1 A wijs womman bildith hir hous; and an unwijs womman schal distrie with hondis an hous bildid.

10 The bigynnyng of wisdom is the dreed of the Lord; and prudence is the kunnyng of seyntis.

33 The drede of the Lord is teching of wisdom; and mekenesse goith bifore glorie.

5 And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym.

11 Seke ye the Lord and his vertu; seke ye euere his face.

10 Who schal fynde a stronge womman? the prijs of her is fer, and fro the laste endis.

25 Strengthe and fairnesse is the clothing of hir; and sche schal leiye in the laste dai.26 Sche openyde hir mouth to wisdom; and the lawe of merci is in hir tunge.

28 Hir sones risiden, and prechiden hir moost blessid; hir hosebonde roos, and preiside hir.29 Many douytris gaderiden richessis; thou passidist alle.

30 Fairnesse is disseiuable grace, and veyn; thilke womman, that dredith the Lord, schal be preisid.

4 A diligent womman is a coroun to hir hosebond; and rot is in the boonys of that womman, that doith thingis worthi of confusioun.

16 A graciouse womman schal fynde glorie; and stronge men schulen haue richessis.

14 Housis and richessis ben youun of fadir and modir; but a prudent wijf is youun propirli of the Lord.

3 also olde wymmen in hooli abite, not sclaundereris, not seruynge myche to wyn, wel techynge, that thei teche prudence.4 Moneste thou yonge wymmen, that thei loue here hosebondis, that thei loue her children;5 and that thei be prudent, chast, sobre, hauynge cure of the hous, benygne, suget to her hosebondis, that the word of God be not blasfemyd.

11 Also it bihoueth wymmen to be chast, not bacbitinge, sobre, feithful in alle thingis.

1 Thanne the kyngdoom of heuenes schal be lijk to ten virgyns, whiche token her laumpis, and wenten out ayens the hosebonde and the wijf;2 and fyue of hem weren foolis, and fyue prudent.3 But the fyue foolis token her laumpis, and token not oile with hem;4 but the prudent token oile in her vessels with the laumpis.5 And whilis the hosebonde tariede, alle thei nappiden and slepten.6 But at mydnyyt a cryy was maad, Lo! the spouse cometh, go ye oute to mete with him.7 Thanne alle tho virgyns risen vp, and araieden her laumpis.8 And the foolis seiden to the wise, Yyue ye to vs of youre oile, for oure laumpis ben quenchid.9 The prudent answeriden, and seiden, Lest perauenture it suffice not to vs and to you, go ye rather to men that sellen, and bie to you.10 And while thei wenten for to bie, the spouse cam; and tho that weren redi, entreden with him to the weddyngis; and the yate was schit.11 And at the last the othere virgyns camen, and seiden, Lord, lord, opene to vs.12 And he answeride, and seide, Treuli Y seie to you, Y knowe you not.13 Therfor wake ye, for ye witen not the dai ne the our.