Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Mnde na moyo uudya andaga nawo Yesu Kilisito.
Chotoko chakwe andaga Mnungu kindedi,
mna haonaga kudya kunda Mnungu ni kint’hu cha kutozeleza.
Mna kwa kuunga kwakwe mwenye ayalekaga ayo yose niyo akeika mtumwa, nakelekwa mnt’hu.
Niyo anda mtumwa.
Nakanda mnt’hu
enga want’hu watuhu ivo weli.
Naho eze aoneke ana mwili enga mnt’hu akeselezaga niyo anda mt’hu ywa kwiva, ukubanika
ifile yakwe mwo msalaba.
Mna lupisi lwiikigwe lwize lubule, Mnungu amtumaga mwanawe elekwe ni mvele, elekwe aho miko ya Mnungu amwink’haga Musa ikakimaila, adahe kuwakombola wadya wandaga wakukimailwa ni miko vileke suwe kitendigwe wana Mnungu.
Kwaviya wana wadya wanda ndala kwe sakame no mwili, yehe mwenye andaga enga woho no kunda ndala mwo unt’hu wawe vileke kwa kwombokela kubanika kwakwe, amhume Mwavu mta udahi we file, awalekele wose watendigwe watumwa mwo wikazi wawe wose kwa kwogoha kubanika.
Kwa ivo nevimuunga ande enga wanduguze, vileke ande mlava nt’hambiko mkulu, mta mbazi, naho mhuwilwa kwa mbuli za Mnungu, vileke awausile want’hu wakwe wavu wawe.
Kwaviya Mnungu nakawaungisa want’hu wa mwe isi niyo amwigala Mwanawe heena miyawe vileke kila yumwenga akumhuwila asekwaga mna ande no ugima wa ulo na ulo.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Kwelekwa kwa Yesu Kilisito
Kwelekwa kwa Zumbe Yesu kwandaga ivi. Maliamu uyo nine dya Yesu Kilisito, atumizagwa ni Yusufu. Umwo wandaga akei kulozigwa, Maliamu aonekaga kunda mbovu kwa udahi wa Muye ywa Mnungu.
Umwo andaga akafanyanya ivo, mtumigwa ywa Zumbe niyo amlaila mwe zisozi akamgamba, "Yusufu weye mwelekwa ywa Daudi, usekogoha kumguha Maliamu kunda mkaziyo kwaviya ubovu ananao ni kwa udahi wa Muye ywa Mnungu. Neeleke mwana kilume, naho noumwitange zina dyakwe niye Yesu, kwaviya niye akuunga awayokole want’hu wakwe walawe mwo uwavu wawe."
Aya yose yalailaga vileke kia kindedi cha Zumbe alongaga kombokela kwa mlotezi ywakwe kikelavilize,
"Mwali na mazanga neenule ubovu,
naho kwakwe naavumbuke mwana kilume, zina dyakwe neetangwe Imanueli" nuko kugamba, "Mnungu ehamwenga na suwe."
Ivo Yusufu eze enuke mwe zint’hongo, amlomba Maliamu enga viya agambilwe ni mtumigwa ywa kwe mbingu. Mna hawagendaga enga mnt’hu na mkaziwe mpaka hadya Maliamu amwelekaga mwanawe ywa kilume, niyo Yusufu amwink’ha zina niye Yesu.
Mna mtumigwa ywa kwe mbingu niyo amgamba, "Maliamu, usekogoha! Mnungu kakulagisa uwedi wakwe. Kaula, nowinule nda, naho noweleke mwana kilume, zina dyakwe noumwitange Yesu. Naande mkulu naho neetangwe Mwana ywa Mnungu e Kulanga. Zumbe Mnungu naamwink’he difumbi dyo useuta enga viya andaga mkale ywakwe Daudi. Naande Seuta we cheleko cha Yakobo mazuwa yose, naho uzumbe wakwe wa ulo na ulo!"
Yusufu naye ahalawaga kwo mzi wa Nazaleti mwo mkowa wa Galilaya, niyo akwela kuita Uyahudi mwo mzi wa Betelehemu, hant’hu elekagwa zumbe Daudi. Nakaita ukwo kwaviya yehe andaga mwo lukolo lwa Daudi vileke awandikwe hamwenga na Maliamu, uyo amposaga, mna andaga mbovu. Umwo wandaga uukwo, mazuwa ya Maliamu yo kwingila nyumba yabulaga. Niyo amweleka mwana kilume wa nk’hongo, no kumvika suke za kititi, niyo amtambalika mwo luhondo lwo kudiila ng’ombe kwaviya hahandaga na hant’hu mwe nyumba ya wageni.
Yudya mtumigwa ywa kwe mbingu niyo awagamba, "Msekogoha! Nawegailani mbuli yedi ya kinyemi kikulu kwa want’hu wose. Kwaviya dielo mwo mzi wa Daudi kelekwa Myokozi ywenyu, nuyo Zumbe Kilisito. Na iki nicho kilagiso kwenyu. Namumbwile mwana, kavikigwa suke za mwana, naho katambalikwa mwo luhondo lwo kudiila ng’ombe."
Watumigwa wadya weze wauye Kulanga, wadya wadimi niyo wagambana, "Haya kiteni mpaka Betelehemu kikakaule idyo dilaile, kigambilwe ni Zumbe."
Niyo wasunguza kuita, wawabwila Maliamu hamwenga na Yusufu na yudya mwana katiti katambalikwa mwo luhondo lwo kudiila ng’ombe. Wadimi awo weze wakaone katiti niyo wasimuila viya mtumigwa ywa kwe mbingu awagambile mwe mbuli ya yudya mwana katiti. Wose wevile niyo wehelwa kwa ayo wagambilwe ni wadimi.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Aho Pilato niyo amgamba, "Haluse weye wi Zumbe."
Yesu amhitula, "Weye kulonga kugamba miye ni Zumbe. Miye hyelekwa kwa mbuli ino imwenga, kulonga ikindedi, mkindedi yeyose naanitegeleze."
Zumbe Helode eze abinde kuwagambila, niyo wahalawa. Umwo mwe sila niyo waiona idya int’hondo waione ulailo wa zuwa. Weze waione idya int’hondo, niyo welelwa kwa kinyemi kikulu. Wengilaga mwe nyumba niyo kumuwona umwana hamwenga na nine Maliamu. Niyo wamfikila madi na kumvika. Wamwink’haga umwana mageleko ya zahabu na mavumba na mavuta ya mhemp’he.
Mnungu eze wawakanye mwe zisozi kugamba wase kumwombokela Helode, wauyaga kwawe wakombokela sila nt’huhu.