Nascimento

Ang Pagkatawo ni Jesus, ang Mesiyas

18 Ingon niini ang sugilanon sa pagkatawo ni Jesus, ang Mesiyas: Si Maria nga iyang inahan kaslonon na kang Jose. Apan sa wala pa sila mahiusa namatikdan ni Maria nga mabdos na siya pinaagi sa gahom sa Espiritu Santo. 19 Si Jose nga iyang pamanhonon usa ka matarong nga tawo ug dili siya buot nga maulawan si Maria. Busa nakahuna-huna siya sa pagpakibulag kang Maria sa hilom.

20 Apan samtang namalandong si Jose niini, mitungha kaniya pinaagi sa damgo ang anghel sa Ginoo ug miingon, "Jose, kaliwat ni David, ayaw kahadlok sa pagpangasawa kang Maria, kay nagmabdos siya pinaagi sa Espiritu Santo. 21 Manganak siyag lalaki ug nganlan mo siyag Jesus,*." kay luwason niya ang iyang katawhan gikan sa ilang mga sala."

22 Nahitabo kini aron matuman ang giingon sa Ginoo pinaagi sa propeta nga nag-ingon, 23 "Magmabdos ang usa ka dalagang putli, ug manganak siyag usa ka bata nga lalaki. Ug ang maong bata pagatawgon nga Emmanuel"* (nga ang buot ipasabot, "Ang Dios uban kanato").

24 Busa sa pagmata ni Jose gituman niya ang giingon kaniya sa anghel sa Ginoo, ug gipangasawa niya si Maria. 25 Apan wala siya makighilawas kang Maria hangtud wala pa kini manganak. Sa dihang nanganak na si Maria, ginganlan ni Jose ang bata ug Jesus.

14 Busa ang Ginoo na mismo ang mohatag ug timailhan kaninyo. Ug mao kini ang timailhan: Magsabak ang usa ka batan-ong babaye* ug manganak siyag lalaki, ug nganlan niya kinig ‘Emmanuel.’*

Gitagna ang Pagkatawo ni Jesus

26 Sa dihang unom na ka bulan ang pagmabdos ni Elisabet, gisugo sa Dios ang anghel nga si Gabriel nga moadto sa Nazaret, nga usa ka lungsod sa Galilea. 27 Gipadala siya didto sa dalagang putli nga ginganlag Maria. Si Maria kaslonon na kang Jose, nga usa sa mga kaliwat ni Haring David.

30 Miingon ang anghel kaniya, "Ayaw kahadlok, Maria kay gipakita sa Dios ang iyang kaayo kanimo. 31 Magmabdos ka ug manganak ug lalaki, ug Jesus ang imong ingalan kaniya. 32 Mahimo siyang bantogan ug pagatawgon siya nga Anak sa Labing Halangdong Dios. Ihatag sa Ginoong Dios kaniya ang gingharian sa iyang katigulangan nga si David. 33 Maghari siya sa mga kaliwat ni Jacob hangtod sa kahangtoran; ang iyang gingharian molungtad sa walay kataposan."

34 Miingon si Maria sa anghel, "Unsaon man niini pagkahimo, nga wala pa man akoy bana?"

35 Mitubag ang anghel, "Mokunsad kanimo ang Espiritu Santo ug ang gahom sa Labing Halangdong Dios magpabilin kanimo. Busa ang balaan nga bata nga imong ipanganak pagailhon nga Anak sa Dios.

13 Nakaila ka kanako kay ikaw ang naghimo kanako.

Ikaw ang gaumol kanako didto sa tagoangkan sa akong inahan.

14 Gidayeg ka nako kay katingalahan gayod ang pagkahimo mo kanako.

Katingalahan ang imong mga buhat,

ug nasayod gayod ako niini.

15 Nakita mo ang akong mga bukog sa dihang gihimo ako sa tago

sulod sa tagoangkan sa akong inahan.*

16 Nakita mo na ako sa wala pa ako maporma.

Ang gitagal nga mga adlaw sa akong kinabuhi

nasulat na sa imong libro, bisan wala pa kini magsugod.

5 "Sa wala ko pa ikaw pormaha sa tagoangkan sa imong inahan gipili* ko na ikaw.

Sa wala ka pa matawo, gilain ko na ikaw.

Gipili ka nako nga mahimong propeta sa mga nasod."

9 Apan ikaw ang nagpagawas kanako gikan sa tagoangkan sa akong inahan,

ug gikan sa masuso pa ako gipanalipdan mo na ako.

10 Sukad sa akong pagkahimugso,

gitugyan na ako kanimo ug ikaw lang ang akong Dios.

6 Sukad sa akong pagkatawo misalig ako kanimo

ug gipanalipdan mo ako.*

Dayegon ka nako sa walay kataposan.

15 Apan mitubag ang Ginoo,

"Makalimot ba ang usa ka inahan sa iyang anak nga masuso?

Dili ba niya kaloy-an ang bata nga iyang gipanganak?

Bisan malimot siya, ako dili gayod malimot kaninyo!

9 Pagbuot ko nga hapit na silang matawo.

Ug karon, mopugong ba ako nga sila matawo?

Siyempre tugotan ko gayod sila!

Dili ko gayod pugngan nga matawo sila.

Ako, ang inyong Ginoo, ang nag-ingon niini."

14 Miingon si Jesus kanila, "Pasagdi lang ninyo ang mga bata nga moduol kanako. Ayaw ninyo sila pugngi, kay ang mga sama kanila nasakop sa gingharian sa Langit."

4 Kay ang tawo nga nagpaubos sama niini nga bata, mao ang labaw sa tanan nga sakop sa gingharian sa Langit.

5 "Ug kon kinsa man ang modawat sa sama niini nga bata, nagdawat usab kanako.

16 Ug gikugos niya ang mga bata, gipandong niya ang iyang kamot kanila ug gipanalanginan niya sila."

3 Ang mga anak gasa ug panalangin gikan sa Ginoo.

27 Gipangayo ko kining bataa gikan sa Ginoo ug gihatag niya ang akong gipangayo.

4 Kay gilipay mo ako, Ginoo, pinaagi sa imong katingalahang mga buhat.

Tungod sa imong gipanghimo nag-awit ako sa kalipay.

3 Mitubag si Jesus kaniya, "Sa pagkatinuod, sultihan ka nako nga walay tawo nga maapil sa paghari sa Dios* gawas kon matawo siya pag-usab."*

21 Sama sa babayeng nagbati tungod kay manganak na siya. Apan kon matawo na gani ang bata, malimot na siya sa kasakit tungod sa iyang kalipay nga natawo na ang iyang anak dinhi sa kalibotan.

9 Ang tawo nga nahimong anak sa Dios dili magpadayon sa pagpakasala, kay ang kinaiya sa Dios anaa na kaniya. Ug tungod kay ang Dios mao ang iyang Amahan, dili na siya mahimong magpadayon sa pagpakasala.

9 Awiti ninyo siya ug mga pagdayeg;

isugilon ang tanang katingalahan niyang mga buhat.