Mulher

27 तब परमेसर ह मनखे ला अपन खुद के सरूप म बनाईस,

अपन ही सरूप म परमेसर ह ओमन ला बनाईस;

नर अऊ नारी करके ओह ओमन ला बनाईस।

21 एकरसेति यहोवा परमेसर ह आदम ला भारी नींद म डार दीस; अऊ जब ओह सुतत रिहिस, तब परमेसर ह आदम के एक पसली निकालके ओकर जगह म मांस भर दीस। 22 तब यहोवा परमेसर ह आदम ले निकाले ओ पसली* म ले एक माईलोगन बनाईस, अऊ ओला आदम करा ले आईस।

23 तब आदम ह कहिस,

"अब येह मोर हाड़ा म के हाड़ा

अऊ मोर मांस म के मांस अय;

एकरसेति येला ‘नारी’ कहे जाही,

काबरकि येह नर म ले निकाले गे हवय।"

30 आकरसन ह धोखा देवइया ए अऊ सुन्दरता ह गायब हो जाथे;

पर जऊन माईलोगन ह यहोवा के भय मानथे, ओकर परसंसा होथे।

1 बुद्धिमान माईलोगन ह अपन घर ला बनाथे,

पर मुरूख माईलोगन ह अपन खुद के हांथ ले ओला गिरा देथे।

4 बने चालचलनवाली माईलोगन ह अपन घरवाला के मुकुट ए,

पर कलंकित माईलोगन ह अपन घरवाला के सरे हाड़ा सहीं अय।

16 दयालु माईलोगन ह आदरमान पाथे,

पर निरदयी आदमी सिरिप धन कमाथे।

14 घर अऊ संपत्ति दाई-ददा ले उत्तराधिकार म मिलथे,

पर एक बुद्धिमान घरवाली यहोवा करा ले मिलथे।

19 झगरा करइया अऊ चिढ़ देवइया घरवाली के संग रहे के बदले

सुनसान जगह म रहई ह बने ए।

11 एकरसेति अब, हे मोर बेटी, तेंह झन डर। जऊन कुछू तेंह कहिबे, मेंह तोर बर करहूं। मोर नगर के जम्मो मनखेमन ये बात ला जानत हें कि तेंह बने चालचलन के माईलोगन अस।

बीज बोवइया के पटंतर

1 एकर बाद, यीसू ह बारह चेलामन संग सहर-सहर अऊ गांव-गंवई मन म जाके परमेसर के राज के सुघर संदेस के परचार करिस। 2 ओकर बारह चेलामन ओकर संग रिहिन, अऊ कुछू माईलोगनमन घलो जऊन मन ला दुस्ट आतमा अऊ बेमारीमन ले ठीक करे गे रिहिस, ओकर संग रिहिन। ओमन ये रिहिन: मरियम जऊन ला मगदलिनी कहे जावय—जेमा ले सात ठन परेत आतमा निकाले गे रिहिस; 3 हेरोदेस के घर के देखरेख करइया खोजा के घरवाली—योअन्ना, सूसन्ना अऊ बहुंत आने माईलोगनमन। ये माईलोगनमन अपन साधन ले यीसू अऊ ओकर चेलामन के मदद करत रिहिन।

घरवाली अऊ घरवाला,

1 हे घरवालीमन हो, तुमन अपन-अपन घरवाला के अधीन रहव, ताकि कहूं ओमन ले कोनो परमेसर के बचन ऊपर बिसवास नइं करय, त ओमन घरवाली के सुघर बरताव के दुवारा जीते जा सकंय,

7 हे घरवालामन हो, ओही किसम ले अपन-अपन घरवाली के संग रहत समझदार बनव अऊ ओला निरबल संगी जानके अऊ अपन संग ओला जिनगी के अनुग्रह के बरदान के वारिस जानके ओकर आदर करव, ताकि तुम्हर पराथना म कोनो बाधा झन पड़य।

11 ओही किसम ले, डीकनमन के घरवालीमन* ला घलो आदर के लईक होना चाही। ओमन बक-बक करइया झन होवंय, पर संयमी अऊ जम्मो बात म बिसवास के लईक होवंय।

3 इही किसम ले सियानीनमन ला ये सिखोय कर कि अपन चालचलन म पबितर मनखे सहीं रहंय; ओमन निन्दा करइया अऊ पियक्कड़ झन होवंय, पर सही बात के सिखोइया होवंय 4 ताकि ओमन जवान माईलोगनमन ला ये सिखोय सकंय कि ओमन अपन-अपन घरवाला अऊ लइकामन ला मया करंय, 5 अऊ ओमन समझदार, पतिबरता, घर के कामकाज करइया, दयालु अऊ अपन-अपन घरवाला के बस म रहइया होवंय, ताकि परमेसर के बचन के निन्दा झन होवय।