Nascimento de Jesus

30 आदो दुते मेतादेया, "आलोम बोतोरोक्आ मा़रिया़म, एनते इसोर ठेन खोन दायाम ञामआकादा। 31 आर ञेलमे होड़मोरेम ञाम जोङा आर कोड़ा गिदरा़म जानामेया आर उनियाक् ञुतुम दो जिसुम दोहोयताया। 32 उनि दो माराङे होयोक्आ आर चोट उता़ररेन होपोने बिका़उक्आ आर प्रोभु इसोर दो उनि आपात दा़उदाक् सिङघा़सोने एमाया। 33 आर जाकोब गुसटिरे जायजुग हा़बिच् राज आकाने ताहेना आर उनियाक् राज रेयाक्‌ मुचा़त् दो बाङ होयोक्आ।"

4 आर जोसेफ हों गा़लिल रेयाक्‌ नासारेत नागराहा खोन जिहुदा़ते बेथलेहेमको मेताक् दा़उद रेयाक्‌ नागराहातेये राकाप् चालावेना, दा़उद दा़हङगि आर बुदा़रेने ताहेंकान इया़ते। 5 ञुतुम ओल राकाप् ओचोयताया मेनते, आच्ए होरोक् चिखना़आकादे मा़रिया़म तुलुच्, ओने ओकोय भा़रति होड़मोय ताहेंकान। 6 आर ओंडेकिन ताहेंकानरेगे उनियाक् दुड़ुप्‌ दिन दो तिया़क्एनताया। 7 आर आच्‌रेन पा़हिला़उठा कोड़ा गिदरा़इ जानामकेदेया आर किचरिच्‌तेये बेदहावकेदेते मित्‌टेच् गोड़ा नाँदवारेये गितिच्‌कादेया, डेराक् ओड़ाक्‌रे उनकिन ला़गित्‌ ठा़ँइ बाङ ताहेंकान इया़ते।

10 आदो दुते मेतात्‌कोवा, "आलोपे बोतोरोक्आ, एनते ञेलपे, आ़डि रा़सका़ रेयाक्‌ भागे सोमबात इञ जा़हिरापेकाना। ओना दो जोतो दिसा़म होड़को ला़गित्‌ होयोक्आ। 11 एनते आपे ला़गित्‌ तेहेञ दो दा़उद नागराहारे मित्‌टेन बाबाञचाविच्ए जानामाकाना, ओने उनि दोए प्रोभु मा़सिकान। 12 आर आपे ला़गित्‌ चिनहा़ दो नोक्ओंय, आपे दो मित्‌टेन बाले गिदरा़ किचरिच्‌ते बेदहाव आकान आर मित्‌टेन गोड़ा नाँदवारे गितिच् आकानपे ञामेया।"

15 आदो दुत ओनको ठेन खोन सेरमातेको राकाप् चालावेन खान, भिडि गुपिकोको मेपेनेना, "मे देलाबोन बेथलेहेमतेबो चालाक्आ आर नोवा होय आकान काथा रेयाक्‌बो ञेल आ़गुइमा, ओकाटाक् प्रोभुइ बाड़ाय ओचोकेत्‌बोन।"

16 खानगे आ़डि चाँडाकिको चालावेना, आरको सुटिक ञामकेत्‌कोवा, मा़रिया़म हों आर जोसेफ हों आर गोड़ा नाँदवारे गितिच् आकान बाले गिदरा़ हों; 17 आर ञेलकाते उनि गिदरा़ रेयाङ ला़इयात्‌को काथा रेयाङको बाड़ाय ओचोकेत्‌कोवा। 18 आर आँजोमकेत् जोतो होड़ भिडि गुपिकोको ला़इयात्‌को काथा रेयाङको हाहाड़ायेना;