10 भिऊ नका, कारण मी तुम्हाबरोबर आहे;

हिंमत खचू देऊ नका, कारण मी तुमचा परमेश्वर आहे.

मी तुम्हाला समर्थ करेन व तुम्हाला मदत करेन;

मी माझ्या नीतिमत्तेच्या उजव्या हाताने तुम्हाला उचलून धरेन.

13 कारण मी याहवेह तुमचा परमेश्वर आहे,

जो तुमचा उजवा हात धरतो

आणि तुम्हाला म्हणतो, भिऊ नको;

मी तुला साहाय्य करेन.

14 हे कीटका याकोबा, भयभीत होऊ नको,

हे लहानग्या इस्राएला, घाबरू नकोस,

कारण मी स्वतः तुम्हाला मदत करेन," असे याहवेह,

तुमचे उद्धारकर्ता, इस्राएलचे पवित्र परमेश्वर घोषित करतात,

9 तुम्ही जे सीयोनसाठी सुवार्ता आणता,

उंच डोंगरावर जा.

यरुशलेममध्ये सुवार्ता आणणारे तुम्ही,

तुमचा आवाज उंचावून आरोळी द्या,

आवाज उंच करा, घाबरू नका;

यहूदीयाच्या नगरांना सांगा,

"तुमचे परमेश्वर येत आहेत!"

9 मी तुला आज्ञापिले नाही का? खंबीर हो आणि धैर्यवान हो. भिऊ नको; निराश होऊ नको, कारण तू जिथे जाशील तिथे याहवेह तुझे परमेश्वर तुझ्याबरोबर असतील."

6 खंबीर व्हा आणि हिंमत धरा. त्यांना भिऊ नका वा घाबरू नका, कारण याहवेह तुमचे परमेश्वर तुमच्याबरोबर जातील; ते तुम्हाला कधीही सोडणार नाही किंवा त्यागणार नाही."

1 या गोष्टीं घडल्यानंतर अब्रामाला दृष्टान्तात याहवेहकडून हा संदेश मिळाला:

"अब्रामा, भिऊ नको;

मीच तुझी ढाल,*

तुझे अत्यंत महान प्रतिफळ आहे."

16 त्या दिवशी

ते यरुशलेमला असे म्हणतील,

"हे सीयोना, भिऊ नकोस,

तुझे बाहू दुर्बल होऊ देऊ नकोस.

17 महाप्रतापी योद्धा जे रक्षणकर्ता आहेत,

ते याहवेह तुझे परमेश्वर तुझ्यासह आहेत.

त्यांना तुझ्यामुळे अत्यंत आनंद होतो;

तुझ्यावरील प्रीतीमुळे ते तुजवर दोषारोपण करणार नाहीत.

त्याऐवजी तुझ्याबद्दल ते गीत गाऊन उल्हास व्यक्त करतील."

16 संदेष्ट्याने उत्तर दिले, "भिऊ नकोस, कारण त्यांच्यासोबत जे आहेत, त्यांच्यापेक्षा जे आपल्यासोबत आहेत ते अधिक आहेत."

17 मग अलीशाने ही प्रार्थना केली, "हे याहवेह, याचे डोळे उघडा, म्हणजे तो पाहू शकेल." तेव्हा याहवेहने त्या सेवकाचे डोळे उघडले, आणि त्याने दृष्टी वर केली आणि पाहिले की, अलीशाच्या सभोवतालचा डोंगर अग्नीचे घोडे आणि रथ यांनी भरलेला आहे.

21 हे यहूदीय देशा, भिऊ नको;

आनंद व उल्हास करा, निश्चितच याहवेहने महान

कार्य केले आहेत!

7 परंतु याहवेह मला म्हणाले, " ‘मी कोवळा तरुण आहे,’ असे म्हणू नकोस. मी तुला जिथे पाठवेन, तिथे तुला जावे लागेल आणि मी जे तुला सांगेन, ते तुला बोलावे लागेल. 8 त्यांना भिऊ नकोस, मी तुला संकटातून सोडविण्यासाठी तुझ्यासह आहे," याहवेह असे जाहीर करीत आहेत.

9 एके रात्री प्रभू पौलाशी दृष्टान्तात बोलला: "भिऊ नकोस; बोलत राहा, गप्प राहू नकोस. 10 मी तुझ्याबरोबर आहे आणि कोणीही तुझ्यावर हल्ला वा तुला इजा करणार नाही, कारण या शहरात माझे अनेक लोक आहेत."

6 आणि हे मानवपुत्रा, त्यांना किंवा त्यांच्या शब्दांना घाबरू नकोस. तुझ्याभोवती झुडपे व काटे असतील आणि तू विंचवांमध्ये राहशील तरी घाबरू नकोस. जरी ते बंडखोर लोक आहेत तरी ते काय बोलतात त्याला तू घाबरू नकोस किंवा त्यांना भयभीत होऊ नकोस. 7 तू माझे शब्द त्यांना सांगितले पाहिजे, मग ते ऐको किंवा न ऐकोत, कारण ते बंडखोर आहेत.

36 त्यांचे बोलणे ऐकून* येशू सभागृहाच्या अधिकार्‍याला म्हणाले, "भिऊ नकोस, फक्त विश्वास ठेव."

10 तुम्हाला जे काही सोसावे लागणार आहे त्याची भीती बाळगू नका. तुमची परीक्षा व्हावी म्हणून सैतान तुमच्यापैकी कित्येकांना तुरुंगात टाकणार आहे आणि दहा दिवस तुम्हाला छळ सहन करावा लागेल. परंतु तुम्ही मरेपर्यंत विश्वासू राहा आणि मी तुम्हाला विजयाचे मुकुट म्हणून जीवन देईन.

28 जे तुमच्या शरीराचा वध करू शकतात, परंतु आत्म्याचा नाश करू शकत नाहीत, अशांना भिऊ नका. तर तुमचा आत्मा आणि शरीर या दोहोंचा नरकामध्ये जे नाश करू शकतात, त्या परमेश्वराचे मात्र भय धरा.

20 परंतु हे त्याने ठरविल्यानंतर, प्रभूचा एक दूत त्याला स्वप्नात प्रकट झाला आणि म्हणाला, "दावीदाच्या पुत्रा योसेफा, आपली पत्नी म्हणून मरीयेला घरी नेण्यास भिऊ नकोस, कारण तिच्या गर्भामध्ये जो आहे तो पवित्र आत्म्याकडून आहे.

30 देवदूत तिला म्हणाला, "मरीये, भिऊ नकोस; कारण परमेश्वराची कृपा तुझ्यावर झाली आहे.

8 शिमोन पेत्राने हे पाहिले, तेव्हा त्याने येशूंच्या पुढे गुडघे टेकले आणि म्हणाला, "प्रभू कृपा करून, माझ्यापासून दूर जा, कारण मी पापी मनुष्य आहे!"