Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Mùùve na isungu malinga aila yanavenayo Yesu Kilisto.
Kutandikila anepo patandi nang’e ávele mwavelelee Nnungu,
henga nang’e kuva mwavelelee Nnungu nanga panawene kuva
chinu cha kulikongonekela.
Henga kwa kutamwa kwake mwene, ánivileka anevyo vyammalele,
nkulijuha mwavelelee ntumwa,
nkuva mwavelelee munu.
Na páonekènè avèlè muchi mwavelelee munu,
ánilisulupuha kwa kumpilikana Nnungu mpaka kukubali kuhwa,
ata kuhwa munsalaba.
Henga paukamwele uhiku ukudungiwîje, Nnungu nkuntuma Mwanawe, nkuvelekwa na mmahe, nanang’e nkuikala kwa kulojwa na Sheliya, uchinga avapohe avala valôjwa na Sheliya. Na átendile uchocho uchinga hwetu tutendwe kuva tuvana tùvá Nnungu.
Kwa kuva, vana anevo nni vanu vàvele na mmili na myadi, uchocho Yesu nanang’e nkùtwala hali ya chimunu. Átendile uchocho uchinga kwa indila ya kuhwa kwake, adimange dimongo dya ayula ánavele na dimongo dya kuhwa, yani Ibilisi. Uchocho, ávahungwile na avala vammalele vachiikâla muchi vatumwa mmaisha lavo lammalele ing’anya ya kuyopa kuhwa.
Bahi ing’anya ya anelyo, Yesu nkulembelewa alilandanye na anung’unuvake kwa kila namuna, uchinga ààve Kuhani wavo Nkulu avêle na chididi na akulupîka kwa kuntumikila Nnungu, uchinga ahumye sadaka ya kuvausija vanu masambi.
Kwa kuva, Nnungu ánivatamwa namene vanu va pachilambo, nkunnyumya Mwanawe wa weka uchinga kila munu ambenkulupîla anahwe, henga ààve na umi ukee na ntululilo.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Kuvelekwa kwanga Yesu
Aino njo habali ya kuvelekwa kwanga Yesu Kilisto. Maliya anyokwe Yesu áposwa na munu yumo uvanchema Yusufu. Henga kabla vakànambikwikalana, na Maliya kabla akànambikummala nnume, áonekene àvele na chitumbo kwa dimongo dya Umumu Wanaswe.
Bahi pachikumbukilanya anelo, malaika wa Nang’olo nkumwidila muindoto nkunnyaulila kuchidoni, "Wako Yusufu n’dukuluwe Nfalume Daudi, unayope kuntwala Maliya ààve n’jalo, kwa kuva, chitumbo chake chìhalokene na dimongo dya Umumu Wanaswe. Nang’e àmbemmeleka mwana wa chilume, koka uncheme lina lyake Yesu, kwa kuva, nang’e njo ambevapôha vanu vake n’disambi dyavo."
Anelo lammalele lánitendeka uchinga latimile malove lanatangwele Nang’olo Nnungu kupitila kwanga nabii wake kuva,
"Nkongwe akámmaite nnume àmbekuva na chitumbo,
na àmbemmaleka mwana wa chilume,
na vàmbenchema Imanueli,"
mana lake, Nnungu àvele pamo na hwetu.
Bahi Yusufu patakatwike, nkuhwena unatenda muchi malaika wa Nang’olo channaijije, nang’e nkuntwala Maliya kuva n’jawe. Henga nanga panalele nawe mpaka pammaleke mwana wa chilume, na Yusufu nkunchema lina Yesu.
Ayula malaika nkunyaulila kuchidoni, "Maliya unayope, kwa kuva, Nnungu ànikatapaliwa na wako. Lola, ùmbekuva na chitumbo, na ùmbemmeleka mwana wa chilume, na lina lyake ùmbenchema Yesu. Nang’e àmbekuva nkulu na àmbechemwa Mwana wa Nnungu Nkulu. Na Nang’olo Nnungu àmbemwing’a chiteng’u cha chifalume changa Daudi, anakuluwe. Àmbevatawala Vaisilaeli vyaka na vyaka, na ufalume wake nanga paumbekuva na ntululilo."
Yusufu nanang’e nkuuka kuimanga ya ku Nasaleti chilambo cha ku Galilaya, nkuhwena kuimanga ya ku Beselehemu ivêle nchilambo cha ku Yudeya, imanga yanavelekwejije Nfalume Daudi. Yusufu ápite aneko kwa kuva, ávelekwejije nnitawa lyanga Daudi. Yusufu ápite unalembwa pamo na Maliya mmahe wachimposa, ánavele na chitumbo. Pavanavele aneko ku Beselehemu, uhiku wa Maliya kunyakula nkukamola, nkummaleka mwana wa chilume, chihungumikova. Nkun’dingilija dinguwo dya chikanunu, nkunannaja nchombo cha kuvalisija ang’ombe, kwa kuva, nanga pavanapete nafasi muing’ande ya vayeni.
Malaika nkuvahaulila kuchidoni, "Munayope, kwa kuva, nangu nìmpelekejijije mwenu malove lambone lambevahangalâja namene vanu vammalele. Kwa kuva, nelo muimanga yavelekwejije Nfalume Daudi, àvelekwejije Mpohi kwajili yenu, aneyo njo Kilisto na Nang’olo. Na achino njo chimbekûva chimaiho kwenu mwenu kuva, pamumbehwena mùmbenkoja nkanunu adingilijìjwè dinguwo dya chikanunu akuno alajìjwè nchombo cha kuvalisija ang’ombe."
Anevo malaika pavaukile kuhwena kulihunde, vachúnga nkuhaulanila kuchidoni, "Tuhweneng’ane ku Beselehemu tukalole chinu chihumidîle, chatuhaulidile Nang’olo."
Bahi vanang’o nkutumanuma kuhwena, nkunkoja Maliya na Yusufu na ayula nkanunu, alajìjwè nchombo cha kuvalisija ang’ombe. Avala vachúnga pavammwene ayula nkanunu, nkuhwena unavahaulila vanu vammalele malove lanavahaulidile ayula malaika kunnyamba aneyo mwana. Vanu vammalele vanapilikene anelo, nkukangana namene habali anedyo divachitanga anevo vachúnga.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Bahi Pilato nkunnyaulila Yesu kuchidoni, "Dachi, wamba wako nfalume?" Yesu nkuyang’ula kuchidoni, "Wako ùnihaula kuva nangu nfalume. Nangu ǹnivelekwa na ngùidile pachilambo uchinga nivashuhudile vanu kwamba uhiu. Na kila munu autâmwa uhiu ànangupilikanila."
Pavampilikanidile nfalume, vanang’o nkuhweneng’ana. Na aila inondwa ivaiwene pavanavele m’bali wa mashaliki nkuvalodya, na vanang’o nkuilondola mpaka paiimidile pachinu apala pavele ayula mwana. Pavaiwene aneyo inondwa nkuhangalala namene. Anevo vanu nkuinjila nng’ande, nkumwona mwana chalumo na Maliya anyokwe, nkutindivala malundi nkumwabudu ayula mwana. Anepo nkuhungula vihapu vyao nkumwing’a ayula mwana dinujo dya zahabu na ubani na mahuta lagalika la manemane.
Anevo vanu nkuuyang’ana kukaya kwavo kwa kupitila chihi indila inji ing’anya Nnungu ánivakalipila muindoto vanauyile kavila kwanga Helode.