Não temas

10 కాబట్టి భయపడకు, నేను నీకు తోడుగా ఉన్నాను;

దిగులుపడకు, నేను నీ దేవుడను.

నేను నిన్ను బలపరచి నీకు సహాయం చేస్తాను;

నీతిగల నా కుడిచేతితో నిన్ను ఆదరిస్తాను.

13 నీ దేవుడనైన యెహోవాను,

నేను నీ కుడిచేతిని పట్టుకుని,

భయపడకు అని

నేను నీకు సహాయం చేస్తానని చెప్తున్నాను.

14 భయపడకు, పురుగులాంటి యాకోబూ!

కొద్ది మందిగా ఉన్న ఇశ్రాయేలూ, భయపడకు.

నేను నీకు సహాయం చేస్తాను" అని నీ విమోచకుడు

ఇశ్రాయేలు పరిశుద్ధ దేవుడైన యెహోవా చెప్తున్నారు.

9 సువార్త ప్రకటిస్తున్న సీయోనూ,

ఎత్తైన పర్వతం ఎక్కు.

సువార్త ప్రకటిస్తున్న యెరూషలేమా,

నీ గొంత్తెత్తి బలంగా

భయపడకుండా ప్రకటించు;

యూదా పట్టణాలకు,

"ఇదిగో మీ దేవుడు" అని చెప్పు.

9 బలంగా ధైర్యంగా ఉండమని నేను నీకు ఆజ్ఞాపించలేదా? భయపడవద్దు; నిరుత్సాహపడవద్దు; ఎందుకంటే నీవు ఎక్కడికి వెళ్లినా నీ దేవుడైన యెహోవా నీతో ఉంటారు."

6 నిబ్బరంగా, ధైర్యంగా ఉండండి. వారికి మీరు భయపడవద్దు దిగులుపడవద్దు, ఎందుకంటే మీ దేవుడైన యెహోవా మీతో వెళ్తారు; ఆయన మిమ్మల్ని ఎన్నడూ వదిలేయరు, మీ చేయి విడువరు."

యెహోవా అబ్రాముతో చేసిన నిబంధన

1 ఈ సంఘటనల తర్వాత దర్శనంలో యెహోవా వాక్కు అబ్రాము వద్దకు వచ్చి:

"అబ్రామూ, భయపడకు,

నేను నీకు డాలును,*

నీ గొప్ప బహుమానాన్ని.*"

16 ఆ రోజున

వారు యెరూషలేముతో,

"సీయోనూ, భయపడకు;

నీ చేతులను బలహీన పడనివ్వవద్దు.

17 నీ దేవుడైన యెహోవా,

రక్షించే పరాక్రమశాలి నీకు తోడుగా ఉన్నారు.

ఆయన నిన్ను చూసి చాలా సంతోషిస్తారు;

ఆయన తన ప్రేమను బట్టి ఆయన ఇకపై నిన్ను గద్దించరు,

పాడుతూ నిన్ను చూసి సంతోషిస్తారు."

16 అందుకు ప్రవక్త, "భయపడకు, మనతో ఉన్నవారు వారికంటే ఎక్కువ మంది" అన్నాడు.

17 అప్పుడు ఎలీషా, "యెహోవా, ఇతడు చూచేటట్టు ఇతడి కళ్లు తెరవండి" అని ప్రార్థన చేశాడు. అప్పుడు యెహోవా ఆ సేవకుని కళ్లు తెరిపించగా ఎలీషా చుట్టూరా కొండ మీదంతా నిప్పులాంటి గుర్రాలు, రథాలు అతనికి కనిపించాయి.

21 యూదా దేశమా, భయపడకు;

సంతోషించు, ఆనందించు.

నిజంగా యెహోవా గొప్పకార్యాలు చేశారు!

7 అయితే యెహోవా నాతో, " ‘నేను చిన్నవాన్ని’ అని నీవు అనవద్దు. నేను నిన్ను ఎవరి దగ్గిరికి పంపితే నీవు వారి దగ్గరికి వెళ్లి నేను ఏది ఆజ్ఞాపించానో అది వారికి చెప్పాలి. 8 నీవు వారికి భయపడవద్దు, నేను నీతో ఉండి నిన్ను విడిపిస్తాను అని యెహోవా చెప్తున్నారు."

9 ఒక రాత్రి దర్శనంలో ప్రభువు పౌలుతో, "భయపడకు; మాట్లాడుతూనే ఉండు, మౌనంగా ఉండకు. 10 ఎందుకంటే నేను నీకు తోడుగా ఉన్నాను, ఎవరు నీ మీద దాడి చేసి నీకు హాని చేయరు, ఈ పట్టణంలో నాకు చెందిన ప్రజలు చాలామంది ఉన్నారు" అని చెప్పారు.

6 మనుష్యకుమారుడా, వారికి, వారి మాటలకు భయపడకు. నీ చుట్టూ ముండ్లపొదలు ముళ్ళు ఉన్నా, తేళ్ల మధ్య నివసిస్తున్నా నీవు భయపడకు. వారు తిరుగుబాటు చేసే ప్రజలు కాబట్టి వారు అన్న వాటికి వారి చూపులకు నీవేమి భయపడకు. 7 వారిది తిరుగుబాటు స్వభావం కాబట్టి వారు విన్నా వినకపోయినా నేను చెప్పిన మాట వారికి తెలియజేయి.

36 యేసు వారు చెప్పిన మాటలను పట్టించుకోకుండా, సమాజమందిరపు అధికారితో, "భయపడకు; నమ్మకం మాత్రం ఉంచు" అని చెప్పారు.

10 నీకు కలుగబోయే కష్టాలను గురించి భయపడవద్దు. నిన్ను శోధించడానికి అపవాది మీలో కొందరిని చెరసాలలో వేస్తాడు, కాబట్టి పది రోజులు హింస పొందుతారు అని తెలియజేస్తున్నాను. అయినా మరణం వరకు నమ్మకంగా ఉండండి. అప్పుడు నేను మీకు జీవాన్ని మీ విజయ కిరీటంగా బహూకరిస్తాను.

28 శరీరాన్ని చంపి ఆత్మను చంపలేనివారికి భయపడకండి. కానీ శరీరాన్ని, ఆత్మను రెండింటిని నరకంలో నాశనం చేయగలవానికి భయపడండి.

20 అతడు ఇలా ఆలోచిస్తూ ఉండగా, కలలో ప్రభువు దూత అతనికి కనపడి, "దావీదు కుమారుడవైన యోసేపూ, మరియను నీ భార్యగా ఇంటికి తీసుకెళ్లడానికి భయపడకు. ఎందుకంటే ఆమె పరిశుద్ధాత్మ మూలంగా గర్భం ధరించింది.

30 అయితే ఆ దూత ఆమెతో, "మరియా, భయపడకు; నీవు దేవుని దయను పొందుకొన్నావు.

8 సీమోను పేతురు జరిగింది చూసి, యేసు మోకాళ్లమీద పడి, "ప్రభువా, నా దగ్గర నుండి వెళ్లిపో; నేను పాపిష్ఠి వాడను!" అన్నాడు.