18 Kuvumbuka kwa Yesu Kilisito kukala vino, Malia yafungiligwe zengele na Yusufu, lakini wang’hali hawanakala hamoja kamba mbigalo na mtwanzi, Malia koneka kana inda kwa udahi wa Loho Yang’alile. 19 Kwavija Yusufu kakala munhu yotenda ganogile, halondile kumgela kinyala Malia, avo kalonda kumuleka kinyelegezi. 20 Viyakalile kogelegeza vivo, msenga wa kuulanga wa Mndewa kamulawila mzinzozi na kamulongela, "Yusufu mzukulu wa Daudi, sikuudumbe kumsola Malia yawe mwehe wako, kwavija inda yake kaipata kwa udahi wa Loho Yang’alile. 21 Kolela mwana wa kimbigalo na gweye komgwaa twaga da Yesu, kwavija kowakombola wanhu zake mzinzambi zao."

22 Gano gose gatendeka kutenda galongigwe na Mndewa kubitila mtula ndagu wake galawilile, 23 "Mhambe kogoga inda, na kolela mwana wa kimbigalo, nao omkema Imanueli," fambulo jake, "Imulungu kahamoja na siye."

24 Avo Yusufu viyalamuke muutulo, kamsola Malia kamba viyalongeligwe na imsenga wa Mndewa. 25 Lakini hatembele nayo mbaka viyalelile mwana na Yusufu kamgwaa twaga mwana ayo Yesu.

26 Elizabeti viyakalile na inda ya miyezi sita, Imulungu kamtuma msenga wa kuulanga, twaga jake Gabilieli, yachole kudibuga da Nazaleti, mwiisi ya Galilaya. 27 Kakala na usenga wa mhambe imoja yafungiligwe zengele na mbigalo imoja twaga jake Yusufu, yalawile mulukolo lwa Mndewa Daudi. Mhambe ayo twaga jake Malia.

30 Msenga ija kamulongela, "Malia, sikuudumbe, gweye kupata ng’hekewa ya Imulungu. 31 Kogoga inda na kolela mwana wa kimbigalo, nayo komkema Yesu. 32 Kokuwa munhu mkulu, kokemigwa Mwana wa Imulungu yeli Uchanha Ng’hani. Mndewa Imulungu komgwaa kigoda cha undewa, kamba viyakalile Daudi muhenga wake. 33 Kokuwa mtawala wa lukolo lwa Yakobo milele, na undewa wake hawisha bule!"

34 Malia kamuuza msenga ija, "Niye na mhambe. Lelo mbuli ayo yokuwaze?"

35 Msenga ija kamwidika, "Loho Yang’alile kokwizila, na nguvu za Imulungu zokugubika. Avo Mwana yonda yavumbuke kokuwa Yang’alile na kokemigwa Mwana wa Imulungu.

13 Kwavija gweye iyo ulumbile mgati yangu,

kunilumba mwiinda ya mamangu.

14 Nokushukulu kwavija kunilumba kwa unzonza mkulu na kudumbiza.

Sang’hano zako za unzonza,

mbuli ayo noijuwa goya.

15 Lukuli lwangu lwabule kifiso kumwako,

nilumbigwa hanhu hakifiso,

nilumbigwa kwa ufundi mwiinda ya mamangu*.

16 Meso gako gawona lukuli lwangu lung’hali halunakwisha,

na kwandika kila kinhu mkitabu chako,

siku zangu zose kuzipanga,

hata siku ya ichanduso hainakuwa.

9 Lakini gweye ayo unilavile mmunda wa mamangu,

kunitenda nikutamanile gweye mmatombo ga mamangu.

10 Nikutamanila gweye tangu nileleke.

Tangu nileligwe gweye ayo Imulungu wangu.

6 Ning’hali sinavumbuka nikutamanila gweye,

mmunda wa mamangu gweye ayo nikutamanile.

Nokwimbila nyila za kukutogola siku zose.

14 Yesu kalonga, "Walekeni wana wadodo weze kumwangu sikumuwagomese, kwavija Undewa wa kuulanga wa wanhu kamba wana wano."

4 Munhu yoyose yoihumulusa kamba mwana ino ayo mkulu kubanza wose Muundewa wa kuulanga. 5 Yoyose yombokela mwana mdodo kamba ino kwa twaga jangu, kombokela niye.

16 Abaho kawahagatila wana waja kawekila makono gake kawatambikila.

3 Wana awo uhazi kulawa kwa Mndewa Imulungu,

wana awo nhunza kulawa kumwake.

27 Nimpula yangwelele mwana ino, na heyo kangwaa kija kinimpulile.

4 Go Mndewa Imulungu,

nogezwa na sang’hano zako,

nokwimba kwa deng’ho mbuli ya sang’hano zako.

3 Yesu kamwidika, "Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili."

21 Kipindi mtwanzi yahalonda kulela, konyunyuwala kwavija kipindi chake cha kugaya kivika, lakini mwana king’hele yahavumbuka, koisemwa kugaya kwake, kodeng’helela kwavija kalela mwana king’hele mwiisi.

9 Yeli mwana wa Imulungu hagendelela kutenda nzambi, kwavija kavumbuka na Imulungu na Imulungu kamgwaa ugima wa sambi, avo hadaha kugendelela kutenda nzambi.