Não temas

10 झन डर, काबरकि में तोर संग हवंव;

भयभीत झन हो, काबरकि में तोर परमेसर अंव।

में तोला मजबूत करहूं अऊ तोर मदद करहूं;

अपन धरमी जेवनी हांथ ले में तोला संभाले रहिहूं।

13 काबरकि में यहोवा तोर परमेसर अंव

जऊन ह तोर जेवनी हांथ ला धरथे

अऊ तोला कहिथे, झन डर;

में तोर सहायता करहूं।

14 हे कीरा सहीं याकूब, झन डर,

हे छोटकन इसरायल, झन डर,

काबरकि में खुद तोर मदद करहूं," यहोवा ह घोसना करत हे,

तोर छुड़इया, इसरायल के पबितर परमेसर।

9 तें, जऊन ह सियोन म सुघर संदेस लाथस,

एक ठन ऊंचहा पहाड़ ऊपर चढ़ जा।

तें, जऊन ह यरूसलेम म सुघर संदेस लाथस,

चिचियाके अपन अवाज ला ऊंचा कर,

अवाज ला ऊंचा कर, झन डर;

यहूदा के नगरमन ले कह,

"इहां तुम्हर परमेसर हवय!"

9 का मेंह तोला हुकूम नइं दे हवंव? मजबूत अऊ साहसी बन। झन डराबे: निरास झन होबे, काबरकि जिहां घलो तेंह जाबे, यहोवा तोर परमेसर ह तोर संग रहिही।"

6 मजबूत अऊ साहसी बनव। ओमन ले झन डरव या भयभीत झन होवव, काबरकि यहोवा तुम्हर परमेसर ह तुम्हर संग जाथे; ओह तुमन ला न तो कभू छोंड़ही अऊ न ही तियागही।"

अब्राम संग यहोवा के करार

1 एकर पाछू, यहोवा के ये बचन दरसन के दुवारा अब्राम करा आईस:

"हे अब्राम, झन डर।

मेंह तोर ढाल

अऊ तोर बड़े ईनाम अंव।*"

16 ओ दिन

ओमन यरूसलेम ले कहिहीं,

"हे सियोन, झन डर;

तोर हांथ ह दुरबल झन होवय।

17 यहोवा, तोर परमेसर ह तोर संग हवय,

ओह बड़े सूरबीर अय, जऊन ह तोला बचाथे।

ओह तोर कारन बहुंत आनंदित होही;

अपन मया म ओह तोला फेर कभू नइं डांटही,

पर तोर कारन ओह गीत गावत आनंदित होही।"

16 अगमजानी ह जबाब दीस, "झन डर, काबरकि जऊन मन हमर तरफ हवंय, ओमन संखिया म ओ बिरोधीमन ले जादा हवंय।"

17 अऊ एलीसा ह ये पराथना करिस, "हे यहोवा, येकर आंखी ला खोल दे कि येह देख सकय।" तब यहोवा ह सेवक के आंखी ला खोल दीस, अऊ जब ओह नजर उठाके देखिस, त एलीसा के चारों कोति पहाड़ी ह आगी के घोड़ा अऊ रथमन ले भर गे रहय।

21 हे यहूदा देस, झन डर;

खुस अऊ आनंदित हो।

सही म यहोवा ह बड़े-बड़े काम करे हवय!

7 पर यहोवा ह मोला कहिस, "झन कह, ‘मेंह उमर म बहुंत छोटे हंव।’ तोला ओ जम्मो झन करा जाना हे, जेमन करा मेंह तोला पठोहूं अऊ जऊन हुकूम मेंह तोला दूहूं, ओला बता। 8 ओमन ले झन डरबे, काबरकि मेंह तोर संग हवंव अऊ मेंह तोला बचाहूं," यहोवा ह ये घोसना करत हे।

9 एक रथिया, परभू ह दरसन म पौलुस ला कहिस, "झन डर, पर कहे जा अऊ चुप झन रह। 10 काबरकि मेंह तोर संग हवंव, अऊ कोनो हमला करके तोर कुछू नइं बिगाड़ सकंय, काबरकि ये सहर म मोर बहुंत मनखे हवंय।"

6 अऊ तें, हे मनखे के बेटा, ओमन ले या ओमन के बात ले झन डरबे। झन डरबे, हालाकि कंटिली झाड़ी अऊ कांटामन तोर चारों कोति हवंय अऊ तेंह बिच्छूमन के बीच म रहिथस। ओमन के बात ले झन डरबे अऊ ओमन ले भयभीत झन होबे, हालाकि ओमन बिदरोही मनखे अंय। 7 तेंह ओमन ला मोर बात ला जरूर बताबे, चाहे ओमन सुनंय या झन सुनंय, काबरकि ओमन बिदरोही मनखे अंय।

36 ओमन के गोठ ला धियान नइं देवत, यीसू ह सभा-घर के अधिकारी ला कहिस, "झन डर, सिरिप बिसवास रख।"

10 तुम्हर ऊपर जऊन दुख-तकलीफ अवइया हवय, ओकर ले झन डरव। मेंह तुमन ला बतावत हंव, सैतान ह तुमन ला परखे बर, तुमन ले कतको झन ला जेल म डारही, अऊ तुमन दस दिन तक दुख भोगहू। मरते दम तक मोर बिसवासी रहव अऊ मेंह तुमन ला जिनगी के मुकुट दूहूं।

28 ओमन ले झन डरव, जऊन मन सरीर ला मार डारथें, पर आतमा ला नइं मार सकंय। पर ओकर ले डरव, जऊन ह आतमा अऊ सरीर दूनों ला नरक म नास कर सकथे।

20 पर ओकर ये बिचार करे के पाछू, परभू के एक स्वरगदूत ह ओला सपना म दिखिस अऊ ओ स्वरगदूत ह ओला कहिस, "हे यूसुफ, दाऊद के संतान, तेंह मरियम ला अपन घरवाली के रूप म घर लाय बर झन डर, काबरकि जऊन ह ओकर गरभ म हवय, ओह पबितर आतमा के तरफ ले अय।

30 पर स्वरगदूत ह ओला कहिस, "हे मरियम, झन डर! काबरकि परमेसर के दया तोर ऊपर होय हवय।

8 जब सिमोन पतरस येला देखिस, त ओह यीसू के गोड़ खाल्हे गिरिस अऊ कहिस, "हे परभू! मोर करा ले चले जा; मेंह एक पापी मनखे अंव।"