Não temas
'Não temas' é uma das frases mais repetidas na Bíblia. Deus a pronuncia nos momentos de maior temor, lembrando que sua presença e poder são maiores que qualquer ameaça.
Deus está contigo
Não temas, porque eu sou contigo. Deus repete essa promessa em cada crise, guerra e desafio que seus filhos enfrentam.
Kuvwanda na boma ve,
samu ti mu kele na nge,
kuvwanda na ntalulu ya muntu yina ke na kutekita,
samu ti mu kele Nzambi ya nge,
mu ke syamisa nge,
mu ke kwiza sadisa nge,
ya tsyelika, mu ke simba nge na diboko ya munu ya lubakala yina ke nungisaka.
Samu ti ni munu, Yave, kele Nzambi ya nge,
mu me simba diboko ya nge ya lubakala,
mu me tuba na nge: «Kuvwanda ve na boma,
mu kele awa samu na kusadisa nge.»
Kuvwanda ve na boma, Yakobi, nge yina kele kaka ngambu.
Mu ke na kwiza sadisa nge, bantu ya Isayeli.
Munu kikuudi ya nge, Nzambi ya Longo ya Isayeli.
Ni Yave me tuba yawu.
Yuluka na zulu ya mongo ya yinda,
mbanza Siyone, nge yina ke na kunata nsangu ya mbote,
looka na ndinga ya ngolo,
Yelusalemi, nge yina ke na kunata nsangu ya mbote,
zonza na ngolo, kuvwanda ve na boma,
tuba na bambanza ya Yuda:
«Beno tala, Nzambi ya beno yandi yayi!
Ntumunu mu me pesa nge ni yayi: vwanda na ngolo na kibakala. Kutekita ve, kundima ve ti ba nunga nge, samu ti munu Yave, Nzambi ya nge, mu ke vwanda na nge bisika nyonso yina nge ke kwenda.»
Beno vwanda na ngolo mpe na kibakala. Beno kuvwanda ve na boma. Beno kubika ve ti bawu kutalisa beno boma. Yandi mosi Yave Nzambi ya beno ke tambula na mantwala ya beno. Yandi ke bika beno ve, yandi ke yambula beno ve.»
Na manima, mambu ya Yave kuminaka Abalami na kati ya lumoni. Yave tubaka mutindu yayi: «Abalami! Kuvwanda ve na boma, mu kele kinwanunu yina ke kebaka nge, mpe mu ke pesa nge musendo ya kulutila.»
Coragem diante do perigo
Não tenhas medo — o Senhor teu Deus está no meio de ti, poderoso para salvar. Ele luta por nós e dá forças aos medrosos.
Na kilumbu yina, ba ke tuba na Yelusalemi:
«Kuvwanda na boma ve,
mbanza Syone, kulemba ve!
Yave, Nzambi ya nge kele na nge:
Yandi ke na ngolo mpe yandi ke nungisa nge,
yandi kele ya kufuluka na nsayi samu na nge,
luzolo ya yandi samu na nge ke na kupesa nge luzingu ya malu-malu,
yandi ke na kuyangalala mpe ke na kusala milolo ya nsayi samu na nge,
Elize vutulaka: «Kutala boma ve! Binwani yina kele na beto me lutila mingi na binwani yina kele na bawu.» Elize sambilaka mutindu yayi: «Yave, fungula meso ya kisadi ya munu, samu ti yandi kutala!» Yave fungulaka meso ya kisadi ya Elize mpe yandi talaka na zulu ya mongo bapusu-pusu ya mvita mpe bampunda ya tiya vwandaka ya kuzunga Elize.
Ntoto, kutala boma ve,
yangalala mpe vwanda na kyese,
samu ti Yave me sala mambu ya nene.
Kasi Yave tubaka mutindu yayi:
«Kuzonza ve ti mu ke ntete mwana ya fyoti.
Samu ti nge fwana kukwenda na sika ya bayina nyonso mu ke fidisa nge.
Nge fwana kuzonza mambu nyonso yina mu ke tumisa nge.
Kuvwanda ve na boma ya bawu.
Samu ti mu kele kintwadi na nge samu na kukuula nge.
Ni Yave me tuba yawu.»
Kilumbu mosi na mpimpa, Mfumu Nzambi talanaka na Polo na kati ya lumoni, mpe tubaka: «Kuvwanda na boma ve, kasi tatamana na kuzonza mpe kubika ve. Ya tsyelika, mu kele kintwadi na nge. Ata muntu ke lenda na kukanga nge samu na kutalisa nge mpasi, samu ti mu kele na bantu mingi na kati ya mbanza yayi.»
«Nge Mwana ya Muntu, kuvwanda ve na boma ya bawu. Kuvwanda ve na boma samu na mambu yina bawu ke tuba. Ya tsyelika, bawu ke sala ntembe na mambu yina nge ke zabisa bawu. Bawu ke vwanda mutindu bansende mpe matiti ya bansende samu na nge. Nge ke vwanda mutindu muntu yina ke na kuzinga na kati ya bankala-nseke. Kasi kuvwanda ve na boma na mambu yina bawu ke zonza mpe kukima ve bambunzu ya bawu ya kukangama. Ya tsyelika, bawu kele dikanda mosi yina ke mangaka na kutumama. Bawu kuwa nge to bawu kuwa nge ve, nge ke zabisa bawu mambu yina mu ke zonza na nge. Ya tsyelika, bawu kele dikanda yina ke mangaka na kutumama.
Fé que vence o medo
O medo não vem de Deus. Jesus disse: não temas, crê somente! A fé dissipa o medo e nos conecta ao poder de Deus.
Kasi Yesu talaka yawu mpamba, mpe tubaka na Zayuse: «Kuvwanda na boma ve, kwikila kaka.»
Kuvwanda na boma ve na bampasi yina nge ke tala. Kuwa mbote! Satana ke tonta bantu mingi na kati ya beno na kutula bawu na boloko, mpe beno ke lutisa bilumbu kumi na kati ya bantontolo. Vwanda ya kukwikama tii na lufwa, mpe nge ke kuzwa musendo ya luzingu ya seko.
Beno tala ve boma ya bayina lenda kufwa nzutu ya muntu ata kufwa mwela. Kasi beno vwanda na boma ya Nzambi yina lenda kufwa na mbala mosi nzutu na mwela na kati ya mbungulu.
Ntangu yandi vwandaka banza mambu yina, mbazi mosi ya Mfumu talanaka na yandi na ndosi, mpe tubaka: «Yosefi, mwana ya dikanda ya Davidi, kutala boma ve na kukwela Maliya, samu ti yandi me kuzwa kivumu na lulendo ya Mpeve ya Longo.
Na yina, mbazi zabisaka yandi: «Kuvwanda ve na boma, Maliya, samu ti Nzambi me sakumuna nge.
Ntangu Simoni Pyele talaka mutindu yina, yandi fukamaka na ntwala ya Yesu, mpe tubaka: «Mfumu! Katuka pene-pene ya munu samu ti mu kele musumuki.»