10 Ayaw kahadlok kay ako imong kauban.

Ayaw kabalaka kay ako ang imong Dios.

Lig-onon ug tabangan ka nako.

Panalipdan ka nako pinaagi sa akong gahom

nga mao ang makaluwas kanimo.

13 Kay ako, ang Ginoo nga imong Dios,

nagpalig-on kanimo

ug nag-ingon kanimo nga ayaw kahadlok

kay tabangan ka nako.

14 Bisan ug gamay ka lang ug luya,*

ayaw kahadlok kay ako mismo ang motabang kanimo.

Ako, ang Ginoo, ang nag-ingon niini.

Ako ang imong Manluluwas,

ang balaan nga Dios sa Israel.

9 Kamong mga tigmantala sa maayong balita sa Jerusalem,*

tungas kamo sa tag-as nga bukid,

ug isinggit ninyo sa makusog ang Maayong Balita.

Ayaw kamo kahadlok sa pagsinggit.

Sultihi ninyo ang mga lungsod sa Juda nga ania na

ang ilang Dios.

9 Hinumdomi kining akong gipahimangno kanimo: ‘Lig-ona ang imong kaugalingon ug pagmaisogon. Ayaw kahadlok o kaluya, kay ako, ang Ginoo nga imong Dios, mag-uban kanimo bisan asa ka moadto.’ "

6 Lig-ona ninyo ang inyong kaugalingon ug pagmaisogon. Ayaw kamo kahadlok kanila kay ang Ginoo nga inyong Dios nag-uban kaninyo; dili niya kamo biyaan o pasagdan."

1 Human niadto, nakigsulti ang Ginoo kang Abram pinaagi sa usa ka panan-awon. Miingon siya,

"Abram, ayaw kahadlok tungod

kay panalipdan ka nako

ug hatagan ug dako nga ganti."

16 Niadto unyang adlawa moingon sila sa Jerusalem,

"Ayaw kahadlok Zion,

ayaw tugoti nga magbitay nga piang ang imong kamot.

17 Ang Ginoo nga imong Dios kauban nimo.

Ang Gamhanang Manggugubat nga moluwas.

Siya magbaton ug kalipay diha nimo;

diha sa iyang gugma dili kana niya badlongon

apan maglipay diha kanimo uban sa pag-awit.

16 Mitubag si Eliseo, "Ayaw kahadlok. Mas daghan ang atong mga kauban kaysa kanila."

17 Unya nag-ampo si Eliseo, "Ginoo, ablihi ang iyang mga mata aron makakita siya." Giablihan sa Ginoo ang mga mata sa sulugoon, ug nakita niya ang kabungtoran sa palibot ni Eliseo nga puno sa mga kabayo ug mga karwahi nga kalayo.

21 Dili angayng mahadlok ang yuta sa Juda,

kondili magsadya hinuon kini kay katingalahan ang mga gihimo sa Ginoo.

7 Apan miingon ang Ginoo kanako, "Ayaw pag-ingon nga batan-on ka pa. Kinahanglan nga moadto ka bisan asa ka nako ipadala, ug isulti mo ang bisan unsa nga ipasulti ko kanimo. 8 Ayaw kahadlok sa mga tawo kay kauban mo ako ug tabangan ka nako. Ako, ang Ginoo, ang nag-ingon niini."

9 Usa ka gabii niana, ang Ginoo nagpakita kang Pablo pinaagi sa panan-awon, ug miingon, "Ayawg kahadlok. Padayon sa imong pagwali ug ayaw paghunong, 10 tungod kay kauban mo ako. Daghan ang akong katawhan niining siyudara, busa walay mangahas sa pagpasakit kanimo."

6 Ug ikaw, tawo, ayaw kahadlok kanila. Ayaw kahadlok bisan pa kung ang ilang mga gipanulti sakit sama sa tunok sa mga sampinit o sa pinaakan sa tanga. Ayaw gayod kahadlok kanila ug sa ilang mga ginapanulti bisan sila masinupakon lang nga katawhan. 7 Isulti gayod ang akong mensahe kanila, mamati man kini nga mga masinupakon o dili.

36 Apan wala magtagad si Jesus sa ilang giingon. Miingon siya kang Jairo, "Ayaw kahadlok. Tuo lang."

10 Ayaw kamo kahadlok sa mga umaabot nga alantuson. Timan-i ninyo: ang uban kaninyo ipabilanggo ni Yawa aron sulayan kamo. Mag-antos kamo sulod sa napulo ka adlaw. Apan pagmatinumanon kamo bisan magkahulogan kini sa inyong kamatayon, ug gantihan ko kamog kinabuhi nga walay kataposan.

28 Ayaw kamo kahadlok sa mga tawo nga makapatay sa inyong lawas apan dili makapatay sa inyong kalag. Ang Dios mao ang angay ninyong kahadlokan, tungod kay siya ang makahimo sa paglaglag sa inyong lawas ug kalag didto sa impiyerno.

20 Apan samtang namalandong si Jose niini, mitungha kaniya pinaagi sa damgo ang anghel sa Ginoo ug miingon, "Jose, kaliwat ni David, ayaw kahadlok sa pagpangasawa kang Maria, kay nagmabdos siya pinaagi sa Espiritu Santo.

30 Miingon ang anghel kaniya, "Ayaw kahadlok, Maria kay gipakita sa Dios ang iyang kaayo kanimo.

8 Sa pagkakita niini ni Simon Pedro, miluhod siya sa atubangan ni Jesus ug miingon, "Ginoo, pahilayo kanako tungod kay makasasala ako nga tawo."