Não desista!

28 Da mu nang? Dawor mu rung’ag?

I SOMOL e ir fare Got ni bay i par ndariy n’umngin nap’an;

ir e sunumiy e fayleng ni ga’ngin.

Dar ma yib e magaer ngak ma dar m’ay gelngin.

Dariy be’ ni manang e leam rok.

29 Ma pi’ gelngin e pi’in ndakuriy gelngirad ma ka ra magaergad.

30 Mus ngak e pi’in ni bfel’ yangarrad ni yad ma me’waer i yan;

pi’in ku yad pagel e rayag ni ngar awgad nga but’ ko magaer.

31 Machane pi’in yad be toer ngak SOMOL ni nge ayuwegrad

e bay ra pir’eged nike yib gelngirad bayay.

Bay ra changeggad ngalang ni bod e arche’ ni eagle;

yad ra mil, ma dab ra magaergad;

ma yad ra yan, ma dabi m’ay gelngirad.

Bayi fel’eg Got wa’athan e girdi’ rok

19 Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Got ni micheg nra chuweg e girdi’ rok u pa’ e to’ogor rorad

1 Israel, i SOMOL ni ir e sunumiyem e be ga’ar,

"Dab mu rus, ya bay gu yoror rom.

Kug pining fithingam, ya mmil suwom ngog.

2 Ga ra yan u fithik’ e ran nib to’ar ma gu bay rom;

gafgow ni bay i yib ngom e dabiyag ni nge gel ngom.

Ga ra yan u fithik’ e nifiy ma dab mu gak’;

ma pin’en nib mo’maw’ ni bay i yib ngom e dariy ban’en nra rin’ ngom.

3 Ya Gag e SOMOL ni Got rom,

ni fare Got nib thothup nu Israel ni ir e ma chuwegem u pa’ e to’ogor rom.

Bay gu tay yu Egypt nga luwam ni fan e ngan pagem;

bay gu tay yu Ethiopia nge yu Seba nga luwam.

12 Ya gu manang rogon ni ba’aray ni kan gafgow u ban’en, nge rogon ni ba’aray nike pag urngin ban’en nike yag ngog. Kug nang rogon e ren’ey, ere demturug e gin’en ma demturug e re ngiyal’ i n’en, ma bfel’ u wun’ug ndemturug ko gub fos ara gub yam’ ko bilig, ma demturug ko pire’ ban’en ni bay rog ara rib lich. 13 Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

Ngongol u fithik’ e michan’ ngak Kristus

16 Ireray fan nri der mulan’dad. Yugu ra be wod dowdad i yan, ma lanin’dad e yibe be’echnag u reb e rran ngu reb. 17 Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney. 18 Ya gathi pin’en ni yibe guy nga owchey e ir e ke l’agan’dad ngay, ya pin’en ndanir guy nga owchey. N’en ni yibe guy nga owchey e bayi m’ay; ma n’en ndab ni guy nga owchey e bay i par ndariy n’umngin nap’an.

35 Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

23 Ere ngad chichiiyed pa’dad ko ren’en ni ir e ke l’agan’dad ngay ni ir e gadad be weliy murung’agen, ya ba pagan’dad ngak Got nra rin’ e tin keyog. 24 Ere nge bagadad ma ngi i leamnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin ni bfel’ ngak. 25 Ma ngad guyed rogon ndab da paged e mu’ulung rodad, ni bod rogon ni be rin’ boch e girdi’. Ma nge bagadad me pi’ e athamgil nga laniyan’ bagadad, ngari gel ni fan e gimed be guy ni Chirofen ni bay yib Somol riy e be chugur.

6 Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

12 Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

9 Ere dabi chalbadad i ngongliy e ngongol ni bfel’; ya fa’anra dab da paged gadad, ma bay nap’an ni bayi taw ngay ma gadad t’ar wom’ngin.

11 Dabi n’uw nap’an mu gub. Mu ayuweg e n’en ni bay rom, nge dabi fek be’ puluwom ko gel ni kam tay.

12 Bochan e ren’ey ma aram fan ni nge k’adan’ e girdi’ rok Got, ni pi’in yad be fol ko tin keyog Got ma yad ba yul’yul’ ngak Jesus.

Sikeng nge n’en nma waliy e girdi’ nge denen

12 Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Bay Got rodad

1 I Got e ir e manaf rodad me ir gelngidad,

gubin ngiyal’ nike fal’eg rogon ke par nra yib e oloboch ngodad me ayuwegdad.

22 Mu pi’ e gilab rom ngak SOMOL,

ma bayi n’ufegem;

dariy e ngiyal’ nra pag e pi’in yul’yul’ ngar mo’waergad.

9 SOMOL e manaf rok e pi’in yibe gafgow nagrad,

ni aram gil’ e ayuw ko ngal’an e gafgow.

10 SOMOL, pi’in yad manangem e ra pagan’rad ngom;

cha’ nra yib ngom e ri dab mu n’ag.

5 Mu gagiyegnag e pi’in ni ur wolduggad ma yad be yor

ngar kunuyed wom’ngin e woldug rorad u fithik’ e felfelan’!

6 Pi’in nranod ni kar feked awochngin e woldug ma yad be yor

e bay ra sulod ni yad be tang u fithik’ e felfelan’,

ni kar feked i yib e ggan nike yag riy ngorad!

24 Mu gel niged gimed, me muthan’med,

gimed gubin e pi’in nike lagan’med ngak SOMOL.

Tamilang nma pi’ e Motochiyel rok SOMOL

105 Thin rom e ba magal ni be pow’iyeg,

ma tamilang ko kanawo’ rog.

18 Ma ba chugur ngak urngin e pi’in yad ma non ngak,

ni yad be non ngak u fithik’ e yul’yul’.

19 Pi’in bay madgun u wun’rad e ma pi’ ngorad e tin nge yag ngorad;

ma rung’ag e tin yad ma wenignag ngak me ayuwegrad.

33 Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!"

66 Bochan e re bugithin ney ni yog Jesus, ma aram e bo’or pi gachalpen nra paged nge dakur uned ngak. 67 Ma aram me ga’ar Jesus ngak fa ragag nge l’agruw i gachalpen, "Ma gimed, gimed ba’adag ni ngkum paged gag ngam marod?"

68 Me fulweg Simon Peter ni ga’ar, "Somol, i mini’ e gamad ra yan ngak? Ya gur e bay fapi thin rom ni ir e ma pi’ e yafos ndariy n’umngin nap’an ngak e girdi’. 69 Ma chiney e ke mich u wun’mad ma kug nanged ni gur Fa’anem ni Gab Thothup ni mub rok Got."

18 "Dab gu pagmed ngam pired ni go’ gimed; ya bay kug sul ngomed.

Mu ning, mu Gay, mu tugtuguy

7 "Mu ninged, me yag ngomed; mu gayed mi gimed pir’eg; mu tugtuguyed e mab, min bing e mab ngomed. 8 Ya urngin e pi’in yad ra ning e ra yag ngorad, ma en nra gay e ra pir’eg, ma mab e yira bing ngak e en nra tugtuguy.

28 "Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed. 29 Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan. 30 Ya re mat’ ni gu ra pi’ ngomed e bmom, ma tomalngin e ren’en ni gu ra tay nga pomed e bba’ud."

26 Me changar Jesus ngorad me fulweg ngorad ni ga’ar, "Girdi’ e dabiyag rorad, machane Got e urngin ban’en mrayag rok."

37 Ya dariy ban’en ndabiyag rok Got."

6 Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

17 Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Bin be’ech e tharmiy nge bin be’ech e fayleng

1 Ma aram mu gguy reb e tharmiy nge reb e fayleng nib be’ech. Fa bin som’on e tharmiy nge bin som’on e fayleng e yan ngabang, ma ku errogon e day ni chuw. 2 Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok. 3 Mu gu rung’ag ba lam ni ba ga’ ni be non u tagil’ Got ni be ga’ar, "Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad. 4 Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw."

7 I SOMOL e rib manigil;

ma yoror ko girdi’ rok u ngal’an e gafgow;

ma ayweg e pi’in nra pigichelgad ngar sapgad ngak.

11 Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.

7 Machane thingar mu gel niged lanin’med ma dabi mulan’med. Re maruwel ni bay um rin’ed e bay pulwon."

11 Mmaruwelgad nib gel, ma dab um malmalgad. Mpigpiggad ngak Somol ni gimed ba pasig ngay u lanin’med. 12 Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

12 Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

19 Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, "Be ga’ar Somol, ke milfan ngog, ni gag e bay gu fulweg taban e kireb."

17 Thin rok Got ni yibe machibnag yibe rung’ag e be yagnag e michan’ ngak e girdi’, ma re thin rok Got nem e aram murung’agen Kristus ni yibe machibnag.

28 Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

16 Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got, 17 ya en ni be pigpig ngak Got e nge par nike bung rogon nrayag ni nge rin’ urngin mit e ngongol ni bfel’.

13 Dab mpag fapi thin nib riyul’ ni kug fil ngom, ya ir e ngu’um fol riy, mu um par u fithik’ e michan’ nge t’ufeg nma yag ngodad ko ta’ab girdi’ ni gadad ma tay Kristus Jesus. 14 Fare Kan Nthothup ni be par u fithik’dad e gelngin e ngam ayuweg ngay fa pin’en ni bfel’ ni fa’an kan pag fan ngom.

16 Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an, 17 me ir e nge suguy lanin’med ko athamgil me gel nagmed ngu’um rin’ed ma gimed be yog urngin e tin ni bfel’.

9 Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

14 Aram fan nib pagan’dad u p’eowchen Got; bmuduwgil u wun’dad nra rung’ag e tin ni gadad be yog ni fa’an gadad ra ning ban’en ngak ni ban’en nib m’agan’ ngay. 15 Demturug e ngiyal’ ni gadad ra ning ban’en ngak ma be rung’ag e n’en ni gadad be yog; ere fa’anra gadad manang nib riyul’ e re bugithin ney, me ere ka gadad manang ni gadad ra ning ban’en ngak ma ra pi’ ngodad.

7 Be’ nib t’uf Got rok nge girdi’ e dabiyag ni nge pag ir ndab ki michan’, ma dabki pagan’, ma dabki gumaen’.