗୋୟ୍ ଗନୁଗୁ ପନେମେଙନ୍ ଞାଙ୍ଲେ ଆନିନ୍ ଅନ୍ତମ୍ ଡେଡେଲଙ୍ତନ୍; ଇନିଆସନ୍ଗାମେଣ୍ଡେନ୍ ପ୍ରବୁନ୍ ଆ ପୁରାଡ଼ା ଆମଙ୍ ସିଲଡ୍ କେନ୍ ଅଡ଼୍କୋନ୍ ଗଡେଲ୍ତେ ।
କେନ୍ ପୁର୍ତିନ୍ ଏଙ୍ଗାଲେ ଞଣ୍ଡ୍ରମ୍ତନ୍, ଏତ୍ତେଲେ ଆମ୍ୱେଞ୍ଜି ଏଞଣ୍ଡ୍ରମ୍ଡଙ୍ନେ, ଇସ୍ୱରନ୍ ଅନିଃୟମ୍ବେଞ୍ଜି ରଙ୍ ଏମ୍ମେଏତୋ ଆରି ମନ୍ନବେନ୍ ମେଡ୍ରନ୍ ଆନ୍ନାଏତୋ । ଏତ୍ତେଲ୍ଡେନ୍ ଇସ୍ୱରନ୍ ଆନିଃୟମ୍ ଇନି ଆଗନିୟ୍ଗିୟ୍ଲୋଙନ୍ ଇନିଜି ମନଙ୍ଡମ୍, ମନଅଁୟ୍ଡମ୍ ଆରି ଆଜାଡ଼ିନ୍ ତିଆତେ ଜନାଲେ ଏରପ୍ତିତେ ।
ଏ ଡନୁଙ୍ୟମ୍ଡମ୍ ମନ୍ରାଞେଞ୍ଜି, ନମି ଇନ୍ଲେଞ୍ଜି ଇସ୍ୱରନ୍ ଆଅନ୍ଜି ଡେଡେଲଙ୍ଲନ୍, ଆରି ତିକ୍କି ଇନ୍ଲେଞ୍ଜି ଇନି ଡେଡେଲଙ୍ତନ୍, ତିଆତେ ଅଣ୍ଡ୍ରଙ୍ ଜନାଲଙ୍ନେ । ଆଙ୍ଗା ଡିନ୍ନା କ୍ରିସ୍ଟନ୍ ଗିୟ୍ତାତେ, ତି ଆ ଡିନ୍ନା ଇନ୍ଲେଞ୍ଜି ଆନିନ୍ ଅନ୍ତମ୍ ଡେଡେଲଙ୍ତନ୍, ଇନିଆସନ୍ଗାମେଣ୍ଡେନ୍ ଆନିନ୍ ଏଙ୍ଗାଗୋ ଇନ୍ଲେଞ୍ଜି ନିୟ୍ ଏତ୍ତେଲେ ଆନିନ୍ଆଡଙ୍ ଇୟ୍ତେ ଗିୟ୍ବୋ, ଆଡିୟ୍ତେନ୍ ତୁମ୍ ଇନ୍ଲେନ୍ ଜନା ।
ଆନିନ୍ ଆ କାବ୍ବାଡ଼ାନ୍ ଆ ବୋର୍ସା ବାତ୍ତେ ଅଡ଼୍କୋନ୍ ଆ ବର୍ନେଜି ଅବ୍ଡର୍ନେଲେ ଡକ୍କୋଲେ ରପ୍ତିତେ, ତିଆତେ ବୟନ୍ ଡଅଙ୍ଲେଞ୍ଜି ତାଣ୍ଡାଲେ ଗନୁଗୁ ପନେମେଙନ୍ ଆ ଡଅଙ୍ ଅମ୍ମେଲଙ୍ତନ୍ ।
ଅମ୍ଡଙ୍ବା, ଞେନ୍ ଆମ୍ୱେଞ୍ଜିଆଡଙ୍ ଅବୟ୍ ଜରୁଡମନ୍ ଆ ବର୍ନେ ବର୍ତବେନ୍, ଇନ୍ଲେଞ୍ଜି ଅଡ଼୍କୋନ୍ଲେନ୍ ଅଃର୍ରବୁଲଙ୍ନେ, ବନ୍ଡ ଆତନିକ୍କି ପନେଡନ୍ ଆସ୍ରଡ୍ଡାତେନ୍ ଆଡିଡ୍, ଆବସାଣ୍ଡନ୍, ଆବରିୟାବ୍ମଡନ୍ ଅଡ଼୍କୋନ୍ଲେନ୍ ଆନ୍ନା ଡଅଙ୍ ଡେଡେଲଙ୍ତନ୍; ତିଆଡିଡ୍ ଆରବୁମରଞ୍ଜି ୟର୍ମେଙ୍ଲେ ଡୋତଞ୍ଜି, ଆରି ଇନ୍ଲେଞ୍ଜି ଅଡ଼୍କୋନ୍ଲେନ୍ ଆନ୍ନା ଡଅଙ୍ ଡେଡେଲଙ୍ତନ୍ ।
Arrependimento como mudança
Arrependei-vos, pois, e convertei-vos. O arrependimento é a mudança mais radical — da morte para a vida, do pecado para a graça.
ତିଆସନ୍ ଆବ୍ୟର୍ବୁଡ୍ଡିଜନ୍ ଅବ୍ଜଅନାବା ।
ଇଜ୍ଜା, ଏତ୍ତେଲେ ତଡ୍, ଞେନ୍ ଆମ୍ୱେଞ୍ଜିଆଡଙ୍ ବର୍ତବେନ୍, ଇର୍ସେନ୍ ସିଲଡ୍ ଏନ୍ନାବ୍ୟର୍ବୁଡ୍ଡିଲନ୍ ଡେନ୍ ଆମ୍ୱେଞ୍ଜି ଅଡ଼୍କୋନ୍ ତିଆନିଞ୍ଜି ଅନ୍ତମ୍ ସେଏଡାୟ୍ତବେନ୍ ।
ତିଆସନ୍, ଆବ୍ୟର୍ବୁଡ୍ଡିଲନ୍ ୟର୍ନାୟ୍ବା, ଏତ୍ତେଲ୍ଡେନ୍ ଆନିନ୍ ଇର୍ସେବେନ୍ କେମାତେ ।
Tempos e ciclos
Para tudo há uma estação e um tempo para cada propósito debaixo do céu. Deus faz novas todas as coisas no tempo certo.
ଅଡ଼୍କୋନ୍ ଆସନ୍ ଡିନ୍ନାନ୍ ଆଗନବ୍ରି, ଆରି ରୁଆଙନ୍ ଆଜାୟ୍ତା ଅଡ଼୍କୋନ୍ ଆକାବ୍ବାଡ଼ା ଡକୋ ।
ଅର୍ସଣ୍ତୋଙ୍କୋଡଞ୍ଜି ଜିର୍ତେ ଆରି ଆନ୍ନା ଅର୍ସଣ୍ତୋଙ୍କୋଡଞ୍ଜି ଜିର୍ତାୟ୍; ବନ୍ଡ ପୁର୍ତିନ୍ ଆଏଡ଼ଅର୍ ଡକୋତେ । ଆରି ଓୟୋଙନ୍ ଡୁଙ୍ତନାୟ୍ ଆରି ଓୟୋଙନ୍ ବୁବ୍ୟୋଙ୍ତେ, ବନ୍ଡ ଅଙ୍ଗାଗଡ୍ ଡୁଙ୍ୟୋଙ୍ତେ ତିଗଡ୍ ମା ଆରି ଲଜିର୍ ୟର୍ତନେ । ରିଙ୍ଗେନ୍ ଅର୍ଜଡ଼ୋମ୍ସିଗଡ୍ ଜିର୍ତେ ଆରି ଅର୍କାବଡ଼ିଗଡ୍ ୟର୍ତନାୟ୍; ତିଆତେ ଆଏଡ଼ର ପୁବ୍ୟୁର୍ତନେ ଆରି ତେତ୍ତେ ମା ୟର୍ତନାୟ୍ । ଅଡ଼୍କୋନ୍ ଆଲଡା ସମେଁୟ୍ଣ୍ତ୍ରାବାନ୍ ପେଲେ ଜିର୍ତଜି, ଡେଲୋଜନଙ୍ଡେନ୍ ସମେଁୟ୍ଣ୍ଡ୍ରାନ୍ ଅବରିଜେ; ଅଲଞ୍ଜି ଅଡ଼୍କୋନ୍ ରମ୍ମଙ୍ ରମ୍ମଙ୍ ଆପନ୍ନେ ଡରକୋନେଗଡ୍ ଆରି ୟର୍ତନାୟ୍ଜି ।
ଆରି ଅଙ୍ଗାଆତେ ଡେଏନ୍ ତିମା ଆତେ ଡେତେ; ଅଙ୍ଗା ଆକାବ୍ବାଡ଼ା ଲନୁମନ୍ ଡେଏନ୍, ତିମା ଆକାବ୍ବାଡ଼ା ଆରିବତର ଲନୁମନ୍ ଡେତେ, ଆରି ଓୟୋଙନ୍ ଆଜାୟ୍ତା ଇନ୍ନିଙ୍ ରଙ୍ ଆବିସୟ୍ ତଡ୍ । ଅଙ୍ଗା ଆବିସୟ୍ ମନ୍ରାଞ୍ଜି ବର୍ତଞ୍ଜି, ଗିୟ୍ବା, କେନ୍ଆତେ ରଙ୍ ଗନଡେଲ୍, କେନ୍ଆତେ ଅନ୍ତମ୍ ଇନ୍ନିଙ୍ ଆବିସୟ୍ ଡକୋପଙ୍ ? ତିଆତେ ତ ପୁର୍ବାନ୍ ଆଡିଡ୍ ମା ଡକୋଏନ୍ ।
ଗିୟ୍ବା ଞେନ୍ ଅବୟ୍ ରଙ୍ ବନାଁୟ୍ବରନ୍ କାବ୍ବାଡ଼ାନ୍ ଏଲୁମ୍ବା; ତିଆତେ ନମି ପଡ଼ାବ୍ତାୟ୍; ଆମ୍ୱେଞ୍ଜି ତି ଆତେ ଏଜନାଏ ପଙ୍ ? ରିଜାଲରେଙନ୍ ତଙରନ୍ ତୁବ୍ତାୟ୍ ଆରି ଆରିଙ୍ରିଙ୍ଲଅ ଲୋଙନ୍ ସିଲଡ୍ ଡାଆନ୍ ଅମ୍ଡୁଙ୍ତାଙ୍ ।
ଆମ୍ମୁଙ୍ କେନ୍ଆତେ ଜନାବେନ୍ତୋ, କେନ୍ ଅନଞିଡ୍ ଡିନ୍ନା ଇଙନ୍ ପରାନ୍ସାତ୍ତିନ୍ ଆ କାବ୍ବାଡ଼ାଜି ଆର୍ଲୁମ୍ତେଞ୍ଜି ଆ ମନ୍ରାଜି ଡୁଙ୍ତନାଜି କି ସୟ୍ସୟ୍ମୁଲେ ବର୍ତଞ୍ଜି, ଆନିଞ୍ଜି ଗାମ୍ତଜି, "ଜିସୁନ୍ ଜିର୍ତାୟ୍ ଗାମ୍ଲେ ବାସାଲନ୍ ଅଃବ୍ବର୍ରନ୍ ପଙ୍ ? ନମି ଆନିନ୍ ଅଡ଼େଙ୍ଗା ? ଇନିଆସନ୍ଗାମେଣ୍ଡେନ୍ ପୁର୍ବା ଜୋଜୋଲେଞ୍ଜି ରବୁଏଞ୍ଜିନି, ବନ୍ଡ ଆମ୍ମୁଙ୍ ଗନଡେଲନ୍ ଆଡ୍ରେଏନ୍ ଆଡିଡ୍ ଅଡ଼୍କୋନ୍ ଏଙ୍ଗାଲେ ଡକୋଏନ୍ ନମିନ୍ତାନ୍ ଅଡ଼୍କୋନ୍ ଏତ୍ତେଗୋମା ଡକୋ ।" ଆନିଞ୍ଜି ଜନାନ୍ ଜନାନ୍ କେନ୍ଆତେ କରୋଡାତଜି, ପୁର୍ବାନ୍ ଆ ଡିନ୍ନା ଇସ୍ୱରନ୍ ଆ ବର୍ନେ ବାତ୍ତେ ରୁଆଙନ୍ ଡ ପୁର୍ତିନ୍ ଗଡେଲେନ୍, ପୁର୍ତିନ୍ ଡାଆନ୍ ସିଲଡ୍ ଗଡେଲେନ୍ ଆରି ତିଆତେ ଡାଆନ୍ ବାତ୍ତେ ଡକୋଲନ୍ । ଆରି ତି ଆମ୍ମୁଙ୍ ଆ ପୁର୍ତି ଡାଆନ୍ ବାତ୍ତେ ବୁବ୍ଡାଏନ୍ କି ଗୁରୁଡ୍ଡେଏନ୍ । ବନ୍ଡ କେନ୍ ନମି ଆ ରୁଆଙ୍ ଡ ପୁର୍ତିନ୍, ଇସ୍ୱରନ୍ ଆ ବର୍ନେ ବାତ୍ତେ ତଗୋନ୍ ବୟନ୍ ଜୋମ୍ତୋଡ୍ଲେ ଗୁରୁଡ୍ଡେତେ; ଅଙ୍ଗା ଡିନ୍ନା ଏର୍ଡରମ୍ମମରଞ୍ଜି ବିସାରଡାଲେ ସେଏଡ୍ତଜି, ତି ଆ ଡିନ୍ନା ଜାୟ୍ ତିଆତେ ଜୁବାୟ୍ଲେ ଡନକ୍କୋନ୍ ଡେତେ ।