Namoro e sexo

3 మీరు లైంగిక దుర్నీతికి దూరంగా ఉంటూ పరిశుద్ధులుగా ఉండడమే దేవునికి ఇష్టం; 4 మీలో ప్రతివారు మీ సొంత శరీరమనే పాత్రను పరిశుద్ధంగా, ఘనత కలిగినదిగా ఉండేలా దానిపై నియంత్రణ కలిగి జీవించాలి. 5 దేవుని ఎరుగనివారి కామోద్రేకాన్ని కలిగి ఉండవద్దు.

13 "ఆహారం కడుపు కోసం, కడుపు ఆహారం కోసం నియమించబడ్డాయని మీరు చెప్తారు, కానీ దేవుడు రెండింటిని నాశనం చేస్తారు." మీ శరీరాన్ని లైంగిక దుర్నీతి కోసం కాదు గాని ప్రభువు కొరకే, ప్రభువు శరీరం కొరకే.

3 ఆయనలో నిరీక్షణ ఉంచు ప్రతివారు, ఆయన పవిత్రుడై ఉన్నట్లే తనను పవిత్రునిగా చేసుకుంటారు.

1 తమ పాపాలు క్షమించబడినవారు

తమ పాపాలు పరిహరించబడినవారు ధన్యులు.

2 యెహోవాచేత పాపం లేనివారిగా పరిగణించబడినవారు

ఆత్మలో మోసం లేనివారు ధన్యులు.

3 నేను మౌనంగా ఉండి,

రోజంతా మూలుగుతూ ఉన్నందుకు

నా ఎముకలు కృశించాయి.

4 రాత్రింబగళ్ళు మీ చేయి నాపై

భారంగా ఉంది;

వేసవిలో నీరు ఎండిపోయినట్లు

నాలో సారం యింకి పోయింది. సెలా

5 అప్పుడు నేను నా పాపాన్ని మీ దగ్గర ఒప్పుకున్నాను

నా దోషాన్ని నేను దాచుకోలేదు.

"యెహోవా ఎదుట

నా అతిక్రమాలను ఒప్పుకుంటాను" అని ఒప్పుకున్నాను.

అప్పుడు నా అతిక్రమాన్ని

మీరు క్షమించారు. సెలా

6 మీరు దొరికే సమయంలోనే

నమ్మకమైన వారంతా మీకు ప్రార్థించుదురు గాక;

జలప్రవాహాలు ఉప్పొంగినా

వారిని చేరవు.

2 నా దోషాలన్నింటిని కడిగి,

నా పాపము నుండి నన్ను శుభ్రపరచండి.

3 నా అతిక్రమాలు నాకు తెలుసు

నా పాపం ఎల్లప్పుడు నా కళ్లెదుటే ఉంది.

4 కేవలం మీకు, మీకే విరోధంగా నేను పాపం చేశాను,

మీ దృష్టికి చెడు చేశాను;

మీ తీర్పులో మీరు సరిగ్గా ఉంటారు

మీరు తీర్పు తీర్చునప్పుడు న్యాయసమ్మతంగా ఉంటుంది.

7 హిస్సోపుతో నన్ను శుద్ధీకరించండి, నేను శుద్ధునిగా ఉంటాను;

నన్ను కడగండి, నేను హిమము కంటే తెల్లగా ఉంటాను.

8 నన్ను ఆనందాన్ని సంతోషాన్ని విననివ్వండి;

మీరు విరిచిన ఎముకలను సంతోషించనివ్వండి.

9 నా పాపముల నుండి మీ ముఖాన్ని దాచండి

నా దోషమంతటిని తుడిచివేయండి.

10 ఓ దేవా, నాలో శుద్ధహృదయాన్ని సృష్టించండి,

నాలో స్థిరమైన ఆత్మను నూతనంగా పుట్టించండి.

11 మీ సన్నిధిలో నుండి నన్ను త్రోసివేయకండి,

మీ పరిశుద్ధాత్మను నా నుండి తొలగించకండి.

12 మీ రక్షణానందం నాకు తిరిగి చేకూర్చండి,

నన్ను సంరక్షించడానికి నాకు సమ్మతిగల ఆత్మను ఇవ్వండి.