Nascimento de Jesus

30 Ela n’kɛnji* kwen’sambelɛ kɛte: «Holechaka Malia, ushibɛ na bɔ̌ba, yolo Abɛcha kwaoha mwandɔ. 31 Weswala kumɔ, na webota mwǎna kwa n’lomyana, na wě n’kinyia chǐna lyakɛ Yɛso. 32 Kweba m’hɛla na kweba obuchiwa: ‹Mwǎna kwa Abɛcha kwe hakolo.› Ɔlɔ Abɛcha kwem’ha ete ya boɔlɔ bwa sakɛ olo Laole. 33 Kweshama milombo o boɔlɔ bwa Ishilaɛli, na boɔlɔ bwakɛ bushîba na esula.»

4 Yosofo lwakɛ kwehuminɛ m’ebalɔ ya Galilaya m’mboka kya Nasalɛti. Kwekělɛ ebalɔ ya Yolɛa m’mboka kyebusilwɛ ɔlɔ Laole kyehobochiwa Bɛtɛlɛ̌mu. Kwekělɛ oya ebalɔ kwebɛlɛ kwa m’ɔka kwa Laole. 5 A hokya obalwa, kwekělɛ hamwɛchi na m’achiǎkɛ Maliya minɛ kwebɛlɛ na kumɔ hɔka na obota. 6 Habebɛlɛ Bɛtelɛ̌mu, nǎ lusuku lwakɛ lwa obota lwehǐlɛ. 7 Kwebutilɛ mwanakɛ kwan’tangi kwa n’lomyana. Kwem’builɛ ngobɔ cha bolɛla na kwem’bichichɛ m’elɛkɔ ya oleshesha nyama, yolo bashibamɔnɛ ibu n’sɛsɛ kya bakɛnyi

10 Ela n’kɛnji* kwebasambelɛ binɔ: «Mushibɛ na bɔ̌ba, yolo nan’chula na mwanɔ kosɔka kwa sasɔ leolo lyɛnɛ lyeba o bato bɔsɛ: 11 lenɔ M’hɔnya kwɛnyu kwaboswa m’mboka kya Laule minɛ kohobuchiwa Kilishito* eyaka Ɔlɔ lyɛnyu. 12 Yem’ɔnya nakɛ nǎ kɛnyikɛ nǎ enɔ: mwem’banga mwǎna kwa alɛlá kwen’chuiwɛ ngobɔ cha bolɛlá kwem’bichiwɛ m’elɛkɔ ya olesha nyama.»

Baumbi bakya omɔna mwana Bɛtɛlɛ̌mu

15 Ohwa bîya, bakɛnji belɛanɛ na baumbi na besowela hakolo, haya baumbi betolilɛ osambelana kɛte: «Binɔ tobɛkewa Bɛtɛlɛ̌mu, tokyɛ omɔna biya byɛnɛ byetosambelɛ Ɔlɔ.» 16 Bekělɛ oya abelɔ, bebangilɛ Maliya na Yosofo na koya mwǎna kwa alɛla kwabichiwa m’elɛkɔ yebalela nyama. 17 Baumbi habehulɛ omɔna mwǎna, bekělɛ okana mwanɔ kwɛnɛ n’kɛnji* kwebasambelɛ yolo ya koya mwǎna. 18 Bato bɔsɛ bɛnɛ beholechɛ binywa bya baumbi, bekakelwɛ wɛ̌nɛ.