Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Ngelegeza zenu zolondigwa zilinge kamba ngelegeza zayakalile nazo Yesu Kilisto.
Kilisto, ayo yakalile yalingile kamba Mulungu,
ila hagesile vija viyalingile kamba Mulungu kamba kinhu cha kukigesa ng’hani.
Ila heyo mwenyego kagaleka gose,
na kugaluka kamba nyakadala,
kavumbuka kamba wanhu wayagwe,
na koneka kamba munhu.
Heyo mwenyego kaihumulusa hasi, na kakala mwende ha Mulungu mbaka kudanganhika,
hata kudanganhika mumsalaba.
Ila kipigiti kilondigwe vikivikile, Mulungu kamtuma Mwanage muulumwengu. Kaleligwa na mtwanzi, kakala hasi ya Malagizo ga Musa, giladi yatukombole tweye tose tukalile hasi ya Malagizo ga Musa, giladi tutendigwe kuwa wana wa Mulungu.
Avo, kwavija wana wa Mulungu wana mulopa na nyama, na Yesu vivija kagaluka na kuwa na mulopa na nyama, avo kubitila ifa yamuhume ayo yali na mhiko za ifa, ayo yokemigwa Mwenembago. Na Yesu kawafungula waja ugima wao wose wikigwe muunyakadala sama ya bwembwe da ifa.
Avo, vinoga ng’hani heyo kugaluka kamba ndugu zake mmbuli zose, giladi yawe Mkulu wa Wakulu wose wa Nhambiko yali na bazi na nhamanila msang’hano ya Mulungu, na yailave mwenyego kuwa nhosa ya kuwasegezela wanhu vilozo vao.
Kwavija Mulungu kaunogela ulumwengu avo kamulava Mwanage imwe yeiyeka, giladi yoyose yondayamtogole sambiyadanganhike, ila yawe na ugima wa digunge.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Mvumbuka ya Yesu Kilisto
Vino vivo mvumbuka ya Yesu Kilisto viikalile. Mamaake, yakemigwe Maliamu, kakala mkasano wa Usufu, ila viwakalile hawanakala hamoja, kaiyona kana inda mkubitila mhiko za Loho wa Mulungu.
Ila viyakalile yogelegeza gano, msenga wa Mndewa wa kuulanga kamulawila muna inzozi na kulonga, "Usufu, Mwana wa Daudi, sambiudumbe kumsola Maliamu yawe mtwanzi wako. Kwavija kapata inda mkubitila mhiko za Loho wa Mulungu. Kolela mwana mbigalo, na gweye komkema twaga jake Yesu, kwavija kowakombola wanhu zake kulawa m’vilozo vao."
Gano gose galawilila giladi gavikile gaja gayalongile Mndewa kubitila muhokozi, "Mhambe kopata inda na kolela mwana mbigalo, na twaga jake kokemigwa Imanueli." Nhegulo yake "Mulungu ka hamoja na tweye."
Usufu viyalamuke kulawa muutulo, katenda kamba msenga wa Mndewa wa kuulanga viyamulagize, avo kamsola mkasano wake Maliamu. Ila hamkwenhukile mbaka viyamulelile mwana mbigalo. Na heyo kamkema twaga jake Yesu.
Msenga wa Mulungu wa kuulanga kamulongela, "Sambiudumbe, Maliamu, kwavija Mulungu kanogelwa nagwe. Kopata inda, komulela mwana mbigalo, na gweye kolondigwa umgwelele twaga dikemigwa Yesu. Heyo kowa mkulu na kokemigwa Mwana wa Mulungu Mkulu Ng’hani. Mndewa Mulungu komgwelela kigoda cha undewa kamba tataake Daudi. Avo kowa Mndewa wa lukolo lwa Yakobo milongo yose, Undewa wake hauziga!"
Usufu na heyo kasegela kulawa hakiwambo cha Nazaleti muisi ya Galilaya, kakwela kachola kukiwambo cha Betelehemu muisi ya Yudea, kwaaleligwe Mndewa Daudi kwavija kakala yolawa mulukolo lwa Daudi. Kachola kwandikigwa hamoja na mkasano wake Maliamu, ayo yakalile na inda. Viwakalile hiko, kipigiti chake cha kulela kivika. Kamulela chaudele mbigalo, kam’vaza vivalo vowowavazaga wana ving’hele, kamtambalika mkia kiwadilaga ng’ombe, kwavija hawapatile gati muna ing’anda ya wahenza.
Msenga wa Mulungu wa kuulanga kawalongela, "Sambimdumbe! Niwagalila mbuli inogile yondaiwatende wanhu wose wadeng’he ng’hani. Kwavija lelo ino muna ikiwambo cha Daudi kavumbuka Mkombola wenu, iyo Kilisto Mndewa. Na vino vivo vondamumtambule, mom’vika mwana king’hele yavazigwe vivalo vowowavazaga wana ving’hele katambalikwa mkia kiwadilaga ng’ombe."
Waja iwasenga wa Mulungu wa kuulanga viwabweleganye kuulanga, waja iwachunga wakiilongela, "Tucholeni Betelehemu tukalole mbuli ino ilawilile, Mndewa yaatulongele."
Avo wachola hima wam’vika Maliamu na Usufu na wamona ija imwana king’hele katambalikwa mkia kiwadilaga ng’ombe. Wachunga viwamonile ija imwana, wawalongela wanhu mbuli za mwana ija ziwahulike kulawa ha msenga wa Mulungu wa kuulanga. Wanhu wose wakanganya viwahulike mbuli ziwalongeligwe na wachunga.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Avo Pilato kamuuza, "Avo, gweye kwa mndewa?"
Yesu kamwidika, "Gweye iyo ulonga kamba nie iyo mndewa. Nivumbuka sama ya mbuli ino, na sama ya mbuli ino niza muulumwengu kuilonga ikweli. Munhu yoyose yali muikweli konhegeleza."
Viwamambukize kumtegeleza mndewa, wachola, na ija inhondo iwakalile wayonile haulawilo wa dizua, iwalongola mbaka viimile hanhu hayakalile imwana. Viwaiwene inhondo, wadeng’helela ng’hani. Viwengile mng’anda, wamona imwana hamoja na mamaake Maliamu, wafugama mavindi na kumtambikila. Abaho, wafungula masanduku gao na kumgwelela nhunza za zahabu, ubane, na manemane.
Mulungu kawazuma mnzozi kamba sambiwambwelele Helode. Avo wabweleganya muisi yao mkubitila nzila iyagwe.