Nascimento de Jesus

5 Isa mu isongia pana miu roroqu agou sa na uana api isa sa tei isongia tu na Karisito i Jisu.

6 Isa sa isongia na tinamasa tana Tamasa,

ba sake doro seinia ko bi aru tamania isa

sa na mekarai kame tavitia na Tamasa.

7 Goto sa vakokoba mulenia mekana,

ko sa tekua isa sa na uana ninabulu tana nabulu.

Ko sa peluku vei na tinoni,

ko sa tabata vei tugu na tinoni sisa.

8 Sa vaikete mulenia mekana sisa

ko sa tuti viketai kamua na mate-

e, isa na mate vaivakeana pa korosi!

4 Ba tonai sa kamua sa na totoso tavilena tana Tamasa, poni sa sa garunu lagerenia na Tamasa sa na Tuna. Ko sa lagere podo pana kai rereko, ko sa podo beto sa lavata sae pana Vavanau tadira na Jiu sisa, 5 ko mi ruvataria sira na tinoni qai tapiunia sa na Vavanau beto ko gita ta boka tagigala na koburu tana Tamasa sau.

14 Ko ira sa gigalaniria na koburu sa na tinoni qai toa masa na orungu ko i Jisu mekana ba sa lame podo ko sa somana toa vei na tinoni. Sa roiti vei pira sisa ko tonai sa mate sa sa vakilasia isa sa na bangaradi na tomate, isa sa isongia na neqi vaivamate. 15 Ko pana soana vei api sa ruvataria isa sira qai matagutu mate ko qai suvere pinausu pana dia toa.

17 Ko sa vei sa sa pada tugu sa isa sa lagere podo ko sa toa vei sosoto na tinoni. Ko sa vei inara sa boka vei na kuta iama sa vairoqu vaitokai beto sa roiti vajonga pana nabuluna na Tamasa, ko na Tamasa sa boka vulasaria sira na sela tadira na tinoni.

16 Ura pa soana vei api sa roroqua na Tamasa sa na kasia gusu: sa valamea isa sa na Tuna mekai, ko ira doru mai rangea isa sa maike mate manyao goto mai tekua na toa jola.

Na Podona i Jisu Karisito

18 Ego pira sa vei sa na vavakatona na podona i Jisu Karisito. I Mere, isa na tinana i Jisu, sa perangana tu sa tavaiviva vakole vania i Josepa. Ba totonai qai oqoro mekarai suvere vaikamu ira karu, sa i Mere sa sa tei vaporeni iapana tu na Gagala Tabuna.

20 Ba totonai sa korapa rorove vei inara i Josepa, poni sa api sa votu tana pa putagita sa kai mateana tana Bangara, ko pira saunia, <<Josepa, ao na tuna i Devita! Muke matagutu tekua ao si Mere ko mi maqotamu, ura isa sa pidoko pa iapana isa sa na Gagala Tabuna tu sa veinia. 21 Kode mina vapodoa isa sa kai koburu marene, ko muna vakukunia ao nisongona i Jisu* sisa, ura isa kode mina aloria pa dia sela sira na ona tinoni,>> sau sa na mateana.

22 Ego doru sakasava aipira sa qai taroiti ko qai vagore votua sa na paranga perangana tu sa pojai na Bangara tana tinoni kokorotai i Aisea, pira sau,

23 <<Vainongoro! Kai rereko koregana* mina pore iapana

ko mina vapodoa kai koburu marene,

ko na isongona sa mai vakukunia i Imanuela,>>✝ sau.

Na ginuana na paranga Imanuela sa Na Tamasa sa suvere tavitigita.

24 Pa liguna na putagita sa sa dorava si Josepa ko sa roitinia isa sisa vei sa garununia na mateana tana Bangara ko sa sa tekua isa si Mere ko na maqotana. 25 Ko sake puta tavitia i Josepa si Mere tinganai sa vapodoa tu isa na tuna marene. Ko sa vakukunia i Jisu isa na isongona.

30 Ba sa paranga lao tana sa na mateana, <<Mere, muke matagutu! Ura sa qeranigo na Tamasa sao. 31 Ko doro! Kode muna bogata sao ko muna vaporea sa kai tumu marene ko muna vakukunia i Jisu ao sisa. 32 Kode mina poreveveina sisa beto mina tagigala na Tuna na Tamasa ululuna jola, beto na Tamasa isa na Bangara sa mina vania na binangara ti Devita isa na ona tite pa moa. 33 Ko mina bangaraniria isa sira na bubutuna i Jekopi kamua na kamua beto ko na ona binangara sa mina kepore na vinabetona,>> sau sa na mateana.

4 Ko i Josepa ba sa taloa tugu pa Nazareti kai gugusu pa Qalili, ko sa sae pa Jiudia pa gugusu Betilihema, na gusu ti Devita, ura na podo lame veina pa bubutu ti Devita sisa. 5 Ko sa toni saenia isa si Mere ko mai mekarai takuti sau. I Mere sa sa tei tavaiviva vakole tu ko mina alavia isa, beto ko sa tei bogata tu sa totonai. 6 Ko tonai qai korapa suvere pa Betilihema ira karu, sa sa kamu gu sa nona totoso okotona si Mere. 7 Ko sa vapodoa i Mere sa na tuna marene podo moena, ko sa udenia kai lage poko beto sa sa vakolea ketakoi qai vavavakole vaniria na gagani ira na manugu mamade nenedi, ura sa pugele sa na ruma susuverena tadira na tinoni kamudi ko kepore sa kai lose bai suveria.

10 Beto sa pira sauniria sa na mateana, <<Muke matagutu! Doro! Ura ara sa qa pogoso lame vanigou kai nongoro vaivaqerana jola ko isa mina vaqera betoria doru tinoni. 11 Sa tei podo tu pa ngeni api pa gugusu tai Devita sa na miu inaalo, na Karisito Bangara! 12 Ko api sa na vinagigila muna batia agou. Tonai muna lao sa muna batia kai koburu, sa taudenia kai lage poko ko sa korapa koleona ketakoi qai vavavakoleniria na gagani tadira na manugu mamade nenedi,>> sau sa na mateana.

15 Ego ko ligudi qai taloa mule sae pa noka ira na mateana, sa qai kole vavaiparanga sira na tinoni kopu sipi, pira qarigu, <<Aria moko ko ta lao pa Betilihema, ko ta lao doria sa na manugu sa pidoko, isa vei sa ule vanigita na Bangara,>> qarigu.

16 Ko qai sisiqarai taloa riu sira, ko qai lao tugu batiria ira sira Mere, i Josepa beto ko na koburu melalu. Ko na koburu sa korapa tugu koleona ketakoi qai vavavangojaniria na manugu mamade nenedi. 17 Ko totonai qai batia ira na tinoni kopu sipi sa na koburu, poni sa qai vavakatonia sisa sa pojaniria na mateana na veveina na koburu. 18 Poni ira doru qai nongoria na vavakato tadira na tinoni kopu sipi sa qai gabara beto.

37 Poni sa pira saunia i Paelati sisa, <<Ko kai bangara tugu sao, oko?>> sau.

Poni sa oe lao si Jisu, Ao qu pojai sa ara sa kai bangara. Isa qa podonia ara beto ko qa lagerenia ara pa kasia gusu api sa vei ko ara mana ululenia sa na veveina na sosoto. Ko ira doru tinoni qai kole vei pa sosoto sa qai vainongoro lame taqu, sau si Jisu.

9 Pa liguna qai nongoria na bangara poni sa qai taloa riu sira na tinoni gigigalai aipira. Ko api sa na seru, isa qai batinia pa kale sagere tapo perangana, sa sa toniria, ko tinganai sa lao turu vanoso pa narena totona ketakoi sa kole na koburu. 10 Ko totonai qai batia na seru sa qai qera vivitigi. 11 Ko qai tome lao pa ruma poni sa qai batia sa na koburu beto i Mere na tinana. Ko qai gona toqo sori tutungu ko qai vatarasaea sa na koburu, beto sa qai raua sa na dia baiki vaivana ko qai vania na qolo, na parakenisenisi beto na moa sa na koburu. 12 Beto sa voturia pana putagita sa na ule vabalau ko maike mule sae tai Herodi sauniria, ko qai tutia na goto soana tu ko qai mule riudia pa dia gugusu sira na tinoni gigigalai.