A mulher sábia

1 Were’a ga’a 'akala soro’unu, munanga gena-ge mo simomi’i 'ami wala,

mada’a were’a ga’a haga, munanga gena-ge mo maparego 'ami wala masiretene.

10 Silamo’o re mojongo Ma JOU, gena-ge 'akala soro’unu ma mulaingi,

re nana’o Unanga ga’a 'Ofi-'Ofi ma pari cua, gena-ge wo-waro lai ngido.

33 Silamo’o re mojongo Ma JOU, gena-ge ḏuanga i’a 'i doto’o ngana di’a dadi 'akala soro’unu,

re ngowa’a ga’a maholo tamanga 'akala re sinyingara, ḏuanga i’a ngowa’a ya’u silamo’o.

5 Mada’a, na’o 'age matengo taninga sigolona 'ai 'akala soro’unu enanga 'i kuranga mangale ma duhu sa’olo unanga 'o 'ahu na’o 'o sanga dola’aku re bo-baja, unanga gena-ge balasu 'o golo’o ra Ma Jou’ongu Madutu. Ḏua Ma Jou’ongu Madutu ḏuanga i’a 'o pula’a 'akala soro’unu ra guna ḇato Rai 'akala re sinyingara sa-sanangi kama kuḏubungu ua.

Sitoro di’a were’a ga’a pahe

10 Kangela masala wo sanga were’a ga’a pahe!

Munanga 'ami ijana lebe lamo’o reo parmata.

25 'Ami pakeanga gena-ge de-de’e* re mulia,

munanga mo mo mojongo ua 'ami 'ahu toma biono i’a re nyelo’o.

26 Munanga mo kanau rami 'akala soro’unu,

'ami do-doto’o ma demo 'i lolara masala.

28 'Ami ngowa 'olo* 'aḏi silamo’o munanga

re ḏi’i 'ami nau’u 'o sihie munanga:

29 <We-were’a manga repe 'aḏi 'a’a 'ori i’a ma la-la,

mada’a ngana lebe la-la i’a reo ananga mo-moini.>

30 Rupa ga’a 'i rousu gena-ge sakala re jamani gena-ge 'i parasaja,

mada’a were’a ga’a silamo’o re mojongo Ma JOU, ḏuanga i’a mo sanga sitoro.

4 Were’a ga’a pahe gena-ge mo dadi 'ami nau’u 'ai lastari,

mada’a were’a ga’a mo sipula’a mara’a 'ami nau’u ma tero sa’olo si-siḏi toma obongo ma dara

16 We-were’a ga’a mi 'akala re sinyingara 'i la-la, ngowa’a mi silamo’o;

mada’a na-nau’u ga’a kajahatana, unanga gena-ge pa’i 'o lomu harata.

14 Wala re harata gena-ge warisi toma ete re dotumu tala,

mada’a were’a ga’a rami 'akala ma la-la, gena-ge cocatu ra Ma JOU ino.

3 So’o gena ḏi’i, ngana na’u ajele ma ngale we-were’a ga’a raḏi piri’i mangale manga de’oso re ḏegoro balasu 'i patasa sa’olo Ma Jou’ongu Madutu 'ai ngowa-ngowa’a; 'aḏi jajaha demo awa, 'aḏi sikanau ngowa’a lelegu awa re 'aḏi ma’eto-'etolo awa re ananga balasu 'aḏi sidoto’o ngowa’a 'ori i’a ma la-la. 4,5 Na’o manga de’oso re ḏegoro so’o gena-ge, ananga nga’unu sijumu we-were’a rarama sie ma duhu sa’olo 'aḏi dadalara manga nau’u re manga ngowa’a, nga’unu 'aḏi manahana manga nyafusu ma jira, 'aḏi 'ahu 'ofi-'ofi, 'aḏi dadi ngina la-la toma ngitu re ngale, re 'aḏi sijumu 'akala re sinyingara rousu re 'aḏi 'isene manga nau’u. Na’o ya si’a’a so’o gena, matengo i’a mai ua nga’unu 'aḏi sije-jengere Habari Roanga ra Ma Jou’ongu Madutu ino.

11 We-were’a--we-were’a ga’a riono ngowa-ngowa’a toma jama’ata* ananga ḏi’i balasu manga de’oso re ḏegoro lai rousu re awa 'aḏi dowa-dowanga demo. Ananga balasu 'aḏi mete’e awa manga 'akala ma mau mada’a 'aḏi mete’e Ma Jou’ongu Madutu 'ai 'akala ma mau ḇato, re manga 'ahu 'i loasa re banari.

'Ade-'ade mangale mosolese nga nyagi moi

1 "Toma 'orasa gena-ge wakutu Ngoi, Manusia ma Ngowa’a Nau’u, dadunu To sapolo moju, Soroga ma Pareta* ma tero sa’olo 'ade-'ade nena-ne: Geri molo’ara were’a 'ami me-mete’e 'o mosolese nga nyagi moi, matengo re matengo remanga 'oboro, 'aḏi tagi totoma geri molo’ara na-nau’u.✝ 2 Ananga nga mutoara ga’a ngowa’a haga re ananga nga mutoara ḏi’i ga’a ngowa’a pahe. 3 Mosolese ma haga nga mutoara, 'aḏi gasa 'oboro, mada’a ma goroho 'i pai’i ua. 4 Mosolese ma pahe nga mutoara, 'aḏi gasa 'oboro rema ma goroho pai-pai’i. 5 Geri molo’ara na-nau’u 'o sapolo lati, dadi mosolese mo-moini gena-ge 'aḏi kakadungu, kara 'aḏi otu.

6 'Utu golona i’a, ananga gena-ge 'aḏi 'isene ngowa’a 'aḏi poa’a, ‘Geri molo’ara na-nau’u 'o sapolo. Ino ngene ma’u sanga unanga!’

7 Ḏua mosolese nga nyagi moi gena-ge 'aḏi momi’i, re ya sidodahe manga 'oboro. 8 Mosolese-mosolese haga 'aḏi kanau toma mosolese-mosolese pahe, ‘Ninga goroho pula’a ra ngomi ceka’a i’a, sababu minga 'oboro sa’i ri sengene.’

9 Mosolese-mosolese pahe 'aḏi sangoro, ‘Gena-ge 'i yoḏu’u, sababu awa-awa ngene wo masingadolo ua mo-moini. Tagi ni tibo toma toko.’ 10 Ḏua mosolese ma haga gena-ge, 'aḏi tagi tibo manga goroho. Mada’a wakutu ananga 'aḏi tagi-tagi, geri molo’ara na-nau’u 'o sapolo. Mosolese-mosolese ga’a 'aḏi pahe, 'aḏi ḏu-ḏuanga ḏua, 'aḏi osama mamete’e reo geri molo’ara na-nau’u toma laya ma ngi’i, re ma ngalana ngowa’a ya kuci!

11 Togumu i’a mosolese-mosolese ma haga 'aḏi ngadolo. Ananga 'aḏi kanau, ‘Tuanga, tuanga, na welanga ma ngalana, la ngomi mi osama.’

12 Mada’a geri molo’ara na-nau’u 'o sangoro, ‘Ni ngaku 'Ari demo nena-ne: Ngoi tunu nana’o ngini ua!’ "✝

13 Ḏua Yesus 'a siḏo-ḏogumu 'ai 'ade-'ade so’o ne: "Sababu gena-ge ni ma’istiari, sababu ngini ni waro ua ma wangere bolo ma 'orasa, Ngoi to sapolo."