13 माझ्या शरीरातील अंतरंगाची घडण तुम्हीच केली आहे;

माझ्या मातेच्या उदरात माझी देहरचना केली.

14 मी तुमची स्तुती करतो,

कारण तुम्ही मला भयपूर्ण व अद्भुत रीतीने निर्माण केले आहे;

तुमचे हे कार्य किती अद्भुत आहे,

हे मी पूर्णपणे जाणतो.

15 गुप्तस्थानी माझी निर्मिती होत असताना,

जेव्हा माझा सांगाडा तुमच्यापासून लपलेला नव्हता,

जेव्हा पृथ्वीच्या गर्भामध्ये माझी घडण होत होती.

16 तुमच्या नेत्रांनी मला पिंडरूपात पाहिले;

माझा एकही दिवस उगविण्यापूर्वी माझ्या

आयुष्याच्या प्रत्येक दिवसाची तुम्ही लेखी नोंद केली.

5 "मी तुला गर्भाशयात घडविण्याच्या पूर्वीपासून ओळखतो*,

तुझा जन्म होण्यापूर्वीच मी तुला समर्पित केले आहे;

आणि राष्ट्रांकरिता माझा संदेष्टा म्हणून तुझी नेमणूक केली आहे."

9 तुम्हीच मला माझ्या आईच्या उदरातून सुखरुप बाहेर काढले;

मी माझ्या आईच्या कुशीत होतो, तेव्हापासून मी तुमच्यावर भरवसा ठेवला आहे;

5 जसे वार्‍याचे मार्ग,

किंवा आईच्या उदरात गर्भ कसा वाढतो हे तुला कळत नाही,

तसेच परमेश्वर जे सर्वांचे निर्माणकर्ता आहेत,

त्यांची कृत्येही तुला समजू शकत नाहीत.

9 जन्म देण्याच्या क्षणापर्यंत आणल्यावर,

मी प्रसूत करणार नाही काय?"

असे याहवेह म्हणतात.

"प्रसूतीस आणल्यावर

मी गर्भाशय बंद करतो काय?"

असे परमेश्वर म्हणतात.

3 मुले, ही याहवेहकडून मिळालेला वारसा आहे,

प्रसवशील कूस, हे याहवेहकडून लाभणारे प्रतिफळ आहे.

17 प्रत्येक उत्तम व परिपूर्ण दान वरून आहे, ते स्वर्गातील प्रकाशाचे पिता जे छायेसारखे बदलत नाहीत, त्यांच्यापासून येते.

27 या बाळासाठी मी प्रार्थना केली, आणि याहवेहकडे मी जे मागितले त्यांनी ते मला दिले आहे.

21 जी स्त्री बाळाला जन्म देते तिला वेदना होतात कारण तिची वेळ आलेली असते; परंतु जेव्हा तिचे बाळ जन्मास येते तेव्हा ती तिच्या बाळाला या जगात जन्मलेले पाहून आनंद करते व सर्व यातना विसरून जाते.

14 येशू शिष्यांना म्हणाले, "लहान बालकांना माझ्याजवळ येऊ द्या, त्यांना प्रतिबंध करू नका; कारण स्वर्गाचे राज्य अशांचेच आहे."

16 नंतर त्यांनी बालकांना कवेत घेतले, त्यांच्यावर हात ठेवले आणि त्यांना आशीर्वाद दिला.