1 జ్ఞానం ఉన్న స్త్రీ తన ఇల్లు కట్టుకుంటుంది,

కాని మూర్ఖురాలు తన స్వహస్తాలతో తన ఇల్లు కూల్చివేస్తుంది.

10 యెహోవాయందు భయం జ్ఞానానికి మూలం,

పవిత్రమైన దేవుని గురించిన తెలివియే మంచి చెడులను గురించి తెలుసుకొనుటకు ఆధారం.

33 యెహోవాయందు భయభక్తులు కలిగి ఉండడం జ్ఞానం నేర్చుకోడానికి సాధనము

ఘనతకు ముందు వినయం ఉంటుంది.

5 మీలో ఎవరికైనా జ్ఞానం కొరతగా ఉంటే దేవున్ని అడగాలి, ఆయన తప్పులను ఎంచకుండా అందరికి ధారాళంగా ఇస్తారు.

11 యెహోవాను, ఆయన బలాన్ని చూడండి;

ఆయన ముఖాన్ని ఎల్లప్పుడు వెదకండి.

10 * వచనాలు ఒక అక్రోస్టిక్ పద్యం, ఇందులోని ప్రతి వచనం హెబ్రీ వర్ణమాలకు చెందిన వరుస అక్షరాలతో మొదలవుతాయి గుణవతియైన భార్య ఎవరు కనుగొనగలరు?

ఆమె ముత్యాల కంటే విలువైనది.

25 బలాన్ని, గౌరవాన్ని ఆమె ధరించి ఉంది;

ఆమె రాబోయే రోజుల గురించి నవ్వగలదు.

26 ఆమె జ్ఞానం కలిగి మాట్లాడుతుంది,

దయగల ఉపదేశం ఆమె నాలుకపై ఉంటుంది.

28 ఆమె పిల్లలు లేచి ఆమెను ధన్యురాలు అని పిలుస్తారు;

ఆమె భర్త కూడా, ఆమెను పొగడ్తారు:

29 "చాలామంది స్త్రీలు గొప్ప పనులు చేస్తారు,

కాని వారందరినీ నీవు మించినదానవు."

30 అందం మోసకరం ఆకర్షణ వ్యర్థం;

యెహోవాయందు భయభక్తులు గల స్త్రీ పొగడబడుతుంది.

4 మంచి భార్య తన భర్తకు కిరీటం వంటిది

కానీ అపకీర్తిగల భార్య వాని యెముకల్లో కుళ్ళువంటిది.

16 దయ మర్యాద కలిగిన స్త్రీ గౌరవాన్ని సంపాదిస్తుంది,

క్రూరులు కేవలం ఐశ్వర్యాన్ని సంపాదిస్తారు.

14 ఇల్లు సంపద పితరులు ఇచ్చిన స్వాస్థ్యం,

వివేకంగల భార్య యెహోవా యొక్క దానము.

3 అదే విధంగా, వృద్ధ స్త్రీలకు, భక్తి జీవితాన్ని కలిగి ఉండి, అపవాదులు వేసేవారిగా లేదా మద్యానికి బానిసలుగా ఉండకుండా, ఏది మంచిదో దానిని బోధించేవారిగా ఉండమని బోధించు. 4 అప్పుడు వారు యవ్వన స్త్రీలకు తమ భర్తలను బిడ్డలను ప్రేమించుమని, 5 స్వీయ నియంత్రణ కలిగి పవిత్రులుగా ఉండమని, తమ గృహాలలో పనులను చేసుకుంటూ దయ కలిగి ఉండమని, తన భర్తలకు విధేయత కలిగి ఉండమని బోధించగలరు, అప్పుడు దేవుని వాక్యాన్ని ఎవరూ దూషించలేరు.

11 అదే విధంగా, సంఘపరిచారకుల భార్యలు కూడా గౌరవించదగినవారిగా ఉండాలి, ద్వేషంతో మాట్లాడేవారిగా కాకుండా కోరికలను అదుపులో ఉంచుకునేవారిగా ప్రతి విషయంలో నమ్మకమైనవారిగా ఉండాలి.

1 "పరలోక రాజ్యం తమ దీపాలను పట్టుకుని పెండ్లికుమారుని ఎదుర్కోడానికి బయలుదేరిన పదిమంది కన్యలను పోలి ఉంది. 2 వీరిలో అయిదుగురు బుద్ధిలేని వారు, అయిదుగురు బుద్ధిగలవారు. 3 బుద్ధిలేని వారు తమ దీపాలను పట్టుకున్నారు కాని తమతో నూనెను తీసుకుపోలేదు. 4 బుద్ధిగలవారు, తమ దీపాలతో పాటు సీసాల్లో నూనె తీసుకెళ్లారు. 5 పెండ్లికుమారుడు రావడానికి ఆలస్యం అయ్యింది, అంతలో వారందరు కునికి నిద్రపోయారు.

6 "అర్థరాత్రి సమయంలో ‘ఇదిగో, పెండ్లికుమారుడు వస్తున్నాడు, ఆయనను ఎదుర్కోడానికి రండి!’ అనే కేక వినపడింది.

7 "అప్పుడు ఆ కన్యలందరు లేచి తమ దీపాలను సరిచేసికొని వెలిగించుకున్నారు. 8 గాని బుద్ధిలేని కన్యలు బుద్ధిగల కన్యలతో, ‘మా దీపాలు ఆరిపోతున్నాయి; మాకు కొంచెం నూనెను ఇవ్వండి’ అని అడిగారు.

9 "అందుకు బుద్ధిగల కన్యలు, ‘లేదు, మాకు మీకు అది సరిపోదు, మీరు అమ్మేవారి దగ్గరకు పోయి కొనుక్కోండి’ అని చెప్పారు.

10 "వారు కొనడానికి వెళ్తున్నప్పుడే, పెండ్లికుమారుడు వచ్చాడు. సిద్ధపడి ఉన్న కన్యలు ఆయనతో కూడ పెండ్లివిందుకు లోపలికి వెళ్లారు. ఆ తర్వాత తలుపు మూయబడింది.

11 "ఆ తర్వాత మిగతావారు వచ్చి, ‘ప్రభువా, ప్రభువా, మాకోసం తలుపు తెరవండి!’ అన్నారు.

12 "కాని అతడు, ‘నేను మీతో నిజం చెప్తున్న, మీరు ఎవరో నాకు తెలియదు’ అని జవాబిచ్చాడు.

13 "కాబట్టి మెలకువగా ఉండండి, ఎందుకంటే ఆ దినం కాని ఆ గంట కాని మీకు తెలియదు" అని చెప్పారు.