Nascer de novo
Nascer de novo é a porta de entrada para a vida em Deus. Jesus ensinou que sem o novo nascimento espiritual, ninguém pode ver nem entrar no Reino de Deus.
A necessidade do novo nascimento
Jesus declarou a Nicodemos: 'Aquele que não nascer de novo não pode ver o Reino de Deus.' O novo nascimento é pelo Espírito.
Poni sa oea i Jisu sisa, pira saunia, <<Sosoto pa sosoto ma pojanigo ara sao: kepore sa kai tinoni mina boka batia na binangara tana Tamasa, vei minake podo mule mai tu sisa,>> sau.
Poni sa oea i Jisu sisa, pira saunia, <<Sosoto pa sosoto ma pojanigo ara sao: kepore sa kai tinoni mina boka batia na binangara tana Tamasa, vei minake podo mule mai tu sisa,>> sau.
Poni sa paranga si Nikodimasi, <<Ai mina vei beto mina boka kai podo mule mutu sa na tinoni sa tei baragoso tu? Na tinoni lavatana sa minake boka tomea na iapana na tinana ko mina podo na vinarua totoso!>> sau.
Poni sa oea i Jisu sisa, <<Sosoto pa sosoto ma pojanigo ara sao: kepore sa kai tinoni mina boka tome pa binangara tana Tamasa, vei minake podo kolo beto na Gagala sisa. Isa sa podo masa sa na masa tugu, goto isa sa podo Gagala sa na gagala tugu. Muke gabarania sisa qa korapa pojanigo na veveina muna podo mule mai tu sagou doru qaunia. Na gava sa sa iru lao vei ketakoi sa nyorogua lao vei sisa. Qu nongoriamua sa na ovangana, ba quke gigilai pai sa koko lame vei beto pai sa korapa lao vei sisa. Kai muqisi podeke vei tugu isa sa na tinoni sa podo pa Gagala,>> sau si Jisu.
Poni sa oea i Jisu sisa, <<Sosoto pa sosoto ma pojanigo ara sao: kepore sa kai tinoni mina boka tome pa binangara tana Tamasa, vei minake podo kolo beto na Gagala sisa. Isa sa podo masa sa na masa tugu, goto isa sa podo Gagala sa na gagala tugu. Muke gabarania sisa qa korapa pojanigo na veveina muna podo mule mai tu sagou doru qaunia.
Ma poja sosotonigou ara sagou: na tinoni sake vei kai koburu ikete pa tekuna na binangara tana Tamasa, sa minake tome lao tugu sisa,>> sau sisa.
Na Tinoni sa Poreveveina Jola pa Binangara pa Noka
Ego pana totoso tugu isa sa qai lao sira na sepele ti Jisu ko pira qai nanasa veinia sisa, <<I sei sa na poreveveina jola pa binangara pa noka?>> qarigunia.
Poni sa kuku tekua i Jisu sa kai koburu ikete, ko sa vaturua pa moedi ira, beto pira sauniria, <<Ma poja sosotonigou ara sagou: vei munake beia agou sa na miu toa ko munake toa vei ira na koburu, sa munake isongo tomea tugu agou sa na binangara pa noka. Isa na tinoni gu sa vaikete mule veinia na koburu ikete api, sa isa sa poreveveina jola pa binangara pa noka.
Nova criação em Cristo
Quem está em Cristo é nova criação. Morremos e ressuscitamos com Ele para viver em novidade de vida, livres do velho homem.
Ko inara sa vei sa totonai sa kole kame tana Karisito sa na tinoni, sa isa sa na vinapodaka koregana sisa; na toa leluna sa tei mumuriona tu, ko kopira na toa koregana sa lame.
Ko gita sa taqe taborutoni tavitia isa tonai taqe tapaputaiso lao pana ona mate. Ko kai muqisi podeke vei na Karisito sa turu mule pana neqi lavata tana Tamada, poni sa gita ba ta toania na toa koregana. Ko gita sa taqe tei tavaborutoni tavitia tu isa pana ona mate, ko sa vei sa gita ba kode tana mekarai toa tavitia tugu sisa tonai tana tavaturu mule vei isa.
Ego ko taqe gigilaioda sa na oda toa leluna sa tavasomana mate tavitia na Karisito pana ona korosi, ko na tinida sa nyoroguania na sela sa mi tapiara pale, ko gita take tavapinausu pana sela. Ura na tinoni matena sa sa tei taruvata tu pana neqi tana sela.
Ko gita sa taqe taborutoni tavitia isa tonai taqe tapaputaiso lao pana ona mate. Ko kai muqisi podeke vei na Karisito sa turu mule pana neqi lavata tana Tamada, poni sa gita ba ta toania na toa koregana.
Ko pana soana vei tugu isa sa agou ba mekamiu sa mu dogoro veinigou na tinoni matedi qaike nyorogua sela, beto mu toa vania na Tamasa ura qu tei somana kole kame tavitia tu i Jisu Karisito sagou.
Ko kopira nake ara mekaqu sa qa korapa toa, goto na Karisito sa korapa toa pana taqu. Pana qua toa kopira qa totoravusia ara sa na Tuna na Tamasa, isa sa roroqusiu beto sa malumu matepaenisiu sara.
Ko mu ulu loa palenia agou sa na toa leluna qu tutiria pana totoso qai jola lao pori. Na toa leluna isa sa ngangulugou beto sa toni vapirugou pana nyonyoroguania na roiti ikikerena tana kasia gusu. Mai tavalioso beto sira na bulomiu beto na roqumiu ko mai tavakorega. Na toa koregana sa nyoroguania na Tamasa sa sa podaka votu pana toa tuvisina beto na toa madi sosotona. Ko agou sa mu toania sa na toa koregana isa.
Muke vaiseseke lao lame, ura qu tei ulu vagore palenia tu agou sa na toa leluna beto doru ona uana ikikeredi beto ko qu tei vasaea tu agou sa na toa koregana isa sa korapa tabei vakorega ko mu isongia sa na gigila vatalea agou sa na kirena isa sa vapodaka na toa koregana. Ko pana toa koregana api sa kepore sa na tinoni karovodi babi na tinoni Jiu, na tapobedi babi nake tapobedi, na tinoni karovodi, na tinoni pirudi, na pinausu babi na tinoni taruvatadi; goto doruna sa na Karisito gu beto na Karisito gu sa kole tadira dodoru.
Filhos de Deus
Nascemos de novo pela Palavra viva de Deus. Quem crê em Jesus recebe o direito de se tornar filho de Deus, nascido do Espírito.
Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira. Qaike podo pa soana kolena bi pa masa na orungu babi pa roroqu tana marene sira, goto na Tamasa tu mekana sa vapodoria.
Taqe vera gegele ura i Jisu sa tei turu mule tu
Sa pada vivitigi ko mina tavatarasae sa na Tamasa na Tamana na oda Bangara i Jisu Karisito. Ura isa sa roroqu toka vivitiginigita ko sa vanigita na toa koregana. Ko sa vei sa taqe korapa vera gele vatalenia gita sa na toa vinarua ura i Jisu Karisito sa tei toa mule tu pana mate. Taqe tei tekua tu gita sa na toa koregana ko sa vei sa taqe korapa verania sa na toa sa taringunguti vakole vanigita pa noka na Tamasa. Ko na toa sa taringunguti vakolea na Tamasa api sa sake boka nyabo na paji beto sake boka manyao.
Ura qu tei podo mule tu sagou. Ba nake pana tana tinoni sa boka mate sa qu podo mule lame vei sagou goto tonai qu vasosotoa na paranga toana beto na kole jolana tu tana Tamasa isa sake boka mate.
Kai muqisi podeke vei tugu na melalu sa nyorogua susu vivitigi poni sa agou ba mu kidepe vivitigi veinia tugu isa sa na paranga tana Tamasa. Ko muna nongoria beto muna tutia agou sa kode muna pidoko sae ko muna taalo sagou. Ura qu tei valilingia tu agou sa na vairoqu tana Bangara.
Mu vainongoronia api agou ko! Sa vavagua jola sa na vairoqu tana Tamada, ko taqe tagigala na koburu tana Tamasa sa gita ko gita sa na koburu tana Tamasa sa kopira. Na kasia gusu sake gigilai sa gita sa na koburu tana Tamasa, ura na kasia gusu sake gigilai sa na Tamasa. Ka visa baere jonga, kopira na koburu tana Tamasa sa gita, ba na Tamasa sa oqoro vakabere vanigita sa ai tana tinoni vevei sa gita. Ba taqe gigila vatalea sa tonai mina bola votu na Karisito sa gita sa kode tana dogoro vei isa, ura kode tana dogoria sa na Karisito sosoto.
Ba tonai sa kamua sa na totoso tavilena tana Tamasa, poni sa sa garunu lagerenia na Tamasa sa na Tuna. Ko sa lagere podo pana kai rereko, ko sa podo beto sa lavata sae pana Vavanau tadira na Jiu sisa, ko mi ruvataria sira na tinoni qai tapiunia sa na Vavanau beto ko gita ta boka tagigala na koburu tana Tamasa sau.
Ba na Tamasa isa sa pugelia na vairoqu vaitokai beto sa lavata jola na ona vairoqu sa sa roroqugita, ko totonai tugu sa korapa mate na gagalada pana oda toa sela sa sa mekarai vatoa mulegita tonai taqe vasosotoa na Karisito. Ko pana vairoqu vaialo gu tana Tamasa sa qu taalo sagou.