10 मत डरै, क्यूँके मै तेरै गैल सूं, आस्सै-पास्सै ना देक्खै, क्यूँके मै तेरा परमेसवर सूं; मै तेरे ताहीं मजबूत करुँगा अर तेरी मदद करुँगा, अपणे धर्ममय सोळे हाथ तै मै तेरे ताहीं सम्भाळे रहूँगा।

13 क्यूँके मै तेरा परमेसवर यहोवा, तेरा दाहिना हाथ पकड़कै कहूँगा, "मत डर, मै तेरी मदद करुँगा।"

14 यहोवा न्यू कहवै सै, "हे कीड़े के बराबर याकूब, हे इस्राएल के माणसों, ना डरो! यहोवा की या वाणी सै, मै तेरी मदद करुँगा; इस्राएल का पवित्र परमेसवर तेरा छुड़ाण आळा सै।"

9 हे सिय्योन नै शुभ समाचार सुणाण आळी, ऊँच्‍चे पहाड़ पै चढ़ जा; हे यरुशलेम नै शुभ समाचार सुणाण आळी, घणे ऊँच्‍चे शब्द तै सुणा, ऊँच्‍चे शब्द तै सुणा, ना डरै; यहूदा के नगरां तै कह, "अपणे परमेसवर नै देक्खो!"

9 के मन्‍नै तेरे ताहीं हुकम न्ही दिया? हिम्मत करकै मजबूत हो जा; भय ना खावै, अर तेरा मन कच्‍चा न्ही होवै; क्यूँके जित्त-जित्त तू जावैगा ओड़ै-ओड़ै तेरा परमेसवर यहोवा तेरै गैल रहवैगा।"

6 तू हिम्मत बाँध अर मजबूत हो, उनतै ना डरै अर ना भय मान्‍नै; क्यूँके तेरै गैल चाल्‍लण आळा तेरा परमेसवर यहोवा सै; वो तन्‍नै धोक्खा न्ही देगा अर ना छोड़ैगा।"

1 इन बात्तां कै बाद यहोवा का यो वचन दर्शन म्ह अब्राम कै धोरै पोहच्या "हे अब्राम, मत डर; मै तेरी ढाल अर तेरा घणा बड़ा प्रतिफळ सूं।"

16 उस दिन यरुशलेम शहर तै न्यू कह्या जावैगा, "हे सिय्योन ना डरै, तेरे हाथ ढील्‍ले न्ही पड़ण पावैं। 17 तेरा परमेसवर यहोवा तेरे बीच म्ह सै, वो उद्धार करण म्ह पराक्रमी सै; वो तेरै कारण आनन्द तै मगन होवैगा, वो अपणे प्यार के मारे चुप रहवैगा; फेर ऊँच्‍ची आवाज तै गान्दा होया तेरै कारण मगन होगा।"

16 उसनै कह्या, "मत डर; क्यूँके जो म्हारी और सैं, वो उनतै घणे सैं, जो उनकी और सैं।*" 17 फेर एलीशा नै न्यू प्रार्थना करी, "हे यहोवा, इसकी आँख खोल दे* के यो देख सकै।" फेर यहोवा नै सेवक की आँख खोल दी अर जिब वो देख सक्या, फेर के देख्या, के एलीशा के च्यांरु और का पहाड़ अग्निमय घोड़यां अर रथां तै भरया होया सै।

21 "हे देश, तू ना डरै; तू मगन हो अर आनन्द कर, क्यूँके यहोवा नै बड़े-बड़े काम करे सैं!

7 पर यहोवा नै मेरे ताहीं कह्या, "ना कहवै के मै कम उम्र का सूं; क्यूँके जिस किसे कै धोरै मै तेरे ताहीं भेज्जूँ ओड़ै तू जावैगा, अर जो कुछ मै तेरे ताहीं हुकम देऊँ वोए तू कहवैगा। 8 तू उनतै डरै ना, क्यूँके तन्‍नै छुड़ाण कै खात्तर मै तेरे गैल सूं, यहोवा की योए वाणी सै।"

9 प्रभु नै एक रात दर्शन कै जरिये पौलुस तै कह्या, "मतना डरै, बल्के कहे जा अर बोल-बाल्‍ला मतना रहवै, 10 क्यूँके मै तेरे गैल सूं, अर कोए तेरे पै चढ़ाई करकै तेरा नुकसान कोनी करैगा, क्यूँके इस नगर म्ह मेरे घणे माणस सै।"

6 हे माणस की सन्तान, तू उनतै ना डरिये; चाहे तेरे ताहीं काण्डयाँ, ऊँटकटारयां अर बिच्छुआं कै बीच भी रहणा पड़ै, तोभी उनके वचनां तै ना डरिये; भले ए वे बिद्रोही घरान्‍ने के सैं, तोभी ना तो उनके वचनां तै डरिये, अर ना उनके मुँह देखकै तेरा मन कच्‍चा हो। 7 इसनै चाहे वे सुणै या ना सुणै; फेर भी तू मेरे वचन उनतै कहिये, वे तो बड़े बिद्रोही सैं।"

36 जो बात वे कहरे थे, उस ताहीं यीशु नै बेगौरी करकै, आराधनालय कै सरदार तै कह्या, "मतना डरै, सिर्फ बिश्वास राख।"

10 जो दुख तन्‍नै झेलणे होंगे, उनतै मत घबरा, क्यूँके देक्खो, शैतान अपणे माणसां के जरिये थारे म्ह तै कितन्याँ ताहीं जेळखान्‍ने म्ह गेरैगा, ताके थम परखे जाओ, अर थारे ताहीं दस दिन तक क्ळेश ठाणा पड़ैगा। जान देण तक बिश्वासी रह, तो मै थारी जीत के कारण ईनाम के तौर पै थमनै अनन्त जिन्दगी देऊँगा।

28 जो देह नै घात करै सै, पर आत्मा नै घात न्ही कर सकदे, उनतै ना डरियो, पर उस परमेसवर तै डरो जो आत्मा अर देह दोनुआ नै नरक म्ह गेरकै नाश कर सकै सै।

20 जिब वो इन बात्तां नै सोच्‍चै ए था तो परमेसवर का सुर्गदूत उसनै सपने म्ह आकै कहण लाग्या, "हे यूसुफ! दाऊद के वंशज, तू अपणी घरआळी मरियम नै अपणे उरै ल्याण तै ना डरै, क्यूँके जो उसकी कोख म्ह सै, वो पवित्र आत्मा की ओड़ तै सै।

30 सुर्गदूत नै उसतै कह्या, "हे मरियम, डरै ना, क्यूँके परमेसवर का अनुग्रह तेरे पै होया सै।

8 न्यू देखकै शमौन पतरस यीशु कै पायां म्ह पड़ग्या, अर बोल्या, "हे प्रभु, मेरै धोरै तै जा, क्यूँके मै पापी माणस सूं!"