13 तू माझे अंतर्याम निर्माण केलेस;

तूच माझ्या आईच्या गर्भात मला घडवले.

14 मी तुला धन्यवाद देतो,

कारण तुझी कृत्ये भयचकीत आणि आश्चर्यकारक आहेत,

हे तर माझा जीव पूर्णपणे जाणतो.

15 मी गुप्तस्थळी निर्माण होत असता,

आणि पृथ्वीच्या अधोभागी विलक्षण प्रकारे

माझी घडण होत असता माझी आकृती तुला गुप्त नव्हती.

16 तू मला गर्भात पिंडरूपाने असताना पाहिलेस;

माझा एकही दिवस उगवण्यापूर्वी

ते सर्व तुझ्या पुस्तकात नमूद करून ठेवले होते.

5 "मी तुला आईच्या उदरात घडवण्यापूर्वीच, मी तुला निवडले आहे,

आणि तू गर्भातून निघण्याआधीच मी तुला पवित्र केले आहे. मी तुला राष्ट्रांचा संदेष्टा असे केले आहे."

9 परंतु मला उदरांतून बाहेर काढणारा तुच आहेस,

मी माझ्या आईच्या स्तनांवर असता, तू मला तुझ्यावर विश्वास ठेवायला शिकवले.

5 जसा वारा कोठून येतो हे तुला माहित नाही,

आईच्या गर्भात बाळाची हाडे कशी वाढतात हेही जसे तुला कळत नाही

तसेच सर्व काही निर्माण करणाऱ्या देवाच्या कार्याचे आकलन तुला करता येणार नाही.

9 परमेश्वर म्हणतो, मी आईला प्रसूतिच्या वेळेत आणून तिचे मुल जन्मविणार नाही काय?

जो मी जन्मास आणतो तो मी गर्भस्थान बंद करीन काय? तुमचा देव असे म्हणतो.

3 पाहा, मुले ही परमेश्वरापासून मिळालेले वतन आहे,

आणि पोटचे फळ त्याच्यापासून मिळालेली देणगी आहे.

17 प्रत्येक उत्तम दान व परिपूर्ण देणगी देवाकडून आहे. जो बदलत नाही व फिरण्याने छायेत नाही अशा स्वर्गीय प्रकाश असणाऱ्या पित्यापासून ते उतरते.

27 या मुलासाठी मी प्रार्थना केली आणि जी माझी मागणी मी परमेश्वरापाशी मागितली होती ती त्याने मला दिली आहे.

21 स्त्री प्रसूत होते तेव्हा तिला वेदनांचे दुःख होते, कारण तिची प्रसूतीची घटका आलेली असते; पण बालक जन्मल्यावर जगात एक मनुष्य जन्मल्याचा जो आनंद होतो त्यामुळे तिला त्या क्लेशाची आठवण होत नाही.

14 परंतु येशू म्हणाला, "लहान मुलांना मजकडे येऊ द्या, त्यांना मना करू नका, कारण स्वर्गाचे राज्य त्यांच्यासारख्यांचेच आहे."

16 तेव्हा त्याने बालकांना उचलून जवळ घेतले. आपले हात त्यांच्यावर ठेवले आणि त्यांना आशीर्वाद दिला.