Não desista!

28 Erabeykkii? Sisabeykkii? Med’inaa Goday med’inaa S’oossaa; I biittaa ubbaakka med’d’eeddawaa. I daaburenna; woy wolk’k’ay aw wurenna; ooninne Aa k’ofaa eranaw danddayenna. 29 Daaburanchchaw wolk’k’aa immee; minotetsay bayinnawookka minotetsaa gujjee. 30 Haray atto yalaga naanaykka daaburiino; k’ay wolk’k’aa wuriino. Wodallatuukka ubbaanna daaburiide kunddiino. 31 Shin Med’inaa Godaa ammanettiide naagiyaawanttu, barenttu wolk’k’aa ooratsana. Unttunttu arggantsatuwaadan, k’efiyaan pude kesana; wos’s’iide daaburikkino; hamettiidekka wolk’k’aa wurikkino.

S’oossay Bare Asaa Anjjana

19 Hinttenoo, Yerusaalamen de’iyaa S’iyoone asatoo, hawaappe sintsanaw yeekkikkita; hintte waasuwaan I hinttenttoo tumuwaappe k’arettana; I hintte waasuwaa sisiyaa wode, hinttenttoo zaaruwaa immana.

S’oossay Bare Asaa Ashshana Geedda

1 Shin nenoo Yaak’ooba neena med’eeddawoo, nenoo Israa’eeliyaw, neena giigiseedda Med’inaa Goday hawaadan yaagee; «Taani neena wozeedda diraw yayyoppa. Taani neena ne suntsan s’eesaad; neeni tawaa. 2 Neeni haatsaa gidduwaana pinniyaa wode, taani neenana gidana. Neeni shaafatuwaa gidduwaana pinniyaa wodekka unttunttu neena muukkikkino. Neeni tamaa giddona aad’d’iyaa wode, s’uugettakka; lac’uukka neena meenna. 3 Ayaw gooppe, taani neena Ashshiyaa Israa’eeliyaa Geeshsha, Med’inaa Godaa ne S’oossaa. Taani Gibs’e new wozo ootsaade, Toop’p’iyaanne Saaba ne laamiyaa ootsaade immana.

12 Taani metootiide wooti de’anentto eray; k’ay durettiide de’iyaawekka ayentto eray; hak’an gidinakka awude gidinakka, taani kaluwaanne koshshaa k’ay pac’aanne palahaa tamaaraad. 13 Kiristtoosi taw immeedda wolk’k’an, ubbabaa ootsanaw taani danddayay.

Ammanuwaan De’ussaa

16 Hewaa diraw, nuuni salettokko; nuw haray atto, bolla bagga asatetsay wook’k’inttokka, garssa bagga asatetsay gallassan gallassan ooras’s’ee. 17 Ayaw gooppe, ha"iw waayettiyaa ha guutsa waayyii, ubbaappe loytsi dariyaa med’inaa bonchchuwaa nuw beetissana. 18 Nuuni beettenawaa s’eelleettoppe attin, beettiyaawaa s’eellokko; ayaw gooppe, beettiyaabay ha"issa; shin beettenawe med’inaw de’iyaawaa.

35 Hewaa diraw, wolk’k’aama woytana de’iyaa hinttenttu s’alatetsaa oloppite.

23 Nuw immana geedda S’oossay ammantsiyaa diraw, nuuni demmana giide nashechchaan naagi utteeddawaa loytsi oyk’k’oytte. 24 Ittuu ittuwaanna waan siik’ettanenttonne k’ay lo"o oosuwaa wooti ootsanentto, ittuu ittoo k’oppeetto. 25 Ittuu ittuu shiik’uwaa dooyaa ootsiide shiik’iyaawaadan, nuunikka ittippe shiik’iyaawaa aggokko; shin Godaa gallassay matattiyaawaa hinttenttu be’iyaa diraw, ittuu ittuwaa mentsetseetto.

6 Ammanuu baynnaan ooninne S’oossaa nashechchanaw danddayenna; ayaw gooppe, S’oossaakko yiyaa ooninne S’oossay de’iyaawaanne barena koyyiyaawanttoo woytaa immiyaawaa ammananaw koshshee.

12 Ayaw gooppe, S’oossaa k’aalay med’inaw de’iyaawaannee ootsiyaawaa; laa"u baggana leefetteedda mashshaappekka aad’d’iide kuusee. He k’aalay shemppuunne ayyaanay, kuriinne kolzzii ittippe gakettiyaasaa shaakkana gakkanaw c’addee. K’ay asaa wozanaan de’iyaa koshaanne k’ofaa I shaakkee.

9 Ane lo"o oosuwaa ootsanaw minnoytte. Ayaw gooppe, nuuni min ootsooppe, k’oyc’iyaa wodii sintsappe yaanawaa.

11 Taani ellekka yaana; ooninne ne kalachchaa akkena mala, new de’iyaawaa minisa oyk’k’a.

12 S’oossaw azazettiyaanne Yesuusaw ammanettiyaa geeshshatuu danddayiyaa danddayay hawaana.

Asaa Bolla Gakkiyaa Paac’iyaa

12 Waayiyaan genc’c’iyaa uray anjjetteeddawaa; ayaw gooppe, he waayiyaa s’ooneeddawaappe guyyiyaan, S’oossay barena siik’iyaawanttoo immana geedda de’uwaa kalachchaa* I akkana.

S’oossay Nuunana De’ee

1 S’oossay nuuni naagetti attiyaa saanne nuw wolk’k’aa.

Nuuna metuu gakkiyaa wode,

maaddanaw I ubbaa gede matan de’ee.

22 Ne tookuwaa Med’inaa Godaan wotsa;

I neena zemppissana.

S’oossay awudenne s’illotuu

shabbarettanaadan ootsenna.

9 Med’inaa Goday un"etteeddawanttoo bak’ati attiyaawaa;

meto wodiyaankka geli attiyaa geessuwaa.

10 Ne suntsaa eriyaawanttu neenan ammanettiino;

ayaw gooppe, Med’inaa Godaw, neeni neena koyiyaawantta yegga agga beykka.

5 Yeekkiide zereeddawanttu,

nashshechchan yes’s’iidde c’akkana.

6 Zeretsaa tookkiide, yeekkiidde beeddawanttu,

nashshechchaa yetsaa yes’s’iidde,

mirk’k’iyaa tookkiide simmana.

24 Hinttenoo, Med’inaa Godaan hidootaa ootsiyaawanttoo,

minnitenne wozanaamite.

105 Ne k’aalay ta gediyaw s’omppiyaa,

ta ogiyawukka poo’uwaa.

18 Med’inaa Goday barena s’eesiyaa ubbaw,

tumuwaan barena s’eesiyaa ubbaw matan de’ee.

19 I barew yayyiyaawanttu ubbaw,

amuwaa kuntsee.

K’ay I unttunttu waasuwaa sisiide,

unttuntta ashshee.

33 Hinttenttu Ta giddon de’iidde, saro de’ana mala, Taani hawaa hinttenttoo odaaddi. Alamiyaan hinttenttu waayettana. Shin minnite; Taani alamiyaa s’oonaad» yaageedda.

66 Hewaa gaasuwaan, Yesuusa kaalliyaawanttuppe c’oratuu Aa aggiide, guyye simmeeddino; laa’entso Aa kaallibeykkino. 67 Yesuusi k’ay tammanne laa"u barena kaalliyaawantta «Hinttekka aggiide baanaw koyyiitee?» yaageedda.

68 Simooni P’es’iroose zaariide, «Godaw, nuuni ookko baanee? New med’inaa de’uwaa k’aalay de’ee. 69 Neeni S’oossaa Geeshsha gidiyaawaa nuuni ammaneettonne ereetto» yaageedda.

18 «Taani hinttentta aawuunne aata baynna yii’o naanaadan hintterekka aggabashikke; Taani simmaade hinttenttukko yaana.

Woossite, Koyyite, Kariyaakko Yiide S’eesite

7 «Woossite; hintte akkana. Koyyite; hintte demmana. Kariyaakko yiide s’eesite; hinttew penggii dooyettana. 8 Ayaw gooppe, woossiyaa ubbay akkana; koyyiyaa uray demmana; k’ay kariyaakko yiide s’eesiyaa uraw penggii dooyettana.

28 «Daaburanchchatoo, dees’uwaa tookkowanttoo ubbatoo, taakko haa yiite; taani hinttentta shemppissana. 29 Taani garanne ta wozanaan ashikke gido diraw, ta morgge mitsaan waas’ettite; taappe tamaarite; hinttenttu sheemppookka hintte shemppuwaa demmana.✝ 30 Ayaw gooppe, ta morgge mitsay giigaa; k’ay taani hinttentta toosseeddawekka kawushsha» yaageedda.

26 Yesuusi unttuntta c’addi s’eelliide, «Hawe asaw danddayettenna; shin S’oossaw ubbabay danddayettee» yaageedda.

37 S’oossaa s’ooniyaa yewuu baawa»✝ yaageedda.

6 K’ay hinttenttu giddon lo"o oosuwaa doommeedda S’oossay, Kiristtoosi Yesuusi simmiyaa gallassay gakkanaw polanawaa eray.

17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda.

Ooratsa Saluwaanne Ooratsa Sa’aa

1 Hewaappe guyyiyaan, taani ooratsa saluwaanne ooratsa sa’aa be’aaddi. Koyro saluunne koyro sa’ay d’ayeedda. Abbaykka d’ayeedda.✝ 2 Geeshsha katamata ooratsa Yerusaalame, bare asinaw mayyaade giigeedda geliyaa wodoro naattiidan, giiga utteeddawunna saluwaappe S’oossaa matappe duge wod’d’ewunno taani be’aaddi.✝

3 Wolk’k’aama kooshshay araataappe hawaadan yaagiidde, haasayishshin, taani sisaad; «S’oossaa gollii asaana de’ee; S’oossay asaana ittippe de’ana. Unttunttu Aa asaa gidana; S’oossay bare huup’ew unttunttunna de’ana. I unttunttu S’oossaa gidana.✝ 4 S’oossay unttunttu ayfiyaa afotsa ubbaa k’uc’c’ana. Hawaappe sintsanaw hayk’uunne kayyuu woy waasuunne sakuu baawa. Ayaw gooppe, ec’abay d’ayeedda» yaageedda.✝

Asoore Bolla Aad’d’eedda Pirdday Israa’eeliyaa Asaw Hidootaa Beetiseedda

7 Med’inaa Goday keeka; metuwaa gallassikka bak’ati attiyaasaa; I barekko bak’ati attanaw koyyiyaawantta eree.

11 Ayaw gooppe, taani hinttew halchchiyaa halchchuwaa taani Med’inaa Goday eray; hewekka, hinttew sintsa hidootaanne nashshechchaa immana mala, saro halchchuwaappe attina, iita halchchuwaa gidenna.

7 Shin hinttenttu minnite; laafoppite! Ayaw gooppe, hinttenttu ootseedda oosoo gatii de’ee» yaageedda.

11 Minniide ootsite; azalloppite; hintte kumentsaa wozanaappe Godaw ootsite.* 12 S’oossay hinttenttoo immana geeddawaan nashettite; waayiyaan genc’c’ite. Ubbaa wode S’oossaa woossite;

12 S’oossay hinttenttoo immana geeddawaan nashettite; waayiyaan genc’c’ite. Ubbaa wode S’oossaa woossite;

19 Taanaadan ammaniyaawanttoo, hintte hintte huup’ew asaw haluwaa kesoppite. S’oossay haluwaa kesanaadan, Aa bolla olite. Ayaw gooppe, S’oossaa Mas’aafay,

«Goday, ‹Taani haluwaa kesana;

taani kushiyaa c’iggana› gee»

yaagee.✝

17 Simmi Asay k’aalaa sisiide ammanee; k’ay itti uray Kiristtoosa k’aalaa, odina sisee.

28 S’oossay barena siik’iyaawanttoo, bare k’ofaadan s’eeseeddawanttoo, ubbaa yewuwaa lo"otetsaw ootsiyaawaa nuuni ereetto.

16,17 S’oossaa Mas’aafaa ubbaan S’oossaa Ayyaanay de’ee. K’ay he mas’aafatuu S’oossaw ootsiyaa Asay kumentsanne lo"o oosuwaa ubbaw giigeeddawaa gidana mala, tumatetsaa tamaarissanaw, balaa seeranaw, bayizzuwaa suurissanawunne s’illotetsaa de’oo zoriyaa immanaw maaddiino.

13 Taani neena tamaarisseedda tumu k’aalaa leemisuwaa uda oyk’k’aade, Kiristtoosi Yesuusan nuw de’iyaa ammanuwaaninne siik’uwaan de’a. 14 Nu giddon de’iyaa Geeshsha Ayaanaa baggana new hadaraa immeedda lo"obaa naaga.

16,17 Nu Godaa Yesuusi Kiristtoosi bare huup’iyaan k’ay S’oossay, nu Aawuu nuuna siik’iide, bare aad’d’o keekatetsan nuw med’inaa danddayaanne lo"o hidootaa immeeddawe, k’ay hinttenttu lo"obaa ubbaa ootsanaadaninne haasayanaadan, hinttenttu wozanaa minisonne mentsetso.

9 Shin nuuni S’oossaw nu nagaraa paas’ooppe, I nu nagaraa atto gaanawunne nu bayizzo oosuwaa ubbaappe nuuna geeshshanaw, ammanettiyaawaanne tumuwaa ootsiyaawaa.

14 S’oossay koyyiyaawaadan, ayinne nuuni Aa woossooppe, I sisiyaawaa nuuni eriyaa diraw, Aa sintsan yayyokko. 15 Nuuni woossiyaa ubbaan I sisiyaawaa erooppe, nuuni Aa woosseeddawaa I zaareeddawaa ereetto.

7 Siik’uu ubbabaa danddayee. Ubbabaykka hananawaa giide, nashechchaan naagee. Ubbabaan genc’c’ee.