14 Adama a nannai Vuzavaguɗu n ka̱ci ka̱ ni wi ta̱ e kuneke ɗa̱ urotu, mekere ma na ka̱ta̱ me yevei vali ba mi ta̱ a kuyaꞋan ka̱tsuma̱ u matsa maku, ka̱ta̱ e ɗeke maꞋa Imanuwelu*.

13 Avu ɗa vu yaꞋin ili i ka̱tsuma̱ i va̱,

avu ɗa vu yaꞋin mu a̱ ka̱tsuma̱ ka̱ a̱na̱ku a̱ va̱.

14 N cikpa wu ta̱,

adama a tsu na vu yaꞋin mu,

ili wovon i ɗa n ili mereve.

Ulinga u nu ili i mereve i ɗa,

n yeve ta̱ n ka nanlo mayin.

15 Etele a ikyamba a̱ va̱,

i usokongi wa̱ a̱ nu ba,

ana a yaꞋin mu usokongi,

ana a yaꞋin mu a̱ ka̱yimbi.

16 Vu ene mu ta̱ kafu a matsa mu

ayin a na a zuwakai mu n kuyaꞋan,

i ta̱ uɗani a katagarda ka̱ nu,

kafu a̱ gita̱ kuyaꞋan vuza te a̱ ka̱tsuma̱ ke le.

5 <<N yeve wu ta̱ babu a yaꞋan ka̱tsuma̱ ka̱ nu,

kafu kpamu a matsa wu ɗa merengi nu,

ɗa n zagbai nu vo okpo keniki ka uma aduniyan.>>

9 N nannai dem avu ɗa vu utuka̱i mu a̱ ka̱tsuma̱ ka̱ a̱na̱ku a̱ va̱,

avu ɗa vu zuwai n yongoi n ma̱ta̱na̱ ali mpa a ku apa mani.

10 Ili i na i ɗikai a kanna ka na a matsai mu,

ɗa mi a kuzuwa ka̱ɗu ka̱ va̱ wa̱ a̱ nu,

avu ɗa Ka̱shile ka̱ va̱,

ali a kanna ka na a̱na̱ku a̱ va̱ a matsai mu.

6 N gbasatangu ta̱ wa̱ nu kafu a matsa mu,

avu ɗa vu utuka̱i mu a̱ ka̱tsuma̱ ka̱ a̱na̱ku a̱ va̱,

mi ta̱ a kucikpa wu makyan dem.

15 <<Kamaci ki ta̱ a kucinukpa m maku ma na wi e kuneꞋe mani

ali u kpa̱ɗa̱ kupana asuvayali a maku ma na u matsai va?

Ko vuka va wi baci a kucinukpa,

mpa mi a kucinukpa n a̱ɗa̱ ba.

9 Mpa Vuzavaguɗu n danai, <<N kuyawaka n uma a̱ va̱ a ayin a kumatsa

ka̱ta̱ m kpa̱ɗa̱ kuzuwa a matsa le ba.

Mpa vu na n tsu tuka̱ n limata, n kushiya kamatsatsu ba,

wannai ɗai n gita̱ a̱ga̱nda̱ a limata.>>

3 Mayun, muku mo olobo kuneꞋe ku ɗa,

a̱ ubuta̱ u Vuzavaguɗu,

muku katsupu kaꞋa wa̱ ni.

27 Maku ma nampa maꞋa n folonoi u Vuzavaguɗu, kpamu u pana ta̱ ufolu u na n yaꞋin wa̱ ni.

4 Vuzavaguɗu,

ulinga u gbayin u nu

u tsu zuwa mu ta̱ ma̱za̱nga̱ ka̱u,

adama ili i na vu yaꞋin,

mi ta̱ ishipa i ma̱za̱nga̱.