10 Ka̱ta̱ vu pana wovon ba,

mi ta̱ koɓolo n avu, ka̱ta̱ kpamu ka̱ɗu ka̱ nu ka̱ muɗa̱ ba, adama a na mpa ɗa Ka̱shile ka̱ nu.

Mi ta̱ a kuzuwa wu vu tsurakpa ka̱ta̱ m ɓa̱nka̱ wu.

Mi ta̱ a̱ kuɗa̱ngusa̱ wu n kukiye ku usuɓi ku usingai ku va̱.

13 Adama a na mpa ɗa Vuzavaguɗu Ka̱shile ka̱ nu,

vuza na u tsu ɓa̱na̱ kukiye ku usingai ku nu,

ɗa n danai nu, ka̱ta̱ vu pana wovon ba,

mi ta̱ a̱ kuɓa̱nka̱ wu.

14 Ka̱ta̱ vu pana wovon ba, avu Yakubu,

Isaraila vu kenu,

adama a na mpa mi ta̱ a̱ kuɓa̱nka̱ wu, Vuzavaguɗu u dansai

Kishi ka̱ ɗa̱ vuza ciɗa vi Isaraila.

9 Avu vu na vu tsu tuka̱ n arabali a singai a Sihiyona,

Ɗa̱nga̱ vu kumba kusan ku ugaɗi,

Avu Sihiyona, avu na vu tsu tuka̱ n kadanshi ka singai.

Ɗengusa̱ ka̱la̱ka̱tsu ka̱ nu n utsura avu Urishelima,

ka̱ta̱ vu pana wovon ba,

dana likuci kakau ya aza a Yahuda,

<<Ka̱shile ka̱ ɗa̱ ka na.>>

9 N dana wu ɗe ba? Tsurakpa ka̱ta̱ vu gbama asuvu. Ka̱ta̱ vu rikpa̱ ko vu pana wovon ba, adama a na Vuzavaguɗu Ka̱shile ka̱ nu ki ta̱ koɓolo n avu a̱ ubuta̱ de dem u na vu banai.>>

6 YaꞋin ka̱ɗu i shamgba n utsura, ka̱ta̱ i pana wovon ko i jeꞋeke ikyamba adama e le ba. Adama a na Vuzavaguɗu Ka̱shile ka̱ ɗa̱ wi ta̱ koɓolo n a̱ɗa̱. A̱yi wi a̱ kuka̱sukpa̱ ɗa̱ ko u varuku ɗa̱ ba.>>

1 Ana nannai u lazai, ɗa kadanshi ka Vuzavaguɗu ka̱ ta̱wa̱i u Iburam tsa alatani, <<Ka̱ta̱ vu pana wovon ba. Mi ta̱ o kokpo ma̱ra̱ga̱ ma̱ nu, adama a na ka̱ta̱ kpamu n yaꞋanka wu katsupu ka̱ gba̱ra̱.>>

16 A kanna ka nanlo i ta̱ a kudana Urushelima,

<<Ka̱ta̱ vu pana wovon ba, avu Sihiyona,

ka̱ta̱ vu ka̱sukpa̱ ekiye a̱ nu a̱ kuwa̱ ba.

17 Vuzavaguɗu Ka̱shile ka̱ nu ki ta̱ e mere ma̱ nu,

kovonshi kaꞋa ka na ka̱ tsu ciya̱ ulyaꞋi.

Wi ta̱ a kuyaꞋan ma̱za̱nga̱ n avu,

wi ta̱ a ku sabaꞋasaka wu n ucigi u ni,

wi ta̱ a kuyaꞋan ma̱za̱nga̱ n avu a̱ ubuta̱ u kuyaꞋan ki ishipa.

16 Ɗa u danai ni, <<Ka̱ta̱ vu pana wovon ba, adama a na aza a na i koɓolo n a̱tsu, a laꞋa ta̱ aza a na i koɓolon n ele.>>

17 Ɗa Ilisha u yaꞋan avasa u Vuzavaguɗu u danai, <<Vuzavaguɗu, mi ta̱ ufolu u nu, ɓa̱yuwa̱ a̱shi a̱ ni adama a na we ene.>> Ɗa Ka̱shile ka̱ ɓa̱yuwa̱i a̱shi a kagbashi a, a na u la̱nuki ɗa we enei nsansa tukpa n odoku n ekeke odoku akina uka̱ra̱Ꞌi n Ilisha.

21 Ka̱ta̱ vu pana wovon ba, avu iɗika,

yaꞋan ma̱za̱nga̱ vu pana uyoꞋo,

adama a na Vuzavaguɗu ɗa u yaꞋin ili i gbayin i nanlo.

7 Ama ɗa Vuzavaguɗu u danai mu,

<<Ka̱ta̱ vu dana,<Mpa maku ma kenu ma ba,> adama a na u yaba dem vu na baci n suki nu, mayun ɗa vu bana,

Kpamu i na baci de dem n danai nu, i ɗaɗa va kudansa.

8 Ka̱ta̱ vu pana wovon u le ba,

adama a na mpa mi ta̱ koɓolo n avu, mi ta̱ kpamu a kisa wu.>> Mpa Vuzavaguɗu, mpa ɗa n dansai.