Mudança

8 यीसू मसीह ह कल, आज अऊ सदाकाल बर उसनेच ए।

दसमांस ला रोके के दुवारा करार ला टोरई

6 सर्वसक्तिमान यहोवा ह कहिथे, "में यहोवा ह नइं बदलंव। एकरसेति, हे याकूब के संतानमन, तुमन नास नइं होय हवव।

17 काबरकि हर एक बने अऊ उत्तम बरदान स्वरग ले आथे अऊ परमेसर ददा, जऊन ह अंजोर ला बनाईस, ओकर कोति ले, ये बरदान ह मिलथे, अऊ ओह बदलत छइहां सहीं नइं बदलय।

31 अकास अऊ धरती ह टर जाही, पर मोर बचन ह कभू नइं टरय।

17 यदि कोनो मनखे मसीह म हवय, त ओह एक नवां सिरिस्टी ए। पुराना बात खतम हो गीस, अऊ जम्मो बात ह नवां हो गे हवय।

18 अऊ हमर चेहरा ले परदा हट गे हवय अऊ हमन जम्मो परभू के महिमा ला परगट करथन, अऊ बढ़त महिमा के संग हमन ओकर रूप म बदलत जावत हन, अऊ ये बढ़त महिमा ह परभू करा ले आथे, जऊन ह आतमा ए।

2 तुमन ये संसार के मनखेमन सहीं झन बनव, पर तुमन के मन ह नवां हो जाय के कारन, तुम्हर चालचलन घलो बदल जावय। तब तुमन परमेसर के ओ ईछा ला परखके जान सकहू जऊन ह बने, मनभावन अऊ सिद्ध अय।

2 हे मयारू संगवारीमन हो, अब हमन परमेसर के संतान अन अऊ अभी तक ले, ये पता नइं चले हवय कि हमन का बनबो। पर हमन ये जानथन कि जब मसीह ह परगट होही, त हमन घलो ओकर सहीं बन जाबो, काबरकि हमन ओला वइसनेच देखबो, जइसने ओह हवय।

21 जऊन ह सामर्थ के दुवारा हमर नासमान देहें ला बदल दीही अऊ ओमन ओकर महिमामय देहें सहीं हो जाहीं। अऊ येह ओहीच सामर्थ ए, जेकर दुवारा, ओह हर एक चीज ला अपन अधीन कर लेथे।

51 सुनव, मेंह तुमन ला एक भेद के बात बतावत हंव: हमन जम्मो झन नइं मरन, पर हमन जम्मो झन बदल जाबो, 52 अऊ येह एक पल म, पलक झपकत, आखिरी तुरही फूंकते ही हो जाही। काबरकि जब तुरही ह फूंके जाही, त मरे मनखेमन अबिनासी रूप म जी उठहीं अऊ हमन बदल जाबो।

8 अपन काम के दुवारा देखावव कि पाप ले पछतावा करे हवव।

3 नइं! पर मेंह तुमन ला कहत हंव कि यदि तुमन अपन पाप ले पछताप नइं करहू, त तुमन जम्मो झन घलो ओमन सहीं नास होहू।

19 एकरसेति, अब तुमन अपन पापमन ले मन फिरावव अऊ परमेसर करा लहुंटव कि तुम्हर पापमन मिटाय जावंय, अऊ परभू करा ले आनंद मिलय,

हर एक काम बर समय ह तय हे

1 हर एक काम बर एक तय समय हवय,

अऊ धरती म हर काम करे के एक समय होथे:

4 पीढ़ी-पीढ़ी ले मनखेमन आथें अऊ ओमन चले जाथें,

पर धरती ह सदाकाल बर बने रहिथे।

5 सूरज निकलथे अऊ सूरज बुड़थे,

अऊ बिगर देरी करे येह फेर अपन निकले के जगह म वापिस चले जाथे।

6 हवा ह दक्खिन कोति बहथे

अऊ येह उत्तर कोति मुड़थे;

गोल-गोल येह घुमथे,

अऊ येह अपन घेरा म लहुंट आथे।

7 हालाकि जम्मो नदीमन बहके समुंदर म मिल जाथें,

तभो ले समुंदर ह कभू पूरा नइं भरय।

जऊन जगह ले नदीमन निकलके आथें,

ओ जगह ला ओमन फेर लहुंट जाथें।

9 जऊन ह हो चुके हे ओहीच ह फेर होही,

जेला करे जा चुके हवय, ओला फेर करे जाही;

धरती म कुछू घलो नवां नइं ए।

10 का अइसन कुछू हवय, जेकर बारे म कोनो ये कह सकय,

"देखव! येह कुछू नवां ए?"

येह इहां पहिले ले रिहिस, बहुंत पहिले ले;

येह इहां हमर समय के पहिले ले रिहिस।

19 देखव, में एक नवां चीज करत हंव!

येह परगट होवत हे; का तुमन येला नइं समझत हव?

मेंह सुनसान जगह म एक रसता

अऊ निरजल देस म सोतामन ला बनात हंव।

3 सबले पहिली, तुमन ये जरूर समझ लेवव कि आखिरी के दिन म ठट्ठा करइयामन आहीं अऊ ठट्ठा करत अपन खुद के खराप ईछा ला पूरा करहीं। 4 ओमन कहिहीं, "ओह आय के वायदा करे रिहिस, पर का होईस ओकर अवई के? हमर पुरखामन के मरे के समय ले, हर एक चीज ह वइसनेच हवय, जइसने ये संसार के सुरू ले रिहिस।" 5 पर ओमन जानबूझके ये बात ला भुला जाथें कि बहुंत पहिली, परमेसर के बचन के दुवारा अकासमन बनाय गीन अऊ धरती ह पानी म ले अऊ पानी के संग बनाय गीस। 6 पानी के दुवारा ही ओ समय के संसार म भयंकर बाढ़ आईस अऊ ओह नास हो गीस। 7 ओहीच बचन के दुवारा, ये समय के अकासमन अऊ धरती ला आगी म नास करे बर बचाके रखे गे हवय। ओमन नियाय के दिन बर अऊ भक्तिहीन मनखेमन के बिनास बर रखे गे हवंय।