Mulher

27 फेर परमेसवर नै अपणे स्वरूप म्ह माणस ताहीं रच्या, अपणे ए स्वरूप म्ह परमेसवर नै माणस ताहीं बणाया; नर अर नारी के रूप म्ह उसनै माणस की सृष्टि करी।

21 फेर यहोवा परमेसवर नै आदम ताहीं गहरी नींद म्ह गेर दिया, अर जिब वो सो ग्या तो उसनै उसकी एक पसळी लिकाड़कै उसकी जगहां माँस भर दिया। 22 अर यहोवा परमेसवर नै उस पसळी ताहीं जो उसनै आदम म्ह तै काढी थी, नारी बणा दिया; अर उस ताहीं आदम कै धोरै ले आया। 23 फेर आदम नै कह्या, "इब या मेरी हाड्डियाँ म्ह की हाड्डी अर मेरै माँस म्ह का माँस सै; ज्यांतै इसका नाम नारी होवैगा, क्यूँके या नर म्ह तै लिकाड़ी गई सै।"

30 शोभा तो झूठ्ठी अर सुन्दरता बेकार सै,

पर जो बिरबान्‍नी यहोवा का भय मान्‍नै सै, उसकी बड़ाई करी जावैगी।

1 हर बुद्धिमान जनान्‍नी अपणे घर नै बणावै सै,

पर मूर्ख जनान्‍नी उसनै अपणे हाथ तै ढ़ा देवै सै।

4 भली जनान्‍नी अपणे धणी का मुकुट सै,

पर जो बेशर्मी के काम करै सै, मान्‍नो वा उसके हाड्डां कै सड़ण का कारण होवै सै।

16 दया करण आळी जनान्‍नी अपणा मान-सम्मान कदे न्ही खोन्दी,

अर गुसेल लोग धन नै न्ही खोन्दे।

14 घर अर धन पूर्वजां के भाग तै,

पर बुद्धिमान घरआळी यहोवा की ओड़ तै ए मिलै सै।

19 झगड़ालू अर चिढ़ण आळी पत्नी गैल रहण तै,

बियाबान म्ह रहणा आच्छा सै।

11 इस करकै इब, हे मेरी बेट्टी, ना डरै, जो कुछ तू कहवैगी मै तेरे तै करुँगा; क्यूँके मेरे नगर के सारे माणस जाणै सैं कै तू भली जनान्‍नी सै।

यीशु की शिक्षां

1 इसकै बाद यीशु नगर-नगर अर गाम-गाम्मां म्ह प्रचार करदा होया, अर परमेसवर कै राज्य का सुसमाचार सुणादा होया हांडण लाग्या, अर वे बारहा चेल्‍लें उसकै गेल्या थे, 2 अर कुछ बिरबान्‍नी भी थी जो ओपरी आत्मायाँ तै अर बिमारियाँ तै छुटाई गई थी, अर वे ये सै: *मरियम जो मगदलीनी कुह्वावै थी, जिस म्ह तै सात ओपरी आत्मा लिकड़ी थी, 3 अर हेरोदेस राजा के भण्डारी खुजा की घरआळी योअन्‍ना, अर सूंसन्‍नाह, अर घणखरी दुसरी बिरबान्‍नी। ये अपणे धन तै यीशु अर उसके चेल्यां की सेवा-पाणी करै थी।

पत्नियाँ

1,2 हे बिरबानियों, थम भी अपणे धणी कै अधीन रहो, अर जै थारे पिता परमेसवर के वचन पै बिश्वास करण तै मना करै सै, तो जिस तरियां थम उनतै बरताव करो सों, उसकी बजह तै थारे बिना कहे वे बिश्वास करैंगें, वो मसीह पै जिब बिश्वास करैंगें, जिब वो थारा शुद्ध अर भक्तिमय जीवन नै देक्खैंगे।

पति

7 इस्से तरियां ए हे पतियों, थम अपणी पत्नियाँ कै साथ मेळ-मिलाप कै साथ रहों, अर सोच्‍चों के उनकी मदद किस तरियां करी जा सकै सै, थमनै यो बेरा होणा चाहिए के बिरबान्‍नी थारे तै कमजोर सै, इस करकै थमनै उनका आदर करणा चाहिए, क्यूँके थम दोन्‍नु उस वरदान के साझेदार सों, जिसा के परमेसवर नै थारे ताहीं दिया सै, जो के अनन्त जीवन सै, यो इस खात्तर करो ताके जिब थम परमेसवर तै प्रार्थना करो तो वो थारी सुणै।

11 इस्से तरियां तै बिरबानियाँ नै भी गम्भीर होणा चाहिये, दोष लाण आळी ना हों, पर सचेत अर सारी बात्तां म्ह बिश्वास जोग्गी हों।

3 इस ढाळ बूढ़ी बिरबानियाँ का बरताव इसा हो के परमेसवर नै महिमा मिलै, वे लाच्छण लगाण आळी अर पियक्‍कड़ न्ही हो, पर आच्छी बात सिखाण आळी हो। 4 जवान बिरबानियाँ नै तीतुस तै न्ही बल्के बूढ़ी बिरबानियाँ तै निर्देश पाणा चाहिए, ताके वो उन ताहीं सिखा सकै किस तरियां अपणे धणी अर बाळकां तै प्यार करै। 5 अर वे मन पै काब्बू राक्खण आळी, पतिव्रता, घर का कामकाज सम्भाळण आळी, भली अर अपणे-अपणे धणी कै प्रति बिश्वास लायक हो, ताके कोए परमेसवर के वचन की बुराई ना कर सकै।